狸屋台屋

营业中

休息中

今次一心諗住試新野,以為幾地道!點知就....食物麻麻,服務麻麻,食完我都無叫賣單就擺張單埋黎!仲要計少左茶錢又話要加返上去,自己搵筆改返就算!又唔係平喎!每人都食左二百!一定唔會再去!

豬軟骨麵豉湯麵$39 ~ 都幾咸,豬軟骨要浸浸湯先,否則凍冰冰好難食.麵質不夠蛋味.PS: 服務真的幾差,我們四人食完即掟單過來要我們埋單(趕我們走呀>><<)

我冇幫襯佢, 因為未幫襯已經一肚氣!我book 左位, 亦預早到達. 由於昨晚係一個特別日子, 所以我地先book 位, 指定要坐tatami 枱.我去到見到兩張tatami 枱都係啱啱坐低, 好明顯就係冇留到枱啦!冇留唔緊要, 可唔可以簡單D講句唔好意思呢? 個侍應仲狡辯話我有book, 人地都有book 喎. 又話佢唔知幾時d人來, 幾時走, 佢唔知d人叫幾多野食... 仲話再爭論都無意思, 究其搵張枱俾我坐低喎!於是我先火滖, 我問佢咁即係你地安排得唔好啦, 冇, 點解唔打俾我? 根本就係亂up24... 大姐, 呢度唔係大陸呀, 係太古城呀... 講叫唔好意思, 對自己安排得唔好道句歉唔洗死0既!仲有, 唔識預時間就唔好學人接受訂位啦!

訂二十人枱, 但結果迫在一張四人枱及一張六一枱. 有一張八人枱走咗, 要求換枱, 但店員不准, 說已有人等緊, 但結果只有六位. 六位坐八人枱, 我們七人就迫在四人枱. 食物十分緩慢, 叫了刺身併盆, 但等了45分鐘先來. 來到更是萬分失望. $168之刺身併盆manual貼著超值, 相片也不錯. 雖然說相片只供參考, 但黎到是完全兩會事, 數量跟圖中小了一半, 而且刺身仲好似未溶完雪.食品非常一半, 跟本同茶餐廳整既日本餐無分別. 所謂自制的蜜桃茶, 仲差過免費茶. 真係劣劣劣劣劣!

wow, salmon rice + steam egg +sweeties, looks quite cheap in this area, however...as i predict, salmon 少得可憐...FYI.晚上charge$5 茶錢i will prefer the 屋台屋at 側魚涌基利路太吉樓地下2號, same menu, but more nice service.

我同男朋友經常去太古城，通常去太古城中心食飯，諗住今晚試下d新野，見到食評唔錯，於是來到，但惡夢開始la>________<一入去已經有d味=(坐低5 mins,我都未開始食野隻腳已經俾蚊叮左6下，好痕好辛苦。我們一人叫左一個set,我既有兩件海膽壽司同一碗茶漬飯，仲有一杯細細杯既提子氣水，講真$78唔係好抵，當d海膽壽司貴law~最可惡係我已經食晒成個set,我男朋友個set都未黎，佢\\\要左牛肉火煱定食，生ga wor?!咁都要製作需時?!我們仲要好早食飯，成間餐\\\廳得三台，可能佢\\\幫d牛肉雕花la~我們聽到隔離3個女仔叫左兩個set share,d店員話佢\\\地叫得太少law~牛肉火煱終於來到，味到ok!不過真係等得太耐law~埋單無la la見到多左$10,佢\\\話係茶錢!我都未試過在日本餐\\\廳食飯要收茶錢，我都未飲過一杯茶，已經冇咩service又茶錢又加一，又啤蚊叮，以後都唔會再來!!!!!!

又是星期天﹐又是太古城。這天到了這間日本料理。不是因為在附近的話﹐根本沒有什麼機會會留意到有這間日本料理。每個星期天經過也有很多人-- 裡面吃已滿座﹐出面還要有人在排隊。今天過了一眾的午飯時間到達﹐所以一入去就有位。他們有多種套餐﹐由最平$45 - $95 不等﹐每個套餐都是有一碟東東+ 一個飯或麵+ 前菜+ 咖啡或茶+ 甜品。叫了一個$65的套餐(另加$8轉了素菜麵)。一坐下就會給你前菜﹐是綠色的海藻類東東﹔點了餐後﹐餐飲叫了凍蜜桃茶(走冰﹑不要加錢﹐還可以轉點熱鹹檸水)﹐另外有綠茶。接著有"一碟碟" -- 有好幾款選擇的﹐我叫了魚生+ 壽司-- 魚生夠厚﹐壽司還可以(我一向不好三文魚)。接著雜菜魚湯素麵來了(exact名字忘了﹐很蹺口的)﹐魚湯味剛好﹐麵略嫌太稔﹐雜菜﹑麵份量也很足(一個人吃不完)。還另外叫了炸雞軟骨(跟套餐叫另加$30) -- 好好好好好味﹐不過好好好好好好好熱氣(後來我把一些浸湯後才吃﹐來個自我催眠﹐以為這樣吃就不會熱氣)。甜品是雪米糍一小件﹐的的式式﹐芋頭味﹐沒吃完(加$5可以轉黑芝麻雪糕)。服務不要expect很欣勤﹐個個也忙﹐但一定會跟單。最開心是吃的食物

