貓の茶舍

营业中

休息中

伏到癲 叫左杯38蚊嘅野 梔子咩雪頂 半杯冰啲冰多到枝飲管 插唔到落杯底 一搖杯野啲冰多到響晒即刻返轉頭問佢 佢堅持話正常 完全唔明點解正常 唔理解點解加左cream就一定要咁多冰最恐怖係 飲到落底發現杯底有個膠樽蓋 你無睇錯 係啲冰中間 夾雜左個膠蓋痴撚線 勁嘔心 久遠唔會再飲 試過最伏嘅廢水 貢茶都好過佢味道好普通 無茶味 勁淡 好似得啲奶味咁結果38蚊 買左杯冰水 加舊垃圾 離晒譜 講真 去711買枝茶都無咁嬲 你多冰都算仲要比舊垃圾我 神經痛

此店舖大伏，職員態度極差一出地鐵站見到有間外表睇落唔錯嘅飲品店買咗一杯野飲就企係側邊等叫號，等咗一陣店員就叫咗同一號碼兩次但都唔係我地嘅號碼，所以我地繼續等當時店員就一直望住我地，所以我地就過去睇下有咩事店員隨即以好差嘅態度表示已經叫咗你兩次，咁都聽唔到我好確定唔係叫我個號碼同枱上嘅飲品都唔係我叫的之後比張單佢睇店員就話:呀，沖錯一句唔好意思或對唔住都冇明顯啱啱就唔係叫緊我一間態度咁差又唔好飲嘅飲品店點解可以仲未執🙂‍↕️

叫咗杯牛油果乳酪，但我懷疑牛油果得一細羹，乳酪得一細羹，杯嘢全部係打碎咗嘅冰，無味。以前飲過係好飲㗎，但依家偷工減料，唔會再返轉頭了。出餐仲要好慢…… 啲職員企係到又唔落單

本身覺得呢間嘢定價偏貴但係見係小店就支持叫左一桶水果茶1000ml本身收銀個女仔話冇得700ml，轉頭佢問下另一個店員又話有跟住收左錢，叫我等等比單我，等左陣都未比單，再問佢先話有再等左5-10分鐘都未有嗌號見到入面原來做緊其他外賣單隔左陣店員同我講冇1000ml因為冇哂蓋可唔可以轉700ml退返差價勁嬲😑等左咁耐先同我講冇店入面至少有3個店員個個都掛住玩咁一點點歉意都冇 亦好唔識做生意同埋點會有杯冇蓋咁奇怪最後我決定退錢唔飲唔想比呢種無心做生意嘅人賺

匯景商場又有間茶飲店啦，勁鐘意飲既我一定會走去試試。呢間Meow Tea 茶飲店🐱，水果🫐🍓全部都係用新鮮既，真材實料。買左幾杯🧋同屋企人一齊分享。麻薯珍珠奶茶近排我對麻薯呢樣野都好酷愛，夠哂Q彈有口感，配埋落香滑既奶茶都非常夾，加埋煙煙韌韌既珍珠，非常豐富。苦瓜香檸🍋茶下火之選，起初以為係苦既口味，但飲落淨係甘甘地無苦味，有驚喜，配香檸好香好清新，仲超大桶添。牛油果🥑乳酪打得好滑好creamy，用既係低脂希臘乳酪，優質食材，呢杯算得試係我至愛。

和朋友行街去到“九龍東小葵廣”的匯景商場🤭，發現多左好多食肆及年輕小店🤩~⁡Meow Tea以白色日系為主，以貓貓做招牌，可愛呢🥰!⁡飲料選擇多多，由最傳統的珍珠奶茶🧋到新興的爆打香檬茶都有🍋，而且價錢公道唔太貴👍🏻~⁡🫒香提香檸茶🍋⁡香提及香檸經過店員爆打後💥，清甜香提和微酸香檸突出，清新消暑😋!!⁡🧃超級水果茶⁡1000ml裝重量級都只係$38😲，抵飲!!⁡超足料!👍🏻⁡有橙、西柚、西瓜等不同水果🤩，配上清純茶底，味道酸甜又清爽😍~⁡🥤芋泥波波鮮椰⁡芋頭控不能錯過!!❤⁡芋泥綿密香滑，配上清香濃郁的椰奶，好夾呢😍⁡🍡透明寒天波波Q彈有口感!!⁡⁡鍾意Meow Tea飲料少糖係真少甜👍🏻，更能突顯原材料的味道~⁡

