甜姨姨研究所

营业中

休息中

上社交媒體網站見到介紹所以去試下，去到見到價錢好平而且好多人排隊。叫左個多芒楊枝甘露。三十九蚊，份量都幾足，夠兩個人輕食。個樣係好靚嘅，包裝用嘅盒都非常有心思。但食左一啖之後真係唔想再食第二啖。1. 唔夠凍2. 芒果切得太大粒3. 西米太多太大粒，搞到好穊4. 芒果底冇芒果味，又稀，得個甜字5. 唔夠碌柚成碗嘢個味冇乜層次，應有嘅味又冇，真係得甜味。雖然都見到佢入而有幾個人喺度即時切芒果同打芒果汁嘅，至少知道係真芒果先。

每次經過都被吸引住，今次終於食到😍😍位置喺黃金商場對面，價錢親民又足料🤤🤤⭐️多芒小丸子 $40滿滿嘅芒果果肉，芒果好香甜加埋啲西米西柚肉椰奶味道唔會過分甜啱啱好小丸子好煙靭粒粒都好有咬口勁後悔，冇買多幾個返屋企食下次食一定會再買多幾個

食左兩次，兩次都係叫D24榴櫣，第一次食左個D24榴櫣小丸子紫米露，紫米露好香好好食，有椰香味同奶味，唔會好水，加埋榴簡直絕配。食完都幾飽下，可以當飯食。今次就叫左個D24榴櫣椰汁鮮奶燉雪燕，好正好好食，榴櫣個味道加埋椰汁個味道好match。雪燕個質感好似燕窩，應該係幾健康嘅糖水，加埋啲榴櫣絲勁正。同埋不得不提係個碗，好硬身，我再重用放左啲湯落去，再放入微波爐都ok👍🏻呢間可以再encore👏🏻

每次經過，都被這店吸引。已經幫襯了幾次，每次都有驚喜。這次叫咗芒果小丸子及芋泥桃膠小丸子 ， 好好味，啱啱好唔會太甜， 用料好高質素！水果新鮮又甜，桃膠吃得出是高價貨！

已經幫襯過好幾次，一直有試過唔同系列嘅甜品尤其覺得厚芋泥系列同芒果系列都幾好食，全部足料之餘甜度又適中。但最新一次唔知係咪員工未熟手，完全唔同晒味道叫左兩碗都淨係得甜味，厚芋泥西米小丸子係完全冇芋泥味，同埋芋泥都冇之前咁足料。多芒黃金水晶粉都係得甜味，兩碗都比之前稀左好多，唔再好似之前咁稠，今次食咗兩啖就唔想再食落去。仲要專登行好遠去幫襯但好失望。希望之後可以再改善同控制食物嘅品質，但短時間內都唔會再幫襯住

去開深水埗 咁岩見到有間外賣台式甜品店價錢親民 就買左幾碗番屋企同家人分享款款都好足料 食完DINNER再食甜品超飽😇小店係深水埗黃金商場對面 主打各式台式甜品 亦有傳統中式滋潤糖水仲有D24榴槤系列添呀選擇多元化 全人手 即叫即製☺️💥紫醉金迷芋圓燒小店招牌必點之選超級足料 可以一次過滿足好多個願望有芒果 三色芋圓 仙草 紫米 加上特製椰奶芒果大粒又多汁 三色芋圓軟糯有口感仙草清爽 配埋椰奶同紫米 食落香甜幼滑味道仲好有層次添 正😋💥多芒小丸子成個甜品都好足料 芒果厚肉鮮甜 仲有D西柚 西米配埋椰奶糖水 味道好豐富😊而家天氣凍左咁多又乾叫左幾款滋潤糖水🥰💥椰汁鮮奶燉雪燕平民燕窩 滋潤養顏雪燕份量超多 加上椰汁燉鮮奶清甜滋陰☺️💥野生蜂蜜桃膠菊花茶💥冰糖雪燕手工雪梨茶2款樽裝飲品 都係超滋潤分別仲落左桃膠 雪燕 女士恩物岩哂冬天飲添😁

叫咗一個芋泥桃膠小丸子 ， 好好味， 芋泥味道啱啱好唔會太甜， 又唔會係死甜， 加埋椰汁鮮奶桃膠味道真係唔錯， 我成家人都好鍾意， 呢間值得推介，希望繼續保持水準， 會再光顧 。

宵夜食岩曬😗👍🏻希望之後keep住水準💪🏻足料 好食 吾太林 吾會硬qq口既小丸子同芋圓$40咁上下 就好食過好好好多間🫰🏻老公買左兩次返黎宵夜兩次都食吾同口味 都好上癮🤤🤤😋

行過深水埗見到有間新開糖水舖，外貌幾吸引，啲display整得好靚，之後就買左一個多芒楊枝甘露同埋多芒小丸子試下，味道又真係幾有驚喜楊枝甘露奶味好香好濃，但又唔會蓋過芒果味，芒果粒嘅份量仲好多。小丸子好有咬口好彈牙，認真唔錯👍🏻👍🏻 見佢仲有D24榴槤糖水，下次會試埋。美中不足就係冇得俾八達通，淨係得現金同PayMe，我咁啱冇cash，好彩我朋友有PayMe 先俾到錢。希望盡快加埋八達通，信用卡嗰啲。