王牌冰廳 (燒味世家)

营业中

休息中

呢間野永遠唔會再去..話說前幾日收工番到屋企附近想拿拿聲叫個外賣飯番去食，入左呢間西野真係好後悔，d員工態度麻麻都算..問佢地有咩推介，串串貢咁話扔個餐牌俾我叫我自己睇..咁我就叫左個外賣燒鵝髀飯 盛惠$88蚊拎走好啦，番到屋企一打開都覺得唔對路..隻脾聞落去浸味唔係唔香咁簡單..直頭臭臭地 我安慰自己可能係聞錯姐..一食落去就知大獲..有浸腐屍味既..仲要好似生生地咁..食左幾啖 唔同位置都係咁既情況..真係搞唔掂..88蚊當買個教訓 真心勸大家咪去幫襯..我自己就永遠唔會再去

網上外賣平台叫左個早餐自取，去到個陣佢叫我比number佢，但客人係睇唔到張訂單number淨係見到D英文同數字串起嘅number，講完一大輪佢同我講係電話number🙂咁你一開始就直接講電話號碼幾多會死咩🙄🙄整好之後走入去問佢連望都無望我叫我自己拎🙂👌🏻我諗如果拎錯左其他人個份我應該會比個阿姐鬧返轉頭………….........….….….…….…….….….….……….…….…

見大埔新開左一間茶餐廳都幾多人食所以就入去試吓本身自己都鍾意食常餐所以就叫咗 友人就叫咗雙拼燒味飯不過呢間茶餐廳同普通茶記有啲唔同因為茶記講求快上菜但可能新開張啦所以佢哋上菜速度都比較慢經常性要追同埋有啲漏單嘅情況出現希望佢哋可以作出改善啦腸仔火腿蛋配多士叉燒意粉都幾多叉燒常餐味道一般啦叉燒燒腩仔雙拼我覺得啲燒腩仔偏肥嘅所以都唔係咁入得口但價錢係抵食嘅職員嘅服務態度都好好就算出現漏單情況佢哋都會盡量幫手追

今日第一次同老婆去D間冰廳食嘢，我張飛係58號，已經叫到57下一張到我地，當時有張4人枱坐左3個人，有2個人食完埋單走，跟住個職員叫58號飛，我俾飛佢時佢見我得兩個人而入面有3個位，佢問另一個男人‘你地係唔係3個人’，對方話係然後個職員叫個男人俾飛佢，個職員讀55號飛，我問佢我58號點解冇得入，佢話人地先，咁我話我見到佢俾你果張寫住59號，個職員支吾从對仲話下一張枱好快就行開咗，最後我哋走咗唔食佢間垃圾。間垃圾冰廳為左填滿d位，可以對住張59飛讀55號，睜開眼睛講大話，d野唔食都知有幾好！

放工已經好攰，想買盒靚靚燒味飯返屋企嘆下，行過王牌諗住之前食過啲叉燒都唔錯，所以咪買盒五寶飯為自己打打氣。等咗唔洗十分鐘，重手仲有湯跟埋，正👍🏻返到屋企換好衫坐低打開個飯盒，五寳滿滿咁迫滿晒喺度🤩，但發現只跟葱油，冇芥辣冇酸梅醬，算！食舊叉燒保持水準👍🏻，再食燒肉塊皮脆卜卜👍🏻，但一夾起啲油雞就出事，得一舊有肉，其他得塊皮同骨，再睇燒鵝定鴨，一樣都係皮同骨，不過多咗層油，得一舊叫做有啲肉😩，咸蛋就正正常常🤨

收工唔想煮飯，就係巴士站附近買咗呢間新新地嘅餐廳外賣😜嗌咗一個燒鵝飯同一個滑蛋叉燒飯。燒鵝非常普通，燒得麻麻地，皮有少少韌，調味有啲唔均勻，骨位好鹹但肉就唔係太夠味，鵝肉比較瘦，差少少鵝油嘅香味，不過件數比我想像中多。滑蛋叉燒拎到返屋企都尚算滑，不過蛋就冇乜蛋香，調味唔太夠，勝在份量好大，反而叉燒質素唔錯，半肥瘦，有5舊左右，都算抵食。overall質素好普通，當係家常便飯咁都ok，但唔好expect會有驚喜。

因為睇唔到mean ，打去問下有咩食，職員態度極差，一句”我地唔係茶餐廳”就cut  線態度完全不知所謂！完全等於趕客！ 知道就唔駛問你，唔係應該話俾人知有乜嘢，而唔係一句趕個客走！就算忙都唔會係咁樣對客

呢間冰廳開咗無耐，由試業開始，我哋已經幫襯，店裡光猛，乾淨企理。 最初去試個午餐燒味飯，叫個鬍鬚雞飯，一食件雞，入口清甜彈牙，原來係走地雞，第二件試點過豉油汁，哇！個豉油入面有一種形容唔到好特別嘅香蔥味，而且不是甜(最憎甜豉油，很怪)，係正宗舊式咸味，個醬只有配呢個走地雞係最夾，食過後返唔到轉頭。 之後我都有同鄰居老友去食早/午餐，仲外買咗6次雞回家與家人做節共享，每次都會叫靚仔老闆多豉油，佢哋有兩兄弟，剛知其中一個叫Anson🤩兩個都係高大靚仔😍，盡責又好人，店員又有禮 ！響將軍澳原來有間主店，可以兩邊試！ 今早又試過雞扒太陽蛋出前一丁，雞扒有濃濃香草味，大過我塊面，個丁麵亦唔係A貨，煮得不硬或過林，好飽好味！希望以後亦保持水準!

新開張，趁熱鬧幫襯下，食番個quick lunch。叉燒炒蛋飯$48, 熱咖啡+$3，一般茶記價錢。叉燒炒蛋飯，叉燒切得比較細嚿，冇乜口感，但係都食得出是比較軟，比較淋，都ok。炒蛋是炒滑蛋，唔錯。但係有一個敗筆，就係是啲豉油汁林咗上啲蛋度，影響蛋味。例湯冇味，都好過狂落味精嗰啲。咖啡香濃，全餐飯最滿意個位！

見新開張去試吓，次次行過見好多客人等位，咁咪早啲起身去食，叫了沙爹牛肉麵早餐，包括多士及炒滑蛋及薑蜜奶茶。炒蛋多士，正常。薑蜜奶茶，茶味夠，有趣。沙爹牛肉麵，沙爹冇應有香味，牛肉超級多鬆肉粉味，入口即化🤮只試了一件已吃不下，即食麵超淋。太太食個叉燒通粉，我同佢都試完無話可說，「王牌叉燒亅唔想評論，王牌可能係我誤會咗，只係名冇意思😕隔遠啲另一位太太投訴沙爹牛肉完全凍😂隔離枱仲大鑊😱，煎豬扒表面焦香，可惜只煎了表面，入面完全生😨，唔係粉紅色，係紅色🥶我睇見呆咗。嗰位太太都冇食到，雖然店員願意更換，但客人亦選擇離去。