獅子茶舍

营业中

休息中

唔知食評點嚟 我第一次飲奶茶，係咁嘅味首先奶蓋係奶粉沖嘅 仲有啲變質奶茶原本就冇味道芋圓同珍珠都係過夜 無限發大變質都唔退款 只可以話誇張叫咗四杯四杯都飲唔到 全部抌晒垃圾桶

🧋台式飲品 💮小店 🥡只限外賣 🐻#芝士控 🐻#甜食控 🐻‍❄️#新奇控💛——————原來呢間小店💮同「奶蓋關注組」合作過，既然有關注組加持，🐻🐻‍❄️決定買杯試試佢～😆奶蓋日本抹茶鮮奶 (M)$36少冰少甜抹茶帶茶甘味，少甜後甜度啱啱好👍🏽奶蓋非常高質！🤤奶蓋有咸香，而且極厚！一路行一路飲都無溶晒落飲品，第一次飲晒後杯底係會剩低啲奶蓋🤣🤣🐻：雖然我一向唔鍾意芝士奶蓋（芝士咸食先係王道！😝），但呢個我都覺得唔錯😋唯一小小建議要俾杯蓋，因為飲奶蓋通常會直接飲，要嚟大啖試奶蓋嘅味道。但依家嘅杯蓋係只有飲管口嘅高身杯蓋，而揭蓋飲又容易倒瀉。如果可以轉用同時有飲管口同直接飲嘅平身杯蓋，就會方便好多👍🏽👍🏽店舖買飲品仲送麻將🀄️一隻🤣🐻‍❄️：雖然無咩可能集齊一套🤣但呢個小禮物幾得意🤣🤣結論：值得encore，性價比高🤤

味道: 奶水珍珠奶茶身體吾飲得凍野，住附近成日經過，就入去買杯珍珠奶茶諗住開心下。落單時同左個女售貨員講要熱珍珠奶茶，佢無覆單，落單收錢。整好左之後我見到有冰，我話我要熱，佢話佢地無熱。其實無熱吾緊要，好多間飲品店都會窩心話無熱都可以幫手去冰，佢無甘做都算，仲要寸反我話佢地熱飲得幾款，無珍珠奶茶，仲話聽吾到我講熱，態度超級吾好。其實成日經過，不過吾會再幫襯。最吾開心系，我反到屋企去晒冰再叮熱黎飲先發覺好難飲。

近年好多人都鍾意飲茶，坊間都開咗唔少嘅茶飲店，飲台式手搖飲品最怕就係太甜同埋太稀，而啲配料就怕佢煮得太淋或者唔入味。雖然茶飲店琳琅滿目，但始終開茶店嘅門檻好低，好多質素參差，有質素啲又會令我再回頭嘅茶飲店實在唔多。Lion Tea💛位於長沙灣同深水埗交界嘅一條小巷，唔係附近嘅居民都比較少經過，但偏偏獅子茶舍就選擇左呢個偏僻嘅角落開店。第一次你呢間小店係朋友介紹，試咗奶蓋芋圓奶茶，第一次試個奶蓋已經覺得好好creamy好香，小芋圓都好濃芋頭同蕃薯嘅香味，第一次試嘅感覺就覺得佢好足料。鮮奶芋圓仙草杯（$25）今次再去叫咗呢杯鮮奶芋圓仙草杯，本身見佢只係$25以為佢份量應該好少，點知返到屋企一打開成杯滿到瀉出黎...影呢張相嘅時候已經食咗三份一杯，成杯都係滿滿嘅芋圓同仙草凍！Lion tea嘅仙草凍同平時坊間嘅有啲唔一樣，食落會有一陣好香嘅涼茶味，喉嚨會有一種清涼嘅回甘。呢間小店嘅嘢飲有一種手作嘅感覺，佢嘅配料嘅用了同坊間嘅都好唔一樣，雖然位置比較偏僻，但係附近都有好多唔同嘅小食店，對面有間泰國嘢都好好味，大家不妨過黎試下小食+奶茶😛 足料小店好值得大家支持，冬天都有好多熱飲揀架💛

