璟瓏軒

营业中

休息中

精緻粵菜，菜品一流，片皮鴨香脆，維港景色一流，服務非常周到，來香港旅遊的客人亦讚囗不絕。尤其是來故宮博物館玩的朋友，可以望著維港景色食特色點心。來港的朋友不吃豬肉，廚房更細心地為我們換了豬肉的菜品，非常有心。

「璟瓏軒」呢間餐廳，其實我一直都有聽朋友講起，話佢哋個維港景色好靚。不過講真，以前睇佢哋個價錢都唔算平，所以一直都未的起心肝嚟試。今次咁啱見佢哋做緊限時優惠，個招牌京式片皮鴨平咗唔少，諗住試吓都無妨。去到之後，發覺佢哋個view真係一流，望住個海食飯，感覺好舒服。至於個片皮鴨，真係唔係啲平價燒鴨可以比。佢哋啲鴨皮燒得好香脆，入口即化，啲肉又夠嫩滑，配埋佢哋嘅京蔥同青瓜，味道真係唔錯。雖然佢哋本身唔係走平價路線，但係計埋個景色同埋食物嘅質素，今次呢個特價真係幾抵食。如果你都想試吓高質素嘅片皮鴨，又想搵個靚view嘅地方食飯，「璟瓏軒」呢個限時優惠可以考慮吓。

長輩生日，食個生日午餐順便去故宮。餐廳環境好好，樓底高，仲有無歒海景，唔會好嘈，食得好舒服！！服務好好，樓面數量算幾夠，時不時睇吓我哋有冇需要嘢食方面，試咗佢哋做緊優惠嘅片皮鴨，有師傅即場片肉，嗰鴨皮好香，好味！ 個包皮仲有嘢熱住唔錯.點心有驚喜，有個梅味車厘茄（唔記住咗exact 名)，好refreshing ,推！天鵝造型嘅紫薯酥，靚靚又好味，一道如果多過兩隻會再加多啲分其他點心就穩穩陣陣，正常發揮。下次會再去

睇到IG話出咗新點心菜單，趁去開西九又試試，同咗店員講想試下新點心，即場咗推介藤椒雕魚餃 (3/$68)🥟同黑麻石獅子(2/$58)🦁️，藤椒雕魚餃雖然同松子珍菌外型一樣，都係金箔皮，但味道上就好唔同，麻麻辣辣🌶️的口感，加上魚肉香味，十分惹味！黑麻石獅子造型好可愛😍，似十足大貓銀行門口對石獅子咁！味道就冇咩特別，有啲似芝麻卷，但可以好似布甸咁騰騰震。其他就唔詳述啦，可以睇我之前嘅食評，都有食過璟瓏軒

之前經過璟瓏樓一次，知道呢間酒樓比海景包圍，景觀好正。今日就同屋企人一齊去飲茶。我地14:30左右到，酒樓大概兩成枱坐滿。因為窗口位都俾人坐晒，所以職員安排咗我哋坐其他位。我哋坐低咗2分鐘，就見到窗口位有人埋單，所以要求想轉過去。職員好愕然，支支吾吾，然後問完同事就安排左。我地叫左幾籠點心。望住個海景食嘢真係幾舒服。金湯金魚餃 $88賣相非常吸引和精緻。食落普通。個皮好厚，入面係蝦餃餡，個金湯係南瓜汁。呢款點心係熱賣推薦之一，嚟到都值得試吓。鮮人蔘湯蝦餃$28 見佢有個優惠價就叫黎試下。其實個餃都係一粒蝦餃，無咩特別。但個湯有驚喜，真係有人心嘅甘甜👍🏻性價比唔錯，推薦～ 紫薯天鵝酥$68黑天鵝外表已經好靚。個酥都做得好出色，入口唔油膩，而且係層層分明，非常鬆化。入面嘅紫薯係天然嘅紫薯甜味，冇加糖嘅死甜。呢個係非常推薦。（但係個天鵝頭應該係食唔到😂好硬，咬唔開）芹香蘿蔔絲酥 $68個酥都係做得非常之出色，層層分明，非常鬆化。擺盤都係好精緻。金絲鰻魚燒賣$88就係普通燒賣上面加咗一舊鰻魚，不過不失～A4和牛生煎包 $78其實就係普通生煎包。食唔出係和牛😂最特別係成個煎pan再加埋啲洋蔥上。

