珠記冰室

营业中

休息中

點解會話隱世，只因佢係觀塘某大廈轉角地鋪經營，以香港人忙碌又樣樣都要快嘅性格，其實您唔細心停低……您係唔會留意到佢存在。至於我點樣發現佢？其實係有次坐的士番觀塘公司，個司機叔叔介紹架。自此食過一次之後就番尋味。今日就帶埋朋友仔嚟嘆下午茶先~話俾大家知珠記係食飯時間都經常爆滿，唔係您想排隊就會輪到，所以大家想真係試就會提議15:00後吧！我就鍾意食特餐之類，呢度下午茶特餐都只係$35 ,有豬扒出前一丁，炒雙旦再加多士，經典配搭係人都like。豬扒煎至金香，配上彈牙一丁，湯底又夠熱，好味到不得了。炒蛋滑而帶牛油香味，再加上牛油多士，十分滿足。朋友仔就叫左手打漢堡配薯角。wa……一上枱大大個漢堡再加大大份嘅薯角，全部都係即叫即煎同炸，所以朋友仔讚漢堡扒好juicy，薯角非常香脆。珠記除左普通飲品外，更會有多款特飲，我就叫左紅豆奶茶，竟然比我想像中好，一啲都唔甜，茶香豆甜，mix埋味道剛剛好。朋友仔就叫紫薯紅豆，岩哂紫薯迷嘅佢

同事介紹我們去珠記冰室午餐, 到達後, 店內環境都是走懷舊風, 有點像元朗的老馮茶居, 樓底很高, 都是用圓摺枱摺椅, 我點了清仔常餐, 我的同事點了椒鹽豬排飯, 椒鹽雞飯, 叉燒蛋飯, 評價如下:清仔常餐: 我要豬扒拼煎蛋, 中規中矩, 一般茶餐廳水準, 如果講, 元朗永順食店的豬扒麵更好, 而且便宜10蚊椒鹽豬排飯, 椒鹽雞飯: 椒鹽的味道很好, 是濕的椒鹽叉燒蛋飯: 中規中矩, 沒有什麼不好但也沒什麼好整體而言, 食物水準不過不失, 不過價錢偏貴, 反觀龍城冰室價錢比較合理個人評分表

今日星期六可以遲DD番到公司，咁就去附近的冰室嘆個早餐。地方寬落，楼底高，前面個section是圓櫈，摺枱，入面有卡位。但我喜愛坐前面，無咁大油煙。叫了份街坊早餐……火腿通粉，煎双蛋配厚多士，熱檸水……HK32元通粉的湯底無乜味，煎蛋無乜蛋味整份早餐好普通，比不上一些連鎖快餐店。整體無乜突出之處。但這冰室星期六通常係好少人，静静地，坐得舒服。工作之前可以冲下電

今日同3位同事去食，我地打算4個人叫3個餐。但係個員工態度非常惡劣話我地咁樣唔得，其後自稱既老闆娘既人用手指指住我地其中一位同事，好無禮貌咁趕佢走，因為佢話佢無叫野食所以唔準坐係度，但重點係餐廳完全無話過要一人一個餐。如果有女孩子就會明白，好多時女仔都要兩個人share一份野食，假如餐廳唔允許的話大可以設最低消費，甚至可以有禮貌咁同我地講，而唔係大大聲指住我同事個頭就話自己係老闆娘，然後就鬧到我地走。我知自己而家咁鬧佢都好無禮貌，但我完全覺得我女同事好委屈。明明我地入黎消費食午餐俾錢你地，仲要俾你鬧。我以後唔會再同同事去，因為我驚我既其他女性朋友又會俾佢鬧走。

