王林記潮州魚蛋粉麵

营业中

休息中

同同事入筲箕灣食，佢哋話呢頭都好多嘢食，跟住介紹咗呢一間。佢哋話依間原來好出名。所以就試一試。味道係幾有驚喜而且老闆都幾好人好友街坊感覺。我今次就叫咗佢招牌嘅魚蛋同牛腩河粉雙拼。先講佢嘅魚蛋，係非常之彈牙，非常推介大家去試吓。同事都話每逢做節打邊爐都會特登過嚟依度買佢嘅魚蛋返去食。另外就係牛腩，佢嘅牛腩同一般嘅牛腩唔同，王林記嘅牛腩係彈牙嘅。第一次食係真係好有驚喜，同埋有一浸應該係煮嘅過程嘅醬汁或者係醃料嘅味道係幾特別同埋好好食。加埋老細又好Nice所以非常推薦大家去食。

聽講佢豉油王撈麵幾好食～所以今日買來試吓～Lunch time去都幾多人～🍽南乳豬手+韮菜餃 豉油王撈麵🍽💰$64💰南乳豬手：有三件～味道都幾好～韭菜餃：比我想像中細粒～味道都可以～豉油王撈麵：好彈牙～唔會太鹹～值得一試👍湯：要湯係要再加一蚊外賣錢～但味道幾唔錯👍🍽五香牛腩豉油王撈麵🍽💰$55💰五香牛腩：正常水準～唔係特別出色～溫馨提示：轉豉油王撈麵～多$14其實都幾貴～不過真係幾好食嘅😋CP值：🈴味道：🈴

筲箕灣東大街好多好嘢食雖然我唔係住港島區，但係我由細到大都喺香港區返工，所以經常喺港島區遊走、覓食。東大街除咗麻糬、雞蛋仔、燒賣魚蛋出名之外我最鍾意就係呢一間王林記魚蛋粉麵間唔時就諗起佢🤭特別鍾意佢個蔥花手打魚蛋，仲有魚肚又稔好入味魚蛋魚肚米就係我至愛嘅～每次黎都必叫！特別一提，佢個辣椒油都好香好好味有分小辣同大辣（個罐上面有寫）辣椒油個辣嚟得慢，所以如果要落嘅話記得逐少逐少咁加如果唔係就小心太辣😂

在筲箕灣有兩間老字號魚蛋店舖，據一些未經證實說法，內地人多去安X，而本地人識途老馬就會去呢間。我們兩個人分別叫了一個魚旦河，一個切腩撈粗。先來的是魚旦粉，嚐了口湯，店家說是大地魚豬骨等熬成，無味精，食得出是真材實料，食完唔口渴，魚蛋口感唔錯！跟著，切腩撈粗上桌，有碗湯随上，切腩很稔，好食但到個麵，我一挾起，嘩！好大陣梘水味，超難聞，到食落口，一股濃烈亞摩尼亞味湧上食道，真係食唔落，可能有人唔覺得，但我就接受唔到啦結論：魚蛋粉好食，牛腩亦唔錯，建議改食牛腩河，不要食麵。

公司同事喜歡叫外賣食，lunch多人不用四圍走!今日叫了雲吞伊麵，伊麵有咬口之外！雲吞大大粒，入面鮮蝦也有份量的！彈牙可口，令人回味!外賣湯同伊麵分開上！真細心！

果然是筲箕灣人氣店，週六下午時間來到，人頭湧湧，大概有30人在外等侯，不過輪候時間唔算好誇張，只需20分鐘左右。牛腩撈幼麵一上枱已非常有食慾，牛腩煮到非常入味和淋，一食個麵，非常驚喜，口感彈牙，唔會過分煙靭，味道調得剛剛好，另外，呢到嘅辣椒醬超香，仲好貼心咁分咗小辣同大辣，配埋麵一齊食一絕！魚片頭撈粗呢個粗麵麵質，一食就驚艷到我，彈牙得誇張，好好味，我覺得揀粗麵或者幼麵視乎你想食嘅口感同埋濃味程度。至於魚片頭都係好有魚味，但個人對呢樣野還好～

同friend一齊去探索咗一間勁local勁地道嘅港式茶餐廳😉成間舖頭唔算話特別大，但係都有人喺度排緊隊味道都幾好食，同埋份量都好大～推介粗腩撈麵！甜而不膩味道又好濃郁😋一齊搭枱嘅時候發現嚟嘅uncle都係被friend推介特登過嚟過來🤣不過味道真係OK嘅，大家可以嚟試一下😍唯一覺得美中不足嘅可能就係服務可以有待再提高少少🥲可能因為人太多，所以就冇太特別顧及顧客，希望可以改進一下啦😆😆😆

住咗港島東廿幾年都會知筲箕灣東大街出名多local野食，今日想推介嘅係魚蛋魚片好出名嘅王林記**魚蛋**：佢哋嘅魚蛋真係好彈牙，唔會有嗰種過於鬆散嘅感覺，每粒都係實淨淨。味道適中，冇加太多調味，保持到魚嘅鮮味，食落去好清新。**魚片**：魚片切得剛剛好，唔會太薄或者太厚，煮得啱啱好，唔會過熟。魚片仲保留住鮮甜嘅口感，加埋啲簡單嘅配料，已經好夠味道。價錢合理，份量適中，推薦一試，不過其他就唔洗試，專注食魚蛋魚片頭

