甘露甜品

营业中

休息中

今日去左土瓜灣食飯，見到對住有間舊式甜品店，就想心動動試，食左一半怕佢收工所以跑左去叫左外賣先。問返姐姐原來因為這候街多左食店所以營業時間都改為12點鐘。舊式小店加上膠牌寫字另有一番味道。食品好多都係紅牌寫仲有不同雜誌剪報，還有車仔面，牛什，魚蛋之類。姐姐話裡開左好多年啦，買少見少，叫我影下相，而我仲苦惱緊食咩糖水時，見到有芝麻糊（心諗會吾會又係粉，多次失望都難找手磨芝麻糊）。就係這時見到雜誌寫係手磨喎，咁二話不說就叫左外賣返去餐廳食。返到去朋友X2和我都食左，大家總結係堅手磨味道好味，但吾叫杰身芝麻糊，眼見到黑色有一點點的白色已覺得應該不錯（因為粉開只會黑色同好光亮杰身感覺），再加上嗅到芝麻香同米香己經令我好開心，口感還有少少芝麻和米係度，食完吾滯同吾會成口糊的粉，份量都多都係$15(外賣加$1)，以真材實料黎講堅抵。同都多人外賣回家，所以吾好以為冇人坐代表吾好味道。

走到大汗淋漓，行入甘露甜品，仿如荒漠甘泉，河馬夫婦呼喊著要尋找一點甘露。河馬生order了消暑綠豆沙。這裡的綠豆沙非原粒綠豆那款，而是把綠豆磨至起沙。有些人不喜歡，河馬太卻大愛這種口感。河馬太的腐竹薏米水清甜，滲出點點腐竹豆香，去水腫美白之餘又能滿足口慾。舊區店舖沒有華麗裝修，但用心製作的食品，令食客也能感受到其認真。

既然去得鴻福火鍋，下一場當然要找間糖水店來清潤一下。甘露說來都超過廿年歷史，除了是街坊生意、街坊價錢，門面比起一些新型甜品店，是天與地的比較，實在很難想像，在這個貴租的年代，又不是經常客滿，竟然可以生存。之前又火鍋又燒烤，實在太熱氣了，來一個冰凍的木瓜西米露，上檯前先注入花奶，雪得又夠凍，清甜好味，不過木瓜切得太碎了。

記憶所及,當年做暑期工時,此店已經存在.二三十年如一日.而早年專賣甜品,近年來已多完化出品,又有燒賣,更有車仔麵,大都是十完八塊就可以出門口.由於晚上還有洗塵飯局,不能食得太飽.牛什加螺肉米粉 : 螺肉浸泡太耐,螺味可有可無,牛什真的是半途出家,炆得夠散,但味道麻麻.加沙爹汁都只能有辣味,但香味欠奉,反而太太的蕃薯糖水是火喉足,薑味又不會太重,甜度又洽到好處,不錯.

佢地出品既豆漿,與一般其他店舖既豆漿,可以講得上無得比,超濃郁豆味,與一般用腐竹整既豆漿,完全唔同,絕對要試,豆腐花亦值得一試,夠香滑,但比不上佢既豆漿,其他小食,老實講,一般啦!不過街頭小食,可以有位比你坐低慢慢hea,算係咁啦!

小食超扺+好味～（必食推介） 我極力推介小食,有魷魚，牛柏葉，東風螺，又有腸粉燒賣。記住要加埋沙爹醬,超好味,出面食唔到，四蚊串魷魚　牛柏葉,又有魚旦，又抵又好味,一定要試下！！！

上回說到食糊的地方。遺憾的一點是第二站到訪的，並不是上次提過的"吃糊"勝地"源記"，而是開在家附近的甜品老字號"甘露"....這甜食店在美景街想已差不多經營了二十有多年吧 (記得自己在上中學時這店已在了)。印象上多年前已光顧過，但事隔那麼久，吃了甚麼，味道如何，看來已忘掉得一乾二淨吧....買了兩碗東西回家慢慢享受。太太吃的自然是作為"藥方"的芝蔴糊"。上次在"口甜舌滑"吃到的已感極杰身，想不到這兒的更是一山還有一山高，是明符其實的"杰過芝蔴糊"了。以甜度相比，這裡的差不多是一點甜味也沒有的。好聽一點的可說是夠健康，難說一些的，是真的像吃一pat無味的黑色漿糊而已.....在中式甜湯的傳統上，紅豆沙應是配蓮子與百合的，綠豆沙則與臭草及海帶相伴。這兒做的綠豆沙卻只是加上百合同煑，感覺是全然的格格不入。味道跟芝蔴糊一樣，是味淡得不得了，"起沙"的感覺亦是不足。唯一的好處，只是雪得夠冰而已.....第二站是徹底令人失望。希望之後的水準會有改善吧.....

呢頭夜晚好靜，十一點左右已經冇乜食肆，尤其糖水舖，所以只有呢家選擇。叫o左芝麻糊(加o左賣淨o既一粒湯丸)同麥米粥。芝麻糊唔夠香同滑，講真食落同開粉果o的分別不大。湯丸就皮厚餡少，少到o的餡差唔多食唔出味道，而o的皮就太過淋pat pat。麥米粥用o既竟然係黑糯米??? 食落唔香亦唔煙韌，不過裡頭o的三角豆都幾好o趙頭~兩樣都係$8蚊碗，不過黎過算lur....

不是看見MM1970的食評，我也遺忘了這間甜品店呢！記得在北角返工時，間唔中會搭船回家。某次落船後，諗住行番出去貴記買件蔥油餅醫肚，瞥見這毫不起眼的小店，甜品癮忽然發作，便走進去，要了一碗芝麻碗，她出品的芝麻糊並不幼滑，印象中甚似玉葉那一種，芝麻香味真的不夠濃，而那次味道更是偏淡。兩年前吃的時候是九元一碗，不知有沒有加價呢？！

與幾位版友在晚餐\聚會後, 酒過三旬有點醉意, 還是先來一個甜品散散酒氣, 由朋友帶領的到一家甜品店, 各人點了幾個不同的糖水, 豆腐花十分滑, 但味道一般, 糖水不足; 朋友們點了腐竹糖水和湯圓, 看來賣相有點不濟, 同樣亦給了一個負面的評價; 最後店主介紹了芝麻糊, 相信是信心之作, 可惜甜味有餘, 芝麻味道不足, 而質感亦比較單薄.