珍記大廚小食

营业中

休息中

覺得佢地嘅麻辣手撕雞好好食，對於鐘意食辣但又食唔得太辣嘅人來講，辣度剛剛好😋😋，仲有生炸大雞腿，肉質鮮嫩，味道適中。學生仲有優惠，呢個價錢食到咁好嘅質素嘅野，好難得👍🏼👍🏼

今日去石硤尾做啲公司野，做完喺附近搵啲嘢食，見到依家珍記大廚小食門外都有好幾個人等緊外賣，我就行去望望。珍記都幾多野食，睇睇下都幾多野想試。老闆見我睇左一陣都未有決定，就介紹左一啲食物比我。原來呢啲招牌係葱油雞扒，葱油係自家制，啲葱係人手粒粒，特別香，特別靚。鹽酥雞都係呢度拿手既，而鐘意重口味既可以揀避風塘豬扒。我諗左左一陣，就決定跟老闆叫，叫左葱油雞扒一丁、避風塘豬扒飯、泰味鹽酥雞，再買多個重慶酸辣粉比妹妹食。葱油雞扒果然香，一打開盒，香味即飄出黎，鹽酥雞好香口，食極唔停。呢度真係抵食樣樣肉都大大件，份量多，難怪甘多人買。

店鋪：珍記大廚小食 (石硤尾)地址：石硤尾偉智里1-3號白田購物中心地下84號舖石硤尾白田購物中心隱藏左唔少良心小店，住係附近嘅街坊就有福喇😎，今次就同大家介紹位於地下嘅呢間珍記大廚小食小食店嘅招牌菜係雞肉，包括蔥油雞扒同泰味鹽酥雞都係小店自己醃製🐓，另外就係沙嗲牛肉🐂，呢到仲有平時小食店食到嘅魚蛋燒賣、煎釀三寶等，最重要係價錢夠平我就叫左3款招牌飯同屋企人一齊食，每款都只係$32，飯嘅份量仲要係2個人食都夠🍚🍚，超大碗👍🏼！沙嗲牛肉飯、招牌蔥油雞扒飯同叉燒炒蛋飯除左飯多之外仲有一個共同之處，就係要加埋小店自製嘅蔥油醬😋，真係額外地香同惹味另外一個重點推介就係泰味鹽酥雞($18/9件)，岩岩炸起嘅鹽酥雞聞都覺得好香好好食😍，鹽酥雞唔會好厚粉，亦唔會太油，最緊要係夠香口，拎到翻屋企再叮黎食都仲係咁好味🤤，咁抵食你無理由錯過喇掛

今日lunch去左石峽尾幫襯一下小店，店舖細細，但食物都好多野食選擇，有飯，麵，包，小食，而店環境整齊乾淨！去到餐廳，店員哥哥好熱誠咁堆介佢地嘅招牌葱油雞扒，啲葱油係人手炒自家炮制！咁吸引，我一於試下啦。啲雞好滑好香口，而葱油夠多都仲可以撈哂成碗飯，果然係招牌菜。另外我仲叫避風塘豬扒飯同麻辣手絲雞飯 ，再加多份小食煎釀三寶 6件。我急不及待偷食件煎釀三寶先，好味。避風塘豬扒飯係鐘意重口味既阿哥食既，成個飯非常香口。

/石硤尾其實係平民美食既天堂🤩依間小食店既價錢好合理💰唔講都唔知原來老細係黃架🤫大家可以去罰下💛.✨蔥油雞扒撈一丁 $21招牌菜黎！點可以唔試呀🤣見住呀姐由生既雞扒即炸比我，熱辣辣♨️啲雞都好嫩滑🥰啲蔥油仲要係自家制既！.✨沙嗲牛包 $25就係豬仔包包住沙嗲牛肉，如果豬仔包有哄過既話會更好🙈.✨咖喱魚蛋 $10/8粒依家仲邊到搵到甘平既魚蛋🍡最出色既地方係點佢地秘制辣椒醬🌶️點左變得好野味😋.✨日式冷麵 $20啲料唔叫好多，但甘平就冇咩好要求🙈不過不失.⚠️自家制辣椒醬都有辣啲同冇甘辣比大家試🤩辣啲果隻幾特別有東南亞既風味🌊

