甜姨姨 (荷里活廣場)

营业中

休息中

行街行到攰攰地，想坐低食個甜品。之前聽朋友講呢度刨冰好大碗🍧入去見到人哋食緊，真係好大碗，我一個大人兩個小朋友可能都未必食得晒🤣加上商場冷氣凍，放棄食刨冰，所以我叫左一碗豆腐花芋圓，同一個九宮格甜品小食拼盤。首先，個豆腐花芋圓，配料都幾豐富。豆腐花夠滑，配姜湯暖暖地幾好味，整體來講唔太甜，食完唔覺漏，讚👍🏻至於個九宮格，有三個小食係固定：溏心蛋、啫喱同埋糖不甩，其他甜品同小食都係可以自選，小朋友揀得好開心😁每款份量都係一兩啖，小朋友話炸雞同冬甩係最好食，一次可以食到9款食物都係幾滿足👍🏻價錢$88，當係High tea 其實都幾抵😄又可以影下相😊😊店員都幾細心，見我哋三個人，都主動拎多支叉俾我，等我可以同小朋友share九宮格。所以呢餐係大人小朋友都好滿意😃

夏日炎炎嘅天氣，相信唔少人都會諗起食沙冰解暑🤓而今次我哋就去咗甜姨姨，試吓唔同嘅沙冰🤩🔆黃到金（芒果沙冰）$158呢個沙冰主打菲律賓呂文芒果，配楊枝甘露。芒果唔會太甜，令到成碗沙冰一啲都唔膩，食到最底嘅時候嗰啲楊枝甘露仲會保持住呢個沙冰嘅新鮮感‼️但係淋上去嘅芒果醬相對之下就比較化學，有少少似芒果軟糖嘅味🫠🔆初心（草莓沙冰）$128 草莓沙冰食落去，反而係最有驚喜🤩一開頭潷落去嘅士多啤梨味，完全唔似糖漿，反而仲有平時士多啤梨嘅清新，配埋希臘乳酪嘅酸味、士多啤梨乾、同埋椰果，令到成碗沙冰嘅層次好豐富😝🔆 400次髒髒Kitkat冰（朱古力沙冰） $148一諗起Kitkat通常都會認為成個沙冰會過分膩/甜🫠但係因為有8%美祿粉中和返Kitkat帶嚟嘅甜😝配埋朱古力雪糕，配上朱古力醬同埋朱古力雪糕，令你喺食一碗沙冰嘅時候食都唔同朱古力嘅風味🙂‍↔️試咗咁多碗沙冰，我哋都認為士多啤梨味係最特別嘅‼️因為會沙冰都比較大🤓如果大家都有興趣嚟嘅，建議帶埋啲同伴一齊享受

特濃朱古力心太軟 - $98呢個心太軟真係一絕！外層烘得金黃酥脆，咬落去有啲微微嘅脆口感，入面就係濃郁爆炸嘅朱古力醬，熱騰騰嘅，嘗一口即化喺口中，甜而不膩，啲巧克力味道濃厚得嚟又唔會死甜。配上Haagen-Dazs比利時朱古力雪糕，雙重享受，巧克力味道層層疊疊，令人一試難忘。九宮格小食拼盤 - $88呢個九宮格拼盤就似一個懷舊小食寶盒，每格都充滿驚喜！色彩繽紛，視覺同味覺都好滿足。有啲啫喱清新彈牙，有啲糖不甩Q彈香甜，糖心蛋鹹香軟滑，整個組合就係一個童年回憶。港式奶醬：奶香濃郁。甄沾記焦糖椰子：焦香味十足，焦糖帶點微微苦味，但配上椰子嘅香甜，層次豐富，好有口感。髒髒朱古力：入口即濃郁嘅朱古力醬，味道濃厚，唔會太甜，啱巧克力迷。椒鹽雞粒：外層酥脆，鹹香味十足，咬一口就係滿滿嘅香氣。司華力腸：肉質鮮嫩，香味濃郁，咬落去有啲彈牙，但有少少乾身炸燒賣：外層酥脆，內裏多汁，鹹香味濃。整體嚟講，呢次嘅用餐體驗真係令人感受到滿滿嘅幸福感。甜品部分濃郁又細膩，小食又多樣又有趣，絕對係一個值得再返嚟嘅地方！

