王子廚房 (已搬遷) 新店位置

次次行完愉景新城，都會穿過天橋去福來果邊睇下有咩好食，落天橋都幾多車房，你唔會諗到有好餐廳，一年前左右到試左white house 都唔錯，見到有人排隊，就好想去八下排咩，見到餐牌唔錯又平，都係等第二張枱，試下無礙心態環境就一般啦，舖位都細，坐得少少辛苦，食完要即走，真係好多人排，咁多人排我都唔好意思慢嘆啦1，蝦卷拼豬扒~$58蝦炸得好脆，豬扒好爽滑，有d似豬頸肉，個燒汁好味2，三昌黃牛牛柳~$108夠牛味唔係腥羶味，口感諗滑，炸薯角外脆內軟3，炒雜菜~$17都算幾大兜，食得多生既沙律菜，食下西式炒什菜都唔錯

漢堡店愈黎愈多,知名的愈十賣愈貴,有時還太不值得一向喜歡小店,他們的用心是大集團沒有的這間王子廚房是我荃灣的食堂,平靚正,仲坐得好舒服他們新推出了漢堡系列,全部大概$65-$75配薯條我點了手打牛肉蘑菇漢堡,因為不想吃太多煎炸食物,要求轉了沙律牛肉算厚身,但略帶筋,偏乾身了一點,但配上蘑菇和芝士,整體而言不錯！漢堡飽烘得香脆,芝麻香口沙律看得出超有誠意,黑醋汁伴有木耳絲,沙律菜新鮮不枯👍🏻$68還可配餐飲,員工相當有禮,這就是大集團未必滿足到大家的地方

同老公拍拖行街，行完荃灣廣場想坐低食野，心思思又想食王子㕑房貪佢食物質素有保證！好食又抵食今次老公唔叫set, 試左新野：鵝肝配新鮮手打牛肉漢堡。大大個burger再配薯條老公話超正！鵝肝煎得好香，但不油膩，牛肉超juicy，食得出好新鮮！這個質素&價錢，邊度搵呀！我就食個light啲嘅set：咸豬手肉配自製檸檬醬多士香橙沙律配黑醋天使麵（個名好長）個toast係檸蜜味，好fresh~好味！黑醋天使麵酸酸甜甜好開胃。（小插曲：我聽見隔離枱話個意粉好酸好硬 well, 叫得黑醋，唔酸就怪啦，而通常pasta with vinegar 都會比一般pasta硬，這是常識吧！對食物有份執着的我聽到後，忍不住替個天使麵唔抵。。）

素聞以往在荃X中心有一間食咖哩幾唔錯的小店！原來近來已經由哪裏搬到享成街，名叫王子廚房 Prince Kitchen這天趁著返外家便到這裏試一試他的咖哩是否真的那麼美味！ 這天我們差不多十二時到達也只係剩下兩張枱，到我們走時門口已經聚了很多客人在排隊認真旺場喔！ 這時間會供應午餐但也可散點，我跟車爸爸分別選擇了王子咖哩牛三藏飯和鴛鴦黑白咖哩配吉烈荷蘭豬扒飯，午餐會包有餐湯是日有羅宋湯和甘筍忌廉湯，淨係喝餐湯已飲得出誠意！忌廉湯絕對唔那西香滑的質感配上粒粒的粟米加強了口感，成件事都好美滿！ 其實羅宋湯亦都很美味而且內裏有不少雜菜，但甘筍忌廉湯實在太過出色所以有點即時被比下去呢！ 車爸爸的咖哩牛三藏飯＄65，淨係個飯都絕無欺場賣相靚仔到不得了。 而這份咖哩牛三藏看上去似不大吸引！但吃下咖哩味好香濃而三藏則包括有牛爽腩，牛脆骨及牛心腚，須只選了小辣但已經吃得到辣味，真係心思思想去試下大辣呢！ 而我就點咗呢個賣相靚靚的黑白咖哩配荷蘭吉列豬扒＠56，真心好感動豬扒好大塊，在這塊的底吓還有一小舊豬扒呢，吉列外皮唔會太厚身亦唔覺油膩，而厚切豬扒煮至剛熟不嚡口還保留了肉汁，沒太多調味料的污染還吃得出

點了A餐沙律煎魚意粉薯餅餐，不是第一次來，食物質素保持水準。當我食到還有大約1/5未食完，睇緊電話之際，有個女人（唔知係咪老板娘）：1）突然將隔離枱食客的湯碗放在我的食物上😑是放在我的食物上！！！到底有冇衛生常識？到底有冇禮貌？2）然後突然收走我的食物，我說我未食完，她說唔好意思，然後將放在我的食物上的湯碗拿走😑唔通覺得咁樣我可以繼續食呢個染污咗既食物？🤔點解明明我未食完既野比佢整污糟咗，佢可以當冇問題既？3）再過30秒，毫無聲息下突然收走了我的食物😑到底，我是一個客人嗎？我需要受尊重的嗎？

