甘露甜品

营业中

休息中

沙嗲醬牛柏葉粗麵🍜$20之前睇到網友同傳媒介紹😏已經想去試下佢地沙嗲醬🙈$20嘅一餸車仔麵☺牛柏葉唔算好多😂不過個醬的確夠惹味🤤真係幾好食可以一試👍甘露甜品 (土瓜灣)土瓜灣美景街 50 號

土瓜灣美景街…相信不少人從來未黎過…地方唔多就腳，又冇地下鐵，要黎又真係幾唔方便…不過如果你真係對食糖水有要求，尤其是對紅豆沙，綠豆沙特别鐘情嘅話，就一定要黎…先講環境，佢冇豪華嘅裝修，醉人嘅風景，只有幾張平民摺枱摺櫈…就係因為咁…鋪入面係充滿住八九十年代嘅味道，難怪大時代嘅導演會响呢度取景。服務方面，當然唔會有五星酒店嘅服務員，只有親切嘅老闆娘，用對子女嘅口吻黎招呼，好有家嘅温暖。食物方面，不得不提紅豆沙同綠豆沙，呢度嘅紅豆綠豆係煲到冇晒一粒粒嘅豆…名乎其實嘅沙…紅豆沙食落有陣陣陳皮香味…清香得黎又唔會搶左紅豆味道…相反，綠豆沙就以香草為主，綠豆為輔，絶不失禮。除糖水之外，老闆娘亦有提供小食，雖然呢啲小食唔係乜嘢山珍海味，但係配合特制醬汁，立刻變成珍貴美食…友人們食過不停…本篇不提供相片…希望在這裡留白，好讓讀者自行想象，探索，究竟咁特别嘅紅豆沙綠豆沙會係点樣…返看戲照，鋪面似乎仍然保留住當時嘅環境，無什改變，希望老闆娘可以繼續經營，保留住呢個大時代嘅味道。

第一次試呢間店既小食叫左3串小食: 陳皮魚蛋、牛栢葉、豬皮承惠 $20 （$7 /串)陳皮魚蛋：5 粒細魚蛋，沒有陳皮味，咬口亦只屬一般貨色（淋淋地)牛栢葉:最穩陣，牛栢葉本身無味，店家淋上沙嗲汁後反而幾好食豬皮：可能煮過頭，淋到好似腐皮咁，完全索唔到沙嗲汁3 串入面只有牛栢葉可一試!

香草綠豆沙喝完讓胃無比的舒暢，渾身充滿力量。與譚太親切合影後點上一杯西米露，獨坐海邊，無限風景。香港，有這些就足夠了。#帶著微博去香港##粵色悅人##人間四美# 安利一下地址，土瓜灣美景街50號。變形金剛等大片也在此地區取景。

這間甜品店，幾年前不知甚麼電視節目📺就已看過，見到門面就想起了。這次一試就覺得很多亮點。生菜魚肉，本人一向不吃。陳皮魚蛋，原來這種就叫做陳皮魚蛋，記得當年葵興地鐵站對面的葵興美食中心，所售賣的好像就是這種魚蛋，面頭有很多坑紋，內裏又有特別的香氣，而非那種鯪魚肉的味道。這兒的魚蛋也是這種陳皮魚蛋，面頭很多坑紋，上面再加了些少沙嗲汁，比起內裏是不知真假的魚肉，味道香許多。凍綠豆沙，凍得來未叫結冰，但煲到完全呈沙狀，它的沙狀甚至乎令人難以吃得出有什麼在裏面，但是沙狀之餘，又沒有其他固體，好像在家中煲完湯，然後過濾了湯渣；因平日的綠豆沙，雖然號稱綠豆沙，但絕少煲到成沙，紅豆沙煲到成沙就比較多，綠豆沙很多都是有很多綠豆，加點臭草，加點海帶就算。另外就是友人的麻蓉湯圓，蘭姐號稱湯圓是立即煮製，已經值得加分，其實看樣子，麻蓉湯圓跟芝麻湯圓好像沒有什麼分別，但是吃落的時候，蔴蓉湯圓好像更加綿滑，而且沒有芝麻那麼粗糙。蘭姐服務周到，禮貌待人，有問必答，提醒客人拿好東西。小店子門面小，內裏也小，值得支持！

