甜姨姨私房甜品 (清風街)

营业中

休息中

同朋友行完維園，就去附近食糖水，去呢間甜姨姨私房甜品，但甜品嘅質素一般，因為叫左「自家仙草手工芋圓」但芋圓嘅質感係好粉，成碗糖水味道亦都好淡。我朋友叫芒果糖水就比較好食，芒果夠甜，成碗糖水嘅味道都OK。

昨晚去到2人等位，經帶位座2人枱，甜品送上後開始進食，食左5分鐘左右接近食完，突然侍應走埋嚟收走未食完嘅嘢，仲話要我地走，交張枱比佢因有5個人等緊！如果係有限時，咁唔該入座前請通知客人！未食完就收走食物，係咪退返錢比我先。最基本服務都有，只想盡快趕客食完做下枱，以後都唔會去！

​某日行過路過想食甜品消下暑🫧🍧​款式好多真係花多眼亂🤩​​✨懷舊香蕉船​揀咗朱古力+芒果+豆腐味雪糕🍨仲有原條香蕉🍌 色彩繽紛💯唔太甜 呢啲懷舊甜品都keep到水準👍​​✨時令鮮果雪沙配芒果​好多芒果啊🥭好好食🤓食完透心涼 好正🧡​​味道👅👅👅👅​抵食🤑🤑🤑🤑​環璄⭐️⭐️⭐️⭐️​服務👍🏻👍🏻👍🏻👍🏻​番兜🍉🍉🍉🍉​(最高分x5）​

▫️唔知點解以前讀書時期，同朋友仔出完街，多數都要食埋個糖水先捨得走😹 ▫️人大左出完街，多數已經攰到想即刻返屋企🥹 ( 講到自己好似好老咁🫣 其實我唔係😾 ) 難得今次朋友提議食糖水✊🏻 就去天后算出名既甜姨姨到食啦✌🏻🧆 自家仙草手工芋圓 • 黑糖薑汁 $50▫️芋圓煙韌，但芋頭味唔算太出，有埋薏米做配料，口感豐富👄 黑糖薑汁唔會太甜，但多啲薑味就好喇🔥🍶 榴槤配西米露 $54▫️榴槤當造好好味😍 配埋西米露點都唔會伏😼🥣 腐竹白果薏米糖水 · 加芝麻湯圓3粒 $32+10▫️食太多凍野身子搞唔掂😹 整返個熱既中式糖水食下先😋 味道正常，芝麻湯圓皮偏厚左少少🤌🏻甜姨姨私房甜品📍天后清風街13號地下

食完對面間日本野，突然想食榴槤棉花冰見到甜姨姨，好耐冇食以為佢有，點知得雪沙，諗都唔諗就即刻嗌左，跟手上openrice 睇下有冇咩優惠點知見到個post話好難食好伏，又話成堆水咁...💀💀💀睇完驚驚即刻叫個女侍應講取消左先，想話嗌下其他...冇耐個男職員 煞有介事（nice既）咁問我地咩原因要cxl，我地又唔係幾好意思講，支吾以對期間佢話其實已經整好左，咁我地就照要左好在！一啲都冇令人失望，最面有個榴槤乾，脆卜卜，榴槤雪糕好creamy 好滑個雪沙同榴槤肉等等全部既榴槤味都恰到好處，又夠甜多棉滑。係值九十幾蚊既會唔會係我呢水榴槤靚啲呢？真係好好味如果有興趣食既，可以搏一搏😂😂

可能我對尼間嘢期望比較大，所以亦失望越大。老實講甜品質素好一般，個什麼芋圓甜湯底有啲苦澀味，雖然未至於食唔落但唔係咁好味囉。而杯什麼楊枝甘露滑嘟嘟，許xx好過佢，有啲唔知想點嘅感覺，係個綠野仙蹤叫食得下但絕對唔出色，平平無奇

呢一間甜品店🍮除咗有堂食甜品之外～佢哋嘅麻糬撻都唔錯💕最鍾意就係佢哋個80%朱古力Oreo撻🍫朱古力味真係超級濃苦 再加埋中間舊厚麻糬同Oreo 可以中和返個苦澀味🤎🤍

🇹🇼自家仙草手工芋圓配黑糖薑汁 $50配料豐富，有芋圓、紅豆、薏米、仙草…芋圓好煙韌，而且食到芋頭味😋但係湯底既味道一言難盡😂唔係難食既，但係唔知點解食到藥材味，可能係仙草既味？！🥹佢可以揀湯底既，建議大家揀其它🫠🥭椰芒配西米露 $44芒果夠甜，其他野就正正常常星期五既夜晚糖水舖生意超好，好耐無見過晚市堂食咁多人💁🏼‍♀️天后電氣道、清風街都有好幾間糖水舖，下次可以再試試其它😋

