理想店旺旺咖啡座

营业中

休息中

餐廳外表，茶記內涵。午市套餐只得6款選擇，$32-$39，感覺不便宜。以為燒豬仔髀(配薯菜)及巴東排骨飯有點特別，原來普通得很，加上簡單不過的蕃茄牛肉意粉，食後感是相當一般。最不明的是，不論豬仔髀、牛肉或者排骨，肉本身都是淡而無味。當然知道是雪藏貨，不過也應醃過才煮。客不多，但年少的侍應們都似乎很忙，女的有點黑面，男的記性麻麻，要叫完再叫才拿到碗仔，是沒有加一的關係？

有次叫咗個果肉汁加芝士白汁西蘭花烟鴨胸焗反,都幾好味喎!初初都唔敢叫,首尾問個侍應,問佢咩野叫果肉汁,佢話係用生果做的,咪試吓囉,ok喎!

好耐沒來吃了，是日要煮意大利菜，在超市買了一埋材料，兩點幾未吃東西，就跟太座來吃個下午茶當飯吃。要了兩個麵餐，分別是平常打緊的腸仔雞翼丁及煎蛋沙爹牛肉丁，再加一件奶油多。煎蛋沙爹牛丁來先，但腸仔雞翼丁就不知何解的十分鐘後才到。我的那碗，煎蛋沒有問題，沙爹卻是又杰身又沒有香味，當中的牛肉更是「疏打牛」，令我將那一堆無味的啡色物體全分出來；太座的那碗，兩隻雞中翼是炸的，如果可以醃得入味一點就更好。兩條雞肉腸是白烚的，煎一下也懶，唔掂；奶油多腍腍的，完全不脆口，像奶油包多一點。餐飲的兩杯特色飲品則不錯，再了西班牙咖啡及凍意大利咖啡，夠大杯又夠凍，吃餐的只加6蚊，飲得過。配合這裡的環境，似乎來飲番就仲好。埋單62蚊，真想不到，在這個偌大的藍灣廣場，想吃碗有水準的出前一丁都這樣難，別說要吃蕃茄麵這樣高難度的了。

我成日都黎呢間餐廳食...佢d野都幾好味ga~d服務生都ok 丫..冇話特別好都冇話特別差..我係女仔...胃口又比人細..所以成日都同人share一個餐ga la..但係又冇之前比食評ge人ge問題wor~點解會咁ge 呢..??

想回應一下之前o個位朋友o既投訴!我本身係旺旺o既熟客,啱啱先落完去食晚飯!!由開張幫襯到而家,但係從來都未見過佢地有咖喱烤餅食,亦都未見有甚麼青蘋果珍珠之類o既台式飲品,會唔會係o個位朋友記錯係第二間呢??而且佢地下午茶都算平靚正呀!!$13一個tea set,包飲品,仲要新鮮製造,美X,大X樂都冇咁抵啦!!味道雖未至於非常好,但係咁o既價錢,絕對交足貨啦!!而且我同d侍應們都熟晒,佢地好nice,一d都唔係好似o個位朋友講得o甘差wor!勁好記性,連我飲開d咩食開d咩都記得晒,次次一入到去,單都唔使落就可以坐低等食喇!!得閒又會同我地吹下水,有時一個人落o黎都好悶架麻!!所以我對佢地都有d感情架!!見到佢地咁樣比人冤枉,都睇唔過眼!!要幫佢地平反!!!

　我都聽朋友講過依間舖頭嘅令人"O唇"嘅事跡，但因為好奇想睇下夠竟點差法，於是都去咗試下佢啲下午餐，諗住如果唔好都係$20，冇咁傷。　食下午茶的經驗感覺又唔算太差，食物嘅味道仲算係幾好添。我果日食咖喱汁跟烤餅之類嘅茶，最後都食晒。杯野飲就好一般，係啲青蘋果糖漿加咗啲唔太靚嘅台式珍珠。　不過啲店員嘅Serve態度我就覺得好麻麻。一嚟有時冇咩禮貌，二來成日好似神遊咁係舖裡面「飄嚟飄去」，一係就掛住同同事傾計講笑，好似唔洗做咁。仲要叫咗都唔係好願做咁嘅樣，見到佢地都冇晒心機點野食。有一個仲要頹下頹下咁，執咗啲碗碗碟碟隨手就"劈"落啲盤度，好似唔想撈咁。　如果搞好啲個Service，都叫做可以去下嘅餐廳嚟。

早餐既腸仔係boil既, 所以冇咁咸, 同埋冇咁油. 加$1蚊仲可以將個通粉轉烏冬, size大成倍. $21一個早餐食到勁飽, 超抵.

