王子飯店

营业中

休息中

阿媽生日係時候盡下孝心，等佢休息一日，又食好d，見呢間中菜幾精緻，好似唔錯就book 左4位晚市，價錢唔係平，叫左一個松茸螺頭刺參湯，羊腩煲做緊推廣，凍凍地幾吸引，仲叫左炸子雞，同西蘭花炒蝦頭，各樣味道都幾好，最緊要主角滿意😀平時食得唔多既佢，胃口都好好，話炸子雞同羊腩煲好岩佢胃口。咁個炸子雞係幾香口，脆皮肉仲係好滑，都幾有雞味，羊腩煲我就麻麻哋，始終唔鐘意食，鐘意食羊既，都係咁話正🙂‍↔️反而個燉湯足料夠滋補岩我心水多d

我哋包房食晚飯，負責處理預約點菜的員工服務態度很好，會按我哋嘅人數推介點餐嘅份量，今時今日香港有咁嘅服務比較少有，值得一讚。食物普遍嘅質素都幾好，唯獨是非常唔建議大家點荷葉籠仔蒸龍蝦飯($1196)，隻龍蝦話係波士頓龍蝦，size細，無咩肉，感覺呃秤。用餐期間冇乜服務，亦都冇人入嚟Social吓問吓啲嘢食好唔好食，呢一點有啲意外。其實食客觀察到好多嘢，如果淨係湊熟客或者抱住你黎就黎唔嚟就算嘅心態，好快都冇乜人會再嚟。

食物樣樣都唔錯，幾好食，好簡單嘅嘢都做得好味道。但係員工好似個個都唔想做咁。佢哋唔係冇禮貌，但成日扮睇你唔到，食得好辛苦😅開頭以為多人先估唔到咁多嘢，但係食到後尾其他客人都走晒，舉手都係冇人理你。多人做嘢但冇人想做嘢🥲

放假訓飽就同阿爸阿媽落去Southside 搵野食醫肚，呢間王子飯店睇落環境唔錯就揀左呢間，叫左10樣野到，全部味道都中上👍👍不錯不錯！連平時嘴刁阿爸都話幾好，特別個蘿蔔糕，睇來來緊新年睇下可以訂😆🤣🤣蘿蔔糕煎得香口，唔粉，有蘿蔔絲臘味有口感👍👍點心樣樣個樣都好ok, 皮薄餡靚😋蒸排骨肥瘦適中。個日唔算多人，難得有質素的餐廳，值得再支持👍下次再encore試埋晚上小菜睇下係味都ok😌

之前係harbour city 見過呢間食肆，今次咁岩去完海洋公園就來southside 試下～我同我妹加兩個姪女4個人叫左個粉葛湯，鮑汁炒飯，牛柳粒，同炒素菜丁粒，好夠食👍幾樣野食味道都好好，我見餐牌寫住冇味精，咁個湯飲完真係完全唔會口渴，仲好足料，飲得出係真材實料👍👍抵讚！ 同小朋友出街食飯呢樣好緊要，另外抵讚既係環境夠闊落，有小朋友唔怕嘈到其他人😌waitress 帶位個時仲主動幫我拎野一口牛柳好有牛味，好腍身，姪女都食到舔舔脷👌呢個鮑魚汁海鮮砂鍋飯，係waitress 推介，話好多捧場客，係出色嘅，帶子粒唔會乾晒，飯有鮑汁好惹味，但唔會食完一碗就好漏，仲有飯焦👍呢個餸會下次再嗌寫明冇味精👍

