甜水 (已結業)

經過旺角就被一個大大嘅綠色招牌吸引咗，一睇嗰啲名就知道係食糖水㗎喇，原本以為裝修得咁靚價錢💰應該都有返咁上下，睇到個Menu之後，發現係咁抵食👍🏻，第一時間當然要入去試吓啦。香芋椰汁西米露 💰28💰椰奶非常香滑，而且成碗糖水係好足料，有啲芋頭有煲到溶咗落啲椰奶🥥度，估唔到芋頭同埋椰汁係咁夾❣️，兩個都係好香，但係就唔會搶咗對方嘅味道。而家喺香港仲食到咁抵食👍🏻嘅糖水，真係好難得，一定會返嚟再試埋其他。

今日同媽咪👩‍👧去咗旺角食糖水❤️，隨便入咗一間糖水店，見到入邊係新裝修嘅，座位都尚算寬敞嘅，兩個人坐喺度傾偈一流。❤️香芋椰汁🥥西米露 $28服務員一送到黎，就已經聞到勁香嘅椰汁味，椰奶嘅味道好重，再加埋芋頭同埋西米露，芋頭煮得好淋，西米夠彈牙，成個口感出晒嚟。薑湯番薯🍠甜水 $25特別而家呢一個轉緊天氣嘅時候，飲薑湯驅寒一流，辣辣地咁，飲完成個人即刻暖粒粒，番薯咬落去好軟熟，而且仲好甜添。

食過一次要再回訪嘅糖水舖😌開正係甜品店林立嘅廣華街，新開無耐都幾多人流🥄桃膠椰汁雪燕💰$38好鐘意食呢啲養生養顏甜品，特別係椰汁味一向都係我鐘意嘅味道～桃膠雪燕都係女士恩物，雪燕幾似燕窩，價格又平好多，口感似條狀透明啫喱，熱食好食好多！🥄楊枝甘露💰$31經常食嘅甜品，有芒果粒、柚子碎、西米，啖啖芒果味，清新開胃佢仲有好多中式甜品，好似燉奶燉蛋，腐竹糖水、湯圓系列、芝麻糊、合桃糊等等，款款睇圖都唔錯咁，下次再試其他～🚩甜水 (旺角) @timseoi 📍旺角廣華街13號廣輝大廈地下2號舖

#旺角 @timseoi💃去旺角睇完醫生, 路過一間甜品店, 個名好別緻 "甜水" ! 唔係糖水, 係甜水, 好可愛! 😁🌦天氣日日變, 一時潮濕, 一時又熱, 一時又落雨,  一時又乾燥,  攪到個人好攰,  特別呢個時候, 實在好需要苦中一點甜! 下午5點去到, 坐滿晒人, 唯有買外賣啦! 🍨紅豆燉鮮奶 $32 ~ 燉鮮奶好足料, 香濃嫩滑, 好有質感, 滿滿奶香又唔太甜! 紅豆粒粒都好飽滿, 夠腍又起沙! 凍食熱食均可, 我個人偏好熱食, 感覺實在, 暖入心! 另一款 "金銀蛋燉鮮奶" 個名都好有趣, 奈何人哋喜愛食紅豆, 唯有下次先試喇! 🥥桃膠椰汁雪燕 $38 ~ 桃膠係我好喜愛的養顏食品之一, 不過製作過程及工序都好繁複, 所以出街食會比較方便 (重點係懶, 又要浸、又要發、又要挑)! 滿滿的雪燕口感豐富, 桃膠大大粒, 加埋香濃椰汁, 一絶! 💆‍♀️女孩嗎...任何時候都要愛自己多啲! 美顏食品從來唔怕多食

外賣了「季節限定」牛奶四重奏 ，回家打開一看，盒嘢迷李到一個點，當堂O晒咀😲。雖則可以一次過滿足晒四個願望：燉鮮奶、芋圓、雪燕、桃膠，味道可以、不太甜，燉鮮奶亦滑，但份量未免太小家了，$49（外賣$48+1）不會再回購😏。

糖水對於我來講係生活入邊唔可以缺少嘅嘢，所以我會四圍搜尋好味道嘅糖水，對於我來講中式糖水係最傳統而且又健康嘅選擇💖。咁今次就揀咗蓮子百合紅豆沙，紅豆沙有消水腫而且可以加強血液循環嘅功效💖，養生真係唔少得。佢紅豆沙係煲得好靚💖，有俗稱嘅起沙添💖。另外再叫咗一個桃膠椰汁雪燕，原本塗膠同雪燕其實都係冇味嘅，所以椰汁係重要嘅關鍵，值得一讚嘅係嗰個椰汁真係好香💖，加埋挑膠夠彈牙，口感咁非常好💖。

