甜夢小屋 (已結業)

放工回家食完飯後無嘢做，突然心血來潮想食甜品，就開電腦上網睇下邊度有新開甜品店。Search search 吓就睇到馬鞍山有間新開o既甜品店，睇食評好似幾好wor，就叫埋屋企人一齊開車去lor.從屋企開車去都需要＋幾分鐘，如果唔好食就俾老婆仔女鬧死lor.(>o<)跟地圖去原來這間鋪後街及對面有个停車場，但當時已經是晚上＋點幾，就跟其它車一樣泊喺後街然行幾步上去。坐底咗、定一定、睇menu，發覺這間鋪都有幾多款式wor。既然D網人話"榴槤飄香"，、"炸雪糕"、擂沙湯圓"好食，我地當然唔試住呀!試下其他o野，試下這間楊枝甘露，因為楊枝甘露唔係間間好食呀!又叫了一個係menu中間的玫瑰花奶凍、叫了一個佢話係"新鮮士多啤梨布甸"俾阿仔食、個女女見到圖上有d 星星，問係什麼來，原來係星鑽椰果，所以就叫了個什果星鑽椰果俾女女。坐了一陣，來了個楊枝甘露，咁我食了一啖，就覺得同其他的糖水舖的楊枝甘露有好大的分別，就係個汁底好香及好濃郁的芒果味，都幾多芒果肉係入面，係這個時間食到的芒果這度都算ok甜呀!至於d 金柚真係食到係新鮮，因為係食到好爽同埋都幾清甜，唔係罐頭那些得個甜字而唔爽。

小弟本身係一個好鍾意食榴槤o既人. 上個星期六去o左呢間o野食. 見佢menu推介中有"榴槤", 當然要試一試啦. 因為係呢個時候好多超市同埋街市都已經無榴槤賣. 未食之前已經聞到榴槤o既香味. 一食第一口, 真係好正啊. 呢個時候仲有咁甜咁香o既榴槤. 佢個名真係無改錯啊. 榴槤飄香. 而我個friend 就慘d, 因為佢唔食榴槤. 不過佢就試o左個炸雪糕, 又係好掂啊. 外熱內冷, 炸完個雪糕都可以唔溶. 食落去時, 出面個層脆, 入面d雪糕入口開始溶, 好有口感. 真係唔明點解啊. 哈哈, 如果有榴槤炸雪糕就正啦. 我肯定成日去啊.

馬鞍山區o既甜品店其實有好多, 不過水準都o係麻麻地,呢間新開o既甜品店水準唔錯,食得出係用心做前兩晚四個人去, 唔知serve 我地個女仔o係唔o係老闆娘呢? 幾nice 呀, 我地o係咁問呢樣個樣o佢都好詳細解釋冇黑面,哈叫左o個木桶豆腐花, 即叫即整所以要等成15分鐘呀,出到o黎都幾大桶喎, 我地四個女仔share 食都夠分, 豆腐花好滑呀, 最中意可以自己加糖,熱辣辣既豆腐花配上自己喜愛o既甜度, 而家凍凍地食真係最o岩另外仲有叫左o個擂沙湯圓, 同出面唔同, 佢係細細粒o架,一口一粒唔駛食到成口粉, 芝麻好香, o個皮都唔un, 呢o個都唔錯仲有叫左o個腰果露,嘩,呢o個好香腰果味呀~又唔會食到成口一粒粒粉,強烈推介不過店入面好似冇洗手間, 呢o個就有小小唔方便喇