呢排大家都會選擇留家唔出街食飯，包括我自己都小左去餐廳，但講真為食的我真係好難忍， 所以早排就落左去 石硤尾珍記到掃美食拎回家嘆， 拿我好乖架，買完即回家的。點解會來到珍記，其實係有位住附近的朋友介紹佢話呢間小店野食大份抵食又好味，所以就來行一轉。一來到已經比美食吸引了， 一口氣叫了多款美食包括生炸雞肶，煎釀三寶，咖喱魚旦，魚肉燒賣，司華力腸， 韭菜豬紅， 鹽酥雞，茶葉蛋，炸多春魚， 蔥油雞扒飯，沙嗲牛撈一丁，叉燒炒蛋飯。太過份了，沙嗲牛撈一丁的牛味道出色，濃郁的沙嗲汁撈在一丁到好食到我們家人爭食。 珍記最出名係食雞肉，因為全是自家 醃製，所以叫了碗蔥油雞扒飯，而蔥油仲要係手工野人手切架，香味真係出好多超好下飯。另一碗叉燒炒蛋飯一d都唔似出面d 頹飯，佢用靚叉燒， 加上即炒個滑蛋的， 32蚊就食到真係好抵。認真的茶葉蛋我真係食得多， 但呢間珍記真係我食過最好味的一間，下次一定要買多幾個先夠分。其他小吃都唔錯，整體我好滿意一定會再去，因為實在抵食夾大件仲要有質數。

石硤尾係我由細到大長大嘅地方，平時放假收工都會去白田購物中心買野食，最近見到開左間新既小食店，樣貌款款都好吸引，所以今日襯放假，去幫襯下！ 去嘅時候咁啱撞到小店嘅老闆，喺迷惘之際唔知食乜嘅時候，佢就推介左幾款比較招牌受歡迎嘅小食。《煎釀三寶》$10/6件應該係全個石硤尾最平，好抵食！有青椒、茄子、紅腸、豆腐同蟹柳👍🏻👍🏻《茶葉蛋》$4好入味！食過好多都係食到個黃就無咩味，呢個好掂👍🏻《炒米粉》$14呢個炒米粉乾濕度岩岩好，而且蔬菜又夠多，份量都唔少。《蔥油雞扒》店內既招牌，蔥油係店主自家制，用手剁出黎，並非用機器，所以會香啲，食落又真係好香，雞扒配上蔥油口感更嫩滑，而且炸完外皮脆脆地，好好味！《炸雞髀》$18大大隻炸髀，外皮好脆，唔知道係咪炸得太耐所以肉質有啲乾。呢度嘅辣醬都係自家製，有兩款其中一款係麻辣，辣度偏大眾化，辣味唔會停留好耐，所以大部份人應該都能接受，重點係味道真係比普通辣醬更香，加入炒米粉燒賣之中真係一流，小店仲有好多特色小食日後要再試。

好多人都話石硤尾無咩好野食，朋友咁啱喺附近做嘢，帶我地幾嗰去試一間小店❤️地鐵站一出行5分鐘就到喇，真係十級既方便呀🤩哩度做街坊生意多為主，所以多左一份人情味♥️而食店主打係食雞既，我梗係要試下佢喇。🎈港式小食一定係嗌煎釀三寶，10蚊有6件真係抵到爛呀，而且質素都有返咁上下，無論青椒，豆腐，紅腸，同蟹柳都煎得好香口，最重要係魚肉份量都好多呀👀店主同我地推介左佢地自家製既辣椒油，好香呀，辣味好出色，佢係一次過咁辣出黎，但係又唔會一直咁辣住你，好過癮呀🤩🤩🎈沙嗲牛肉好入味，即叫即煮，沙嗲汁勁香，而且牛肉口感同味道都唔錯，重點係分量超多😍茶葉蛋好入味，而且唔會好乾，超級香口😜🎈生炸雞脾真心好大隻呀，佢完全無落到任何既炸粉，原隻大雞脾雞肉好滑，而且加埋佢既調味粉好正呀🍗🍗🍗🎈麻辣手撕雞夠哂地道，辣得好爽，加埋口感好好既雞絲同配菜，值得推薦☺️☺️❤️蔥油雞係招牌菜，真係好出色，炸到岩岩好既雞扒加埋店主親手整既蔥油，勁夾😚鹽酥雞夠香脆，而且雞肉好多，食落去淡肉🥳🎈叉燒炒蛋飯嘅叉燒唔會好乾身，口感唔錯，炒蛋夠熱同creamy，邊個話頹飯唔好食㗎🤗🎈走之前竟然俾我發現佢仲有三文治，即刻再食多份炒蛋三文治，炒蛋

