37
4
2
| 餐厅: | 玉 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
电话号码
21667488
附加资料
Free hotel shuttle from Exit B, Ocean Park MTR Station
营业时间
今日营业
11:30 - 15:00
18:00 - 22:00
星期一至五
12:00 - 15:00
18:00 - 22:00
星期六至日
11:30 - 15:00
18:00 - 22:00
以上资料只供参考，请与餐厅确认详情
有关餐厅
有关奖赏计划
🌟 在繁忙的都市角落，隱藏著一處讓人心動的美食聖地——香港富麗敦海洋公園酒店2樓的「玉」。這裡不僅是視覺與味覺的雙重盛宴，更是一場關於精緻生活的追求。👣🍲 法式焗釀響螺：每一口都是海洋的呼喚！🌊想象一下，軟糯的螺肉與香濃的醬汁完美融合，那獨特的口感彷彿帶著海風的清新，直擊靈魂深處！😋🦀 鮮蟹肉焗釀蟹蓋：蟹肉愛好者的天堂！🦀滿滿的蟹肉填充在蟹蓋中，經過精心烹制，每一口都是鮮美至極，簡直是味蕾的狂歡派對！🎉🍵 雪蓮子燉花膠湯：美容養顏的秘密武器！💁♀️雪蓮子與花膠的完美搭配，不僅味道醇厚，更是美容養顏的聖品，讓你由內而外散髮光彩！✨🐚 蠔皇八頭南非鮑魚扣鵝掌：奢華至極的享受！💎南非鮑魚與鵝掌的碰撞，每一口都能感受到食材的極致鮮美，是味蕾上的極致奢華體驗！💰🐟 清蒸老虎斑：原汁原味的海洋之味！🐟選用新鮮老虎斑，簡單清蒸，保留了最原始的鮮美，每一口都是對海洋最直接的致敬！🙏🍗 龍井黑糖茶燻雞：茶香四溢的獨特風味！🍵龍井茶與黑糖的結合，為雞肉帶來了前所未有的獨特風味，清香而不膩，令人回味無窮！🍃🍓 杏汁百合杞子浸菜苗：清新解膩的小確幸！🥬杏汁的甜蜜與百合、杞子的清香完美結合，浸出的菜苗清新爽口，是餐後最佳的解膩選擇！🌿🍜 鮑汁薑蔥撈麵：麵條控的最愛！🍜濃郁的鮑汁與薑蔥的香氣完美融合，撈面的每一口都充滿了滿足感，讓人欲罷不能！🤤🍰 「玉」甜品拼盤：甜蜜收尾的最佳選擇！🍮多款精緻的甜品匯聚一堂，無論是芒果班戟還是榴蓮飄香，都能給你一個甜蜜的句點！💖
继续阅读
太太生日入去海洋公園富麗敦酒店staycation，順便試吓去 ‘玉 - jade’ , 因為如果正常都唔會特登入去食，因為都比較格攝……如果唔係揸車入去，大家可以選擇去到海洋公園站B 出口，有酒店的shuttle bus 就入得⋯⋯叫左幾道菜：鮮蟹肉焗釀蟹蓋；蔥油海蜇頭；椒鹽九肚魚 ；掛爐黑鬃鵝例；慢煮和牛面頰；西米栗茸焗布甸。蟹蓋唔錯，多蟹肉好味美；九肚魚炸得香口好味，但因為佢走唒d 魚骨後，炸面會厚過d 肉，可能有啲人會冇咁喜歡；鵝正常發揮，唔差；牛面非常之林，好好食好飽肚😋👍；最後個布甸細細個，但好好食⋯⋯我地今晚冇飲茶，一來唔係太啱飲茶和又幾貴，清水也$20 杯，咁飲橙汁，但juice原來都唔平，$70 杯🤣🤣🤣總結晚飯係物有所值，係貴嘅，但食環境、服務、食物品質和質素係非常高嘅….$14xx ( 啱啱有special discount😉😉 ) , 原價$18xx
继续阅读
前些日子和朋友一起來南港島午餐原來去Fullerton的交通比想像中方便好多 一出海洋公園站就有shuttle bus直達 十分人性化午餐有set menu 選擇恐懼症患者表示很開心整體試下來覺得物超所值 強烈推薦每一道料理都很出色 不論是擺盤還是製作都很用心真正做到了色香味俱全👍最喜歡肉骨茶小籠包 很有特色staff也都彬彬有禮 每個人都笑盈盈的 服務非常到位！全海景實在是太加分了 有一種在海外度假的感覺期待下一次光顧！
继续阅读
今次要同大家分享嘅，係位於富麗敦海洋公園酒店嘅中餐廳，呢間餐廳裝修走嘅係簡約高雅路線，一入去就感覺到陣陣香氣撲鼻而來，落地大玻璃對住無敵大海景，令人食指大動。☺️**鮮蟹肉焗釀蟹蓋**呢個菜式真係一絕！蟹蓋用嘅係新鮮嘅肉蟹，蟹肉飽滿鮮甜，肉質爽口彈牙，完全唔會乾身。焗釀嘅餡料係用蟹肉、瑤柱、冬菇同埋其他配料混合而成，每一啖都充滿鮮味，而且仲帶有陣陣香氣，真係令人停唔到口！蟹蓋焗得剛剛好，外層香脆，內層軟滑，口感層次豐富，絕對係一級棒！🦀**濃湯花膠雞絲羹**呢個湯羹真係好足料！花膠份量十足，而且煮得軟糯，入口即化，膠質豐富，真係滋補養顏。雞絲亦係選用上等雞肉，肉質鮮嫩，配搭花膠，真係相得益彰！湯底用雞骨同埋其他材料熬製而成，味道濃郁鮮美，而且唔會過鹹，真係令人回味無窮！🍲**陳皮豆豉雞**呢個菜式係經典嘅廣東菜，而且呢度嘅做法真係好正宗！雞肉選用嘅係走地雞，肉質結實，而且唔會太肥。陳皮同豆豉嘅比例恰到好處，令雞肉帶有陣陣香氣，而且唔會太鹹。雞肉煮得剛剛好，外皮香脆，內裡鮮嫩，真係令人食過返尋味！🐔玉 (黃竹坑)黃竹坑海洋徑3號香港富麗敦海洋公園酒店2樓