✨菠蘿鐵塔🍧✨購自: 甜姨姨 (鑽石山龍蟠街3號荷里活廣場1樓177號舖)價錢:$128推薦度:6.5/10@auntiesweethk -菠蘿鐵塔上面係扁牛角菠蘿包🥐 牛油香味幾重 食落微微酥脆 不過個人覺得可以再脆少少🤏🏻上面有焦糖菠蘿同埋奶蓋 中間嗰層就有菠蘿脆脆🍍紅豆🫘同埋焦糖脆餅 菠蘿脆脆食落脆卜卜 幾特別✨刨冰係菠蘿乳酪味 食落有淡淡嘅菠蘿味 乳酪味唔算突出 整體都幾清新 食到底就冇咩味 要倒啲菠蘿汁 整體都幾清新 甜度適中 但唔算好特別 中間嘅配料比多少少就會更好💟-✨ 400次髒髒冰 🍧✨價錢:$148推薦度:8/10-400次髒髒冰面頭嘅咖啡忌廉☕️ 濃郁得嚟好軟滑 帶有微微嘅咖啡苦味 配埋刨冰就啱啱好✅中間有焦糖脆餅碎 Häagen-Dazs朱古力雪糕🍫同埋美祿粉 整體朱古力味幾濃✨唔使落朱古力汁都覺得好夠味😛 而刨冰口感綿密 唔會有冰粒 食落入口即溶🌟同朋友鍾意呢款多啲 朱古力味道濃郁得嚟 配料都俾得好充足✅

🍱 九宮格（$88）非常豐富，有懷舊小食、迷你牛角窩夫，街頭小食同迷你牛角冬甩懷舊小食有三款而且係固定左，分別係三色啫喱，糖不甩同醬油溏心蛋；三色啫喱上面插有兒時常見嘅迷你油紙傘牙籤；糖不甩用咗有芝麻/花生餡嘅湯圓，面頭沾滿花生碎整成；溏心蛋味道偏甜迷你牛角窩夫方面可以三種味道入面揀兩款，我揀左港式奶醬同甄沾記焦糖椰子，窩夫因為係即叫即整，所以外脆內軟，焦糖椰子嘅味道比奶醬甜，但椰子味唔算突出街頭小食方面我揀左司華力腸，洋蔥圈同椒鹽雞粒；椒鹽雞粒炸得金黃香脆，椒鹽粉唔多唔會過咸；洋蔥圈都有撒上椒鹽粉但味道唔太夾，司華力腸則正常發揮迷你牛角冬甩方面我揀左髒髒朱古力，冬甩面淋有滿滿嘅可可粉同朱古力醬，朱古力味濃郁而不苦因為九宮格係即叫即整嘅緣故，要等15-30分鐘先有等食，餐廳服務態度不過不失

第一次到鑽石山分店這種圓櫈其實坐得不太舒服如果想吃熱的中式糖水選擇不算多如芝麻糊紅豆沙大部分年輕人會選擇刨冰巨大的餡料又多但百多元算貴了點了芒果涼粉芒果汁略嫌不夠甜伴涼粉會有點苦可能芒果不當造吧

叫左個‘黃到金’，本身個冰嘅味已經係好奇怪，另上嘅芒果汁直頭酸到無人有。餐廳介紹底有柚子肉，首先柚子肉只得幾粒，食左先知點解得咁小，係因為勁苦！！呢個價錢完全唔值，刨冰其實都好難整得難食，整到咁難食都真係幾西利

平時去銅鑼灣既甜姨姨都會見到排晒長龍，咁岩哩日去開鑽石山荷里活廣場，發現原來有分店而且冇人排隊，即刻就去食下😂不過我地無叫到佢比較出名既刨冰，而係試其他特色甜品。🔹自家仙草手工芋圓 $58自家仙草、手工三色芋圓、西米、薏米、紅豆、珍珠（可選椰汁/黑糖汁/粟米汁）好大份好足料，仙草好有台灣地道嘅感覺。芋圓好好咬，好煙靭😍最值得一提嘅係珍珠，好Q彈，煮得啱啱好😋揀咗黑糖汁，味道唔會話好甜，所有嘢都啱啱好👍🏻🔹芒果流心布丁 $58俾左半個芒果，雖然切得唔係咁靚😂但係非常之甜😋芒果布丁外表好光滑，一介落去啲芒果醬就流出黎，十足十芒果版既心太軟。味道唔算太甜，幾有芒果香，不錯👍🏻