星期六盡下孝心，陪阿爸阿媽，一齊試下呢間新開嘅王子飯店，我地10點到去度，都唔洗點等，坐得幾闊落，傾計就好舒服，唔似平時飲茶又迫又嘈，最緊要點心都比平時水平高👍🏻👍🏻抵讚叫左幾個點心，我最鐘意個牛肉腸同菜苗餃😋兩樣都皮薄餡靚，菜苗餃好飽滿，又足料脹卜卜👍🏻出色 ！牛肉腸都係，牛肉一般那到爛晒。阿媽就鍾情XO醬帶子煎腸粉，香口乾身，唔會痴埋一舊，同埋有油膱味。叉燒酥外皮仲有蛋香XO醬帶子煎腸粉$78沙薑豬手$78龍蝦湯海鮮脆米泡飯$108 北菇棉花雞$58 鮮竹卷$48 翡翠鮮蝦帶子餃$48百花釀魚肚$68陳皮叉燒酥$40香茜牛肉腸$50

第一次同朋友去southside 揀左王子飲茶環境舒適 唔會好嘈 服務都不錯 燒腩仔脆口有豬味海鮮飯真材實料魚肚晶瑩又好食食物質素高整體都好滿意對點心有要求既可以不妨試下

前菜雞絲粉皮個醬好好食燒腩仔合格有餘叫咗個孖寶招牌叉燒配是日燉湯燉湯章魚蓮藕好夠味冇味精叉燒厚身得來非常嫩 好味北京填鴨一鴨兩食第二食嗰個係鴨菘配新鮮生菜食 超好味酥皮牛坑腩有趣有趣砂鍋鮑魚汁海皇飯上菜時渣渣聲 香味四散好足料👍🏻甜品綠豆沙勁香陳皮味🥰楊枝甘露好重奶味以上所有菜式用料靚亦睇得出係用心炮製過值得再三稱讚係廚房出菜非常之快但唔係預製菜本Menu起碼有超過50款菜廚師根本冇可能預先知道你叫乜嘢即叫即制非常新鮮（中菜理應如此 試過去食一間酒店一星米芝蓮中菜食到好似法國餐咁 冇試過有多過一碟餸同時候喺枱面出現真係搞唔掂😵‍💫）

第一次食黃竹坑站嘅王子飯店，一入去感覺不錯，侍應非常有禮貌。裝修得體👍🏻今次只係試吓D點心先😂鮑魚燒賣-鮑魚算非常大隻，而且亦夠林身👍🏻鮮蝦腸粉-啲蝦真係好大隻，三條六隻食到好飽😅蘿蔔糕-其實我都係喜歡傳統，佢包咗炸醬喺上邊，但係唔鍾意上邊嘅醬🤔灌湯餃-很一般帶子菜苗餃-清淡得嚟好鮮味👍🏻糙米珍珠雞-依個真係麻麻哋，因為裏面太乾了整體嚟講點心都係好味嘅，下次會試吓佢嘅小炒😊

次次weekend過黎門口都等哂位，今次專登揀放左工weekday過黎食，果然有位🩵staff話原來可以訂位😅今次一行4人先叫左個是日例湯 — 節瓜章魚豬展湯，個湯好濃，我自己就稍為覺得少少咸，不過老豆話鍾意濃湯味😜再叫左個辣子雞，呢個正，啖啖肉，夠哂辣🌶️🌶️蒜茸炒白菜仔，我地講明話要炒淋D，staff又真係好細心咁打左落張單度，係窩心既。燒腩仔個樣幾靚仔，整整齊齊咁排列好，個樣同一啖咬落去既感覺一致，好鬆脆，呢個值得再食😋響螺等左最耐，staff話要時間焗，出黎個咖喱味好香，好多饀料，好味😋so far 今次都食得開心，staff都nice，環境都坐得舒服

