珍滋味

营业中

休息中

我一直很喜歡吃牛腩飯，所以一看到餐牌有牛腩飯，馬上點了👀。我第一次來這邊，本來以為這邊比較偏僻，應該沒有什麼好吃的，但發現這家店後，非常推薦咖喱牛腩飯👍🏻😊

处在蓝澄湾这很隔涉的住宅区的食市， 食物与价钱都算中规中矩。店员的服务态度与礼貌也挺好的。whenever i am not on the go, this is my usual breakfast place. Their porridge is decent, and hongkong style milk tea is good. usually go for their 干炒牛河 if i did not go out in the afternoon. Thinking of a change for today but 想吃的牛腩饭售罄，considering the 梅菜肉又怕太肥时， 大姐很耐心，并主动提议帮我分盘上，这样肥油便不会全都流到饭里。谢谢喔 🥰😘

短住喺附近,藍澄灣同美景花園嘅食肆試得七七八八。呢頭大部分食肆係不同類型嘅茶餐廳及車仔麵店。珍滋味集二者一身。因為評論唔多,所以本來對珍滋味都冇乜特別期望,點知一食就令佢成為我哋嘅飯堂。我自己食素,老公食葷,每次去到珍滋味都有驚喜,即使素食都有不同選擇。可惜每次一見食物上枱已經起筷,次次都唔記得影相寫食評,難得今次記得,食物水準仍然高企,色香味俱全,炒麵食咗兩次都有脆邊。相比起美景嘅茶餐廳,呢度嘅素食選擇比較多（葷食就更加多）,亦好食好多。食物亦回復八、九十年代大大碟碟頭飯嘅份量。以此食物質素、選擇及份量,呢個價錢絕對係物有所值、經濟實惠。

對面得一間大家樂唔想日日食就把心一橫試吓對面間餐廳雖然有聽過人講話好難食但都想比個機會佢親身試吓買咗個叉燒蛋飯 48蚊價錢正常 等都好快拎得但一拎上手 奇怪點解咁輕由佢 可能重質不重量最後一打開個飯，原來煎蛋真係煎一隻荷包蛋再砌幾埤簿叉燒落去蛋冇野好講 就係蛋味不過以我認知嘅叉燒煎蛋飯隻蛋應該係炒滑蛋咁既形式唔係就咁煎隻荷包蛋叉燒就太乾太柴感覺上擺咗喺度好耐咁其實我覺得你對面得一間餐廳你稍為有啲誠意都唔會做到咁冇生意大家考慮緊食唔食呢間既話我諗你都係去返對面大家樂啦

我們最近在青衣附近行街，發現除了青衣城，其實在藍澄灣下面有間商舖的餐廳叫珍滋味，我們點了豐富歐陸早餐和普通麵粉早餐再配上熱奶茶，好味！珍滋味青衣路1號藍澄灣商場1樓18號地鋪

平時響藍澄灣附近返工，成日都會黎珍滋味食晏，一路都相安無事點知今日一去望望餐牌，發現食開既快餐改曬樣，除咗炒粉麵冇改，其他飯餐大部分併落咗個車仔麵list，全部飯餸同醬都要自己配搭諗住大約跟番之前碟頭飯咁叫法，點知個餐一拎上黎就發覺中曬大伏，佢個所謂醬我諗應該完全冇諗住夾飯餐，竟然就咁放一大羹膏狀醬汁落D飯上面，成個飯即刻dry到爆，仲諗住佢會根據客人選擇飯定麵黎落唔同質地的醬汁食咗一半頂唔順冇再食落去，一埋單先發現平時只需加3蚊既凍飲，去到個車仔麵餐竟然加到9蚊，難食過以前咁多，價錢竟然仲貴咗出到去即刻同同事講之後食晏都係大X樂見算數