其實都食過幾次，都幾好食。最主要係晚餐2 個人夾埋可以唔使$100，比附近的杏花樓、美心等平，以及不用加一。食物方面就好抵食及好味。

漫踱海傍之際，瞥見這裡有串燒，口痕的我急不及待走過來看看有甚麼燒，都是大路貨︰牛丸、魚蛋、牛肉、雞肉、豬肉、煙肉腸、茄子、紅腸…看見負責串燒的小伙計後面有一張紙，寫著$5 起，心想偠錢都幾合理，所以要了一串煙肉腸和一串雞軟骨，等o左約10分鐘，終於燒好，小伙計說兩串盛惠$20，我真的嚇了一跳，不過原來那張紙下面還有一張各款串燒的價錢，只因剛才給那位小伙計遮住看不到，我發現除了紅腸、牛肉、豬肉、雞肉魚蛋是$5 ，其餘全部都已是$6或$10，雖然真係燒得好香，個沙爹汁又整得好好味，但雞軟骨一串得5粒，我覺得比日式串燒店買得還要貴呢！

因為近日的忙碌，所以尋日有番半日假抖一抖。下午茶時間，同老婆落來飲下午茶。見佢有多款特價套餐，又加上幾好坐，所以就來幫襯。幾款下午茶套餐都係17蚊，包飲品，要了芝士焗青口及熱狗。熱狗唔算大隻，青口亦不算好吃，下午茶味道不算好亦不可說差，兩杯熱啡味道仍不錯，而侍應的招呼不算很差。以呢個價，唔算貴。最緊要係環境同氣氛加心情，選了靠玻璃窗的位置，望著海傍公園的人在來往，微弱的陽光射入來，非常閒逸寫意，以上班一族計就直頭係奢侈。四十蚊唔使兩個人，幾平。

女侍應態度惡劣,呆若目雞,耐性欠奉,爆串嘴law!!問佢朝早有乜早餐...佢話:「同尋曰一樣law!!..」知就唔駛問妳la..貪妳索咩.....?之後佢就問我有冇幫襯過,我咪話無law~~~~佢聽到之後就話:!你以o家聽住la,A餐係.......一直講到去H 餐~~~嘩!!!!我都未聽得切,佢竟已經收左線LA~~~~~~你話LA,今時今日咁既服務態度仲點叫人再幫襯呀~~~~仲有AR!!!通心粉入面有蚊GA!!!ai....

今天遲起床,落街已過早餐時段,要了蛋牛湯意粉+齋啡,HK$28(都算貴),先來咖啡,但加了奶,後來換了得半杯的齋啡,唔通奶佔了1/3杯?咖啡:香濃,口感不錯,可惜太少蛋牛湯意粉:意粉有骨(唔淋),牛肉色澤近似豬肉,無肉味,人手多,但反應慢,環境OK,有海境景,

其實佢o地個位置咁隔涉，應該做好D 服務態度留住o的熟客至係0架嘛...

一向唔鍾意D餐廳用煮好o既食物放係門口做宣傳, 唔衛生又浪費食物, 幾好裝修都無用。叫左個套餐, 同出面差唔多, 好難比分。人地share個餐都係唔想浪費食物, 咁對D客唔係幾好, 下次我搵個friend玩o野先。

如果佢地真係咁cheap,咁就真係要唱衰佢地哪!雖然我唔係住在這區o今時今日,咁嘅服務態度,早d摺埋佢哪!!!!!!!!!!!