影片
以上资料只供参考，请与餐厅确认详情
呢个厨师精选套餐份量真系非常之多，话就话四人餐，但系我哋四个人根本食唔晒。先嚟两个小食，分别系泰式酸辣无骨凤爪同埋泰式炸虾饼。马拉盏炒通菜同埋泰式炒杂菜可以二选一，我哋拣咗马拉盏炒通菜。跟住可以拣半只海南鸡或者泰式猪手，我哋拣咗海南鸡，只鸡都几靓而且唔系好肥，啲鸡肉都几滑。跟住仲有一条鱼，可以拣泰式明炉乌头或者盐烧鲗鱼，我哋拣咗鲗鱼，个侍应好好人，知道我哋叫呢个餐就即刻问我哋会唔会叫烧鱼，因为条鱼要烧差唔多45分钟，所以如果我哋叫盐烧鲗鱼就即刻叫师傅开始烧，认真细心。条鱼都几厚身，所以好处就系大条，唔好处就系好难烧得够干身。跟住仲有一个咖哩炒虾球，虾球都ok不过我想讲佢啲配菜嘅味道畀虾球更加出色，尤其是佢啲洋葱青椒捞咗咖哩汁真系好正。主食就可以拣蒜蓉包或者印度薄饼，我哋要咗印度薄饼，呢个就一般啲，其实我觉得应该配白饭更加正，话晒都有咁多𩠌送饭。呢个餐竟然仲有甜品，就系芒果糯米饭，佢嘅芒果糯米饭都整得几好食。最后梗系有饮品四杯啦，叫特饮竟然唔使加钱真系好开心，呢度个珍多冰同埋龙眼冰都正，尤其是龙眼冰竟然畀咁多龙眼，呢个餐真系超值。
继续阅读
Dinner Time帮衬就梗系叫返Set Dinner最抵啦，叫了泰式猪脾饭同埋香叶辣椒肉碎煎蛋饭，有埋餐饮，合共$147。呢度嘅泰式猪脾饭同出面最唔同嘅地方就系呢一间的泰式猪脾比较瘦，无乜肥膏，就系因为无乜肥膏，所以就可以好大胆咁样食个猪脾嘅皮，非常有弹性，感觉好像有丰富嘅骨胶原，个底垫咗梅菜，配猪脾真系一绝，另外仲有卤水蛋。香叶辣椒肉碎煎蛋饭好香口好惹味，虽然叫做辣椒不过其实唔系好辣，捞白饭同煎蛋就真系唔错。
继续阅读
蓝田地铁站附近不嬲多野食，但蓝田人话我知，讲好食泰菜，一定系呢间！咁犀利，要黎试下啦炸虾饼有6粒，味道上不过不失，但胜在真系非常热辣辣！外皮又脆，口感一流海南鸡又滑又大份，冇咁多形容词啦大家都知海南鸡咩味，总之正！猪手，超 多 肉！😂好似食极食唔完咁，好入味好正，呢个大满足，必嗌呢个除非好想点咖喱，否则唔洗试偏辣😂怕辣小心，不过凤爪多！好过瘾！正正常常炒杂菜，少少芡汁但唔多，ok咖哩软壳蟹，超多蟹！极抵嗌！啲汁偏椰，个人好爱好少可青木瓜沙律咁多青木瓜🥹🫶🏻正总体而言，有下次！
继续阅读
同同事食生日饭、同事好喜欢食鱼、所以就揾了间食鱼很出名的泰国餐厅、这间食盐烧鱼很出名的、所以来试试🤣盐烧鲗鱼🌟🌟🌟🌟🤍鲗鱼肉质鲜嫩，搭配盐烧的烹调方式，带出鱼肉的鲜甜味道。鲗鱼经过盐烧后，外皮酥脆，内里保持了丰富的汁水，这道菜色泽金黄，香气扑鼻，入口鲜美。不过味道较淡。泰皇咖哩炒虾球🌟🌟🌟🌟🌟泰式风味的美食，虾球鲜嫩弹牙，搭配浓郁的咖哩酱汁，带有香料的香气，让人垂涎欲滴。这道菜口感丰富，咖哩的微辣与虾球的鲜甜相得益彰。秘制海南鸡半只🌟🌟🌟🤍🤍鸡肉鲜嫩多汁，皮薄肉嫩，搭配特制的酱汁，香气扑鼻，保留了鸡肉的原汁原味。泰式刺身生虾 🌟🌟🌟🤍🤍清新爽口的料理，生虾鲜甜弹牙，搭配泰式酱汁和香料，带有微辣的风味。不过不够新鲜。芒果糯米饭🌟🌟🌟🌟🤍这道菜微暖糯米饭口感Q弹，搭配芒果的酸甜滋味，椰浆的香气与椰丝的香脆，为这道甜点增添了层次感。
继续阅读
比想像中份量大好多，调味都几重！味道都有迎合香港人做出调整个烧鸡我觉得好好味，然后个醉猫炒面都好唔错可以拣金边粉、河粉同埋唔记得咩面🤣另外佢有堂食餐或者二人餐/四人餐都好抵，夜晚佢都几爆场！
继续阅读