經過呢間以貓咪為名既可愛手搖～見到價錢合理都幾吸引所以同朋友都忍唔住要去幫襯下😆😆我哋一人一杯，我仲要左一杯重量級既帶返屋企添🤣🤣✨黑糖珍珠重乳鮮奶✨呢杯係我既珍奶，黑糖香甜不膩，奶香十足，珍珠口感煙韌！！✨芋泥波波鮮椰✨朋友話佢既芋泥波波都唔錯，好重椰奶香味，芋泥綿密，仲有唔少寒天波波添～✨白桃柚子水果茶✨我仲要左一杯1000ml既果茶🙊🙊🙊要左白桃柚子，飲落有白桃既香甜同柚子既清爽，仲有果粒喺入面架！！！奶類飲品香濃醇厚，果茶飲品清甜解渴，各有特色～

今日專程帶小朋友黎到藍田匯景睇玩具、玩夾公仔機、掃街，路過見到3樓新開一間手搖茶飲店新開既Meow Tea全店既物品都係有貓貓圖案，小朋友勁喜歡，用黎打卡既好地方今次點了3杯飲品價錢其實較為中上，比起一般茶飲係貴幾蚊但有咁可愛既貓貓杯貓貓袋用黎打卡乜都值得麻薯珍珠奶茶 $34平時飲開珍珠奶茶既姨媽今次要試特別既奶茶加麻薯，但此店麻薯並不是平時食一舊舊煙韌個款係半溶狀態配上珍珠，食落仲有啲似布丁口感，茶味不會太濃郁，是比較清香味的茶款芒芒甘露 $36飲落好似楊枝甘露，好多芒果肉配上非常煙韌既西米西瓜椰乳波波 $32小朋友喜歡食西瓜，所以點左呢杯新出特飲，用上新鮮既西瓜果肉配上椰奶，入邊仲有煙煙韌韌既波波珠，唯一美中不足呢杯不夠冰凍，西瓜要夠凍先好飲味道 賣相 衞生 服務 抵食 推薦

位於藍田的台式茶飲店，商場都是不同的小食、餐廳及飲品小店，這家白色小亭，簡潔裝潢，加上一隻小貓的標誌，供應珍珠奶茶、香檸茶、水果乳酪、水果茶、芋泥、純茶系列等等，另外還有養生熱飲系列。養生熱飲：芝麻開心果麻糬燕麥奶以燕麥奶沖製，甜度固定，熱飲的奶香醇，順滑。芝麻香及開心果味道在口腔中慢慢散發出來。底部還有麻糬，這款是較軟滑，帶點黏糯的台式牛奶麻糬，增加口感。低脂希臘乳酪系列：火龍果乳酪乳酪採用了沒有加糖的希臘乳酪，跟新鮮紅肉火龍果打成的沙冰，有粒粒火龍果籽，味道帶點乳酸及果甜，可以選擇甜度，十分消暑、清新。

今日放工返屋企，經過匯景商場， 一出地鐵站右邊嘅美食小巷發現開咗一間新嘅台灣飲品店， 所以就決定買幾杯返屋企。飲品有好多唔同種類， 有奶茶系列，水果茶系列，仲有比較少見嘅希臘乳酪系列。我就揀咗自己平時鍾意飲嘅試，全部都係叫少糖少冰嘅.1000 ml超級水果茶呢個水果茶真係超級超級足料，有足足一公升嘅容量，入面有好多水果， 有西瓜，百香果，蘋果，橙等等。水果茶飲落超級清新，有天然嘅甜味，茶味唔會苦澀 ，好清爽消暑，飲完茶再食水果大滿足芋泥波波鮮椰 呢一杯打卡一流，芋泥嘅紫色非常搶眼，飲落好軟綿， 配埋煙煙韌韌嘅波波，好有口感，呢杯飲品用嘅係椰奶，所以飲落比平時更加順滑芒果椰Q麻糬呢杯係我嘅最愛，飲落就好似一 個濃縮版嘅芒果甜品，入面嘅芒果畀得好多，有絲絲果肉亦都有粒粒果肉，麻薯就係台灣麻薯嗰種，流動性好高，微微煙韌再加埋粒粒QQ晶球，真係好好飲呀呢間飲品店，舖位唔大，但係飲得出用心經營，大家經過不妨試試❤️👍