故宮博物館⋯只會諗起歷史,中國文化,原來4樓有間中菜廳-璟瓏軒,環境好開揚⋯呈L 形,無柱,270度維港海景,點心選擇都好多,有特別手工菜,前菜琥珀合桃,等一陣就有點心到,有金魚餃(好似南瓜汁做湯底),鮑魚燒賣,紅米腸粉,雪茄蟹肉春卷(用煙灰缸裝飾好特別)蘿蔔千絲酥(好脆),妃子笑(外型好似荔枝,紫薯蓉好似有點怪有陣薄荷味唔通係頭頂塊裝飾薄荷葉)西班牙黑豚叉燒(有點凍,有點肥筋)酥炸魷魚鬚(有點厚粉),最後甜品燕窩蓮蓉燉鮮奶,整體來講,服務一流,環境一流,可以慢慢品嘗食物,愉快的一天,

第二次嚟呢度食飯,上次得2個人食得好少野,今次叫多個朋友 所以可以食多少少野今次D野依然都係好食!!松子珍菌,晶瑩剔透皮好簿,個餡都幾豐富,啖啖都係料鮑魚燒賣,大大粒 ,鮑魚唔會好韌金桔蜜燒鵝皇,皮好脆 肉唔鞋,甜甜地幾好食一舊接一舊拔絲菠蘿黑豚肉,酸酸甜甜~最鐘意食既一道菜!! 烤過嘅菠蘿好好好好好食!!佢個皮好脆,不過覺得入面肉既調味唔係好夠.炒菜心正常野大桔包,造型幾QQ,入面奶黃好香好濃,好正 好似食緊甜品咁XD加埋個景正野係好食既!環境舒服!景又超靚!!但都仲有啲小地方可以改善~例如上菜速度可以再快DD~侍應嘅態度可以再熱情主動啲不過都係推薦大家黎試下既~~~望住個景食飯好開心~~

天氣晴朗，對住靚景食晏本應心情愉快，但係嗰度嘅服務質素令我以後寧願買外賣坐喺草地食都唔會再幫襯。門口知客嬸嬸掛住玩電話，頭也不抬，亦唔bother打招呼。我哋之後被帶到窗邊位置，咁啱喺正入單機隔離，經理伙記們經常聚集喺嗰度訓話同bxxxx about客人，聲量不低。我哋其中一個item落單後等咗30分鐘都未出現，我向一個操鄉音嘅經理嬸嬸查詢，佢自顧自通過對講機講咗5分鐘嘢，飛番張單喺我枱面然後話等等，服務仲衰過屋村酒樓。

千萬不要去這間酒樓擺酒，服務態度極差，上菜還倒瀉熱湯整傷賓客，擺酒1點開始上菜，3點半夠鐘，2點未食完已經收走賓客的食物和餐具，還上少了一樣菜，反映了也沒有用，大家可以看看以前的評論，可見餐廳的服務態度沒有改善，更可怕的是變得愈來愈差

餐廳海景絕對的一流，即使海港城靠海的餐廳也有過之而無不及～～餐品有出彩的幾道已經在推薦菜上逐個寫出來啦，這些真心推薦，下次再來也只能是因為這幾道推薦菜，尤其是鴿子和炒飯。下面重點說說希望個人建議，希望可以做的更出彩。1、金魚餃雖不是獨家特殊菜品，但仍建議高湯位上，增加視覺美感，松茸海參餃就做的很好，不過這種位上的餐品，建議服務員在復單時溫馨提醒一下客人，不然上餐時，是真的尷尬😓；2、蜜橘燒鵝，處理的不夠好，許是不是新鮮燒製，肉又不夠入味好食；經典的蘿蔔糕，太氣人了，也就比餅乾厚一點，實在營養口感；豬腳姜的盛器新穎，但豬腳卻不夠軟糯；其他菜品算正常水準吧。3、服務上來說，真可以吐槽一下，明明靠窗望海的位置坐滿了客人，但服務員大部分都集中在中間位置，無法及時迴應客人需求；4、8個大人兩個小孩，收10人茶位費，好吧，誰讓小孩也是用餐具不是用手吃呢？！整體餐品質量還算不錯，適合三兩人慢慢飲茶慢慢享受美景，慢慢傾談人生。不過那時估計會限時用餐吧

