玲瓏巧點功房

营业中

休息中

記得剛開張時，老闆廚師充滿熱誠，不時研究新菜式，還叫我試下新推出三杯雞，之後一直有幫襯，好多人排隊，因為好食，由其肉餅，之後又搞下新意有海鮮龍蝦。可惜現在已經大不如前，肉餅一食就知咩事，d欖骨乾硬到食唔到，茄子叫做keep到，但如果這質素，我不會再繼續吃了，很遺憾也很失望，真希望老闆可以不忘初心，明白港人北上，生意減小了，食物的新鮮度和質素有所下降也是可以理解的，但食物質素才是留住客人的最主要原因，如果第一天買是現在的質素，我相信不會有第二次。

今晚去排三送飯，聽到前面收銀同個太太鬧架，聽前面講系因為服務態度太差, 用"買十送一”coupon就呼呼喝喝，仲大大聲聲話"用coupon架! 比少D飯比少D送！唔好比咁多！" 搞到個太太同佢嘈！我仲聽到d阿姐話 "以後唔好番黎幫襯呀!" 我同屋企人系後面一邊食花生！一邊心諗會唔會輪到我地都系咁！個心都震一震！輪到我既時候，個個收銀短頭髮姐姐既態度真系差到爆，眼超超都算，仲要非常無禮貌！d態度差都算！最嬲系我番到屋企d送竟然系唔熱架

做得foodie，最怕嘅除咗嘢食唔好味，愈食愈珠圓肉潤，仲有啲咩？。。。係食嘢食到你窮呀 !【自選三餸飯盒】($35)疫情反覆之間，好多人因此失去收入，環境艱難，人人自危，大家都被迫忍耐，自選兩三餸飯就成為了當紅炸子雞。呢一晚，叫了少飯，再選了三個餸，先來中間健康一點的豆卜蒸雞，雞件多汁，滑溜，有點雞油但算清清地。然後左邊有招牌菜欖角一字骨，酥香入味，欖角味濃而不算膩，不錯吃。加上右邊最邪惡的椒鹽炸豬扒，雖然外賣到家有點腍，但仍然鬆化香口。坊間出現了兩三餸飯的攻略，而我就一於少理，優雅地佬去。但係要守住一大原則，兩三餸飯都係自私食好了。約女性朋友食兩三餸飯，後果自負。🤭

而家啲兩餸飯嘅舖頭越來越多，我好少買兩餸飯但見好多人喺網上都推介依間，今日五點幾見到冇乜人排，就去買個淨餸$55，依個價錢都預咗啲蟹細隻，但夾餸嗰位姐姐係咁夾啲蟹殼俾我，肉反而唔係太多，我同佢講唔使再夾咁多蟹殼俾我，成四個咁多，唔知以為佢真係俾咗四隻蟹我，佢答我諗住俾多啲你等你碟野望落去咪靚啲囉，之後佢話你唔要就算啦，佢夾返兩個走，其實如果唔係嗌海鮮，我見其他人的兩餸飯嘅份量係真係多，但係我嗰份浄餸份量係有啲失望，得一隻多少少，味道尚可

有一日放工，到附近的寵物店買貓糧和罐頭，拎住好重物品，立即不想煮晚飯，岩岩路過玲瓏巧點功房。看到一大盤剛剛出爐的蒜蓉蒸龍蝦，半隻龍蝦$45很便宜，又看見長長的人龍，便立即排隊買龍蝦，順便買多一盒京都豬排淨餸，埋單不用$100。姐姐給我一大盒餸，我想大約有20件豬排，我只要回家煲白飯便有豐富的晚餐食。味道上對得起住價錢，是非常超值的兩餸飯食店。下次如果不想煮飯，可以考慮一下買黎試試，通常會有一款海鮮提供。

疫情已持續兩年有多，縱有晚市禁堂食﹑聚餐人數限制等等措施，疫市下愈來愈多兩餸飯店應運而生。價廉，份量多夠飽肚，是昔日兩餸飯的寫照，如今還要味美，並且會各出奇謀以保持生意。位於大埔的這間兩餸飯小店就以海鮮作招徠，餸菜款式包括青口﹑蝦﹑螺﹑扇貝等等，也不乏常見的滑蛋蝦仁和西檸雞之類的兩餸飯配菜。價錢走中檔路線，不能以$30以下買到。餸菜還有龍蝦可選，每人限購一份半邊龍蝦。可以單買，不一定要配飯及多跟一個餸，半邊龍蝦盛惠$45。蒜蓉龍蝦，蒜香味十足，夠惹味！龍蝦肉不多，但肉質都爽口，不會霉。雖然不太嚐到龍蝦那陣鮮香味，但以這樣的價錢來說，與質素都成正比，味道不錯。若果喜歡吃到龍蝦肉的鮮甜，這份就未必適合咯～～～

龍蝦加欖角排骨飯，55蚊，貨真價實，總括來說算好味，排骨軟骨多口感好，味較淡食唔出欖角味，龍蝦肉偏少（以龍蝦來說正常的），但啲蒜蓉十分惹味，而飯用另一個兜裝，份量充足，幾十蚊就有龍蝦食都係好開心嘅事，不要期望是酒店級水準，但要排隊攞籌（10分鐘）再排隊取飯（約20分鐘），有空才去買。菜式的款很多，但排到時有乜嘢款就係果啲，我買果陣冇蝦冇蜆冇扇貝鮑魚冇肉餅好多嘢都無（6點幾時）總算是有誠意的小店，做生意不易，給一個好評。

個個星期都會幫襯，因為太方便🤓收工唔想煮飯，佢就係最佳選擇！👏🏻又平又抵食，仲有老火湯，全家人都讚🥳值得一讚既係佢嘅欖角排骨，煮得非常好今日再去買，竟然出左椒鹽蝦同埋炒花甲果然出心出力👏🏻👏🏻👏🏻👏🏻