王林記潮州魚蛋粉麵

营业中

休息中

本身話呢啲咁邪惡嘅嘢只能夠間唔中食一次🤪，但係估唔到好食到唔夠一星期，就再次帶媽媽再嚟食過😎😎今次揀咗切腩魚片頭撈伊麵，雖然撈伊麵要加$12，雙併又加8蚊，加加埋埋都成70幾蚊一碗，但係我實在太鍾意食伊麵，今次有得撈伊麵，仲要係豉油王，忍唔住試一試佢🥳到嘅時候一擺入口，果然冇揀錯佢，個伊麵好滑好香，夾埋個豉油王唔甜唔唔鹹，好好食一啖接一啖，我覺得撈粗更加好食，如果鍾意食伊麵嘅人一定要試之後都係鮮油🧈奶多，都係一樣咁好食，雖然好邪惡，但係屋企係唔會咁樣夾嘅牛油落去加上依度係有鹽嘅牛油🫙🧈真係好好食，出到嚟食就唔好理咁多啦今次仲嗌咗個韭菜餃雲吞🥟雙拼，雲吞都幾大隻，佢係鮮肉雲吞，都幾爽口，韭菜餃都幾香$64有八隻，不過不失雖然都係比較貴，所以可能都淨係會間唔中試一次或者間唔中先再嚟食2022年最尾一日用王林記收尾十分完美😎

筲箕灣有兩大粉面舖食牛腩🐮都好出名，安利同埋王林記。今日就嚟試下王林記，今日公眾假期，點零鐘嚟到都有幾多人排隊等，但係佢嘅流動量好快，等左大概半個鐘之後入得入到去見到好多人都喺度食撈粗🍜，所以我都唔執輸咁叫左最出名嘅切腩魚片頭雙併撈粗，仲嗌咗個煉奶牛油厚多士🧈🍞首先係嚟咗一碗魚片頭湯🐟🍲，飲落去個湯頭好清甜，個魚片頭好有魚味，好彈牙，好有驚喜然後嚟到係豉油王撈粗，入口甜甜地鹹鹹地，但係唔會話好乾加埋少少湯落去一齊食，令人一啖接一啖係咁食，切腩都唔會話好硬，佢一擺入口好輕易就散開，我平時唔係好鍾意食牛腩既人都覺得幾好食🍴最有驚喜嘅係煉奶🍼牛油🧈厚多士，好大舊好厚嘅牛油，係脂肪嘅呼喚，擺入口牛油鹹鹹地加上煉奶甜甜地，再加埋脆脆地嘅多士，簡直令人一試難忘，呢個絕對係我會為咗佢再嚟食既🥰😋

黎到東大街有兩間極出名的牛腩麵，揀邊間好呢？王林- 崩沙腩同滷水腩都好淋好入味，唔會食完痴牙。另外魚皮炸得乾身脆口，唔會有益味。魚旦有彈牙爽口，有蔥同冇蔥食落冇分別😂成碗食完都唔會口渴。凍奶茶就正常發揮。埋單都要七草野，下午茶黎講有少少貴，因為全部野都散叫冇set。下次黎會試個撈粗先😋

🍪【#糧尾精選】【#筲箕灣】王林記潮州魚蛋粉麵💥東大街馳名撈粗 切腩半肥瘦富油脂香💥.🍽切腩魚片撈粗 $63 (4.5/5)呢度咁出名撈粗當然要試下‼️半肥瘦牛腩有驚喜😍，牛肉味突出富油脂香😋。四片魚片另上，口感彈牙👍🏻，高湯味道唔錯。撈粗軟硬度適中，撈得均勻入味。唯獨價錢有啲貴😳。.🍽香蔥魚蛋牛丸米粉 $44 (4/5)招牌香蔥魚蛋又真係幾香蔥味，更鍾意食牛丸🤤，米粉偏硬身。~~~~~~~~~~~~~諗住平平地食個lunch，點知兩個人食食下都過百蚊😳。唔算特別抵食，但食物確實有質素，可encore😋！~~~~~~~~~~~~~味道 Taste：🍪🍪🍪🍪🍪/5環境 Ambience：🍪🍪🍪/5💸消費 Spending：$54 /人 Person🔥推介度 Recommendation：4.5/5.📍 王林記潮州魚蛋粉麵@wonglamkee.Follow me on instagram: hungrycookie15