真係勁難食。。。細個個時食過呢間野，覺得都幾好味，但係今日去食，就真係勁難食。我叫左個超級榴蓮沙冰，上網見到有人話好好食，見到menu幅圖又好似幾好咁，就叫左。個甜品上到枱，啲汁多到好似湯咁，cover 曬啲冰，但係又無咩味; 個威化餅又係無味，好似食緊普通威化餅咁; 個雪糕先係最難食，係真係好難食，首先係無榴蓮味，係一種形容吾到嘅怪味，之後個雪糕係好cream，注意返吾係creamy，入口好奇怪!總之就仲難食過雀巢啦！雖然榴蓮容味道正常，但係份量勁少，啲冰係無味嘅。。。個沙冰要九十幾蚊。。。真係啲錢多到洗吾曬至好考慮下食

呢度除咗有甜品食之外🍮佢哋仲出左幾款麻薯撻！個人最鍾意就係食佢哋嘅80%朱古力Oreo麻薯撻🍫撻皮好鬆化 朱古力濃度真係好高🤎夠晒濃苦 再加埋麻薯同Oreo 可以中和返成個苦澀味😌

成日想試下甜姨姨，今日終於食到啦！今次我試左芝麻豆腐西米露先，芝麻味夠濃又唔會太甜，幾清爽配上豆腐雪糕 真係絕配👍👍👍👍我另外再加左紫糯米增加口感。 第二個草莓乳酪我就覺得除左酸味太重 就一般般

𝘀𝗲𝗰𝗼𝗻𝗱 𝘁𝗶𝗺𝗲 𝗵𝗲𝗿𝗲 𝗮𝘁 𝗮𝘂𝗻𝘁𝗶𝗲 𝘀𝘄𝗲𝗲𝘁 𝗮𝗳𝘁𝗲𝗿 𝘆𝗲𝗮𝗿𝘀🤫 𝘁𝗵𝗲𝗿𝗲 𝗮𝗿𝗲 𝗹𝗼𝘁𝘀 𝗼𝗳 𝗰𝗵𝗼𝗶𝗰𝗲𝘀 𝗼𝗻 𝘁𝗵𝗲𝗶𝗿 𝗺𝗲𝗻𝘂 𝗯𝘂𝘁 𝗶'𝗺 𝘀𝘂𝗰𝗵 𝗮 𝘀𝘂𝗰𝗸𝗲𝗿 𝘄𝗶𝘁𝗵 𝗮𝗻𝘆 𝘁𝗲𝗮 𝗳𝗹𝗮𝘃𝗼𝗿𝗲𝗱 𝗱𝗲𝘀𝘀𝗲𝗿𝘁𝘀 𝘀𝗼 𝗶 𝗴𝗼𝘁 𝘁𝗵𝗲 𝗺𝗮𝗻𝗴𝗼 𝘁𝗲𝗮 𝗷𝗲𝗹𝗹𝘆! 𝘄𝗶𝘁𝗵 𝘀𝘄𝗲𝗲𝘁 𝗺𝗮𝗻𝗴𝗼 𝗼𝗻 𝘁𝗼𝗽 𝗼𝗳 𝘁𝗵𝗲 𝗿𝗲𝗳𝗿𝗲𝘀𝗵𝗶𝗻𝗴 𝗷𝗮𝘀𝗺𝗶𝗻𝗲 𝘁𝗲𝗮 𝗷𝗲𝗹𝗹𝘆, 𝗶𝘁 𝗶𝘀 𝗱𝗲𝗳𝗶𝗻𝗶𝘁𝗲𝗹𝘆 𝗮 𝗺𝘂𝘀𝘁 𝗲𝗮𝘁👌🏽 𝘁𝗵𝗲 𝗺𝗼𝗰𝗵𝗶 𝘁𝗮𝗿𝘁𝘀 𝗮𝗿𝗲 𝗴𝗿𝗲𝗮𝘁 𝘁𝗼𝗼! 𝗮𝗴𝗮𝗶𝗻, 𝗹𝗼𝘁𝘀 𝗼𝗳 𝗰𝗵𝗼𝗶𝗰𝗲𝘀 𝗳𝗿𝗼𝗺 𝘁𝗵𝗲𝗶𝗿 𝗺𝗲𝗻𝘂😋.好記得十年前睇天與地嘅時候有幕佘詩曼去咗間甜品鋪食即撞豆蔥，估唔到原來係甜姨姨天后店取景，依加除咗甜品仲做埋小食同麻糬撻🤔 口水燒賣辣得嚟幾有麻香，一啖甜品一啖咸嘢咁食幾過癮，茶凍加芒果呢個配搭幾清新，唔洗下下食涼粉咁悶～ 另外麻糬撻最鐘意黑芝麻味，加埋軟糯嘅麻糬勁似芝麻湯圓，每個撻都跟咗半條海邊走走蛋卷，一定要同人share嚟食呀～