Lion Tea 獅子茶舍（Cheung Sha wan）絕對可以話係長沙灣隱世手搖店舖🧋🍹 雖然小編住喺附近 但都係有日無意中發現佢嘅蹤影👀 原來哩間茶飲舖都係開舖半年多啲 屬於香港本土茶飲店🇭🇰 主打岩鹽芝士奶蓋🧀 每日新鮮製作 咪以為鋪面細細 點知。。 一試即刻愛上😭😭❤️ ⌖ 奶蓋芋圓鮮奶綠茶（少甜、走冰、L杯）💰$35今次嗌嘅奶蓋茶可以話係店舖招牌 岩鹽芝士奶蓋採用嘅係獨家秘方🤨 望落已經好厚 點知飲落亦係厚實濃郁🤩 係微鹹嘅奶蓋款 好香滑 綠茶茶底🍵配上鮮奶🥛非常夾 雖然嗌咗少甜 但其實聽店員講店舖嘅茶飲本身已經係少糖 所以感覺上都冇咁大罪惡咁 飲多兩杯都得🙈🙈 最底嘅芋圓甜甜地 好煙韌😗😗 完全食得出原材料嘅味道🍠 睇得出係用心製作～☺️小小挑剔位係奶蓋部分可以再鹹小小🤏 而鮮奶綠茶係整體比例上可能比較少 所以每次飲完都會容易剩低厚厚嘅奶蓋同埋芋圓 雖然就咁食都唔錯嘅😆😆 下次有機會試埋佢嘅水果茶系列先～☻ 回頭指數：9.5 / 10🙏🙏小編暫時心目中奶蓋茶排行榜第一位💋#Fatshit_ami #Drinktime #長沙灣美食 #香港美食 #台式美食 #深水埗美食 #食好

奶蓋關注組有優惠 就趁住尾水去試試(///▽///)奶蓋士多啤梨 (M) $36冇得揀甜度 可以揀走冰少冰奶蓋嘅濃稠度不錯！唔會太稀 以我心目中最愛嘅nuttea 比就冇佢咁傑身 但都不錯嘅雖然叫岩鹽奶蓋 但佢系甜同偏奶味重嘅奶蓋 都幾好食但士多啤梨奶好普通 冇士多啤梨果肉的 陣味似紙盒包裝嘅士多啤梨奶🫠唔建議叫呢個 可以試下其他奶蓋味！

隱世小店奶蓋非常足料、濃厚香滑，上一次剛剛遇到店長鮮製奶蓋，見佢加粉紅色岩鹽真係有水準👍🏻我上次飲芋圓珍珠鮮奶綠，珍珠好彈牙，之後再有去買三色芋圓都好好味！真心推介🙌🏻

屋企附近新開左間飲品小店，兩位老闆很親切的。我分左兩日試左珍珠奶茶同奶蓋抹茶鮮奶，實在太邪惡了！果日茶膽係烏龍茶，茶很香，珍珠口感剛剛好，好彈牙，珍珠奶茶整體唔錯。至於奶蓋抹茶鮮奶，真係不得了，芝士奶蓋很濃厚，帶海鹽味，味道有層次， 口感濃郁，試完會心掛掛想再試呢，睇得出係老闆好比心機鑽研出黎㗎，唔似出面有啲店的奶蓋那種好稀虛的感覺，抹茶也很香，如果有大杯啲就好了，因為抹茶鮮奶只有中杯。唉呀，好想再飲啲奶蓋，仲要咁近，太邪惡，會肥死。不過暫時得凍飲，都可以走冰嘅。黎緊天氣會涼，唔知遲下會唔會有其他熱飲呢？聽其他街坊講芋圓都好正，下次再試下先。