今日同朋友黎左呢度食野，整體上我覺得環境、食物水準同埋服務都不錯，而我的朋友更加對每一道菜都讚口不絕，絕對食得過。我地吃左一個二百幾蚊的set、一份海膽刺身同埋兩杯酒精飲品，計埋加一都要差不多五百蚊，但係好多野食，同埋都算物有所值！首先黎個沙律，都算新鮮，但無乜特別六色壽司（六粒）係中規中矩好好食既野黎喇，係燒雪魚，勁滑，同沙律醬勁夾！天婦羅（我只食了蝦，其他比朋友吃晒）好好味，蝦係好新鮮，剛剛炸起海膽炒飯好好味，但係有d鹹另外加既紅豆雪糕都好味！啊，岩岩醒起我地個餐係跟野飲，但係我地叫左飲品之後，個野飲無黎到囉……海膽刺身都係好好味！正！不知第二次黎食會不會有同樣感動的味道，但絕對想再黎食多次！

d 野好唔好食已經唔重要最重要o既係1. 多人等位時唔派籌, 客人容易一肚氣2. 多客時落左單都好, 唔催佢都唔會黎一樣野.. 飲品係咁, 食物係咁...3. 送野黎食要催, 但見你食完就9 秒9 收哂你d 野4. 環境太迫狹咁d 野食其實都ok o既, 要去都要等唔係lunch hour 去...

好有同感,我都唔明點解咁多人話好食?我食過一次之後都唔會返轉頭,食物真係好一般,環境又唔舒服.無下次!!!

我都唔明點解咁多人話呢間好食?平唔代表好食!!!呢間係我食過咁多間日本料理最差既一間:1. 座位又逼又窄2. 侍應成日扮聽唔到。其中有一位仲係鄉音未改,叫佢"針"茶,佢反問我乜嘢?3. 魚生唔新鮮,一食就知擺咗好耐.4. 什錦天婦羅唔熱﹐又只得四塊,仲夠膽話係什錦.5. 燒黑豬肉又咸又老.5. 感覺好似去咗茶餐廳.6. 成日唔"針"茶,仲要收每人$5茶芥.由頭到尾只針咗一次茶,仲要我叫咗好耐先針.啲茶又唔熱又無味,淡如白開水.7. 食食吓仲見到一隻烏蠅飛來飛去,環境一啲都唔乾淨.是次兩個人食咗$280,價錢唔係平唔係貴,但質素真係好差.感覺又唔舒服,雖然住得近,但以後都唔會再幫襯.

飯底好,米靚. 用料新鮮另外個味噲湯夠諄夠味.拉面口感一流.不過湯底同配料的水準就一時一樣.又- 昨晚的生蠔好正.

很難得一行人齊哇哇去吃飯, 故以去到都七嘴8舌...連點什麼菜都討論一大餐.地方較偏啦. 但勝在靜. 吃了8個餐加燒物, 壽司, 有蕃茄海鮮拉麵, 豬骨湯拉麵豬軟骨拉麵野菜烏冬什錦魚生海膽飯燒靖魚燒雞軟骨燒雞翼加州卷燒牛肉飯甜蝦..................可能我們都點了套餐以外的東西, 所以每人價錢都要150以上在每人份量裡偷吃一些, 我發現豬軟骨拉麵跟加州卷是我的至愛, 而野菜烏冬就...很不喜歡, 野菜應是炒過後放入湯,那些油煙全跑去那烏冬.真的很難吃

參考完食評去試下, 在此再次要提及中原地圖, 萬分感謝大家提點.星期五8時去到, 有位(冇難度), 同'多寶獎'點選的2人套餐大致相同, 在此加內入個人食評.1.兩杯蜜桃茶, 唔算太甜, 不過唔係好夠涷2.蟹子沙津, 都幾多份量, gd3.牛柳陶板燒, 好薄, 份量較少,燒到好熱上, 汁甜甜地, ok4.6 pcs assorted sushi , 魚ok新鮮, 飯明顯沒甚醋香5.炸天婦羅(兩件炸蝦,兩件炸南瓜), 炸到好熱上, 口感ok, 但不算大件, 南瓜太硬.6.豬骨湯拉麵, 湯底較清,麵算爽口, 但叉燒中間夾肥膏, 口感不算精彩7.最後兩粒雪米做甜品, lychee or black sesame.service 殷勤, 但食物水準好一般, 我只會試一次.

近排有d唔開心既野發生, 於是約朋友出來食飯傾下計順便亦補祝番佢既生日。近近地唔想走咁遠, 見附近呢間狸屋台屋咁多好評, 一於來試試。講真, 地點真係有d難搵…如果唔係多得中原地圖, 我估我都未必即刻搵到。兩個人叫左個二人套餐, 原本仲打算唔夠再加野食。點知個二人套餐真係勁多野, 同埋都好好食。個套餐有:1.兩杯蜜桃茶, 唔算太甜, ok2.一個沙津, 都幾多份量, 同埋用左日式既沙津漿, 幾好味3.一個燒牛肉……份量好多,我地兩個好辛苦先食得哂……牛肉燒得幾入味4.三文魚卷壽司四大件, 三文魚ok新鮮5.炸天婦羅(兩件炸蝦,兩件炸南瓜), 個炸蝦真係好好食!!又幾大隻~~^^6.豬骨湯拉麵,個湯底唔錯,麵亦唔係發哂水果d,有咬口…7.最後仲有兩粒雪米糍做甜品…重點係間舖唔算好多人,清清靜靜好適合同朋友坐底慢慢傾計。加上野食又about average, 價錢又平, 有機會一定會再去。