旺角出名就多糖水🍮㗎啦特別係廣華街嗰邊，今日食完午餐🍽之後想食糖水🧁🍩於是就過去睇吓有咩好食，之後見到呢間新開嘅叫做甜水，門口係一個好大嘅綠色招牌好搶眼，既然新開一於就要試吓😋。咁我一向都係比較偏向選擇一啲養生系列嘅，而家呢啲天氣最好就飲啲潤啲嘅糖水，咁我就選擇木瓜雪耳桃膠。一嚟到就見到好真材實料👍🏻，入邊有好多舊木瓜，木瓜都係好熟好甜既，而且仲要啖啖桃膠，好有滿足感👄。呢度主要食中式嘅糖水比較多，鍾意養生嘅我一定會再encore。

疫情下，真係好苦悶，長時間留係屋企，真係要揾啲甜食令自己心情放鬆，行過旺角，見到簡約既樓面比人感覺舒服，就想試下。仲有自創金銀蛋燉鮮奶，好似好特別咁，不過想食養顔的甜品多啲，事關我生多左暗瘡😭，要補下牛奶四重奏 $48有季節限定，就想試下，軟滑燉奶配埋彈牙既芋圓，桃膠同雪燕，比到唔同既口感，甜度適中，食既時候，仲聞到有小小奶香， 色香味俱全，亦非常足料桃膠椰汁雪燕 $38女仔至愛的養顔甜品，可以話係平民板的燕窩☺️, 桃膠同雪燕爽滑有質感，再配上椰汁，味道適中又唔會太甜，更容易入口。我個人鐘意熱食，椰汁味會更香🤤

依家一時熱一時凍換季嘅日子又黎到塊面乾到成塊紙皮咁😭當然要食返碗糖水滋潤下啦☺️甜水新開舖冇耐 係中式糖水舖始創金銀燉鮮奶～燉奶中間擺咗流心蛋黃，燉奶香而滑嫩撈埋食好似甜嘅水煮蛋，好滑溜溜，我第一次食亦好鍾意食桃膠桂圓杞子～桃膠口感爽滑煙韌😍仲要勁足料，貴既就食唔到，食返呢個「平民燕窩」補補，真係唔錯👍超級滋潤真係女士嘅恩物相信大家嚟到食過都會滋味滿足食完出到店舖門口🥰即刻照鏡睇吓有冇靚到先

甜品對我嚟講，係幸福既感覺，不論係咪飯後甜品都係咁滿足🤣旺角有間新開既甜品，大大隻字推薦燉奶，再睇清楚，金銀蛋燉鮮奶，即係咩….🤔 皮蛋+咸蛋😯，問一問之下，原來係中間流心蛋黃，外面係燉鮮奶，聽落幾得意喎，真係未試過，就試吓啦😃始創金銀燉鮮奶 $35蛋黃好香，蛋白好滑，又真係唔錯喎😍桃膠椰汁雪燕 $38呢個滋補養顏，椰汁味🥥香濃，仲有勁多雪燕及桃膠，呢個價錢簡直回本😁服務好100分👍🏻👍🏻

店名改為「甜水」幾盞鬼🤪小店主打中式糖水 有好多養生美顏嘅「甜水」選擇🤤最受歡迎的莫過於是燉奶系列同桃膠系列✨除此之外亦可以揀經典糖水款式 例如芝麻糊 或者桑寄生 芋圓同腐竹「甜水」等等😆meun同招牌都採用港式懷舊練字簿風格設計✍️店內不算多位置 但感覺幾舒適而且糖水價位偏親民 值得一試！😋⭐️⭐️始創金銀燉鮮奶🥚HKD$35⭐️⭐️呢款燉鮮奶為餐廳自創嘅產品🤩咁當然要一試睇吓味道喺如何先！一睇賣相以為喺普通燉鮮奶🤣但原來內有乾坤 金銀原來係指內餡的流心蛋黃醬🤪蛋黃醬味道及味道似吉士醬般稠密 甜甜地燉奶口感幼滑帶甜 唔會過於紮實 搖一搖會動L嘅🤣整體牛奶香濃厚 不過甜度比較高 超級推薦俾嗜甜者！😜味道：🌕🌕🌕🌖🌑價錢：💰⭐️⭐️桃膠椰汁雪燕 HKD$38⭐️⭐️呢款亦誠意推介俾大家💯食糖水都可以食得健康架！呢款好食又有益😎我食第一啖已覺得好足料😮桃膠同雪燕基本上食到尾都係仲有份量好足😝要知道桃膠雪燕本來喺無咩味 喺要靠椰汁甜味撐起成碗嘅味道椰香味超清甜唔會過甜 所以食兩碗都唔會覺甜膩😌重點喺桃膠可以排毒養顏同排便（啱晒我呢啲成日周圍食嘢嘅人😂）雪燕仲可以調節膠原蛋白生長令皮膚更有彈性食完無罪疚感仲好滿