依間餐廳真係佢第一差無人第二架拉去一次就夠。話說今日同班同事去食Lunch ，果時入座就1315，有一位同事想食炒公仔麵，其他三個已落單。點知個落單丫姐叫我同事去外面等。。。我地呆晒，一行幾人叫左既午餐都送上，佢叫我同事去外面等？？因為佢叫炒公仔麵未夠鐘。好拉，個男老闆就過黎話我地規矩炒公仔麵1330先叫得，如果下次食炒公仔麵麻煩外面排隊到1330先入來食。咁算拉，我地1330就嗌左一個炒公仔麵。落單吾夠3分鐘，有個女人走埋黎。話我地規矩點點點，話你地班人阻住我做生意，又手指指我同事，我同事終於忍吾住問佢，你咁多規矩對第一次黎既客人好難理解，你應該寫明比客人知。你話吾可以點半前嗌依個餐牌，我同事個飯都係依個餐牌，點解又比落單！之後個老闆娘仲話依到佢話事，佢定既就係規矩。話我地食客吾係大晒！我想話你員工態度差叫我同事去門口等！我地都算，點知你老闆娘態度更差！所以依啲咁差既服務真係去一次都嫌多！！！當日用餐一開始叫了三個餐，當中鼓油飯飯量好小好小，應該不足一碗飯。叉燒偏乾，其他味道可以，鼓油是甜的。另外炒公仔麵真係好普通，完全無鑊氣，同叮熱既感覺一樣！好失望又話招牌，結果真係唔好食，但個辣

我一向都好唔中意嚟呢間到食，原因係除左個炒蛋之外，其他嘢都無乜特別，價錢又唔係平，但無奈地有幾位同事都係中意食呢到嘅快餐。而我最討厭就係拒地食西式四寶飯。。。火腿，餐肉，腸仔同雞蛋。乜飯嚟架。。。今日叫食飯，又話要嚟呢到，算喇，剛好今天想食芙蓉蛋。點知去到，今日係無嘅。無計，轉食叉燒炒蛋飯。呢到嘅蛋係好食嘅，樣子金黃色，嫩滑，有蛋香。加埋叉燒炒係無得輸。份量嚟講係夠嘅，起碼3隻蛋，我一個女仔係食唔完嗰種。52蚊仲送多杯嘢飲，呢到好嘅係有鮮果汁飲，略為健康番d。另外就係同事叫的豆腐火腩，好明顯係整好唒，一畢起就可以淋上個飲到嗰種。但拒又整得幾好味嘅，個火腩有7舊左右，有肥有瘦，唔會剩係得骨嗰d。個豆腐火腩飯就47蚊包個嘢飲或者湯，對於平時無乜湯水的男人，係幾吸引的因素嚟嘅。不過我都係點到即止，只為炒蛋而光顧，哈。

聽聞觀塘這間「珠記冰室」以前在灣仔開店，水準OK，這天經過便試吓。傳聞呢度請了以往曾效力「澳牛」的師傅，即本叫個特餐試吓。個重點炒蛋外觀上遠不及澳牛，但實際吃落比外表濕潤，幾滑口，有澳牛七、八成水準。至於個沙爹牛肉腸仔通粉有些人或許覺得偏硬，但我剛好愛吃硬身一點的，因此可接受。其實這裏食物的水準已比想像中好，但要像澳牛般特登去食倒未夠班，只算屬四平八穩罷了。何況，即使澳牛的炒蛋也有水準飄忽的日子，所以去這類冰室不抱期望的話，反而會有希望。

雙拼三文治（$30）豬扒沙律（$35）👅行過門口唔會知道呢間係一間行懷舊路線既冰室😂入面比想像中闊落，食下下午茶都唔錯🤓個三文治簡左炒蛋拼咸牛肉😋兩者真係絕配❤️炒蛋算幾滑，啲咸牛肉咸香味好出好惹味👍🏻👍🏻個包厚身好軟林林😆係個價錢就覺得有啲唔抵🤔另外個沙律好足料好新鮮好好味😋塊豬扒夠鬆軟但可惜冇乜味道🙁🙁值得一讚嘅係個餐可以免費陪果汁飲🍹🍹行開觀塘想食下下午茶既可以一試🤗🤗🤗

