狀元樓 (已結業)

嚟狀元樓，就系為左鹹水包、叉燒包同埋牛肉腸粉啦食過好多地方嘅牛肉腸粉，狀元樓嘅真系新鮮而且仲落足料 絕對嘅良心賣家鹹水角同叉燒包同樣甘好味道 總之四個字嚟形容啦‘富到流油’！食過一次就知道流連忘返系咩滋味！會有下次！

究竟香港人不懂吃，抑或這裏的食評都是「鱔稿」？           這店出品無論賣相、味道都係普通中的普通，無甚驚喜，完全是茶餐廳貨色，許多市政大廈的熟食檔都要比他強，更惶論蓮香、新斗記、潮江春、東寶、裕記、廟街的煲仔飯/海鮮檔等等等等老字號或知名食肆。           尤其是咕嚕肉，看看照片已經不想碰，這裏的食評還讚不絕口，天上有，地下無，啊！天啊！敢讚的寅兄寅姐，試過灣仔榮記小廚試過沒有？           價錢？！只能話反差很大，「高的價錢，低的質素」，完全是坑內地同胞、遊客的價錢，物非所值！           服務？！甭提了，提的話就會「體無完膚」。             再來？！別問好了！

食過好多次蒸汽鍋，最鍾意吃螺加wasabi，沒乜油，又好新鮮，適合正在減肥中的我，海鮮的汁煲粥最後的腸粉加上甜醬真系好好好味，值得推薦 多謝大哥請食飯，大哥真係好關照我哋

公司慶祝11月生意不错，產品大賣，所以决定奖励我哋，公司請吃飯，是日13人，我同幾位同事先到，位置唔錯，係地鐵上蓋，招牌亦明顯，都有幾多食品選擇，中午點了燒賣皇、蝦餃、蘿蔔糕、潮州凍蟹、蝦子柚皮、麻醬冰菜、咕嚕肉、金磚豆腐，上菜好快，同事未嚟齊，菜已經差唔多上齊曬，正！聽講蝦餃皇是這個餐廳的特色，好鮮甜又弹牙。咕噜肉的粉漿包着大大件豬肉，且豬肉切得好大件，所以吃時覺得啖啖肉。一咬開，豬肉泛着粉紅色，顏色的確美麗，足以取悅我心，茄汁味岩岩好，菠蘿及甜椒增添了不少色彩，新鮮菠蘿的酸甜可增進食慾，又可帶來清新味道，而甜椒的甜味與酸甜汁匹配砂窩雞煲翅，煲翅好大窩, 每人平均都飲到兩碗, 排翅真係好多呀，好足料，個翅好彈牙，真是滋味無窮！每個都食得好飽，下次可以同屋企人再嚟過。潮州凍蟹都幾鮮甜，啖啖肉

最近聽朋友提起在國際廣場新開的狀元樓的出品不錯就搵左幾個人一齊去試試，店鋪就喺尖沙咀MTR的H/R出口，唔開車都超方便。午飯時間我哋點了個老火湯、幾個小菜同埋一啲飲茶點心。朋友果然冇介紹錯，食物味道適合我，不覺太鹹或太油膩，餐廳環境舒服，地方感覺比較闊落。中午食飯時間比較短，但呢到嘅出菜速度都幾快，不失為上班一族的好去處。

同朋友行街經過，見到狀元樓個名好特別，所以就同朋友入去試試，入到去發現環境非常闊落，天花板好有特色，座位非常寬敞。點心有好多款式，而且仲有啲特色點心。有一個叫三文魚撻我就第一次食，应该烟熏过，撻皮好蘇脆，三文魚好新鮮。原隻鮮蝦腸粉就經常食但食極唔討厭，蝦爽口彈牙，好正。我個人比較鐘意食香口嘢，所以點左個春卷，春卷裡有木耳和萝卜，點上甜酸醬，酥脆可口。炸皮好香脆。出品可以，值得下次來品嘗，下次想試試呢度的潮州菜，好想吃蠔仔烙

金鐘返工，附近食到悶，揾埋幾個同事去尖沙咀飲茶，㨂咗地鐵上蓋的國際廣場，夠方便，又唔使同人逼，試咗呢間新店；呢間店裝修都幾特別，唔似一般中式酒樓點心真係好食，試咗蝦餃，粉果，鹹水角，蝦腸，同埋店舖推介嘅三文魚撻同雪山叉燒餐包，三文魚撻唔係間間有，值得一試，仲有養顏紅棗糕😊，真材實料，有個海鮮稻庭麵，湯底靚，唔油膩，最啱幾個人share, 佢地仲有午市孖寶，不過今次好飽所以未試，飲茶又多一個好去處😋😋

約了一班朋友出嚟食飯，想試新店，選了這間在國際廣場新開的潮粵菜酒家，裝修特別，與一般中式酒樓唔同﹔餐廳職員親切，見我們一行10人，建議了幾道招牌菜，我地揀咗幾款小食，我鐘意滷水豬耳，話明潮州菜，一定試下滷水鵝片，另外叫了龍躉球、咕嚕肉，特別試了推介的避風塘瀨尿蝦，個龍躉球同咕嚕肉最好味，原來咕嚕肉係佢地鎮店招牌菜，其他餸菜有水準，個個都食到好飽，價錢一啲都唔貴，值得一試。

食材 - 不夠新鮮出品 -只有賣相, 略嫌油膩, 毫無驚喜.價錢 - 並非物有所值服務 - 服務一般, 粵語不純, 溝通費力環境 - 新開張, 環境尚可.見新開張, 不妨試試. 進場, 環境算是窗明几淨, 裝潢新, 也好.坐下, 部長過來招呼, 唉...你說普通話, 就普通話吧, 半鹹不淡的粵語, 我心裏的期望也打了折扣, 再加上只顧推銷高價菜, 毫無認真交流, 開始無心情了.點了餐, 部長似乎不大滿意, 沒有尾音行開去落單; 見廳面, 侍應們只在上菜, 收拾枱面, 更甚者只顧自家閒聊, 無人主動招呼客人, 唉...今時今日咁嘅服務態度...上菜了, 不知是我太挑剔, 抑或根本...總之, 其他不講了, 大家生財有道, 這裏, 一次便夠了!

週末放假順便到附近的商場逛下，剛好遇到一間粵菜的餐廳，好餓好餓，便和朋友入去，吃粵菜當然少不了點心，所以我地點了虎皮尖椒、鹵水豬耳、金磚豆腐、煎蠔餅、避風塘瀨尿蝦、上湯菜苗。經理說招牌咕嚕肉也出品很不錯，經理沒介紹錯，真的非常好吃，味道適中。煎蠔餅係唔至愛，每次大排檔必點，但呢度的出品比大排檔的更有水準，好香，我好鍾意吃香口野。 避風塘瀨尿蝦也好食，如果有一碗麵吃更好，很適合香港人的口味肉質很好，值得推薦