去到東大街，好多食店，王林記都唔少客人進食，就算平日都差唔多坐滿客人，店鋪唔算太大，環境尚算ok,好快有得入坐，呢度除左牛腩好食外，仲有另一樣食物香蔥魚蛋，係店內名物，仲有魚唇，呢樣食物好多店鋪都冇，本來想叫，但魚唇冇哂貨今次就叫牛腩香蔥魚蛋撈粗麵$56,加埋杯熱檸茶$19,牛腩份量唔少，每件牛腩都幾大塊，食落好有牛肉味，又唔太韌，係個汁偏鹹，如果可以下次清湯腩仲好，香蔥魚蛋好彈牙，混埋蔥粒，口感非常好，加上魚嘅味道相當重，今日去王林記食野都好滿意

崩沙腩好好食，肉質偏瘦，口感鬆化，不算有太多油脂，但都有香濃嘅牛味。河粉湯底沒有太大驚喜。相反撈麵味道很好，很香麻油同醬油的味道，幼麵10分彈牙，相信粗麵口感更好！

作為大西北人山長水遠去鶴咀行山，行山之前要經筲箕灣搭車，順便就去食個出名嘅魚蛋粉牛腩撈粗。要左魚片蛋撈粗($48)食落好有咬口，冇乜鹼水味，有咬口到要咬多兩三啖先可以咬得碎。呢個麵真係比較有特色，味道比普通豉油撈麵更加有特色。黎到不妨試下。另外佢嘅辣醬都幾有特色，用黎吊味層次豐富左好多。魚蛋魚味幾香，同街邊貨色真係有分別。彈牙就唔算特別彈牙嘅，手打魚蛋嘅我expect再有咬口啲。湯底偏咸，層次比較單一。另外要左佢最出名嘅切腩撈粗($55)牛腩牛味香濃，份量就唔係太多，但夠軟淋入味。加左個牛筋丸但味道正常，冇咩特别。

特別走到筲箕灣東大街，一嚐聞名已久的切腩撈粗。可能因為期待已久，期望太高，有一點失望。下午一點前已經到，不需要等位。很快便落單，點了香蔥魚蛋切腩撈粗。等了一陣，香蔥魚蛋湯先到，但是，等了很久過了8至10分鐘，追過一次，切腩撈粗才到，香蔥魚蛋湯已經開始凍。雖然係午飯時間，但是如果餐有部份還未做好，應該等一下，湯又不是需要時間做，一齊上會好很多！切腩撈粗味道還可，切腩有3分之一是肥膏，個人口味不大喜歡。香蒽魚蛋煮得太熟有點硬同鞋。下次會嘗試隔鄰安利魚蛋，看一看兩間同是筲箕灣東大街出名切腩撈粗嘅分別。

和好友在大潭行完山，回到筲箕灣食個lunch，一場來到當然要去食出名嘅王林記啦。其實Menu上面好多嘢都想食但是最想食係牛腩撈粗食完一個面已經很飽加埋杯正宗嘅凍檸茶少甜感覺非常滿足！行完大潭水吧欣賞完個美景，仲要食埋今好味嘅港式撈麵，完美的weekend。我們在四點多一座，不用排隊，姐姐也很好招呼，跟我們有說有笑感覺非常良好❤️

📍東大街係正牛腩麵集中地，一般大家都會介紹安利牛腩，今次介紹下翻一間比較小啲人知既王林記😆😆頭先講返環境先，店面好乾淨，疫情期間餐廳枱上面嘅隔板做到好高👍🏻👍🏻姐姐好友善，撈麵嘅湯飲晒會主動幫手加湯。切腩撈粗，一早幫你撈好晒，每一條麵都上晒色😍麵質有驚喜，好爽口彈牙，但係就有啲偏油同鹹咗少少🤏腩超淋而且唔鞋口，平日食腩最怕痴牙 ，完全冇問題😌#王林記 #王林記潮州魚蛋粉麵 #東大街 #東大街美食

