瑞榮餐室

营业中

休息中

9 0 後 的 味 蕾.全香港都識嘅駿洋邨，原來係有個商場仔，除咗有超級市場，仲有幾間食肆，嗰日同個朋友就揀咗呢間餐廳食過午飯，然後先上穗禾路打波。.可能因為啱啱新開啦，茶餐廳整體環境都幾乾淨，光線好充足，啲卡位都幾闊落。.🪄海南雞賣相雖然唔係好精美，不過佢肉質都幾嫩滑，仲有3款醬俾你選擇.🪄蕃茄芝士焗牛脷飯飯嘅份量都幾多，仲放咗四粒番茄，如果牛脷煎完先焗應該會好正.🪄黃金炒飯有啲似鹹魚雞粒炒飯😂，飯底夠乾身，呢個抵讚，.🪄粒粒西多士中間有少量花生醬，一塊西多士切成4分，外型幾精美

瑞榮冰室 火炭又去左附近做野，今次去試第二間，有驚喜但都有失望🥺咖哩吉列豬扒飯豬扒好塊，炸得好鬆脆，炸粉適中，唔會太厚，好食😋咖哩係似馬來西亞咖哩，偏辣，唔似日本個種甜咖哩，中意食辣嘅朋友應該會中意😂常餐（多士、奄列、鹵水雞翼米粉）奄列一嚟到好大塊😍😍食落去好好味，蛋落足料！好好食！😋多士都好好食😋但係可惜鹵水雞翼好失望🥺細細隻三隻，仲要鹵水汁唔係太好食😥套餐配嘢飲叫咗凍奶茶少冰少甜，但係呢到都仲係好甜，下次要叫走甜😂

試過翠x好xx，今次輪到試吓瑞榮晚餐，但係好失望喎⋯叫左一份黑椒雞扒炒公仔麵，食落味道似薑蔥個款，而啲麵都好多黑點焦點。另一份係咖喱薯仔什菜飯，咖哩汁望落底係水，就當佢未撈勻⋯而啲野食全部都係偏硬既，飯硬、菜硬（有西蘭花、白菜、菜心、甘荀仔），賣相味道都唔太好。只係野飲、湯味道正常。仲有餐具好多都洗唔乾淨感。侍應工作表現都一般，落單一杯凍飲但收熱飲價錢另一杯叫左熱飲，價錢岩但係出錯左凍飲⋯後來都好快比返杯熱飲嚟既。可能佢哋人手唔太夠喇（外賣單多？）我都自己行出去叫佢哋改返單

今日去沙田附近搵朋友，行行下竟然行左去火炭，天氣又咁鬼熱，即刻入左呢間咁闊落茶餐廳食個飯先！叫完嘢食，店員就即刻攞咗兩碗老火湯嚟俾我哋嘆住等，真係好窩心特色沙薑雞（半隻）＄90雞肉好嫩滑，舊舊都有好濃沙薑味。雞肉浸住雞油，鍾意濃味又可以點嚟食，超正！蜜餞薯仔牛柳粒＄80呢碟值得一讚，薯仔外皮脆脆地，炸得啱啱好。牛肉粒香味完全俾蜜糖香昇華左，味道融合埋一齊好match，好有層次!粒粒西多士＄26呢碟西多未食已經令我流曬口水，入面粒粒花生醬簡直係我至愛，好邪惡新鮮滾熱辣炸黃金脆皮，叫人點忍呀

到火炭工作，lunch 廢事去咁遠，麻甩的我同同事去咗附近新商場一間闊落的茶記，又有少少驚喜喎😆.🟥鰻魚滑蛋飯🍳🟧本身諗住茶記的鰻魚飯水準應該麻麻，點知又紫菜又木魚絲，賣相用心，隻蛋又真心滑溜架喎！😋不過如果鰻魚再肥美 d就當然更好啦 (我覺得已好食過我之前 po的日式連鎖店了) .⬛鹹牛肉炒蛋潛艇🚤⬜其實啫係鹹牛肉蛋配熱狗飽😂面包有烘底，又足鹹牛肉料，菜式雖普通但好食嘅！.✨✨!! 必食推介!! ✨✨🟨蒜香生炸雞翼🐥🟩看似平凡，但外脆内 juicy❗真係一咬爆汁😍冇油溢味，唔會過厚炸粉，又真係有蒜香味，喜出望外♥♥♥.🟦來一口•粒粒西多士🧇🟪比我想像中大粒😂不過即炸都滿足好邪惡，中間依舊傳統花生醬餡，不過唔配糖漿仲可以配佢的芒果醬/朱古力醬添☺.呢間茶記非常多選擇❗連西餐焗飯/天使面，去到台式肉燥飯都有~見到旁邊大叔叫雞脾超大隻超吸引😍如果我係附近居民一定會當飯堂😆

