生命物

营业中

休息中

第一日正式上課, 已經好似打仗咁, 多得之前o既一堆補課令我提早跟holiday mood講拜拜, 暫不能適應o既只係晨早起床。胃口非常差, 加上午飯時出師不利, 完全冇食慾, 只求其食左少少野。放學又隨即四出撲書補添之前漏買o既文具, 一直到9點半都冇好好進餐, 肚子終於提出嚴重抗議, 冇辦法, 唯有祭一祭五藏廟。依舊胃口差, 於是就係度買麵包。由於金錢計算錯誤, 幾乎身上所有錢都用作付買書錢, 只剩下$1.5在銀包裡, 可選擇o既麵包十分少, 只有提子麥包, 甜餐包跟鹹餐包, 近幾個星期已經食左不下50個提子麥包, 見甜餐包雖然出爐已一段時間, 但樣子唔差, 便要了一個。其實呢間麵包鋪很晚還有新鮮出爐o既麵包, 大概在晚上7時, 最巧合的一次是買到剛給端出來的提子麥包, 拿上手還熱呼呼的, 感覺非常好。因為常光顧, 所以對其質素有信心, 是次亦不例外, 雖然出爐已久, 但係甜餐仍保持微脹和微暖, 亦很鬆軟, 只欠香味, 但係甜甜的味道亦不錯, 空間不多不少, 證明發酵時間剛好。其實如其他食評所言, 蛋撻亦係推介之一, 我身邊位位朋友亦喜愛這裡的蛋撻, 只是我不愛好曲奇皮便甚少選擇蛋

一個月到西環一次...今次到了這間麵包店的十字飽..這間做得不錯呀..好有質感..甜度適中..提子不多..不過都撩晒唔要...價錢合理$5/3個..其次試過蛋撻..又係好味..下次要試下菠蘿飽..

經過見到間舊式麵包店, 口痕痕又想試下...走入就叫左牛利酥/蝴蝶酥各一件試下...回家食左件蝴蝶酥覺得一般啦..無咩牛油香味不過變相就無咁油同甜啦...下次有機會試埋佢地既蛋撻先.

每次路經都遇著佢蛋撻出爐。通常靚姐都話要攤一陣先賣。好，遲到都懶理。除o左新鮮熱辣、「脆弱」（?得唔好會爛底- 皮薄餡靚）之外，個價錢都好吸引。唯一可能令你不敢苟同既地方係，食落好重豬油味。

早前因為黎探o係附近住既朋友行過見佢新鮮出爐靚蛋撻個個蛋撻面都係鮮黃色脹起以前住宿舍時成日都會黎買心思思為左重溫呢種味道雖然唔肚餓但都忍唔住買左一個食水準依然蛋味夠曲奇皮又脆不自覺又想起以前讀大學無憂既日子散買一個2蚊買5送1所以10蚊有半打超抵食以前最喜歡朝早番campus上堂前用大火叮熱兩個30秒食當早餐因為多人幫襯流量快所以成日都會買到出爐正蛋撻架!環境係舊式麵包店但出品一流

平, 買咗一個雞尾包一個菠蘿包, 雖然唔係新鮮出爐(成七點幾, 明0既), 都幾好味, 麵包夠鬆軟, 唔會死死實實, 雞尾包一路食有好香0既麥芽味, 菠蘿包表皮夠脆, 仲只係$1.5@. 鋪入面有兩個青少年做野, 可能係幫屋企掛, 個樣就串串地唔係清純果種但你問到其實好nice, 一定唔會有唔願做feel, 感覺係一間有誠意0既麵包鋪!

$10/半打蛋撻, 好食, d蛋又夠料, 行開個頭一定會買

呢間野都好耐ga 啦, 成日都keep住有新鮮出爐蛋tart,我成日見到都忍唔住買黎食,佢係我至愛既tart皮, 熱辣辣超好食!!仲有好多師奶係度成打成打咁買!!另外附近有間野賣雞蛋仔, $6一底only, 味道係不錯的!! 呢一帶好似都冇雞蛋仔... 可以一試

此位於石塘咀街市對面的麵包店，經常充滿人客，原來它的大部份麵包都是放在大大的爐盤上，好像是剛剛出爐那般，任人客選取。另一吸引之處，相信是價錢十分便宜，如雞尾飽只售$1.50，因為新鮮熱辣，麵包很軟熟，味道都唔差。