理想點 (已結業)

香港茶樓何其多，但通常都係大集團經營，稻X，明X，百X門食到厭，小人反而欣賞小型店經營茶樓式食點心，今日推介精緻點心餐廳。見到個店名"理想點"？係咪我想點就點先叫左唔係好多點心，但想推介以下兩款。鼎湖蘑菇包咩叫鼎湖呢？我都唔知，先講下個賣相先。賣相相當吸引，直頭好似孖寶兄弟粒蘑菇咁款！好可愛！以為得個樣，點知一咬入面都係蘑菇餡，好香濃的蘑菇味，包也鬆軟，價錢亦相宜，9蚊個，3個都係25蚊，叫黎影相厄like都抵啦！幻彩金魚餃造功要先一大讚！真係好似金魚！相信搓呢個餃都要成擔心機！餃皮薄，晶瑩剔透，非常煙韌。金魚餃係乜黎呢？其實係蝦餃黎，入面的蝦肉都係粒粒大蝦肉，雖然稱唔上新鮮，但都好好味，肉質實實的。賣相靚都要價錢平，呢間，算做得到！

精緻點心話說我有個同事好唔鍾意飲茶，所以成日避免左飲茶，但見到呢間點心店就好想試，就帶埋MONKEY仔去，因為5日前BOOK，我地人又較多，可被安排到獨立房。‧個壺好得意，好似著左件衫咁。‧千層馬拉糕，鬆軟鬆糕唔太甜，奶皇味頗重，幾香口。‧芋頭煎堆，非一般的煎堆，佢用蟹籽放滿在煎堆球外，炸完後，蟹籽一粒粒，脆卜卜，感覺有趣，里面的是芋蓉，芋頭味很出。‧合桃包，外表已經似足合桃，很多凹痕，包皮夠鬆，合桃蓉就不太濃，易接受的。‧鮮蝦腸粉，腸粉上碟排得靚靚，腸粉皮厚度都適中，不會太厚只食到粉皮，都幾夠滑，蝦都夠大隻。呢度雖然比在同區飲茶貴少少，但食物質素都算幾好，坐得又舒服(因為有房)，所以都希望可以快D再黎食第2次。

約了一位舊同事在觀塘，路過這間「名爐燒味店」，外觀也十分吸引；再加上舊同事的推薦，便抱著即管一試的心態入內。坐位不算闊但坐得舒服。當然由舊同事拍版點菜：第一道 - 义燒燒肉雙併飯；接著4份精美點心，有舊同事最喜愛的皇牌燒賣、貴氣黑松露水晶餃、潮氣合桃包、賣相像真的鴨酥 - 原隻鴨上碟，驚喜！味道更是鬆軟可口，滋味！合桃包更是少甜而軟滑，可做飯後甜品之餘，更可外賣多一份做早餐，正！本以為黑松露經熱煮過後會走了香味，卻原來香氣不失之餘，更加了一份1甜味！此餐滿意度喜出望外，再加上有良朋相伴，難得！

今朝返工經過理想點，見到佢有個脆皮腸滑蛋三文治，富有冒險精神同勇於嘗新既我當然唔想錯過！係理想點買外賣既唔好處，就係製作需時，一般都要等成５～１０分鐘先有，所以趕時間既話就唔好係呢度買。返到公司即刻開出黎。脆皮腸係切片！脆皮腸係切片！脆皮腸係切片！我仲以為係成條夾落去，有少少失望。不過滑蛋火候岩岩好熟，入口好滑，有少少奶香！配埋切左片既脆皮腸，增加左呢份三文治既口感，又幾好食！佢個早餐配埋杯野飲，凍款例牌要加錢，呢度加３蚊，叫左杯凍奶茶。杯凍奶茶都幾大杯，茶味好香，不過落奶好似重手左，攪到杯野頭幾啖都係飲到Ｄ奶，同埋飲得出加左糖水，太甜！

一個人飮早茶，想吃多種優質點心，想必有點難度吧。哈，給我找到了落腳點。 此店標榜點心是本地工場新鮮製作，即叫即蒸。最得我歡心的是，多款點心可以件數計。今早我便選了三款廚師推介，自組點心拼盤。 翡翠珊瑚餃是蝦餃燒賣的混合物，既有蝦，亦有豬肉，還有大量微細粒狀瓜菜類物體，加上頂頭的一片雪耳狀物體，添了點點健康元素。 蘑菇包是近年才流行的點心。包做成蘑菇狀，饀料亦是蘑菇。此店的蘑菇包饀料略少，但很香。 合桃包我還是第一次見。要把包做成合桃形狀，需花師傅不少心思吧。饀料滿是合桃，甜甜的，為此餐劃上一個完美的句號。 此餐連茶錢加一，𠄘惠37元。

