甜姨姨私房甜品 (已搬遷) 新店位置

有一晚同女朋友食完我女朋友就肚痛.就係食完個木糠布丁只係半個就無食>!<又淡又冇味好似食緊豆腐渣真係垃圾同食狗X冇乜分別 我食左一個同糊仔冇乜分別既芒果湯丸,芒果非常酸,個芒果汁好結真係請我都唔食NO WAY!!服務態度又差都唔識做生意,今時今日既做法OUT DATE

華姐牛腩後,大家胃納還有空間,加上天后內糖水店多不勝數,最終選了這間以阿旺的老婆湯丸聞名的Auntie Sweet ~ 甜姨姨芝麻豆腐西米露 - 賣相一般,有點似淡了的芝麻糊.芝麻味濃郁,味道不太甜,很合心意.坦白說,吃不出豆腐味,充其量只可說是芝麻西米露.唯一能感受到豆腐的存在就是豆腐味雪糕,不過味道也不算濃烈.另外,老闆娘免費加了珍珠,有如神來之筆,加上本身極愛吃珍珠,很讚!!!!花生豆腐西米露 - 和芝麻豆腐西米露很似,但卻真的吃得出啖啖的豆腐花.豆腐花像攪溶了,花生磨碎不易見,又是另一番風味.榴槤豆腐花 - 另一朋友要了榴槤豆腐花,從不吃榴槤,亦覺得榴槤很臭,但聽說味道很好.榴槤fans不妨一試.這店比預期好很多,但地方實在太少,四人坐在一細少的枱,朋友正好坐在洗手間外,短短15分鐘,站立了四次,很可憐呀.

個人對甜品要求唔高,但又唔係完全唔識食..同朋友嚟食一碗奇異果西米露,另外一碗老公湯丸奇異果西米露呈白色,有點奇異...因為奇異果係綠色..結果係..唔好食,西米露入面係有西米..但係變左一碗碎刨冰咁,沒有任何甜味,食左兩啖,已經放棄...可惡又奇異...老公湯丸朋友仔話一般,花生的餡被粉皮包住吧...

吃的是木糠布丁通常木糠布丁都係現在甜品店必備款式，做得好唔好都會決定間甜品舖好唔好食．．呢間就一般左ｄ，因為個布丁好鞋，味道都好怪，淡淡的怎麼好像不是在吃甜品，就係我既感想了．．

榴槤西米露超讚!!!榴槤香得黎又吾覺漏簡直係正! 之前覺得發記既榴槤飄香已經好鬼正但吃完甜姨姨之後,發記頓時遜色晒。男友點了芒果海澡滑lutlut,芒果汁很濃郁但不太甜仲有一粒粒果肉!雖然舖頭細細,但水準確實係超水準!!下次一定會試埋恩愛湯丸同榴槤雪沙!

天后開了很多甜品店,花多眼亂,見甜姨姨門口招牌寫住夫妻湯丸幾特別,就入去試吓兩人吃了夫妻湯丸同木糠布甸,夫妻湯丸其實係朱古力餡同花生饀兩款溝埋嚟食,湯丸皮本身算煙靭,糖水都煲得夠火喉,招牌菜做得尚算合格..木糠布甸就真係好一般,唔夠甜,而且豆腐布甸比較鞋,同埋唔夠香..如果要喺度食,只好吃湯丸吧!

叫了楊枝甘露 - 幾好, 不錯, 芒果粒都大粒同多AROUND有半個芒果份量 , 但就唔太甜 , 西米就口感一般, 不及滿記好食 .另叫 了芒果波羅沙冰 - 都係唔係太甜 , 但出奇地D冰都好綿 , 但芒果雪榚味道麻麻 , 間舖就都幾細 .