🌟#銅鑼灣食咩好🌟📍天后清風街13號近期幾乎比呢款撻點洗版，個個大讚好食，小編梗係要來試吓啦！由於三件有優惠價，所以試左：朱古力Oreo麻糬撻、檸檬流心麻糬撻、抹茶紅豆麻糬撻，另外更加購埋芝麻味，四款撻點各有千秋，撻皮好重牛油香，而且非常鬆脆，麻糬軟糯煙靭，不會黏咀。🍫朱古力撻嘅朱古力味相當濃郁，而且唔會太甜膩，用上80%嘅朱古力配上Oreo，完完全全啱晒小編嘅口味！🍋檸檬口味比較清新，酸味拿捏得不俗，但可稍稍甜一點，同時流心效果唔算太顯著。抹茶紅豆非常有驚喜，茶味好出但可以可重回甘，切落兼食落都非常順滑，紅豆亦夠綿(⁎⁍̴̛ᴗ⁍̴̛⁎)芝麻味好香醇，亦較為不甜膩之一！#優惠情報原價$48一件，但係買三件淨係$120咋！

甜姨姨經常會推出一啲新既甜品，今次就推出左麻薯撻，有四款唔同既口味，堂食一款撻加雪糕$88，外賣就$48/1個，$120/3個，所以外賣價錢真係幾抵食～🍫80%朱古力Oreo麻糬撻朱古力味超級濃厚，用左80%既朱古力製成，所以味道唔會太甜，配上軟糯既麻薯真係勁夾，面層放上Oreo餅，朱古力控必食推薦👍🏻🍋檸檬流心麻糬撻哩款賣相好靚，好啱打卡📸️味道亦相當清新，入口酸酸甜甜，酸度較高，有檸檬流心餡，非常開胃。🍵抹茶紅豆麻糬撻抹茶味濃厚，味道帶有少少回甘，而且甜度適中，鍾意抹茶既人一定會鍾意❤️而且抹茶同埋麻糬亦係相當夾既配搭。▪️特濃黑芝麻麻糬撻採用香港製造100%黑芝麻醬製成，黑芝麻味濃稠醇香，芝麻餡亦相當細滑，哩款真係幾有驚喜，推薦推薦👍🏻整體黎講，甜姨姨今次推出既四款麻薯撻都相當好食，而且外賣價真係幾抵食，值得一試。

甜姨姨私房甜品 @auntiesweetcwb @auntiesweet_tin_hau 銅鑼灣分店會係3月10日至6月10日暫停營業，因酒店被徵為短期防疫酒店。而天后分店會照常營業，可以去支持下。最近佢地又有新搞作，出咗四款口味手工撻。每款都有麻糬係入面，麻糬偏軟糯~撻皮好薄而且keep到酥脆，我外賣隔咗陣先返屋企，都冇淋到，口感幾好餡料夠多同幼滑✨而家外賣價 $48/1 $120/3✨🌟80%朱古力Oreo麻糬撻🍫 Chocolate Oreo Mochi Tart用咗80% Weisse Dark Chocolate，朱古力味好香濃，甜度唔高，鐘意朱古力既可以試下🌟流心麻糬檸檬撻 🍋Lemon Mochi Tart同另外三款唔同，呢款檸檬係主角，酸酸甜甜，但略酸咗啲🌟抹茶紅豆麻糬撻 🍵Matcha Mochi Tart抺茶味幾出，唔會好甜，但茶控覺得可以再濃啲，有少少回甘會仲好🌟特濃黑芝麻麻糬撻 🖤Black Sesame Mochi Tart 有驚喜既一款，芝麻味好重，有少少芝麻糊咁，平時比較少食到既口味📍甜姨姨私房甜品 天后清風街13號地下銅鑼灣耀華街11號地舖#甜姨姨私房