今日去故宮博物館睇展覽，中午獨自去飲茶食點心，人參蝦餃、海參餃、鮑魚燒賣、蟹黃小籠包、最後點了椰子䔧糕。人參蝦餃好好食，仲有優惠價。 除咗甜品梨糕不值外，其他點心不錯。服務員態度也可以，人手也足。

早排朋友帶左我去咗尖沙咀璟龍軒飲茶，係故宮入面，維港景觀一流🤩！！上菜前同朋友係咁打卡影相！呢到整體嚟講真係幾好，環境夠Grand。嘢食方面，水晶餚肉賣相精緻，晶瑩剔透，食落似o者喱口感，鹹鹹香香。👍🏻脆皮燒金方，肥瘦均勻，個皮好脆卜卜，每啖都充滿油香，不過就覺得鹹咗少少🤏🏻。而話梅車厘茄！係我最愛😍！酸酸甜甜勁開胃，第1次試，口感幾特別，仲要好貼心 去左皮～一粒接一粒咁食😂。呢到唯一不足之處就係價錢偏貴，但整體嚟講都算物有所值既！下次會再叫多d朋友一齊黎，咁就可以叫多d野食Share～

禮拜日同屋企人第一次過黎飲茶，唸住對住個靚景食好野。依度星期日Lunch都唔係多人，可以坐到窗邊位，景色係真係唔錯。但係！我地落完單等左20分鐘，咩都冇上過⋯ 🥲以為佢上菜慢，搵個樓面催，個樓面話會即刻幫我地跟進。點知⋯⋯ 等多15分鐘，遲過我地黎嘅都有兩籠點心，成件事係好奇妙。於是我地又搵另一個樓面問，係個刻大家先發覺原來成張點心紙佢地收左之後係冇落過！！！我地就咁白白餓住等左咁耐！！！！🔪跟住佢地話好快幫我地落翻單。食食下冇啦啦黎左碟冇叫嘅菜芯，然後佢地對完單又發覺落錯單。🙄隔左陣，心唸個金魚餃咁耐都未黎嘅，原來又漏左單。🫠個金魚餃係打卡able嘅，但唔好食，個皮厚到呢。。。跟住同個經理反映，個經理同其他樓面一樣，諸多藉口淨係不停唔好意思，跟住就話比我地3個鐘免費泊車。結果！最後埋單，另一個樓面同我地講，西九淨係做到2個鐘免費泊車，冇3個鐘。跟住啊經理黎，一開始仲口硬同佢同事講「比多張飛佢咪吸到3個鐘囉」「你落去試左先」，越聽越唔對路，佢同事都強調得2個鐘，講多兩講啊經理就突然又諸多藉口話咩「誤會左」「以為你地2部車」「我地淨係比到2個鐘」「唔好意思」。。。依度D樓面除左操一口流利

昨天同家人去了試呢間餐廳，從點餐到上菜足足等了45分鐘，期間追了3次單，侍應都係敷衍對待。 最後發現原來係漏單，經再三催促後，終於有嘢食，但係中途又上錯食物，因為呢間餐廳吾係用QR code 點餐，係人手落單，經理解釋話係侍應入錯單！ 本人覺得呢間餐廳名過於實，收費一流，服務九流！員工應多加培訓，用心工作，做出香港好客精神！

一直都想試下鼎鼎大名嘅故宮精品手工點心，果然名不虛傳！特別印象深刻嘅係招牌金魚餃，好食又好睇！精緻嘅金魚造型絕對係打卡之選。人蔘湯蝦餃，好足料嘅蝦餃配以濃郁嘅人蔘湯，未喺出面見過，係一個新鮮嘅配搭，兩者係出奇地夾！最後，嚟過金箔燕窩芝麻撻，作為午餐嘅點綴，除咗有奶滑嘅芝麻餡，仲有燕窩鋪面。無論係創作定係出品，都非常有心思，對得住手工菜呢個招牌。因為最近有推廣活動，折後相對算係抵食，下次再嚟西九亦都會有take two！本身個篇，唔知點解出唔到，試吓重出