之前坐巴士經過石硤尾，見到有間新開嘅小食店幾光猛。今日Lunch就同同事行過嚟買外賣試下，小食店係一眾舖仔入面最多人幫襯嘅👏。我哋睇緊有乜食之際，有個後生仔同我哋「介紹返」，我仲以為佢都係客人等緊嘢食😆。後生仔應該係老闆，佢同我哋介紹呢到嘅🐓雞類食品係最出名，例如蔥油雞扒等等。其實基本上呢到每樣食品佢都好落力簡介，比起Omakase師傅更為詳細同真誠🙈。皆因小店一月先開張，但就遇上疾情問題，所以佢只能夠加倍努力💪，希望襯呢個時世做多啲街坊生意。經老闆介紹下，我哋嗌下嗌下都嗌咗唔少嘢食🤤，好彩有大媽喺到，全部食得哂。見老闆咁落力，雖然我哋買外賣，但都襯食物新鮮滾熱辣整好嘅時候，影張相幫佢宣傳下。炸雞髀🍗($18)，勁大隻喎！我哋落單後，見住呀姐即刻拎去生炸。外皮幾脆，雞肉唔淡，不過雞皮某啲位鹹咗少少，啲鹽可能灑得唔夠均勻。沙嗲牛撈一丁🐮($21)，本身老闆極力推介蔥油雞扒，但我哋已經嗌咗雞髀，所以要沙嗲牛；不過老闆都堅持加啲蔥油俾我哋試下XD。呢到嘅沙嗲牛好高質，個汁好好食好濃，同事話係用咗沙茶醬，同平日普通嘅沙嗲有啲唔同喎。另外，牛肉份量好多，肉片好嫩同好大片！麻辣手撕雞米線🐔($32

趁今日放假成日都係屋企食 就同屋企人落街睇下有冇d咩新野試下~~行行下見到一間小食店新開未試過又見食物類型都幾多就諗住試下啦！!咖哩魚蛋比平時d魚蛋特別大粒 同埋好彈牙 燒賣都唔錯唔會口感好粉🥢🥢價錢亦都相當親民 10蚊有6件煎釀三寶😱香噴噴！仲好熱辣辣㗎店員亦都好好介紹蔥油雞扒飯 蔥油係店舖自己製作 唔會話好油但好香 撈飯係一流 塊雞扒仲要外脆內滑！啖啖肉既感覺 下次都會再食~~~仲試左個手撕雞飯 加配左好多配菜 ~令到成碗飯好有口感啊😋正！仲有熱賣嘅鹽酥雞 同炸雞髀🍗 我等緊嘅途中都見到有其他人嗌~外皮唔會好咸脆卜卜 一定要趁熱食🤩一間小店但有各食各樣美食 仲要價格親民 街坊們一定要支持😋

同朋友行JCCAC之前去醫肚先，見人地食緊炸雞肶好吸引，所以試一試~我地3個人，每人點咗兩樣野，包括炒米粉（＄14）、吉列大蝦（＄18）、炸雞脾（＄18）、煎釀三寶（＄10 6件）、特製雞扒包（＄25）同埋蔥油雞扒撈丁（＄21）。好難得既係每樣野都即叫即整，新鮮熱辣！炸雞肶係我既至愛，隻雞肶大大件啖啖肉，加上皮脆肉嫩又多汁，正！煎釀三寶10蚊就有6件，超抵！仲要每件都炸得香口，最鍾意豆腐釀魚肉，外面金黃，內裏嫩滑😋吉列大蝦外皮脆口，蝦肉彈牙，忍唔住食咗3隻🙈炒米粉本身味道較淡，有辣醬同麻辣醬可以自己調味。朋友本身嗜辣，兩隻醬都有試，話辣醬夠香，但後勁唔會太強，唔怕令喉嚨唔舒服。而麻辣醬就辣味重d，不過麻得嚟唔會嗆喉，食落過癮。蔥油雞扒撈丁既重點在於蔥油，一遞過嚟蔥香四溢，撈埋出前一丁好惹味！特製雞排包比想像中大，麵包鬆軟，內裏既雞扒好厚身，份量毫不吝嗇！食完好飽好滿足