甜姨姨私房甜品 (已搬遷) 新店位置

十日啦！十日啦！重未開鋪；聽講東主姨姨結婚之喜。恭喜！恭喜！好掛住啲榴槤西米露、老娑湯圓、草莓荳腐杯！

"老薑芝麻糊"($15)頗滑,吃後不會覺得飽滯,可見芝麻多而不是加入太多粉,算真材實料。"芝麻豆腐西米露"($17)口感佳,三樣東西混合的味道也頗夾。但外賣的碗比較細,整體而言,味道不錯,但不算抵吃。

估唔到這間糖水舖是由一個咁後生的女仔開，佢D豬扒包好特別，個包好脆，同出便食既豬扒包好唔同。豬扒包餐連凍飲都只不過$20，個飲品唔係普通奶茶咖啡喎，而係好似飛雪既特飲。佢D 甜品好新穎，選擇又多，價錢唔算好貴。芝麻豆腐西米露有好香豆腐味，仲有一舊雪糕係中間。我買左一碗外賣，返到屋企舊雪糕都未溶，犀利! 我又係餐牌見到我最鍾意食既榴槤西米露，不過個肚裝唔晒，留返下次再幫襯。

今日2個人食咗芝麻豆腐西米露同阿旺湯丸。芝麻豆腐西米露嘅芝麻雪糕幾好味，份量都幾多，但係多啲芝麻味就更好！阿旺湯丸都唔錯，將芒果湯丸加入芒果汁裡面，另外仲有芒果粒、椰果同西柚，啲芒果汁好甜，好好味~

這間甜品店最近的食評很旺場，就決定跟朋友再去試一試。之前已試過芒果豆腐杯，感覺不錯。看見前兩篇食評批評得這麼差，於是再試一次。我是一個很喜歡甜品的人，甜和不甜實再很見仁見智，我就是喜歡那種不太甜的飲品，飲後感覺清涼，這個豆腐杯很適合我。朋友點了個芝麻豆腐西米露，份量很大，可供二人食用。芝麻雪糕配豆腐漿加西米露，味道比預期還好。如可以多些芝麻味必定會更好！有些香港人的確難招呼，不太理睬就投訴服務不週，跟客人多點溝通就懶熟。老板娘不必氣結，我很欣賞你對待顧客像對待朋友的感覺，加油！

清風街有多間甜品店, 我與老公都試過. 最好還是甜姨姨芒果豆腐杯-有濃厚的豆腐味,很清,很健康.加上粒粒芒果,好味.朱扒包-軟綿綿的朱仔包加上份量十足的朱扒,當然還有她的秘制醬料,好好味.天氣轉涼了,一定要吃老公老婆湯圓.價錢合理-抵食年輕老闆娘以禮待客-肯定不用受氣

有日經過甜姨姨(好細間, 印象中, 十個位都唔知有冇), 見有幾張明星相, 就即管入去試下, 我叫了個"秘制醬汁豬扒包" 加杯"奇異果冰冰", 我朋友叫了"麻辣牛丸" 加個"碗仔翅".先講我食既"秘制醬汁豬扒包" , 面包係一般既無芝麻豬仔包, 只放入焗爐一陣, 包皮唔脆, 失望, 內有很多切片磨菇, 有好似翻煎左好多次既豬扒<---- 好油同好靭, 又失望, 但醬汁真係幾好味, 果然係秘制, 但可惜, 個包整體黎講, 說服唔到我叫朋友試."奇異果冰冰" 十蚊雞, 可解喝, 味道唔錯, 但話明叫冰冰, 居然杯野唔多冰, 真搞野, 如加番多d冰, 咁就perfect!朋友既"麻辣牛丸", 我忍唔住搶左一粒黎食, 食得辣既我, 覺得牛丸唔係咁辣, 但朋友就話辣到想死, 都唔知係唔係路, 只不過用麻辣湯浸住煲啫, 無咩特別, 又無醬, 好乾好齋lor."碗仔翅" 唉, 最失望, 又淡又稀, 似飲湯, 問你點頂.