Highly recommended! $173＝飽到上喉嚨美味飯😄，包括兩個晚餐連湯連飲品，散叫墨汁脆蒜蓉包，同升呢有機沙律1）燒雞扒竟然係香濃芝士面，加埋似慢煮咁嘅雞扒＞肉質十分嫩，配少有冰菜沙律，黑醋冷意粉👍清新又特別2）咖哩羊腿扒配飯，洋蔥煮到溶哂好入味，羊腿勁多肉，有骨落地好實在個汁送飯食，好爽呀）））））））晚餐加$17，有有機大碟沙律，加埋四大件墨魚汁勁脆蒜蓉包，餐湯，飲品＞＞＞Perfect！！！！好耐冇試過平靚正快嘅餐廳，呢間令人去完想快D再去

星期日我帶了爸爸媽媽到這間毫不起眼的小店,認識王子廚房是因為數年前,他的前鋪位於一個非常旺的商場內,加上雜誌有報道過他的特色咖喱,於是數年前一試便愛上。搬鋪後第一次光臨,餐廳比以前更闊落,裝修亦較為企理。午餐時段有幾款set lunch提供。Set lunch包括餐湯主菜以及飲品,而我卻點了a la carte上的egg benedict. 我是一個egg benedict愛好者,對這款食物相當有要求。菜式上枱了,荷蘭汁看上做得不俗,配上墨汁包感覺特別。切開雞蛋,蛋黃徐徐流下,不錯👍沾上荷蘭汁,發現荷蘭汁不夠酸,只吃得出很重的牛油味,加些檸檬汁感覺定必更好。吃到了一半,發覺餐牌上說這是煙肉菠菜egg benedict,但廚師應該忘記了放菠菜😂旁邊的配菜沙律也不錯,菜相當新鮮,附上酸甜黑醋汁,健康又開胃。這道菜不容易做,這個價錢加這個質素,還包一杯飲品,我也感到滿意了

- 行咗兩條街, 覺得呢間餐廳菜式吸引, 價格合理, 店員有禮, 所以入去試試. - 店內大約有20幾個位, 全滿. 是日點咗2份餐.- 蘿宋湯/忌廉湯好足料, 入口香濃, 配以即磨黑胡椒粉更能提升香味.- 主菜 黑松露澳洲羊肶扒 - 羊肶扒嫩滑, 墨魚包軟熟, 牛油果醬同意粉都酸酸甜甜, 非常美味, 但對男士嚟講, 意粉份量可能唔夠.- 主菜 雙重芝士手打牛肉漢堡 - 漢堡包SIZE算大, 手打牛肉嫩滑, 有肉汁, 漢堡包軟熟, 仲有濃濃嘅牛油香味, 只嫌漢堡扒有少少燶. 而薯條幼而軟, 感覺只係輕輕一炸, 適合怕熱氣嘅我.- 整體味道一流, 價格非常合理, 店員親切友善.

搬了鋪，今晚專登和朋友去試下。地點有點偏，但也容易找到的，去到門口，見到地方大了一倍，不用擠迫。。餐牌格式無變，每天都有不同菜色！但細心看看，有新菜色的，例如，有漢堡飽，今次選了A和D如圖。有湯有飲品，都係$60有找，有咁樣的質素，份量，超值。A餐是輕食，賣相不錯，當然味道也不錯啦！D餐是咖哩吉烈豬排飯，有分大中小辣，唔食得辣，就叫小辣就好了，一來到，兩大塊吉烈豬排放在足料咖哩上，好吸引啊，味道當然係啦！下次試下漢堡飽先，這餐廳值得推介

今晚六點鐘準備 門口等王子廚房開門好快準時就入得 比夠舊鋪明顯大左 但地點有點唔太方便 同朋友轉左幾圈先搵到之後叫左二個set 有湯有野飲包我叫左紅青咖哩雞扒飯辣辣地 如果你鐘意重口味d 就啱曬食食下會仲更加辣 惹味 青咖哩 好好味 紅咖哩就帶辣又甜 必試咖哩啊 黎到王子 朋友叫左呢個 黑色既係蒜容包 烘到脆的都唔錯 不過普通左d 做晚餐略少份量左DD 加15$仲有個炒野菜 都算抵食記得以前荃豐既王子 比起而家新既 好似好味d 炒菜略油左d 再以薄荷朱古結尾 超級甜 好似飲緊糖水 not good 整體都算抵食 菜式都唔錯 係飲品扣左分 下次 可以再黎 試下佢d扒餐 都好似唔錯 期待下一次 飲品唔好伏啦咁既價錢食到又有少少賣相既 真係邊度搵啊黑白咖哩都出名 下次可以一試