我同男朋友去咗樓上嘅一間酒店過夜 見上面平所以就是一晚啦 跟住第二日都要食早餐㗎所以就求其搵間茶餐廳食啦 見到呢間真之味就試下佢啦 價錢一般味道都一般但係因為太肚餓所以都覺得幾好食 仲要唔記得咗影嘢食相就睇下佢嘅裝修啦呢個常餐我本來以為又有沙嗲牛又有雞扒牛扒揀38蚊咁抵啦原來唔係㗎原來有雞扒就冇 沙嗲牛 所以都有啲失望不過好彩都夠飽另外嗌咗個洞奶茶超多奶但係都ok啦我哋係嗌咗個出前一丁嘅 但係佢啲麻油 好似唔使錢咁樣畀我哋 都係一樣好事嚟嘅最後兩條友埋單92蚊

的確好似其他食評一樣,藍澄灣入伙以來除咗大記就別無他選。今次就係去開探親戚後要食晚飯,撞啱大記迫爆(內地客)無位。其實果晚7:30pm左右三個人都要等一張檯首先叫咗菠蘿咕嚕肉嘩! 嘩! 嘩!已經好耐無見過咁大size嘅碟頭小菜,勁另外叫咗兩個白飯。咕嚕肉肉質新鮮,汁液掛得剛好,肉嘅份量唔少,食唔晒原本點餸唸住叫滑蛋蝦仁,上檯後一望睇真啲先發覺啲蝦勁大隻,原來餐牌係寫住(滑蛋蝦球)蛋粉得嫩滑,蝦球又鮮甜大隻,蔥花蔥段都足夠的確,係俾街坊多一個好選擇

平時喺藍澄灣嗰頭返工，附近食飯根本冇選擇，只有大家樂同珍滋味。上星期叫咗脆皮燒肉飯外賣，拎返上office食，打開個盒，燒肉完全冇皮，WhatsApp話返珍滋味知，已讀不回，覆都廢事咁，真係唔該晒！

第二次幫趁珍滋味。剛開張時覺得佢只係一間普通過普通嘅茶餐廳，完全冇興趣試。直至屋企人試過話好味，先至敢試。完全係家嘅感覺佢嘅小菜好似媽媽煮嘅一樣，唔太鹹唔算油，味道剛剛好。今次食左佢嘅粟米蝦仁炒蛋，啲蛋仲有蛋汁，超juicy! 而且大大份，一個人都食唔晒。唯一要挑剔嘅就係有蛋殻喺入面😅 不過當你OT後返屋企仲有餐住家飯食，其實已經好滿足我諗我以後都唔會再幫趁佢對面間大家樂！PS 老闆好有禮貌 嗰幾個後生仔waiter都好好服務

來到藍澄灣，大家都知冇野好食，除了一間大家樂之外，你的選擇就只有這間珍。滋味☺️香港現在什麼都要‘真’，究竟這間茶餐廳又會否真材呢？晚餐時間有多款小菜套餐供你選擇，價錢只是＄65 ,包飲品和白飯一碗價錢非常實惠。最後和朋友選了12.京蔥牛仔柳煲/13.菜莆肉碎四季豆有驚喜味道不錯配白飯一流味道偏鹹牛仔柳肉比較煙韌不易咬但是有鑊氣食物分量多總括來說，以這樣的價錢和這個地點，還是比較有驚喜，比大集團連鎖經營快餐店好，有人情味，員工態度友善。

已投向他們的懷抱，食均早餐，下午茶，堂食晚餐及外賣晚餐，總總括而言，食物質素味道及价錢是okay亦是有良心的小店，价錢亦大眾化，堂食晚餐份量是大份的，味道感覺是剛剛好，沒多大味精吃後也不覺口乾，欣賞師師傅奄制既肉類剛剛好不會太咸及太淡，感覺很像家庭小菜，真的很讚，以這個价錢及味道是很好的選擇，不比其他茶餐廳遜色。希望店住能夠一直保持水準，本人真的唔想食大家樂呢