犀牛犀牛 (中環街市)

营业中

休息中

今日經過諗住同朋友買兩杯嘢飲解渴， 成間舖頭總共有三個女士，唔知佢哋係staff定係店主！ 不過點都好啦， 其實呢點我唔係好care。 但係我最care就係佢哋嘅服務態度， 可以話係差出全宇宙 （ 真真正正嘅宇宙最 （差）強）！ 其實啲飲品係冇問題 ，但係佢哋嘅服務態度係好有問題！ 同佢講其中一杯飲品少甜，無回應 （ 冇回應我點知你收唔收到呀 ）， 兩杯嘢飲總共幾多錢又唔講出聲， 到兩杯嘢飲ready，都冇人出過一句聲…… 我仲以為我喺度幫襯緊一間專請聾啞人士嘅社企！ 定係我去咗 “A Quiet Place"？ 一有少少聲就會被異形殺死？？講真我一定唔會再比第二次機會呢間店， 如果冇幫襯過呢間店嘅朋友，其實都可以唔需要去貼錢買難受。 呢間店喺中環街市活化後出現，簡直係一個污點！ 衷心希望佢哋可以盡快消失，真係唔想呢件老鼠屎影響到一個咁有特色嘅地方/景點。

喺中環街市入面行吓見到入面都有幾多唔同類型嘅餐廳同小舖😝好想飲珍珠鮮奶🤤🤤🤤今次就選擇左犀牛犀牛 睇吓杯珍珠鮮奶o唔ok先!不過我唔記得叫杯黑糖珍珠鮮奶少甜😫因為有黑糖嘅關係所以都係偏甜如果少甜應該會更啱我口味😝但都好好味 而且啲珍珠唔會太硬或者太軟食落都幾有口感😝另外 仲叫左個泡菜唔好諗住睇落唔係好多…我食左3分2都已經食唔落😆仲以為一定會食得曬添買完之後側邊會有啲位置等你可以係果度食 但係就無得坐嘅如果輕食嘅話 其實都無乜所謂😆

I ordered take away and they promised to make it so I walked all the way to central market to find out that they didn’t take my order and said they could do it right away. I left without ordering. Super disappointed. Horrible service! Never again!

其實之前一直都有幫襯開，雖然員工態度真係差到一個點，珍珠奶茶又唔太好飲，但起碼個蛋餅好食！所以都有間中幫襯嘅但琴日收工再幫襯，個蛋餅層皮真係好似紙咁薄，以為食緊印度薄餅，完全係無質感，薄到就快包唔住啲料⋯⋯感覺大力少少拎都會漏晒啲料出黎！仲要賣成$39，真係好呃錢！同之前幫襯開係完全兩種厚度同質感！其實如果D野食又整得咁差，求求其其，員工態度又西，真係無原因再幫襯！而家飲食業競爭咁大，如果一間鋪頭做到咁，真係好易會被淘汰囉

This was my second time here ordering the same thing and I was VERY DISAPPOINTED. Last time, I ordered the peanut butter omelette (I even wrote a review and gave the taste 5 stars on Openrice) and it was so good with rich peanut butter.This time, I ordered the same thing and I was so confused because the peanut butter taste was so subtle. First I thought they had given me the wrong order, but then there was a sticker saying that this was the correct order. Then I kept thinking whether they had a

店員態度愛理不理，蛋餅味道正常11:30開門，我企喺度等佢開門,11:32同我落單，話外賣app比較多單要等耐啲，最快要11:45先整好。問佢係咪即係做外賣app嘅單先？佢又話唔係，咁即係點？想叫野飲，佢話得芋頭鮮奶整好，其他要等耐啲。所以我淨係叫咗個蛋餅。最後我等到11:53先有，見到之前出咗袋外賣app其實佢不如直接話開12:00，唔好話11:30開門，但又咩都未預備好

第二次食，第一次食純粹係因為想飲珍珠奶茶，誤打誤撞就去幫襯佢，飲落唔差OK，所以先至再次幫襯，到第二次食嘅時候其實都冇人排隊，見佢哋喺度打機同埋傾偈，講咗兩次唔該都冇人應，係佢哋個friend同佢講話有客先應我，然後買嘢一句多謝晒都冇，亦都冇問到要比啲咩payment，全程同個客係冇任何交流，黑口黑面勁唔耐煩，其實飲珍珠奶茶都唔一定要揀呢間，唔係成個佈置都係姜濤就大曬，即使係黃店，係鏡粉，係姜糖都唔會再幫襯，貼錢買難受🫠

犀牛犀牛 - 中環今次去到中環周圍行下，去到中環街市最頂層見到都有幾多不同種類既野食同野飲選擇，並中見到有一間台式店，有唔同既味道蛋餅、手搖選擇，於是決定買返杯手搖飲品飲下。黑珍珠岩鹽厚鮮奶 $38今次選擇左有黑糖珍珠既岩鹽鮮奶，由於黑糖珍珠已經預設左有一定的甜度，所以平時飲開微糖/小糖既要留意一下。黑糖的味道都幾濃郁加上珍珠Q彈的口感都幾好食，至於鮮奶味道不太突出，可以有一啲岩鹽加黑糖掩蓋左吧，但都飲到鮮奶的滑滑的口感，岩鹽有微微的咸味令整個感覺多一個層次，值得一試。