Meow Tea 📍藍田匯景道8號匯景商場3樓58號同朋友來匯景行街～見到呢間茶飲店Meow Tea飲品款式選擇多：奶茶系列、爆打香檸、水果茶、甚至低脂希臘乳酪系列都有咁我哋就叫咗三款飲品真係款款都足料😆🥤芒芒甘露 $36超多芒果果肉🥭～口感層次豐富足料到我以為自己食緊糖水🥰好味啊🥤苦瓜香檸茶 $30苦瓜配上香檸飲落好清爽😀香檸味好出～非常消暑🥤西瓜椰乳波波$32夏日限定系列～估唔到西瓜配上椰汁禁夾

夏日炎炎，買杯手搖飲品降降溫是常識吧？！近排流行手打檸檬茶，你地又飲過未先？新鮮的檸檬味既解渴又清新，夏天飲用就再適合不過。檸檬🍋是用人手舂爛，以保持檸檬的原汁原味。確實是不錯啊 😘經典香檸檬茶不酸不澀，味道比起一般的檸檬紅茶更容易入口☺️☺️青提香檸檬茶帶著香甜的青提子🍇果肉，配上檸檬茶茶底，香甜的檸檬茶一啖又一啖😘抹茶鮮奶有驚，諗住嗌左兩杯檸檬茶試下嗌杯奶類製品，點知都係一樣咁好飲，抹茶味好濃，配上鮮奶，match呀♥️

近幾年藍田匯景商場開咗好多唔同小食舖頭 今日約咗Fd打算掃一掃街 就見到呢一間Meow Tea🐱見佢都有好多唔同野飲 而且仲見到啲人拎住一大桶飲品走好吸引🤣芒芒椰Q麻薯見佢個名幾得意 又有麻薯 所以就嗌嚟試一試🤤杯飲品都幾大杯仲好足料 店員整得好靚 好明顯睇到佢個層次 上面係香濃椰奶 下面係芒果 芒果味爆珠🥭同有少少牛奶味既麻薯 第一啖飲已經飲到佢有好多芒果肉係入面 而且仲唔會話好酸 加埋啲爆珠同麻薯真啱啱好 唔會好甜 幾樣野Mix埋一齊都好夾 啱晒夏天飲 消暑一流🤩 牛油果乳酪呢間乳酪用上低脂乳酪 所以都唔使怕太肥～ 牛油果乳酪凍冰冰 夏天一定啱💕 overall味道唔會太甜太膩 牛油果味慢慢帶出 幾健康🥑 牛油果乳酪質感都幾smooth～

已經買過幾次香檸系列青提香檸茶係我最愛飲起上離好清爽，好適合夏天飲甜度都適中店員都幾nice，問佢d問題都好耐心答因為等時見到好多人買乳酪，下次想試下牛油果乳酪

見到藍田有新開手搖店門面又幾靚就決定要試吓😗就知就中一個大伏了🚁🚁手搖飲品都偏貴但味道真係不行🥺🔺麻糬珍珠奶茶🧋$36身為麻糬控見到有麻糬當然要試先點知就中咗大伏了🤥麻糬完全唔係麻糬質感,一啲都唔煙靭,係0冇咬口好似一Pat 嘢咁🥶珍珠同樣係唔煙韌冇口感🥲奶茶叫做正常少少,奶味偏重少少但其實都唔係好飲嘅奶茶😫🔺芋泥波波鮮椰 $40平時芋泥多數都係配鮮奶但係呢個就係配椰奶😳芋泥都算棉密幾好食😙波波係小丸子但同麻糬有同一個問題完全唔煙靭冇口感🥴芋泥同椰奶都夾嘅但價錢真係偏貴🫠🔺芒芒鮮椰 $34本身以為有咩特別😳其實就係芒果西米露椰奶配芒果同西米🥭但芒果味完全唔夠感覺就係椰奶加西米🥹呢個價錢我不如正正經經買碗芒果西米露食☹️🔺蜜桃烏龍茶 $20呢杯偏正常,蜜桃味應該係係蜜桃糖漿🍑有一浸微化學嘅味但都仲可以接受嘅💦呢個價錢來講又大杯真係冇咩意見~但有得揀我想飲花斑白桃烏龍😹🔺抹茶鮮奶🍵$33五杯中最好飲嘅一杯❣️抹茶味偏重,奶味唔會蓋過咗抹茶味🥛而且唔係好甜,可以一試!!只係價錢上偏貴~