犀牛犀牛 (巧明工業大廈)

营业中

休息中

。芋泥肉鬆蛋吐司吐司烘到微脆，時間啱啱好！麵包軟熟，餡料份量都ok～👍 但芋泥唔係想像中咁「泥」，質地反而似芋頭漿🤣味道微甜，不過略略俾肉鬆搶咗fo，食落嘅存在感不大，如果加啲芋頭粒/稠啲會好啲。炸雞塊呢個就真係普通啲……粉漿偏厚，咬落有啲淋，係因為套餐包咗小食先會嗌整體感覺：性價比唔算高，但如果鍾意芋泥肉鬆組合，偶爾食吓都ok

今日係熊貓既犀牛犀牛觀塘店叫左個套餐，主食+沙律+炸物+野飲，總共$177（淨計餐點，未計平台費及送遞）平時係$100左右（視乎叫咩主食同野飲），我冇留意就俾左錢到彈信用卡訊息先見到，但已經取消唔返（係我錯🙌🏻）。問熊貓話店自己定價，佢地跟足就冇得退，叫我問下間店；打去間店，開頭話係我用左優惠既問題(乜優惠用完貴過原價?)之後店員計返現場買都係$93就話問清楚再覆；到wtsapp覆就開始鬼打牆話退錢要搵熊貓，問佢係唔係會承認多收既錢，又話佢決定唔到。依間店我由將軍澳店食到觀塘店，現場同外賣平台都買過無數次，我知d食物大概係幾多錢。所以我先諗會唔會係㩒入套餐揀$91既主食，打錯左做加個個價錢，變左$86+91=177 一個餐；定因為佢地係熊貓做緊夠$200減$75，所以真係set到個原價咁高先做優惠，總之我講左好多次一係退錢，一係答我係唔係依家外賣會貴接近一倍，係就得，我係熊貓同openrice打返清楚個原價同外賣價，費事有人同我一樣咁白癡食開冇睇新價錢，但間店就唔肯正面答我。係fb再問，個客服問返我點解平時買開$94會覺得外賣唔係$177？🤯乜野點解我覺得？我咪就係現場/外賣都冇買過咁

之前食開早餐個姐姐好好人，到前排有一期無開，以為佢執笠，而家發現應該轉左手。上星期見到佢開返即刻買左個早餐食，等得耐都算，出餐個男仔超無禮貌，我嗌個蛋堡set，紅茶經歷過上次比糖我之後我都remake返唔要糖，到我拎既時候都係有糖，同佢講仲要勁唔忿氣樣，我話算，唔洗再沖我拎走算。前前後後我等左四個字，我覺得差咗好多。

唔好飲嘅台式手搖大把，但做到咁難飲你真係第一間。叫咗一杯熱芋頭條芋圓鮮奶，盛惠44蚊。杯嘢上手已經心知不妙，上面暖下面係凍嘅。無錯，係凍。你啲料雪住就咁車落去都算，個奶呢，都係微暖，同熱真係差十條街。仲要杯嘢極甜，甜嘅程度好似啲糖唔洗錢咁，成杯嘢芋頭味芋圓味奶味乜都無，得個死甜。好明顯員工叮暖個奶就直接加啲凍嘅料。其實好普通嘅嘢飲，人哋舖係會將芋泥同奶一齊打熱再加料。成個過程得我等嘢飲，唔好賴忙所以失準。咁基礎嘅嘢食都沖到屎咁，你真係檢討下啦，仲好意思收44蚊。呢個價錢其他舖頭分分仲平，仲好飲好多好多。P.S. 飲咗三啖就掉咗，平時唔好飲都會夾硬飲埋，但呢杯屎水真係吞唔落

外賣自取三個捲餅一杯珍珠奶茶，自取後10分鐘內外賣袋已徹底被食物汁液滲透至滴汁，弄污了身上衣物，如果再拎多一陣應該袋都穿。而且漏了汁液也影響了捲餅味道，賣相都好差，一拎出袋就滴汁，見到都冇胃口。珍珠奶茶的珍珠明顯未熟，第一次食到口感如此硬的珍珠，明明是主打捲餅及茶飲的外賣店，卻連外賣都求其做，現時餐飲業競爭下相信唔使幾耐就淘汰。睇返之前原來已有相關食評投訴外賣包裝問題，可見店舖根本無意改善，唔會再幫襯，亦會提醒觀塘區的鄰居同事唔好中伏。

