珍妮曲奇 (已結業)

終於試到好馳名既Jenny Bakery既cookie喇，今次有朋友送比我食，好開心呀!一盒係4mix係牛油曲奇，一盒係鳳梨卷。個熊仔罐好得意呀，超鐘意! 食完可以洗乾淨佢用黎裝小物。4mix一打開已經聞到勁香牛油味，花花個兩款好鬆軟，大力掐落去就會溶碎掉，一個牛油味，一個咖啡味，兩個都好好味，一食便上癮，食到唔停得口。其餘兩款就比較普通。鳳梨卷lee盒都係Jenny Bakery皇牌，我覺得好似台灣鳳梨酥咁，外層牛油曲奇又香又鬆脆，內層鳳梨餡甜帶點酸，如果我學識整就好啦。

因為同事請過我食, 覺得好味咁岩親戚黎hk, 買多盒送禮買左4mix細, 每盒$60, 好貴下啡同白花型, 啡重咖啡味, 好鬆, 入口即溶, 好好味啡圓形係提子麥, 好香脆白圓形係牛奶味, 相對比較普通

區內非常有名的曲奇店，有點難找，幸虧找到了，剛開門，就買到了，有點幸運。買了三盒4mix，裡面四個品種，兩個黃油的，兩個咖啡的，各一種原味的，一種拉花的。拉花的非常酥，味道都不錯。

好耐冇食過啦!! 因為陪朋友去買...所以自己又買返盒返公司同同事食啦!!都唔記得左平時食4 mix 定係 8 mix 了~~今次就買左4 mix...突然覺得好細盒...得好少塊咋~~好似大概有3x塊囉!! 但jenny's bakery 既餅干真係食到停唔到口...好快就會食晒啦!!我最鐘意就係牛油味既扭花款...一來就ko左2舊...真係一貫咁好味!!雖然$60蚊真係貴左少少....但久唔久買一盒來食都不錯~~還以為油麻地lee 間會少人d...點知舖細細都好多人買~~我地都排左好耐隊...因為佢地好似得2個人手...仲要我地一個人買左9盒...佢都係拎d膠袋放...雖然分左2袋 (1袋4盒,1袋5盒)但都真係好驚抽多兩抽會爛囉~~其實有冇幫個客考慮下呢??如果人地買得多...應該要俾紙袋會好d囉~~最多limit 買4 or 5 盒以上先用紙袋放囉~~感覺安全好多...同埋你買咁多都有d 紙袋放下,感覺良好d囉~

今日返工，無啦啦比個同事叫去幫手買呢間曲奇。諗住試下無妨，就買左一大二小的4mix。點知，比同事話好味過拜年行貨多多聲既hand made cookies，竟然點食點聞都唔見牛油味！但舌頭已是嚐出一口油！估唔到，當年自己第一次整既曲奇仲好食過佢。

Jenny Bakery是我最喜愛的餅店之一，尤其愛他們的鳳梨卷。這日我就是專誠去他們油麻地的分店買鳳梨卷($80)。鳳梨卷依舊用可愛的熊仔鐵罐裝著，一打開罐，已可以聞到很香的牛油味！粒粒淺金黃色，真吸引！吃下去，很新鮮，卷身很鬆和又很濃香牛油味，而中間的鳳梨蓉能吃到絲絲鳳梨肉，而且甜酸比例不錯！結果一顆接一顆地吃了6粒，真是吃得太高興了！大滿足！另外這次發現新產品，是南棗合桃糕。本來怕會很甜，但原來真的如店員所講是少甜的。吃下去煙煙'un un'，很多合桃和南棗味很出，好吃！雖然吃得出是真材實料，但以$25 5小粒的價錢來說定價算偏高。