睇飲食節目最易跟D節目介紹既食店去搵食, 見到節目介紹這間食店已經心癢癢要來試下..一早6點多係對面食完串燒作晚餐後再來這店叫多4串小食同各人點左碗糖水真係好飽下!!!講番這裡店鋪非常非常之細, 只有放上4張圓枱講真乾淨度就麻麻架啦..如果唔係電視節目介紹, 平時經過我都未必會入來試. 節目中介紹這裡既東風螺, 牛什同魷魚加上店主既自家沙茶醬非常一流, 所以我地就叫左這3款再加一串牛柏葉;另外佢地煮既糖水中以綠豆沙同紅豆沙都出名, 可以煲到出晒沙一D豆都無, 友人就點左碗紅豆沙; 而我就叫左芝麻糊每串小食都係$6係今時今日真係少見, 而且無介紹錯這裡小食真係唔錯, 我自己最喜歡就係魷魚好爽口, 牛什亦少見有咁多牛膀真係我至愛, 可惜我地太飽啦唔係一定叫多幾串小食.至於佢地既糖水亦做得出色, 我既芝麻糊夠滑甜度適中.雖然這裡衛生度一般而且好迫, 但這裡既食物同老闆娘街坊式招呼真係令你覺得好warm好滿足.地址: 土瓜灣美景街 50 號

區區開火電視節目推介，肯定要來一試。未走進店裏，已想著多年沒有吃的東風螺。一坐下就心急先點了魚蛋，東風螺，牛什，魷魚各一串。可惜東風螺不是當年涼茶鋪風味，但整体非常爽口，配合特制沙嗲酱，非常惹味。再点了烧卖肠粉，伴沙嗲酱，极邪恶。差不多了，甜品时光。我点了绿豆沙，竟然有古祖的香草味，童年回忆马上回来。

今晚吃了碗仔翅，不过不失，豆浆都几香豆味，魚旦有点腥，東风螺, 尤魚，牛柏叶好淡，好"林"，冇口感，肠粉过得去，一般，不过个咖哩醬只有色，沒有香、味，叫了个涼粉冰外卖，合格，总括來说，只是不过不失，但价钱都算几平，成为$61

住開呢頭有d舖頭真係由細食到大,好味既牛什真係非間莫屬, 帶咁多個人黎個個都話好食, 今日帶左女朋友黎, 連佢呢個唔太食牛雜既都大舉手指公呢度其實主打係食糖水店, 牛什好似只係其次, 不過做功一d都唔馬夫!!牛什評分: 5/5老闆娘呢度既牛雜只有『牛膀&肺』牛膀同牛肺食落口感好軟林林, 牛肺雖然林但不失原有口感, 2者都整到好濃好入味!再者 牛什既特製沙茶醬 深色到近符深黑色, 有dd咸香, 配埋一齊食真係一流!!!一個人返屋企經過呢度既真係可以一個人食10串, 諗起都正

爸爸想食芝麻糊，本身想去深水埗食，但諗起在土瓜灣有間舊式甜品鋪未食過就去試一試芝麻糊唔滑身～仲要唔香芝麻味，結埋一舊舊，真係失望！紅綠兩溝～完全冇豆衣，但都有豆味！豬皮蘿蔔炆得好淋，可惜佢既自家制秘製沙嗲汁都係失望，冇沙嗲香，冇辣味，仲有小小酸味！個價錢點平都冇用