為了讓犀牛的老闆看得懂, 我決定打國語。 (我香港人, 只是之前工作/旅遊常去台灣, 所以國語是還可以昨天晚上做完fitness以後, 經過巧明街見到這家, 餐牌還滿吸引的, 讓我聯想到在台灣路邊的早餐店 (當然犀牛門店的裝潢有高級許多所以就說, 今天早餐要不要點個試試看, 有類似之前麥xx的芋泥肉鬆蛋堡我就很想試可是怎麼看完再看都沒有咖啡??套餐只有紅茶, 烏龍跟奶茶可以選本來又在猶豫要不要點想想剛好最近中醫師有說我腸胃偏濕寒可以多喝紅茶暖胃, 為了那個像熱香餅口感的包, 那就喝熟成紅茶好了但我還是很刻意的問店員 (PS: 店員小姐超級nice, 到店之後讓我稍等一下, 還有問我本身紅茶沒糖的要不要加我就問她, 是不是真的沒有咖啡她就說在觀塘開店一年, 一直都有跟公司反映說在香港上班之前一杯咖啡是很重要的一個事情然後終於應該下周會有, 讓我再來看看我聽她的語氣是說好像被質疑是不是真有那麼多人需要一杯咖啡然後我大概也懂犀牛的定位, 是茶可是, 一家在工商區的早餐店, 怎麼可能連最基本的咖啡都沒有? 最起碼你讓我可以選擇Latte, 或者最沒有品味的美式吧? 我不用好像Starfcuk那

之前開party試過經openrice訂野食，體驗尚可，但今次體驗真係極差首先去到鋪頭，無其他顧客，店員要求我QR code落單。我自己用電話落單時，個網又request我電話number 😅😅。其後有另一顧客入黎，同被要求以QR Code自己落單，顧客搞左陣話自己唔係會員，要求店員幫佢，結果店員唔肯，最後個客走左😅 拎餐後，災難先開始，係鋪頭已經一野爛左個手挽位，我唯有托底拎。😅 出面仲要落雨😅😅 行左幾分鐘個底都開始濕透、爛，係捲餅出水⋯ 路途20分鐘，返到屋企，個捲餅勁出水，睇到都唔開胃😅 裡面嘅炸雞淋哂😅 其餘嘅多士、飲品不過不失 全單$117，性價比不高，服務態度不佳，易爛紙袋用足咁耐，加上差啲無野食🤪 不再光顧

呢間叫過好多次，熱熟成奶茶，奶味濃，一試難忘。最推薦25%微甜，甜度岩岩好！其他推介：卷餅 - 花生醬培根起司蛋卷餅蛋餅 - 鮪魚吃玉米蛋餅吐司 - 芋泥肉鬆蛋吐司試過叫外賣平台，哥次超快速送到，蛋餅個皮仲有少少脆，癲！平時外賣自取多數焗住個皮都會腍，但係問題不大，因為蛋餅唔係為左食脆皮～餡料超足，通常食半個已經飽。btw佢個外賣紙袋確實唔太好攞，同埋飲品係冇袋的。所以每次都係自備袋過去攞，就唔怕會爛袋LOL早餐好抵食，星期一至五，8:30am - 11am推推👍🏼👍🏼👍🏼👍🏼👍🏼

行經觀塘見到門面都幾靚，係一間台灣捲餅、吐司店。買左一個韓式牛五花捲餅，等待時間大概5-10分鐘左右，落單即整食物👍食物用左個紙袋袋整，一拎起手個袋就爛啦，店員冇提及紙袋要摺起拎，所以成個袋跌落去地下😣希望下次店員可以留意返，講返俾顧客知道