晚上來到筲箕灣東大街覓食 個心好想食魚片頭撈粗 但是想食嗰間原來好早便關了門 所以今次試吓王林記 （20:15 last order).🍲魚片撈粗 $54粗面質感不錯 顏色均勻有光澤 魚片數量頗多 有魚味 不錯.鮮蝦雲吞米粉加色 $40河粉售罄所以選擇了米粉 米粉是較滑身的那種質地 出奇地有驚喜 雲吞有5粒 雖然不是大粒嗰種 但每粒雲吞入面鮮蝦很彈牙👍🏻 .整體味道可以 可惜最後食完好口渴 所以扣了分🤔.#筲箕灣美食 #東大街美食

廿幾年前已食,搬走后舊地重遊,感覺食物水準下降兼招呼差！我們一行三人,入去剛有張4人枱,坐底,餘下一個位放背包,叫阿姐寫野食~寫寫下,佢話等陣,去招呼另一枱客入坐！回來后,見到我放袋個位,不友善地叫我哋攞起,要坐人甘話,無法！全都圓凳,已經坐唔舒服,仲要抱住背囊食,各位自己唸！漏左個切腩撈，其他野食晒都未嚟,吹佢先俾碗湯,個撈仲要成10分鐘先到,其實D坐位甘矜貴,漏單呢D係唔可以發生,阻嘅,咪又係你鋪頭？食物~切腩還合格,面就和普通舖的一樣,而佢哋嘅招牌魚蛋,食出已經唔係以前嘅魚做了,冇咬口及彈牙感,是換人失傳,還是食材太貴,用不回？總括~冇特別出色的食物+零服務+唔舒適及價格略貴！

筲箕灣魚蛋粉另一選擇-王林記潮州魚蛋粉麵筲箕灣東大街出名多野食😀而最出名個間魚蛋粉，好多人會講”安X”😂不過今次同大家試試另一間都要排隊既王林記，人氣一啲都唔輸蝕，排隊都等左10分鐘😪點左魚片魚蛋米粉加紫菜，牛腩米，仲有炸雲吞🤤魚片魚蛋，好彈牙，有魚鮮味；份量正常，牛腩方面，入哂味比較淋，都唔太硬😗 炸雲吞唔太油，炸到乾身，蝦好爽口，配上醬汁好惹味😀Overall 食物OK, 當然座位比較迫夾，都係快食😅比較上唔使等咁耐，大家可以睇吓值唔值😂

呢間舖頭嘅切腩撈粗應該唔需要我多介紹。喺筲箕灣東大街掃街，順便經過舖頭買咗個外賣，見咁多人介紹所以好奇想試吓。切腩雖然比較瘦，但係一啲都唔韌，淋身得黎唔會好似湯渣咁冇晒味，牛肉味濃郁。粗麵爽滑，撈咗豉油好夠味。外賣都會跟一個湯，而個湯亦都係相當濃郁。嘅最貼心嘅位係外賣都有包埋一細盒嘅辣椒，嗰個辣椒配撈麵都相當惹味。口味嘅嘢係好過人嘅，但係呢一間已經係我試過咁多粉麵舖裏面比較出色，第二道搵唔到呢個味道。如果去開筲箕灣東大街真係值得一試。

位於筲箕灣東大街 離港鐵站五分鐘 好方便東大街都算係美食街 好多知名食店都係呢度平時好少黎呢區 特登問一問住呢區既地膽朋友佢就推介左王林記 話係必食的😁叫左下面幾樣野 都係朋友大推既✌🏻✌🏻鮮奶油厚多士😈極度邪惡 牛油夠厚唔會太凍 奶油香一層層勁CREAMY 呢個中意食邪惡野既朋友一定要試下🥰🥰切腩撈粗💯雖然唔平但份量都幾足 切腩夠淋肉味都出 撈粗爽口 醬油味強 岩較重口味既朋友😌魚片頭魚蛋河粉相對較一般 魚片頭蛋都唔錯既 正常發揮河粉有少少太淋🤏🏻凍奶茶幾香滑 茶味再強少少就好了🙂Overall價錢係稍貴 但算物有所值熱門既野食真係有保證 可以再黎👍🏻方便指數: 4.5/5環境指數: 4/5回頭指數: 4.5/5地址: 筲箕灣東大街10號東寶大廈地下A號舖

王林記 （筲箕灣東大街店）切腩撈粗 - $60香蔥魚蛋河 -$39又黎到東大街掃街篇，今次試粉麵老字號王林記。星期日中午時間嚟排隊等15分鐘唔算耐，粉面價錢尚算抵食，試咗兩個招牌，切腩撈粗印象深刻，處理得入味又夠淋， 冇鹼水味😋粗面份量足夠， 加埋芽菜口感豐富。香蔥魚蛋粉都算抵食，魚蛋彈牙粉面正常，行過可以一試，但會推薦切腩嘅粉面多啲👌。

東大街好出名嘅粉麵店，早餐都算貴要$45，但係個雲吞麵好細碗同啲雲吞好細粒，唔算特別好食，另一份嘅豬扒好油，奶茶就okay。筲箕灣粉麵嚟講，我覺得都係愛蝶灣間寶記最好食！