今晚係元宵節呀當然要食湯丸應節啦~~好耐沒有來甜姨姨了~ 今晚好想食芝麻豆腐西米露 (好好味, 好滑既豆腐溝入芝麻打成..再加入西米及雪糕球....good ar)恩愛湯丸~ 好特別既朱古力餡料.... 薑汁既湯夠辣... 一淡一甜... 絶配.... yeah～

一月廿一日(星期三)同老公吃完米線,想吃點甜品,幸好,今次我有做research!到了甜姨姨吃!電氣道很多食店,可是我們已經大半飽了!只好吃甜品,下次再見時才吃你們吧!都是老公愛吃榴槤,所以要吃甜姨姨了!店子很小,所以要坐外面,幸好今晚不太凍!甜姨姨(不肯定)熱情地開了檯來招呼我倆!好吧,坐下看menu,款式多,而且見到有網友大讚的超級榴槤雪沙,不過老公吃不完,而且我又不吃(我也是要屈服,嘗試愛上榴槤吧!),所以他要了榴槤豆腐花,我就要了芝麻豆腐西米露榴槤豆腐花,我也吃了一口,都覺得幾榴槤呢!但是唯獨榴槤不是當灶,不太香呢!不要緊,面前放了一箱榴,陣陣飄香!我的芝麻豆腐西米露都不錯,而且有一球黑芝麻雪糕,用料不馬虎呢!而且味都算濃,合我心意吧!天后美食多蘿蘿,看怕要多點過來吃!

(8/1/09)每次黎都係食甜品,其實都想試下menu上的招牌or芥辣醬豬扒包、厚多士。話雖如此,唔食甜品,過唔到自己果關。……榴槤海澡滑o都o都!唔係時令,仍有番咁上下榴槤香,算幾好,仲由頭飲到落尾,味道無淡過。不過滑o都o都比較求其,海澡味微薄,形狀不規則,可能我預期佢似泰式七彩冰咁一條條,每啖都綴到,呢點比較失色。而那莫加咖啡1.5"厚多士,很有驚喜! 麵包外脆內軟；醬豐富!至於那是朱古力醬還是咖啡醬,已被那美味,而置諸度外了。

(27/12/08)極之鍾意呢間足料甜品店,如果鋪頭大番d,同埋早少少開就好咯。上次光顧完,未能吃超級榴槤雪沙$42,今次突登來食。材料有榴槤雪葩、榴槤忌廉汁、榴槤雪糕、榴槤乾、榴槤肉、榴槤威化餅。見到座榴槤山已好興奮!續層吃下,可能唔係榴槤當灶期,其實那榴槤味,未去到,坐隔離果個都怕怕。尤其食到入「心」時,只係刨冰,靠榴槤忌廉汁拌拌,所以無把冰完成。此點,食過就夠lu。老公吃椰汁涼粉豆腐花。在許留山的椰汁涼粉飲品,一飲難忘。呢度加埋香而不膩的椰汁,三樣mix埋一齊,極度夾味!

本著第一次去好多人讚賞的甜品屋,地方勁細,因為是平日晚上,,只有5,6個人,所以都幾快上甜品,不過都是普通野,特別介紹大家吃一款鎮店之寶,香芒榴槤,味道不會太有榴槤味道,天后太多甜品,都不會太差的,不過不要抱太大期望!

之前沒有見過的芒果水晶茉莉茶果涷(22)，其實即是啫喱，芒果肉很新鮮，茉莉茶果涷有淡淡的茉莉花味度，很清，加上甜甜的糖水，都算很配合。花生豆腐杯(15)，是一杯飲品，有少許的花生味，強勁的豆腐味度，不太甜，如果喜歡吃原味，不太吃甜的人應該很喜歡，這裏的豆腐杯可以說是牛奶化的豆腐花，很清新的感覺。http://icuteee.mysinablog.com/index.php?op=ViewArticle&articleId=1417488

尋晚男朋友帶我去天后食糖水,由於好多間嘅關係,我地就揀咗"甜姨姨",我叫咗個芒果豆腐花,男朋友叫咗個芒果海藻滑嘟嘟,豆腐花幾滑,加埋d芒果甜甜酸酸幾好味,男朋友話佢杯嘢飲應該用咗差唔多一個芒果,兩款甜品食咗$42,美中不足嘅就係呢度太少位喇...不過下次一定會再去試埋佢其他甜品

下午三點去到, 一個人都無, 點了芝麻豆腐西米露($20), 上面一個豆腐雪糕豆味濃烈, 下面的西米露很足料,不稀,有芝麻香, 非常好味, 之後加個藍莓益力多冰($20)都不錯, 藍莓味同益力多好夾,甜度適中,清新,推介 ~~ 甜品有新意,幾抵食,一定會返黎再試其他野