經過長沙灣，發現新開咗一間珍珠奶茶舖，所以決定去試試，試完之後發現竟然出現意外驚喜。嗰日去到叫咗一杯奶蓋草莓鮮奶，先講一講個奶蓋，奶蓋同好多地方嘅都唔同，呢到嘅奶蓋除咗好好味之外仲好挺身，唔會飲兩啖就溶曬，飲到尾都仲有奶蓋係到，而且食到個奶蓋有啲芝士粒，唔係用奶粉溝出嚟，好正。之後就講吓草莓鮮奶，本人好怕啲草莓糖漿有好大浸藥水味或者化學味道，但呢間冇出現咁嘅情況，草莓同鮮奶嘅比例好好，唔會話有一個特別濃味或者特別淡味，草莓鮮奶加上奶蓋可以話係超正嘅配搭，推薦👍🏻👍🏻👍🏻總括嚟講，杯奶蓋草莓鮮奶比起其他地方嘅質素高好多，雖然呢間珍珠奶茶舖嘅鋪面唔係特別大，但等嘅時候，都有位置俾你坐，而且鋪面嘅環境好靚，拎完杯嘢飲仲可以去門口個到坐低慢慢影相打卡。

長沙灣新茶飲店💜——最近忙完一輪deadline終於有時間發掘下有咩好野食/嘢飲   某日碌碌下ig比我無意中發現到附近有間新茶飲店再加上見到有奶蓋關注組成員share咗呢間茶飲店 令到一向都幾鍾意飲奶蓋嘅我心思思想試今次趁放學之後有時間 去咗買杯嘢飲返屋企店員強烈推介奶蓋系列  今次就試咗奶蓋京都抹茶鮮奶——奶蓋京都抹茶鮮奶 $29抹茶味幾突出 不過就偏甜咗少少 至於奶蓋嘅芝士味都濃郁 但奶蓋份量唔算好多 唔算好濃稠（呢點對於鍾意比較濃稠奶蓋嘅小編有少少失望 ） 仲有可能冰量唔係好夠 個奶蓋拎到返屋企果陣佢都融咗1/3杯嘅大小方面就 如果可以有大杯做選擇就好了 中杯感覺有啲細杯 唔係好夠飲 ——獅子茶舍 長沙灣順寧道53號地下F號舖（一盅點心對面）

睇到朋友share呢間新開嘅茶飲店，一向都鍾意飲台式飲品嘅我就約埋朋友嚟試下。因為到10月31號之前都有折，叫咗1杯奶蓋草莓鮮奶同1杯鳳梨乳酸綠茶另加奶蓋，$60蚊仲有找～奶蓋都幾挺身，有芝士粒粒，同老闆傾完先知原來呢間嘢嘅奶蓋係用鮮奶、忌廉同芝士人手打，唔係開奶粉，真的不錯！依家呢個涼涼地嘅天氣，飲咗大半杯，個奶蓋依然冇點溶！另外奶蓋草莓鮮奶，有士多啤梨個酸甜酸甜，又飲到鮮奶味，真係好真材實料～不過第一次嚟有啲難搵，原來係夾喺兩間駄舖中間～

順寧道同埋東沙島街車房林立，行吓行吓竟然見到有一間新開嘅台式飲品，當然要試一試💁🏻‍♀️👅奶蓋茉莉綠茶 奶蓋份量都唔少，飲奶蓋茶一定係打開個蓋直接用口飲一啖先，咁先試到真功夫，一飲就知龍與鳳💁🏻‍♀️飲落去奶蓋係偏甜嗰種，鍾意杰身重芝士味既朋友就未必啱喇。呢間奶蓋用鮮牛奶打，飲到底有啲沙粒既感覺。（本來我以為係奶粉打，但店主之後dm左話係芝士粒🧀‼️）不過不得不讚賞嘅係茶底非常重茉莉味，呢個有驚喜👍🏻茶舍直到10月31買飲品都有限時8折，大家可以去試吓，見呢間新開嘅小店係兩位年輕人經營，好有禮貌好客氣，期待你地慢慢成長🦁💪🏻‼️ps：出post後店主有親自dm我對佢地奶蓋既疑問，好親切好nice👏🏻