咸牛肉炒蛋治 ($30)豬扒沙律($35)好姊妹一個whatsapp，即刻出黎同佢食tea👯咸牛肉🐂同蛋🍳簡直係perfect match，炒埋一齊個種咸香👅好正!配上鬆軟既厚方包🍞，係三文治界既精英😎豬扒沙律都唔輸蝕，沙律係一般茶餐廳既雜果沙律，酸甜開胃都幾fresh😋而豬扒🐷肉質好腍同juicy💦可惜，敗筆在於唔入味，拉低左唔少分👎🏻最欣賞個下午茶餐可以配果汁😆不過，下午茶黎講，價錢算貴😣

星期六收工，午餐去到工廠區食珠記，門口唔易搵，又無招牌，星期六下午去到唔多人，坐低睇完餐牌叫左個咖哩雞飯，好快就有得食，碟飯份量都唔少，雞同埋薯仔都幾多，最重要個咖哩汁幾好，唔太辣，啱香港人口味，只不過就無乜特別，同其他茶餐廳差不多，或者下次再試下其他

一諗起茶餐, 大家必定即時諗起澳牛, 華星.....近期觀塘又多了一間, 雖然呢間冰室都是主打茶餐, 但在工廠區開業, 午市時間當然有其他飯餐及炒粉麵供應。講番茶餐先, 佢地提供的都係有一碟炒蛋/煎蛋, 和一碗通粉, 與以上2間冰室最大分別就是通粉可轉米粉, 公仔麵, 甚至出前一丁都有。我今天就點了煎蛋多士, 火腿出前一丁。煎蛋不錯, 是有燶邊的荷包蛋。多士軟硬適中。這個醒神早餐, 可令打工仔精神一陣。

午市時間 不建議到訪呢間食店明白食肆都希望於黃金時間爭取更多客人 多賺幾轉但客人的食物仍未享用完畢 便下逐客令 讓其他人入座更收走尚未能吃完的食物態度惡劣 亦不尊重食客如此服務 難以再吸引本人再次光顧

今日lunch食左個唔知咩丙餐 黑蚊蚊 完全唔會覺得佢係瑞士汁豬軟骨羅😨平時食開佢個常餐都ok 點知今次試個午餐丙就中伏了😓 完全係豬肉干口感 賣相又唔靚 好後悔無換過個呀

我有個大肚朋友去依間餐廳食飯，我只不過遲五分鐘先到，我朋友坐左入去，佢已經睇緊Menu,準備落單，d 員工竟然怪我朋友揀得慢，俾哂面色我朋友睇，最後仲趕埋佢出去，最搞笑係裡面勁多吉位！咁既服務，基本尊重都無，你俾錢我都唔去。

我好少去OPENRICE 度留言, 今次我真係想不吐不快.今日我約左朋友去珠記食野. 我12:45PM 去到.我朋友就未到. 一入到去, 就同個女職員講2位.佢就指左張3人枱俾我, 叫我坐低...我坐低睇緊餐牌...睇睇下..佢行過黎同我講...「你個朋友幾時到? 如果佢再吾到, 我就要俾第二個人坐呢張枱..你要讓返出黎架啦」個時我望望錶, 我只係坐低左5分鐘..我見四周圍都係吉枱..我正想打俾朋友, 問下佢去到邊, 電話還未接通, 個女職員就立即返轉頭,就叫我起身讓返個位出黎...有三個客要坐我張枱...佢叫我企係出面等 (出面係落緊雨GE)...其實我唔介意人齊先入坐, 我明白繁忙時間, 搵食係緊張D. 但係你當初明知我一個人黎, 點解又俾枱我?5 分鐘後又要我起身讓返張枱出黎,仲要語氣好差. (我全個過程都係十分被動, 聽佢指令)再者, 我本人係一個大肚婆...我未去過一間餐廳會咁樣對D 大肚婆.呢間餐廳D職員太無人情味啦...我唔會再黎試....