食甜品都可以養生美顏😍女人有時應該要滋補一下，我推介旺角「甜水」❤️呢間食傳統糖水嘅甜品舖，除咗一般嘅芝麻糊、合桃糊、綠豆沙、腐竹糖水之外，仲有多款滋補+養生+美顏嘅糖水選擇👍🏻🥥桃膠椰汁雪燕 $38桃膠同雪燕都被譽為平民燕窩，具有排毒美顏嘅功效💯愛美的女士必選，仲有香濃既椰汁🥥真係又好味又有益☑️🥛始創金銀燉鮮奶 $35乜嘢係金銀⁉️原來係流心蛋液，蛋液真係好香蛋味，燉鮮奶夠滑嫩，奶味好濃郁，但兩種香味配埋一齊又估唔到咁夾，可以清楚感受到兩種唔同嘅香味，真心推介要試❤️❤️❤️佢仲有好多款唔同嘅養生糖水，桑寄生、木瓜雪耳、桂圓杞子……都好適合愛美的女士！享受甜品之餘，仲可以養生美顏，一舉兩得✌🏻

收工收得早，食個甜品無煩惱🥳未夠鐘食晚飯，去填飽另一個胃先😇。呢間甜水開業幾個月，朋友已經極力推薦獨家首創嘅金銀燉鮮奶🆕️，我當然都唔執輸😆。淨係望到個餐牌已經有驚喜🤩，甜水嘅糖水都分左幾個系列， 除咗經典嘅中式糖水外，其它系列都唔小（桃膠🔸️桑寄生🔸️芋圓🔸️燉奶🔸️腐竹）🈵️💎 金銀燉鮮奶一碗燉奶裏面加咗流心蛋黃，吃一口非常驚喜。流心蛋温泉多吃得多，估唔到咁配落鮮奶度做甜品係出奇地夾。燉奶有質感，蛋味香而奶味濃郁，食落口感細滑而甜度適中不會蓋過蛋香同奶香。💎 桃膠椰汁雪燕好濃香嘅椰汁味，桃膠軟糯Q彈，咬落脆脆有嚼勁。雪燕晶瑩剔透，口感細滑有彈性。甜度適中而且桃膠同雪燕嘅份量都唔少。人均消費💰 ： ＄ 37總結✍ ： 甜度適中，價錢合理，份量不少，類别夠創新。

油麻地廣華街開左間新嘅中式糖水店，店舖裝修簡約，選用木系餐桌，感覺幾舒服！餐牌有別於傳統糖水店，款式幾特別！🔸始創金銀燉鮮奶 $35呢個係店家招牌甜品，燉奶奶味好香，入口棉滑。最特別嘅係中間嘅蛋黃，好似食緊流心嘅蛋黃咁，連埋燉奶食落唔會太甜，而且口感好好，整體好高質！🔸桃膠椰汁雪燕 $38椰香味濃，而且仲非常足料，每羹都食到滿滿桃膠同雪燕，感覺勁滋潤，成碗食晒都幾飽肚，而且甜度適中，食晒都唔會覺得油膩！

鍾意食甜品嘅我又出動啦！今次去咗旺角一間新嘅甜品舖頭，因為見到佢啲糖水比較特別所以特登過嚟試吓啲新嘢。金銀燉鮮奶燉奶中間再加入流心蛋黃，燉奶奶味十足，流心蛋黃就似燉蛋嘅味道。一次過試晒兩個口味，撈埋一齊食有第三隻味，非常特別。桃膠椰汁雪燕傳統椰汁燉雪燕，再加入桃膠。雪燕是一種名為雪燕樹的木髓分泌物凝固而成。雪燕有滋陰潤肺、潤腸通便、滋潤皮膚等功效，對皮膚乾燥、乾咳、便秘很有幫助。桃膠是由桃樹樹皮分泌出來的固體樹脂。桃膠性味甘苦，平，無毒，是良好養生保健的食材及中藥，具有清熱止渴作用呢一款個味道真係好似椰汁燉燕窩，食過真係返唔到轉頭。