以前去海洋公園玩，總覺得路途很遙遠，現在開通咗地鐵，就算住九龍或新界各區都唔需要太多時間，非常方便，玩到接近黃昏，就到黃竹坑一個新商場行街和食晚飯，飯店裝修優雅，座位寬敞舒適，感覺舒服！✨精選孖寶✨💥伊比利黑毛豬义燒用特別和厚切方式處理，口感和一般义燒唔同，雖然厚切，入囗有鬆化感覺，肉質鮮甜味美！💥老火湯用足材料燉，湯好清甜味濃！✨瑤柱嘉美雞✨雞件有好濃瑤柱味，雞肉唔肥，肉質嫩滑，味道恰到好處！✨黑毛豬咕嚕肉✨黑毛豬肉質比較鮮味，用黎做咕嚕肉外脆肉鮮，酸甜醬汁調較適中，好開胃！✨甜品✨💥蛋白杏仁茶～係要即磨即煮，杏仁茶加咗蛋白，濃濃香味，唔會太甜！💥楊枝甘露～有好多芒果肉，好滋味！💥香滑芝麻糕～同芝麻卷制作過程唔同，但一樣芝麻味濃、香滑！

今早看完早場，順道試試這間食肆，外圍設計簡約，座位較擠迫，燈光暗黃，招待很好。前菜👉番石榴切片，沾上少少麻醬，味道甚配合，較一般酒樓前菜新穎又健康。💥天下第一飽>>$48👉外形美觀，😂内裡空洞洞，只一層薄薄碎义燒料😅。💥翡翠帶子餃>>$48👉碎帶子+蝦有咬口，菜甚足，正常ok。💥砂鍋鮑魚汁海皇飯>>$168👉😋熱騰騰上枱，蝦粒+帶子粒+菜粒，材料足，飯沾滿鮑魚汁，飯粒微濕潤又有飯焦香，調味剛好，整體👍👍。💥蛋白杏仁茶>>$48👉杏仁香，蛋白滑，少甜😋👍

7月8號 11:30左右 一家人來嘗試一下 因為這個新商場 其餘兩間中式酒樓也嘗試過 始終這一間高級一點 一分錢一分貨我也明白 第一碟上枱的天下第一包 即是叉燒餐包 竟然不是熱的 立即給我印象真的不好 因為之前去了其餘兩間中式酒樓 價錢比這間便宜 點心上到枱也是熱辣辣的 所以這間王子飯店 第一個印象已經不好 其餘點心正常跟一般酒樓一樣 王子炒飯OK的 蝦子柚皮 蝦子味不夠 乳豬賣相特別 這間飯店試過就一次就算吧 ！

Wow 估唔到自己係第一個寫食評Southside開幕咗好耐，但係自從city‘super同戲院都開咗之後成個旺晒食飯差唔多間間都要排隊，見王子飯店6:30pm冇乜人排就睇吓餐牌見到啲價錢有啲貴，但係都想試吓呢間飯店入邊鋪咗地氈，令到傾偈嘅時候冇咁嘈，整體感覺上比較高檔嘅中式餐館結果兩個人坐低就每人叫咗一個湯，一份叉燒一個海參心豆腐煲，然後再由侍應介紹$78一隻蟶子或者蛋白蒸蟹鉗，最後決定要蒸蟹鉗佢哋嘅餸每樣都做得好好，例如叉燒係搵到最稔嘅梅頭豬肉，另外白肺湯同埋鮑參翅肚更兩樣都好足料，調味剛剛好海參豆腐煲啲海參肉質好厚同埋炸豆腐口感好滑，至於蛋白蒸蟹鉗，蟹肉好甜，蛋白如果再滑啲會更好味唯一少少缺陷就係上菜嘅時候冇乜伴碟配菜不過其實呢啲細節唔會影響到口感買單嘅時候侍應俾咗一張現金券，下次$500　可以用$100

今日同媽咪去左lee個Southside 入面僅有可以飲茶的地方座位安排十分混亂 登記名同電話 冇飛揸手只要大聲同嘈就可以入座🌚 比人打左兩次尖🌚入座後 茶$18 小食$18 XO醬$18 明既地段問題點心偏貴 但都係尚算正正常常偏好食既待應人手都足夠 尚算殷勤既不過唔知由幾時開始 係香港食嘢就好似俾人搵笨同交智商稅 貴真係唔係問題 係唔值