週五，天陰，微雨。秋分已過，然暑氣未退，胃口無慾，友人提議飲茶，遂到理想點午膳。新食肆喜用同音字作號，有趣。奈何失落之感總是暗暗湧上心頭，半世紀前從南洋來港，見酒樓菜館的名號多有意境，雅俗共賞，將飲茶這小事變成生活雅事，小弟一介粗人亦有幸沾幾份文人墨客之光，無奈今非昔比，可惜。正值午膳時間，即便客人眾多竟不用多等，未己已能入座。廳內不大，裝潢簡單，無酒樓之俗氣感，惟食具雖具特色但欠實用。到茶樓午膳這回事，茶本是重點，惜一般茶樓不太重視，茶質粗，色濃味淡而不香。點了多款常見點心，賣相不錯，尚算整潔雅緻。腸粉味道尚可，多肉飽滿。蘿蔔糕不油膩，蘿蔔與糕粉比例各佔一半，不過不失。燒腩仔為小弟頗為喜愛，每到茶樓用膳必點之一嚐，肉鮮味香皮脆為上，肉腥味騷皮硬為劣，今回肉鮮皮脆惜味偏咸，中品也。炸蝦春卷香脆可口，蝦肉頗多，不錯。蘑菇包如其名，可愛，味道尚可。其他飯品味道尚可，米質偏乾，為小弟欣賞。友人膳後表示價錢略貴。

放假過黎觀塘接老公收工，順便去海濱長廊拍下拖，見肚餓去搵野食，行入呢間叫“理想點”個餐廳~個名幾過引！晚飯時間靜應應得三幾丁人，同午市時好似打仗咁個場面真係好大差别，呢區D晚市都幾難做！睇下食乜先，電視度介紹餐廳的點心都好精緻，但夜晚黑肚餓想有D米落肚，就鳳爪排骨飯啦，配菜添 ，再加D點心，簡簡單單，横掂晚飯日日一齊食，反而因工作關係好少同老公一齊飲茶食點心！鳳爪排骨飯 配菜（$48） 山竹牛肉球（$18） 鲜蝦帶子腸（$28） 魚腐高湯浸時蔬（$32）D湯咸到苦，魚腐亦無乜味茶果子芋蓉煎堆（$18）賣相吸引，食落仲好味，個皮卜卜脆，加埋入面流沙架芋蓉，唔會太甜，啱晒中意食香口嘅我地

想飲茶, 但已經試過所有在鱷魚恤大厦的酒家, 質素不太突出沒有哪一家想再次光顧。突然想起有家點心店在apm附近, 於是去踫踫運氣。門外有外賣部及燒味部, 其中有黑椒燒鴨及燒乳豬有特別推介, 賣相不錯。有精美的點心照片引領我們走進點心店。店內装潢簡約, 有别傳統酒樓這裡以四人枱為主。星期天客人不多, 因此用餐環境都幾舒服。留意到枱上這個牌, 詢問經理原來「理想點」是旗下以生產及出口拉鏈為本業的理想集團(最界第二大)。集團近年更進軍酒店及餐飲業, 原來稻菊及阿鴻小吃都是旗下成員, 認真巴閉。電視播放中的點心圖片精緻又有特色, 賣相吸引。可是在點心紙上是找不到的。經理話這些圖片是上手的, 言詞含糊不清。茶壺茶杯的圖案可愛, 而且整潔程比想像中高。點心併盤$48點心包括蝦餃、燒賣、粉果、馬拉糕及叉燒包, 而且點這併盤可以免茶介。賣相一般, 點心質素同樣一般, 但勝在每樣一件。黑椒燒鴨飯$46第一次食黑椒燒味飯是數年前在澳門的陳光記, 其獨門醬汁味道令人回味。在香港會提供黑椒燒味飯的地方不太多, 因此老公見到這裡推介黑椒燒鴨飯已經留下印象。燒鴨及白飯上都有黑白胡椒, 味道充斥著胡椒的香味。可是胡