继续阅读
提早一個月前book了這間餐廳慶祝母親節，四人共花了三千元食午餐，但服務與價錢完全不成正比：1. 本人於4月13日係網上訂枱後，餐廳等到於4月29日先告知原來要俾訂金，點解要係人地訂位過咗兩個禮拜後先告知原來要俾訂金？係咪餐廳故意拖延？因為如果一早告知，我可以有時間改去book其他餐廳。2. 餐廳通知訂金需要係5月5日前支付，問可否俾payme，卻被告知不接受payme，反而接受支付寶和wechat pay，完全對本地顧客唔friendly。然後由於我仲同餐廳用whatsapp交涉緊食咩餐(見下文#3)，所以我遲遲都未支付訂金，但餐廳卻係5月4日就已打黎。結果我被逼係未confirm到menu嘅情況下，就要先俾訂金。3. 話說餐廳send咗個特價母親節menu係每位$600，但由於家人們不吃鵝掌，問可否轉其他，餐廳居然同我講只可以轉北菇，但因為家人亦無唔食得北菇，所以要轉其他menu。其他餐廳嘅set lunch去到 $600 per head ，客人話有一樣食材唔食得，都可以將成個餸菜改為其他嘢，但呢間餐廳只可以用較平嘅食材代替兼唔可以轉第二個菜，搞到我要自己諗menu。4. 到了母親節，我地準時下午1點去到餐廳，職員問我個手機號碼，輸入系統後，然後話搵唔到我個booking，我心諗我俾咗訂金，你地無我個booking，個網站同WhatsApp係咪造假騙案？然後佢地發現無係system輸入我個手機號碼，所以搵唔到，Fullerton話嗮都係一間五星級酒店，其實我唔係第一次黎呢間酒店食嘢，但點解你地做嘢咁求其，mark booking可以唔入我電話號碼？5. 然後入到去餐廳，我地明明訂咗四位，佢地就求其俾咗張係出菜位旁角落位嘅三人枱，我話我地book咗四位，點解又搞錯？然後佢地先開聲話會加番一位，我地四個人企係都等佢地慢慢加番一位，當時餐廳並未滿座，但佢地加位又係求其擺，唔記得放茶杯，請問這是五星級酒店嘅服務及待客之道嗎？6. 因為餐廳位置偏遠，唔想家人星期日太早起身，所以我地book咗下午1點，及上文#3提過我已寫咗菜單，希望慳咗叫餐嘅時間，但我地坐底後，經理1)無問我地飲咩茶，2)完全無提我地已經訂咗餐，3)無問係咪上得，反而仲遞上menu要我地點菜，然後要我提番經理我地已經點咗，可以直接上菜。轉頭經理又再遞上menu，呢個時候先開聲話係茶嘅menu，問我地要點咩茶。我問番佢有咩茶，佢就話有24款，叫我地自己睇，我話我地唔睇menu啦，你話我知，然後佢好似機械人咁又重覆話有24款，跟住我要再重覆話唔睇，佢先肯講有咩茶。要知道佢地嘅茶錢唔係求其收$10位，而係收每位$45，收得咁貴嘅茶錢，但就連有咩茶都要問兩次先肯講，我真係未見過咁低能嘅五星級酒店服務。7. 小插曲：呢度嘅片皮鴨係$838一隻，但就唔係由廚師負責片皮，而是由侍應用餐巾包住黎片，可能呢間酒店嘅餐巾洗得比正常“乾淨”，但我真係第一次見人咁樣用餐巾包住黎片鴨，另外舉高黎片，好易揸唔實跌咗隻鴨落地。8. 我地係點咗6個菜嘅set lunch，自己再另加兩個菜，但佢地足足用咗2小時先上得到全部菜，仲要最尾個飯同甜品係我前後催咗佢地四次先上到，搞到我地唔可以搭3點嘅shuttle走，結果3點半嘅shuttle爆滿，差啲搞到我地無位坐。9. 整體黎講，如果你有四個鐘食個lunch，要山長水遠搭shuttle入去，又唔怕用高價換來好求其嘅服務，兼上菜速度極慢的話，歡迎閣下去親身體驗下。當日除了套餐，預先額外加了“法式焗釀響螺”，但食嘅時候先發現原來係用咗咖哩，而且係辣嘅，但俾我之前睇餐牌就無寫明係辣，明明就係“辣咖哩焗釀響螺”，又得登唔寫明係辣，我本身唔食得辣，如果知道係咖哩，就唔會點呢個菜。另外，食落感覺食材並唔新鮮，所以先要用咖哩嘅辣味來掩飾。餐廳不但服務差，連寫菜名都係求其咁寫!
继续阅读