Lunch hour出去做白老鼠，見到主打5色咖哩嘅『王子』諗住試試去到見外面無人等位裏面又有吉位，就去攞位啦。點知原來個場係做網上booking客，話d客晨早網上落晒order, 最起碼要等30-45mins就算有位都唔入客，真係勁

在附近忙完公事，又到吃飯的時候。看見這家餐廳門口密密麻麻地寫著長長的菜式名稱，吸引了小人進去。看看餐牌，方知道店子主打咖哩。小人點了一客王子濃茄紅咖哩配美國牛面肉飯，茄味真的很濃，與紅咖哩一同吃，香辣兼備，刺激到味蕾。牛面肉鬆軟而腍滑，配上飯便成為一頓飽足的午餐了。又一驚喜新發現。

每個星期都總會有一日係去王子廚房每次都俾佢啲Menu吸引住都會諗：下次要試呢樣。點知去到又比第樣吸引左揀咗第二樣上次話食burger今次食咗慢煮羊肉真係好正。鍾意食羊嘅人一定係想有咁蘇得蘇。佢完全滿足到你再加埋紅酒嘅味道簡直一流而且分量一啲都唔少 之後出場係黑白咖哩吉烈豬扒飯主角：黑咖喱係香蕉朱古力味想像唔到原來香蕉朱古力同咖喱係夾到嘅白咖哩呢就係普通食開嘅味道配角：豬扒外面非常脆口入面又唔會乾身炸得啱啱好　！四色咖喱芝士魚手指墨魚餅焗飯呢個唔係講笑真係好吸引好期待佢下一次嘅出現主角：四色咖哩 呢到既咖哩落咗好多配料落去煮 配料多到可以送飯其中有一隻有好濃烈嘅薑味辣辣地幾暖胃配角：墨魚餅：一咬落去係爆汁嘅！熱辣辣 ！正魚手指：又係炸得好鬆脆份量亦都唔少仲差啲食唔晒添細心D睇仲有成粒薯仔放咗係碗飯到薯仔控既我大愛！已經唔係第一次食王子廚房啦！覺得佢嘅醬汁做得好出色係有心意嘅作品，感覺到佢係用心做每一道菜不過飲品就有待改進呢個價錢已經有咁好質素 可一可再！

星期五晚上 由於附近餐廳都已滿坐 見到該餐廳沒有人 便三人入座 點了煎魚意大利飯,咖哩雞飯 及 一客小食 雞翼 本人點了意大利飯 煎魚沒有煎熟 中心冰凍 要求換過時 待應連對不起也沒有說一聲 很不情願下收回 換來的冰魚在微波加熱後 足夠熱了 感恩 其實待應全程都係黑口黑面 笑容和禮貌是跟這店是絕緣友人點了咖喱雞飯 咖喱完全沒有味道 不辣不甜 味精味十足 雞似用滾水燙熟再加入沒味咖哩中雞翼不提也罷 街邊小吃店比它好萬倍Ps 該店近門口坐位長期已book 但久久不見人入坐 應該都不用book 位 反正都沒有人

餐廳之前在「四度空間」內，每每路過都被門前水蛇春咁長嘅套餐菜式名吸引了視線，堅係睇到有啲頭暈。前鋪口碑都不錯，雜誌和朋友都有推介，但想食之時已關門大吉了。裝修良久，十月中終於於享和街重開。它不在大路上，在單車鋪斜對面。水蛇春餐牌已成為餐廳特色之一，不過見雜誌和友人都推薦五色咖喱，於是忍痛棄水蛇春，散叫了五色咖喱薄餅。賣相精緻，餐具和擺盤也頗有現代感。先食白咖喱，香甜creamy易入口，但食了其他較濃味嘅咖喱返轉頭再食佢就無咩味。青咖喱不是平時食開泰式青咖喱的味道，它是班蘭青咖喱，淡淡班蘭味，獨特但個人沒有很喜歡。黃咖喱，又名王子咖喱，應該係店家最自信作，是巴基斯坦咖喱，加了大量薯仔洋蔥，一個經典又做得很好的醬汁。先說紅咖喱，五色當中椒味最重。最後是最特別的黑咖喱，完全是驚喜之作，意想不到是甜味的，睇返介紹原來是香蕉朱古力加咖喱，言之有物的無限創意，實為不易。以朱古力入饌一直是極高難度動作，少許的甜度，驚喜可口又有趣的味道，食客不會第一時間知道是朱古力，難得在小店也能找到到這種新奇獨特又令人滿足的味覺體驗。