屯門線開通左之後梗係要去吓唔同地方周圍玩吓啦今日呢就去咗呢個馬鞍山行街咁去完見到太多人就過河去咗火炭嗰邊搵嘢食啦見到呢一間茶餐廳感覺好似都幾乾淨同埋幾新淨就一於試試佢啦咁首先就嗌咗一個乾炒牛河睇圖都見到啦就唔係好油而且都有幾多牛肉個河粉都幾炒得好食然後呢就嗌咗一個鮮茄焗牛脷飯都唔錯有成大拿拿7塊嘅牛脷真係好足料而且個汁都好食好開胃依間小店啲員工服務都好好成日都幫我哋加茶唔使我哋主動叫而且都有問我哋啲嘢啱唔啱食啲碟都幾靚幾得意可能行得太攰而家見啲嘢都幾好食最後就叫多一個肉燥雞扒飯有好多嘅肉燥雞肉都幾嫩滑整體野食都唔錯價錢好抵食值得再去

同友人夜晚經過， 見到餐牌嘅吸引就入咗去。友人叫左個白酒汁慢煮蜆肉天使麵，天使麵份量好多，以女仔來說足夠食兩餐， 汁醬都好夠味道，忌廉味唔會太濃烈，透出淡淡嘅酒味。蜆肉好多粒 有十幾粒天使麵麵質唔會太硬， 剛剛好熟。見到台式肉燥飯拼雞扒飯照片賣相很吸引， 所以叫了一份，肉燥份量多，足以送曬成碗飯，而且味道啱啱好，唔會太鹹。雞扒幼嫩多汁,有成個手板咁大,雞皮煎得好香脆,好好食。至於XO醬西蘭花炒牛肉，牛肉同西蘭花嘅比例近乎各佔一半， 牛肉味濃， 烹煮時間剛剛好，唔會老。西蘭花亦一樣，顏色翠綠，沒有煮過頭，粒粒都咁爽脆。兩個人分別嗌咗西有柚梳打同凍檸茶。西柚梳打飲落很清新，可以一解飯菜的膩感， 內有兩塊檸檬，又可以平衡酸甜美， 仲有一些雜果塊。 凍檸茶茶底夠濃。環境闊落，裝修靚，好舒服，多卡座， 私隱度高。

駿洋邨一個屋邨就有4間茶記，個人就比較鍾意呢間瑞榮餐室，因為...當你食過佢個炸髀同西多就返唔到轉頭😅😂😂.同屋企人食晚飯，佢地就叫左「馬來咖喱豬排飯 $58」、同「雲耳勝瓜炒鮮魷 $78」呢度馬來咖喱幾出名，濃味得黎帶少少辣，加上豬扒原件煎上碟，好鬼餸飯。另外小菜其實都食過幾次，個人就覺得佢既小菜係幾有鑊氣同材料都新鮮。.重點黎啦，就算過左下午茶都有個「粒粒西多配惡魔炸雞髀 $38」，雖然就無跟野飲，但真心係抵食既。話咩粒粒西多，其實粒粒都好鬼大粒，切開裡面花生醬厚搽，炸到蛋香味重👍🏻 個雞髀又係勁誇張地大隻既生炸雞髀🍗，外脆內嫩。加個「油占多 」都係$13，仲要厚多士加多醬，真心抵讚啦。

經過駿洋商場，被餐廳新式的裝修吸引了😆，決定一試。餐廳不只中式小菜，還有各地的食物，台式，西式，馬來西亞，可以選擇各式的食物。最後都是選擇了中式的食物，薑蔥霸王雞和茄子豬頸肉煲。飲品半價，所以叫了2杯特飲，好似抵啲😆。薑蔥霸王雞$90（半隻），份量十足，雞肉嫩滑有雞味，配薑蔥絲十分惹味😋值得一試。我聽到附近的熟客都是點這道菜。茄子豬頸肉煲$75，成煲熱辣辣上枱，店員打開蓋時，看到煲內的汁還在滾。煲內除了茄子豬頸肉，還有冬菇。煲內茄子冬菇已經煮到較軟，吸了煲內的茨汁。雜果賓治(跟餐+$12.5）椰汁紅豆冰（跟餐+$12.5）椰汁味突出，紅豆亦夠甜。忘記了說，小菜是包了白飯例湯，所以份量都很多，十分抵食。

火炭真係無咩好野食，黎黎去去都係得茶記，今日黎做野，下晝實在太熱，唔想走去大排檔，唯有入左黎駿洋邨搵食，一上G/F就見到呢間茶記，個商場新裝修間間都差唔多。.餐廳選擇極多，比一般茶記多，有選擇困難症既要諗好耐🤣 叫左個特餐$48 ，有火腿奄列、多士、瑞士汁雞翼公仔麵、凍咖啡。價錢黎講唔算平，但份量搭夠，個奄列大份過件多士，多士夠脆叫左多牛油。瑞士汁雞翼分碟上有3隻，甜味岩岩好。.同事叫小菜share食「紅燒豆腐斑腩煲$75」、「椒鹽豬扒$72 」跟餐包湯同白飯，飲品半價另加。紅燒豆腐斑腩煲-班腩好淋身，白菜仔墊底，上碟熱辣辣，夠鑊氣。椒鹽豬扒- 豬扒肉質鬆軟，入口微辣，散發出椒鹽的陣陣鹹香，豬扒肉汁豐富，半肥瘦的豬肉伴隨香脆的炸蒜，口感極佳。