今次係第二次食甜姨姨 味道都係令我感到失望╮(╯_╰)╭#### 1. 黃到金（日式刨冰）- **價格**：$138- **評價**：呢個黃到金日式刨冰唔係我預期咁好味，本身諗住嗌芒果應該冇伏，但呢個刨冰嘅醬汁好酸，唔係我想要嘅清甜感。至於上面嘅芒果，味道都好酸，令人失望。份量雖然夠大，但味道實在唔吸引，根本唔想再食(๑•́ ₃ •̀๑)### 總結春水堂人文館嘅黃到金日式刨冰，味道上實在有待改善，唔會再選擇呢個口味！希望下次可以有更好嘅體驗（’へ’）

啱啱開門，唔算好多人 同兩個朋友嚟咗試佢嘅黑心太軟刨冰（海邊走走），芝麻味好濃，而且個餡好豐富，黑芝麻味好香！ 真係好想試埋其他味，下次一定會再嚟試埋其他刨冰。We arrived when they just opened the door, and there weren't too many people. I came with two friends to try their black sesame shaved ice. The sesame flavor was very strong, and the filling was rich; the black sesame taste was so fragrant! I really want to try other flavors as well. Next time, I will definitely come back to try more of their shaved ice.

楊枝甘露冰($158)見到外型已經覺得好吸引😍雪糕面頭有一條鮮芒果嘅雪條，唔知係咪因為唔當造，所以味道就較淡面頭有啲楊枝甘露汁，味道夠濃郁。中間有芒果乾果粒同芒果脆脆，脆卜卜令同口感更加豐富。最底層就有啲熱情果凍，味道較酸中和咗椰汁既甜味旁邊有一細羹果醬入面有西米芒果粒同埋柚子肉，建議可以食到中間有芒果乾果凍先再落，因為乾果粒比較多，食到中間會覺得太乾。另外仲送左一舊糯米糍😋整體覺得個口感十分豐富，食材份量都冇馬虎，同埋酸酸甜甜好清爽🥰

I came to this cafe, it was a big area, though the tables and the chairs were a little bit smaller than I expected. And if you have a toddler or a baby, don’t expect the cafe to have a baby seat to provide,but they will provide entertainment,like toy collection area for the toys where you can get a toy and play with. We tried one of the desserts, called “Puppy Love.”. It is a strawberry shaved ice with yoghurt, dry strawberries, and more layers. It took 30 minutes, as expected in the menu, quite

第一次試甜姨姨~小編一向鍾情於重口味嘅嘢🤭第一個刨冰梗係要試花生味！👉🏻爆醬 $128刨冰上淋滿了花生醬及煉奶😋，忌廉厚身，好rich👍🏻小編吃冰的時候，最喜歡一口一口發掘它的內心🫶🏻，感覺好像在尋寶😜下面有層花生粉，份量挺多，跟刨冰的口感截然不同，增加了層次感。加上脆脆的花生波波，成件事好花生🤣🤣🤣不過小編略嫌中間可以再加多一些配料，不然中間有機會吃到悶喔~2人吃份量好足夠👍🏻

11點關門，9:45分就截龍？？？同朋友去食甜姨姨，9:45分去到，正想入去堂食，然後店員說已截單。不過門口有幾台客想入去堂食，但係門口寫11點關門，10:15 分last order，入面有幾張吉枱。途中有幾台客人想入去堂食，被店員拒絕後，只有無奈，因為當時未到10:15分。難道員工想準時11點收工？原來不是10:15 last order而是埋數，收拾乾淨，等放工，還有一位店員在工作時間吃糖水。哈哈哈。。。員工態度一般般，感覺像趕客，想準時收工。

今日嚟到呢間好似開咗冇耐嘅甜姨姨，叫咗個400次髒髒冰同初心。因為份量都幾大就同朋友share，又可以試多個味。以前唔食刨𣲙嘅我都比呢個改變咗，好夠味，又唔會涷到頭痛，擺嘅樣式都好靚。士多啤梨𣲙就略嫌太酸。