依家Jenny Bakery 開多左咁多分店 , 比以前容易買 , 不過又貴左啦 , 得閒買下都ok既 今次再次買左一盒 4 mix & 鳳梨卷 , 又多左兩個熊仔盒 total $1504 mix $70 Flower - 超級鬆化 , 好重牛油香 , 入口即溶既感覺 , 要好細力拎 , 否則極易碎 Coffee - 鬆化但俾Flower實少少 , 極重咖啡香 , 一打開幾乎都係咖啡味 , 好味 : mad:Shortbread - 比較實身 , 只屬普普通通 Raisin Oat - 脆口 , 唔係鬆化類 , 食落有提子粒粒 , 有咬口 鳳梨卷 $80鬆化外表鬆化 , 牛油味濃 , 包住鳳梨餡 , 鳳梨餡用新鮮鳳梨做既 , 因為有鳳梨肉既纖維 , 如果個皮可以實少少會更好 , 增加口感 !!

4 MIXED 曲奇 <=重牛油, 好鬆化. 喜歡牛油重的人會喜歡. 服務態度 <=冇態度, 冇理人, 問一句答一句, 只固自己同事聊天 希望其他分店不會像這間, 否則曲奇點好食, 都令客人不想再回頭買

一早已經有食過佢既COOKIE , 味道係唔錯既.... 不過就唔算抵囉 如果唔係朋友托我去買... 可能我都唔會有咁差既經驗 .... 因為要買成10盒既關係.... 咁諗住打個電話去問下先啦~嘩 !!!! 聽電話都覺得D姐姐仔態度MA MA 地 ...... 點知去到就仲差 !!!! 去到見到兩個姐姐已經"BLACK 口BLACK 面" , 我黎買野姐.... 唔好攪到我好似做錯野咁啦 !!! 行去埋去......KEEP 住 BLACK 面.... 唔問你要咩 ... 唯有我自己就講啦~ 講完又覆下.... 仲要好似我一定要知道總數幾錢咁 ! 收銀果個唔講....收銀機出幾錢...你就俾幾多 !!! 全程眼尾都唔望人一眼, 找錢放係枱就算 ..... 另 一個就起勢咁執.... 唔打算俾機會你睇一眼 !!!佢執左D咩落去....有冇執錯??!! WHO'S KNOW ??!!!!! 坦白講 , D野幾好食都好.... 未食就要先受氣 ..... D SALES 姐姐唔好講服務啦~ 連做人既基本禮貌都無... (黑口黑面 , 同佢講野無應過一句 , 仲要望都唔望人)咁好生意,

jenny既曲奇真係好好味,小妹最鍾意佢地既4 mix, 牛油味夠濃,食開呢度既, 藍罐曲奇果d真係放唔到入口...星期三果日, 下午未夠兩點途經油麻地, 諗住上jenny 度買盒曲奇,上到去,已有兩個女士響度買緊, 我排響佢地後面, 佢地好似揸唔定主意要幾多盒,又問大既幾錢，細既幾錢．．．擾攘一輪先至俾錢走，佢地一走,個counter小姐伸手響櫃面貼左個sticker,我無為意, 行埋去就話 "唔該，一盒細既四mix".呢個小姐木無表情望都無望我,好似聽唔見，睇我唔到咁，我再大聲重複一次 "一盒細既四mix".佢依然木無表情無望我,伸手指一指佢頭先貼sticker個位,原來果張係 "out of stock"既小 label,咁我問："咁大既四mix呢？’佢保持木無表情, 都係無望我重複剛才既動作：伸手指一指佢頭先貼sticker個位,咁我問：”仲有咩係有既？”佢無出聱只係伸手指一指牆上面既poster，今時今日咁既服務態度, 只可祝佢好運 ~

家人買了4 mix,已是第二次吃，上次吃了一塊已覺太油，今次肚餓再試看看會不會因肚餓而接受重油食物。本人是牛油癡，但不愛他們的牛油味，吃了一口嘴唇比搽完潤唇膏還油！其實牛油過多或過少也不好，感覺是d麵粉hold 不住d 油。餅質是鬆脆，但feel guilty for eating it,朱古力味flavor 味出咗d，原料中的朱古力是否含flavor 呢？還是留番quota 吃milktop 雪糕吧！