中午約左朋友一齊去大館睇展覽，去之前就梗係去左醫肚先啦。中環街市同大館咁近，係首選的開餐位置🤤。大半年無黎過中環街市，好似環境比之前更舒適，人流適中，空間寬敞唔會太逼。去到食街位置，我地揀左犀牛犀牛🦏呢間台式外賣店醫肚。🍽起司蛋捲餅 ($32) 🧀🫔由於係即叫即整既關係，落單後都要等大概5分鐘左右。但拎到件熱辣辣的捲餅，好開心☺️ 食落味道有d似蔥油餅既好味版，煎到微脆，加埋溶溶地既芝士，味道唔錯。下次可以試下叫其他餡試下😉。伯爵奶茶 ($20)🧋杯的青花瓷設計幾靚，有餐廳的招牌犀牛logo，仲有「見字飲茶」、「勿忘初心」等字眼💛無少糖少冰之類的要求，試佢巴原味。我覺得個伯爵茶底似係由Twinings 茶包沖出黎🤫 味道一般，不過好大杯，飲完一杯都好飽。

就算係💛店都搞唔掂，係中環間唔中見人有買就諗住試，見本身都唔少負評都抱住試試既心態比次機會佢，點知⋯⋯1. 員工態度極有問題尤其有位女staff, 無禮貌都算叫左杯野飲，等既人都係2-3個，但佢出左杯野係唔會同你講，我同佢有幾次眼神接觸都無理我。 最後我等左5分鐘，行埋去睇，先知杯野一早整好，但佢完全無視，又唔叫number。 呢個我都算2. 杯白桃烏龍有唔少人話正，但我真係唔識欣賞，叫左少甜都好甜，隻味勁假😰😰😰完全無茶味，飲左兩啖頂唔順掉左😵‍💫拜托有心做既就由員工入手先。

今日去到中環街市，有少少肚餓，但係又唔想食咁飽，次次嚟到，小食都食鹽酥雞有啲悶，所以今次見到嗰間犀牛犀牛，食咗個台式卷餅。個人喜愛，揀咗個最簡單嘅肉鬆炒蛋做餡料，卷餅揀咗做蛋卷，個卷餅係即刻整，今日有啲心機，食落去肉鬆唔會太多，啱啱好，所以冇乜黐牙，黐住喉嚨嘅感覺。雞蛋就係正常發揮，感覺上個卷餅餡料同味道個平衡做得幾好。份量啱啱好，做下午茶或者係小食一流嘅。但係本身佢入邊應該係有青瓜，因為唔鍾意既關係所以走咗。如果鍾意台式卷餅嘅朋友，唔好錯過。價錢就有少少貴，不過整體嚟講係合格嘅。

This takeaway only shop offers a delicious selection of omelettes. I went on a weekday night at 645, so the wait was around 5 minutes only.I tried the peanut butter, bacon, cheese and egg omelette. If you haven’t tried peanut butter with savory food, you must try, because it makes an excellent combination! Unfortunately I wasn’t able to eat it while hot, but it was still good when warm. It serves as a good light meal, as it can be quite filling due to the cheese and peanut butter.

上次來飲🍑白桃烏龍個陣就覺得好正，想再飲過😂今次咁o岩來開中環街市睇展覽，順便買一杯😏🍑白桃烏龍 ($32)上次飲完覺得好特別，係因為杯茶居然加左果肉，仲要係好多，完全估唔到，一試難忘🤣今次叫左少冰半甜，唔知係咪咁，所以果肉少左，有D失望😢茶味重左，果肉甜甜地好好食~不過唔多夠果肉😢下次會叫返正常甜度再試下~雖然好多人排隊買野食野飲，但因為我只係叫左野飲，所以行左個圈返來已經有得攞了👍同埋佢個杯真係幾特別😚

之前每星期食最少兩日，因為塊捲餅皮好脆又乾身，厚度足夠，食落去外脆內軟好好食，但最近轉左捲餅皮配方，又淋又濕又薄，好難食，如果因為成本問題而將質素降低，我覺得非常之差，寧願佢加價，佢咁樣直接破壞左佢既品質，永遠都唔會再幫襯，希望佢地做返好d, 可以改善品質，老實講中環區一定係品質行先，為左賺到盡去亂改配方真係唔可取，難得一間好好嘅餐廳，就咁樣比佢地破壞左，如果係特許經營但係應該考慮要收返佢個牌，咁樣完全係做壞咗個招牌

繼續中環街市系列這家同是位於2樓的茶飲小店 犀牛犀牛各款台式茶飲出色之餘食物也很不錯❤️韓式泡菜芝士豬吐司餡料有蛋、豬肉片、泡菜等等醬汁很惹味份量也很足夠不過我外帶回家吃需時20分鐘路程吐司有點軟掉了但整體也不錯❤️芋泥生菜沙律沙律菜很新鮮芋泥份量充足甜甜的很好味❤️白桃烏龍最愛的茶飲之一無糖少冰茶味濃郁❤️炸蕃薯角新鮮炸起應更好吃跟吐司一樣帶回家已經有點軟掉❤️招牌肉蛋蛋餅這次是帶回公司吃5分鐘路程所以仍是熱辣辣蛋餅煙韌香口夾上蛋及肉片很好吃❤️鮪魚生菜沙律鮪魚本身已有調味沙律不用加醬汁都很夠味個人更愛這個口味❤️熟成百香除了果茶外熟成系列都常飲無糖少冰剛剛好不過這家店的職員手腳有點慢中午買茶飲人超級多等上25至30分鐘以上是閑事但晚上沒什麼人下單後都需要30分鐘所以建議大家用手機先下單預時間去取就比較好啦