上一次幫襯王林記，係朋友介紹，嗰日原本想食安利，但係條龍長到😣，朋友話隔離間王林記其實都好好味，所以就轉移陣地。第一次食，叫咗個肥坑腩河粉，我本身鍾意食肥，佢啲牛腩切到半肥瘦，啱晒我口味，好香牛腩味。點知今次再訪，去到居然唔記得咗叫肥坑腩，淨係叫咗坑腩雲吞河粉😔坑腩咬上去d肉好似湯渣咁, 真係好失望。個香蔥魚蛋亦都冇想像中咁香蔥味，感覺好普通，唯一滿意係個辣椒油，下次唯有提醒自己一定要叫肥坑腩。

東大街名物王林記，三十幾年老字號，最出名係手打香蔥魚蛋，混合幾種唔同嘅魚，例如九棍，黑門鱔等，全魚肉，唔落粉，每日因應漁獲，氣溫，濕度而微調配方。咁正，當然要試下，不過我又衰貪心，於是就叫左碗香蔥魚蛋牛腩雙拼麵。香蔥魚蛋真係冇得輸🤩，非常爽滑彈牙，魚味亦好濃；牛腩又係夠腍夠入味，好食；幼麵都有水準，夠爽，冇咩鹼水味。唯一覺得麻麻就係個湯底，感覺偏鹹，食完要扯水。特別想讚下杯凍檸茶，茶底香濃，檸檬有多片，水準比想像中高，拍得住出名嘅茶記喎。第二次嚟，試埋另一鎮店之寶韭菜餃，好食係意料中事，估唔到碟撈粗都咁正，麵質冇鹼水味之餘又非常彈牙，配埋自家製豉油汁，真心好食。最後驚喜嚟自蜜糖烤雞翼，又甜又香脆，差啲想食埋隔離嗰隻🤤。

係之前睇電視認識王林記的，當時節目介紹老闆娘的故事，同埋王林記的新鮮手打魚蛋，好多人都慕名而來。難得過海，就去一轉筲箕灣。一去到條街…多人到呢🙈 王林記同隔離個間野都係極之多人等位，我地拎左飛，好似都等左成45分鐘，可能因為餐廳面積唔大，所以大家黎食時都要預啲時間。我地order左一個魚蛋面同牛腩撈粗，魚蛋果然係名不虛傳，爽口彈牙，而個撈粗，係 out of my expectation 嘅，佢係幫你撈好左啲粗面，每條都上左色，好好味（當然都幾油啦😂）。由於我地好大食，兩碗面唔夠飽，就叫左個鮮油多，極邪惡！極正！不過…… 食完後大約一個鐘就好口乾口渴，其實都預左有味精嘅，但無諗過咁勁，個口乾程度比起平時食完公仔麵多兩三倍，所以唔like味精嘅朋友，可以不試。雖然今餐係滿足嘅，但因為重味精都扣左好多分，加上好遠，所以未必會再去了。

安利食得多王林記係第一次，嚟到一係食魚蛋魚片一係好似今日咁切腩撈粗麵，面嘅質地爽脆，甜豉油非常香口好食而且同熟油嘅比例啱啱好撈得好均勻，好容易夾起唔會黐住一餅餅咁，碗湯我叫咗多蔥亦都滿足晒我。牛腩賣相好差不過好彩咬落都算淋滑但無乜肉味，如果可以配坑腩崩沙腩就更加好。辣椒油我就覺得安利好食啲可以一試嘅，因為好食嘅豉油撈麵唔多（深水埗長發好食但夏天唔去得）😎

筲箕灣名物 係王林記😂最近去東大街發現條人龍去咗王林記 就知咩料啦最出名應該係蔥花魚蛋 魚蛋入邊撈左蔥花去腥提鮮有新意 一舉兩得 得左👌🏻鮮油奶多 好食😋係我最鍾意嘅厚多士x鮮牛油x煉奶同脂肪🥹完。#飲食係一種享受唔淨係為左生存#無論平定貴都一定要花費得明明白白#eat_withbina #eat_noodle_withbina #eat_ShauKeiWan_withbina