今日係油麻地個頭行開，於是便係酷熱既天氣下走到現時點買曲奇。其實我今次係第一次黎呢一間分店買，但係搵佢既位置並唔難，因為你係路上會時不時見住人拎住一袋，十分易搵。今次買左以往都會買的「三寶」:鳳梨卷丶杏仁片同4MIX(中)。鳳梨酥已經有一段時間無食，因為前排新年既時候成日都會比人訂哂，店員又話唔知幾先會再有翻，所以佢都消失左一段時間。鳳梨卷一盒有十七件，如果只係單睇價錢絕對稱唔上超值，但係睇埋佢既質素就咩都抵哂。每一件的份量岩岩好一口，所以對於減肥人士絕對係大忌。鳳梨醬的甜度適中，卷身的牛油味十足，兩者配搭起黎簡直就係天作之合。可能呢個形容詞會稍為誇張，但係卷身可以做到牛油味十足但係又完全唔油膩既水準，絕對係非一般既質素。杏仁片都係我地既不二之選。每一塊杏仁片都有唔同的大小，適合唔同既時候食。杏仁片上面差唔多每一寸空間都佈滿住杏仁，而且每一塊都烘得好香脆。金黃色既杏仁片，薄薄的一片，在口中散發香濃的杏仁味，一點過甜的感覺也沒有。曲奇有四種款式，其中最討我喜歡的有鬆牛油和咖啡。它們同樣也是很鬆化，入口即溶，只是口味上有分別。這兩種曲奇牛油味都比較重，所以感覺上會比較膩，要記住少食多滋味。

每次去Jenny Bakery幫襯，招牌曲奇餅未必一定會買，但係另一樣自己覺得更加好味，令自己更加難以抗拒的「鳳梨卷」就一定會買。Jenny 的「鳳梨卷」是我的至愛。這款由鳳梨果肉餡加上麵粉、牛油、雞蛋和糖等材料製成的小吃，雖然一盒只得17件，而且每件都頗為迷你，一口便可把它整件吃下肚，都要賣$75一盒，平均差不要$4.5一件，似乎並不便宜，但每次吃進口中，便會強烈地感覺這鳳梨卷的卷身鬆化非常，而且充滿濃厚的牛油香味。卷中的鳳梨餡份量十足，味道甜中帶酸，甜度恰到好處，不會過酸或過甜，當中更夾雜著一絲絲的鳳梨纖維，煙煙韌韌、黏黏軟軟的，使口感更加豐富。難怪自已每次買它回家，都忍不住吃之而後快，吃完一件又一件，給自己帶來無窮的滿足感和幸福感，令自己感到甜蜜非常。這麼好吃的「鳳梨卷」，只用花費七十多元便可買到，能帶給自已那麼大的滿足，又怎算貴呢！

如果我3月知呢間店,我會買一盒去見我最尊敬的人....個盒什有送禮感覺...我尊敬的人知我積極就好開心...送禮反而有的嬲....呢的係我的福氣..呢間店總店係赤柱...分店現在越開越多.....呢間店在商場一個角落.入去店員全無介紹.只是講你買那一個價錢的曲奇60元....曲奇入口有的溶化.不太甜......好正.令人食過不停.......提醒大家...呢間店的曲奇一個月就到期,我估係無防腐劑

在我發狂買甜品的同時，原來男友亦走到Jenny Bakery買鳳梨卷和杏仁片給我，我們的甜品夜宴又更豐富了杏仁片 : 從前我是不喜歡吃果仁的，但最近口味突變，竟然很喜歡吃果仁...所以說女人真的「話變就變」為了配合這個轉變，男友買了杏仁片給我吃第一口的時候會認為不夠甜，但多吃幾塊就會覺得剛好，杏仁烤得很脆，味道很香，不錯！鳳梨卷 : 鳳梨卷是男友的心頭好異常鬆化的外層，拿上手一不小心就會「化成粉末」入口即融，在口中滲出非常香濃的牛油味，配搭著酸酸甜甜的菠蘿餡，誰可匹敵？