放工去火炭搵朋友聚一聚， 便到附近駿洋商場吃晚飯。這家茶餐廳裝修時尚，地方整潔，同朋友談天說地都幾舒服~食物選擇非常多，有台式，韓式，中式炒粉麵飯、小菜，西式意粉 & 全日餐等等，任君選擇。 無論點什麼食物，晚市都會送上例湯😏!椒鹽鮮魷($78) 超耐無食 ，又整得幾惹味，鮮魷夠爽口，外層卜卜脆❤️。無骨海南雞配油飯 ($55) 估唔到呢度連海南雞都有得食，而且價錢一啲都唔貴 ， 仲有齊3種醬料添😋紅豆冰(套餐+$9) 去茶記一定要叫嘅紅豆冰✌🏻勝瓜炒雜菌 ($72) 清清地叫個菜，又炒得幾有鑊氣，送飯一流👍🏻

唔知寫乜想搵間餐廳食個飯算係唔錯環境舒服食物夠熱款式多多有小菜焗飯西式野遲啲又打邊爐經過咪過嚟食下囉夜晚沙田區好介紹一家大細10幾人仲可以有房私人電影院！聽講有張大圓枱！

今日去左火炭搵朋友聚下，之後便到附近搵食，佢說呢間佢經常都會食嘅餐廳，價錢合理而且小菜鑊氣夠，我當然配合啦😊。餐廳食物種類繁多，有台式飯，韓式炸醬麵，中式炒粉麵飯，西式意粉🍝& 全日餐.....，很多選擇😘。咁我哋就入去開餐, 鋪坐下服務員便會送上例湯，說晚市時段～6點後入坐，便會供應，又唔錯喎。友人叫左個沙嗲牛肉餐轉左米線, 說冇咁肥膩, 配上金黃色蛋火腿奄列，加$1轉多士, 配埋杯凍咖啡。#豉汁蒸魚雲 用上辣椒🌶️、薑蔥、豉汁一齊蒸很惹味，魚雲新鮮很補腦，佢個汁辣辣地很正🥳。我跟友人各點了一碟菜, 因我晚上通常用菜代替粉麵類，菜很新鮮，洗得乾淨份量又多。店鋪地方乾淨企理，服務員有禮貌，食物味道不錯，友人好紹錯啊👍。

今天特意去火炭搵朋友就同朋友一齊去食飯在火炭駿洋邨有一間新開的餐室門口望入去座位都幾舒服所以就入去食晚餐先我哋就被安排坐卡位位置位置好寬敞舒適而且餐牌上面食物款式好多我哋就叫咗三款餸菜⊰⊹════════════════⊹⊱✎ 食後感 ：✨「 #梅菜扣肉煲 」送飯一流的梅菜扣肉 喜歡半肥瘦的扣肉，食落去肉質香味四溢而且很軟口的質感好Juicy「 #香煎芙蓉飯 」一份有四大塊三角形的芙蓉蛋蛋食落去外脆入面有豐富的餡料仲有好多細細隻爽口嘅蝦仔「 #酸菜水煮魚片」酸菜魚辣度不太辣飲一啖湯都幾滋味而且魚肉份量多撈飯就一流最後埋單都只係$200左右兩個人都食得好飽肚又豐富捧住個頭出門口！

假日去火炭工業區傢私陳列室睇傢私，順便去附近駿洋商場探下朋友食下午茶。睇餐牌呢間餐廳選擇超豐富，無論下午茶，套餐或散叫都令人花多眼亂。朋友一坐低，2話不說就點左個招牌下午茶餐。佢話呢度下午茶西多最正。🌟粒粒金磚西多士 加 脆香惡魔炸雞脾 $40雞脾個皮炸得脆，肉質唔會乾。而厚切西多粒每面都似浸左雞蛋汁炸得均勻，內外層次分明，內軟且口感十足😦🌟馬來咖哩牛腩飯 $60另外因為我未食午餐，叫左個馬來咖哩飯，裡面牛腩半肥舊，薯仔入味，咖哩又香，係唔錯既咖哩跟餐既例湯都好濃郁好好飲。🌟薄荷七喜 ＋ $9至於我杯呢杯特飲，口味比較特別，沒有心理準備不要試。🌟紫薯奶茶 ＋$9另外叫左特飲紫薯奶茶，好飲。最後想讚一讚呢度既服務態度真係好好，姐姐都好友善👍🏻👍🏻