因為男朋友住喺土瓜灣所以好食係土瓜灣嘅loon loon la la搵好西，今日黎到美景樓呢頭食特色小食，食完之後就過咗隔離呢間「甘露甜品」，但食嘅唔係甜品而係呢度既牛雜。。。？😳😳😳唔講唔知道其實呢間甜品舖已經有一段歷史，點解咁講？因為呢度曾經拍攝過大時代，牆身貼滿左好多嘅報導，亦都因為早前重拍關係有好多人慕名而來。牛雜 $7/🍢呢度嘅牛雜只有牛膀 同 肺，色澤已經話到比大家知煮特有一段時間唔係講笑，食落口感好林好軟熟 超入味，秘製醬汁唔辣既，似係好濃味既特級沙茶醬再溝其他材料配製而成，好野味，正！😍😍👍🏻魚蛋 $5/🍡魚蛋彈牙度度算軟硬適中，都係唔辣既，同牛雜一樣都係用果一款秘製醬汁，好食😋涼冷冰 $6🍸飲落好清涼唔會太過甜，涼粉冰有個特別之處係入面有一舊有味嘅冰，應該加左奶落去雪，就算個冰融左之後都唔會影響到成杯涼粉冰個味道。好貼心既服務👏🏻😊抵讚！

如果不是土瓜灣街坊，未必識得甘露，如果不是一套「大時代」，大家更加未必識得甘露。說起來，恐怕超過25年歷史了。多年來門面都沒多少改變，食物種類，除了主打的甜品外，亦兼賣小食。原先打算找母親喝下午茶，點知去左逛街，唯有食少少野打發時間。生菜魚肉湯平日同太太都係食糖水，今次反而要碗生菜魚肉湯，魚肉加入了鯪魚肉，比較認真，但有少許魚腥味，美中不足，湯底應該用燒過的柴魚熬過，不過不失吧!

今日去左土瓜灣食飯，見到對住有間舊式甜品店，就想心動動試，食左一半怕佢收工所以跑左去叫左外賣先。問返姐姐原來因為這候街多左食店所以營業時間都改為12點鐘。舊式小店加上膠牌寫字另有一番味道。食品好多都係紅牌寫仲有不同雜誌剪報，還有車仔面，牛什，魚蛋之類。姐姐話裡開左好多年啦，買少見少，叫我影下相，而我仲苦惱緊食咩糖水時，見到有芝麻糊（心諗會吾會又係粉，多次失望都難找手磨芝麻糊）。就係這時見到雜誌寫係手磨喎，咁二話不說就叫左外賣返去餐廳食。返到去朋友X2和我都食左，大家總結係堅手磨味道好味，但吾叫杰身芝麻糊，眼見到黑色有一點點的白色已覺得應該不錯（因為粉開只會黑色同好光亮杰身感覺），再加上嗅到芝麻香同米香己經令我好開心，口感還有少少芝麻和米係度，食完吾滯同吾會成口糊的粉，份量都多都係$15(外賣加$1)，以真材實料黎講堅抵。同都多人外賣回家，所以吾好以為冇人坐代表吾好味道。

走到大汗淋漓，行入甘露甜品，仿如荒漠甘泉，河馬夫婦呼喊著要尋找一點甘露。河馬生order了消暑綠豆沙。這裡的綠豆沙非原粒綠豆那款，而是把綠豆磨至起沙。有些人不喜歡，河馬太卻大愛這種口感。河馬太的腐竹薏米水清甜，滲出點點腐竹豆香，去水腫美白之餘又能滿足口慾。舊區店舖沒有華麗裝修，但用心製作的食品，令食客也能感受到其認真。

既然去得鴻福火鍋，下一場當然要找間糖水店來清潤一下。甘露說來都超過廿年歷史，除了是街坊生意、街坊價錢，門面比起一些新型甜品店，是天與地的比較，實在很難想像，在這個貴租的年代，又不是經常客滿，竟然可以生存。之前又火鍋又燒烤，實在太熱氣了，來一個冰凍的木瓜西米露，上檯前先注入花奶，雪得又夠凍，清甜好味，不過木瓜切得太碎了。