先講甜品,果d 乜乜冰甜又唔甜味又唔好,只是勁凍,飲一次就已後唔飲啦.再講果個碗仔翅,味真差,希過水,我食過已來係最差的..之後到老闆娘,同人懶熟...哈哈...

見之前既食評均為好評, 心想以後會多一間甜品店選擇."芒果豆腐杯" 係我今次嘗試既"甜品"? 一試...感覺只係豆漿加芒果粒, 兩者既味道真的不太夾, 不會令人食過番尋味. 多明星合照相就代表好味嗎? 真的難為亨利, 為了我要試這甜品, 佢冇得去對家食甜品, 認真要陪罪.相信以後唔會再去此店.

好多時食甜品最忌就係甜到"漏",小弟就喜歡比較清甜o既甜品,試過阿老板娘幾款甜品同小食都覺得好劉華(我得你),第一款係話梅可樂沙冰,可樂加左冰無平時咁甜,再加埋話梅粉,小小酸酸地,極度解渴之作,正!第二款芒果豆腐杯,睇落好似同其他芒果豆腐花無乜分別,但係食到落口就完全唔同感覺~~豆腐唔係百x果d即食豆腐,係街市買返黎o既豆腐,有豆味,又夠滑,正!!第三款就係"恩愛湯圓",朱古力同花生醬放入湯圓入面做餡,花生醬仲要係有粗粒果隻~湯圓夠滑再加埋花生醬d粗粒o既口感,無得彈,最緊要係d糖水,同平時食開o既好唔同,好夠薑,但係又好清甜~~下次去試埋其他小食先~~~^^

o個日同d老友係德昌食完野,經過十分好奇望o下,有冇新奇好食既甜品,見到呢間甜品屋, 就試下佢d甜點!我叫左個榴槤豆腐西米露!幾好不太甜,豆腐加西米露原來可以咁滑!正!佢兩口子一齊做,我覺得幾溫馨!十分用心既一間甜品店!!!

食飽飯，想整番個甜品，其實天后附近都幾多甜品舖，記得早幾日睇過呢間既食評都唔錯，就試下啦。舖頭細細，講真以我呢種近乎肥佬既身形，真係會迫少少，不過由於時間早，我可以包場，老闆娘俾我移出少少張檯坐。我來了一個芒果豆腐花，其實同滿記芒果豆腐差唔多，仲有好多芒果粒，不過面頭個芒果汁冇滿記咁濃同咁甜，我覺得仲好（滿記太濃啦）！一邊食一邊睇個menu，發覺仲有綠豆茸豆腐花、紅豆茸豆腐花、紫米豆腐花，不過最想試反而係豆腐杯，睇食評話幾好，下次一定要試下。除左甜品，仲有小食，當下午茶都OK。

今日經過, 在門口見到有好多藝員和店主的合照, 試了個楊枝甘露, 幾好, 不錯, 仲好似有個豆腐芒果粒, 不過間舖好細, 而且我比較高, 坐得有d辛苦.

昨晚同男友行去北角諗住搵甜品食,俾我地發現左呢間.叫了一個芒果豆腐杯,原來佢地將豆腐+沙冰攪埋一齊& 芒果粒粒,食落好似食豆腐ice-cream,芒果有咬口,我非常鍾意食. 我d/f叫左個芥辣豬扒飽,嘩!!!好多電話(磨菇),好好食呀...

1. 試過店內的"芒果豆腐杯"，夠凍夠豆腐味，是不錯的消暑選擇。2. 朋友則試了"紫米纖露"，口感不俗，飲品中加了桂格麥片，喜歡健康飲品的，推介一試！3. 地方乾淨，唯略為細少。4. 總括來說，質數甚至較明記為佳。