起司牛奶薯泥吐司 ($34) ●●◐○○以前啲同事幾鍾意食🦏，我嘅經驗就普普啦 之後決定俾多次機會佢 點知都係中伏☹️✅麵包係烘得幾香🍞邊皮微脆，包身鬆軟❌但係呢個食材組合除咗用「一pat嘢」嚟形容，我諗唔到仲可以點講😓加上欠缺調味，成個包食到我滿頭問號🫂可能你會話我揀得就預咗⋯⋯質感方面都算，不過味道真係只食到薯仔味 齋啪一個當lunch唔夠食 嗰日仲要等咗好耐✍🏻 加埋幫襯過三次，上次食有煙肉嘅吐司會好少少，味道豐富啲，不過講真冇特別 當係一般breakfast chain吧📍犀牛犀牛💰: ●●●◐○

外賣自取, 包裝的紙袋有手挽, 一拎就爛..........鮪魚玉米蛋餅,內有沙律醬鮪魚碎(有黑椒粒)  得嗰辣字,無文無味.............蛋餅皮軟林林, 一D都唔香脆.......胡麻醬太少,而且稀流流,好似水咁.............韓式醬燒五牛花蛋餅菜多個肉, 肉得兩片(細片) 餅底似蒸熱, 好難食，不值得推薦。鎮店雞柳條 價錢貴$28,得兩條, 唔抵食。

韓式醬燒牛五花卷餅實在太好食了😍牛五花嘅份量特別多 唔會好肥 韓式醬汁好好食 少少辣 卷得好靚好實!食完基本上都飽咗😂花生醬棉花糖厚切多士亦都不錯 棉花糖燒過可以拉絲 花生醬鹹鹹地所以食落去唔會話好甜 好味道!

好少有地屋企無早餐食要自己買，平時經過都想試犀牛犀牛，但又正常午晚餐都唔會買外賣，今日機會終於黎！叫左早餐set，肉鬆蛋捲餅連凍熟成奶茶 $41。餅係類似蔥油餅咁，內有雞蛋肉鬆，仲有青瓜絲！無人排隊之下，落單到取餐大約2分鐘，好快！捲餅唔係超級熱辣辣，但都係熱的，入面既蛋硬左少少但都還好，青瓜絲都多減低左少少食肥仔早餐既罪惡感，整體不錯同算大份，唔慣食咁heavy早餐表示好飽。不過杯奶茶可能一早整好，冰應該溶咗有啲淡，奶茶味不突出，之前下午茶買即整好味好多，但個size係正常好大杯，早餐跟餐都唔會比細你。

犀牛犀牛 (巧明工業大廈) (觀塘)觀塘巧明街99號巧明工業大廈地下1號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿最近黎返觀塘附近返工，發現有間好味道既台式茶飲、捲餅、吐司專賣店😋真係一明物上一次午餐已經買咗個肉鬆蛋卷黎試。鍾意食肉鬆嘅朋友呢個係非常之好味。今次我發現有早餐嘅時候，仲要係經濟又實惠平民嘅價錢。咁就係Openrice叫早餐外賣自取啦⋯⋯呢間吐司係「精緻糖心蛋吐司」食既時候要小心。啲蛋汁會流出黎😂培根蛋吐司 $34Free +熟成奶茶（個奶茶好好飲）咁樣都係$34⋯⋯觀塘附近算平既早餐😋如果鍾意食薯餅嘅朋友加$8就可以有1 個薯餅。P.S. 不過如果要等外賣嘅話，最好就喺門口等因為裏面都比較大油煙😅

自從俾人導我飲左次鳳梨綠荼之後，我就愛上左犀牛犀牛，每次叫廢水既時候都覺得佢啲三文治同蛋餅好似好吸引，適逢公司附近竟然開左，係機會啦😍🔸肉鬆蛋三文治+ 生菜個三文治都幾足料，肉鬆份量都超多鹹中帶少少甜，隻蛋仲有少少蛋汁又煎得香口，加左生菜多份清爽，口感食落更加豐富！吐司應該係用左湯種麵包，口感比較鬆軟綿密，就算烘過都唔會硬柴柴咁不過提提大家，佢哋啲吐司蛋餅係即叫即整，要預返時間等呀