生物鍾石磨腸粉

营业中

休息中

一開始見到佢個舖頭名就俾佢吸引，再睇一睇個餐牌個價錢真係好佛心，$22就有一碟勁大份嘅腸粉，仲有杯豆漿送🥹🥹鮮蝦蛋腸粉 $22好大份嘅腸粉，仲要好足料嘅又多蝦，蝦肉又唔細，仲有生菜😻究竟老闆仲有冇賺架，石磨腸粉第一次食，以純大米磨漿，原來係咁滑另外叫咗碗小食，正宗手打牛肉餅湯$22呢個牛肉餅睇唔出好鬼正，湯底係好濃香嘅胡椒味，牛肉餅嘅質感就好似食緊牛丸咁，但係佢爽過牛丸好多😻勁有牛味呀佢哋仲有其他特色美食例如炒米粉、牛筋膜腩飯等等，都係$38，一樣有豆漿送👍🏻下次有機會再試埋

公司附近開咗呢間生物鍾石磨腸粉，今日lunch諗唔到食乜，就去幫襯下。其實我都幾鍾情石磨腸粉，所以隨意叫咗幾款品嚐下。牛肉蛋腸粉配有少許芫荽。雞蛋同腸粉做得層次分明。另外仲揀咗鮮蝦蛋腸粉，入面有原隻鮮蝦。路邊炒米粉材料豐富，有菜有肉又有蛋，味道唔錯而且營養夠晒均衡。而我就第一次食正宗手打牛肉餅，原來係牛肉件配上上湯，非常特色。跟餐仲有豆漿，飲埋杯豆漿夠晒滿足。

好耐無食皺皮腸粉啦！今日lunch行過見到新開咗間個名好特別嘅石磨腸粉專門店 — 生物鐘，好多大人小朋友等外賣，一於坐低試下！有七款傳統口味腸粉選擇，仲有湯品、飯，點完餐姐姐就會先送上每人一杯熱自磨豆漿，豆味幾香但唔會太甜。鮮蝦蛋腸粉（$22）以為好似平時點心嘅size，原來份量幾多，有六大件皺皮腸粉，淡淡米香嘅腸粉幾滑，蝦唔算多但幾彈牙，菜同蔥增加左唔少香氣！叉燒蛋腸粉（$22）個人超鍾意呢款，餡料特別選用咗比較瘦嘅叉燒，比較有咬口，加上蛋同生菜，口感豐富。每碟腸粉都已經落咗自家製甜豉油，枱面再有擺一壺，同腸粉味道好夾，客人可以根據個人口味再加！正宗手打牛肉餅湯（$22）牛肉餅胡椒味好香濃，口感竟然好似魚蛋甘彈牙，加上大量芫茜，重口味朋友必試。路邊炒米粉（$38）超足料！用咗蝦、鹹肉、蘿蔔絲、唐芹同椰菜等配料，而米粉質感比較偏向粉絲，軟腍煙韌。店員姐姐超客氣又好傾，舖頭唔算大但氣氛好，如果係附近街坊或者返工開餐又多個選擇！

路經深水埗(生物鍾石磨腸粉)好吸🤩有電動石磨機用純大米磨漿，無添加雜質，務求使客人食得安心。店舖雖然細細，但是五臟俱全，而且窗明几淨，難得店主和partner ，笑容可躹好有禮貌，大家非常合拍，一個負責烹調即叫即制嫩滑綿綿濃香大米味腸粉，另一位partner負責招呼客人和落單，樓面一腳踢🤣大家工作崗位也恰如其份，店舖的流程也非常順暢。店內腸粉款式多樣化，有牛肉、蛋豬肉蛋、鮮蝦蛋、叉燒蛋、粟米.....等和齋腸，還有飯、烏冬、米粉選擇，這樣多元化的組合，總有一款合你心意1.牛肉蛋腸粉~牛肉鮮嫩+濃香蛋味配入爽脆生菜腸粉，層次感豐富2.鮮蝦蛋腸粉~鮮甜爽脆鮮蝦+濃香蛋味配入爽脆生菜腸粉，口感味道各異3.齋腸~原汁原味大米磨制已成的齋腸真功夫嫩滑綿綿😋😋5.牛根腩飯~牛根腩燜煮好入味，有質感👍👍自家制荳漿~濃香黄豆味不會偏甜，很適合各人飲用。自家制自家制辣椒油醮少許會令人增加食慾，緩緩回辣好‘正’👍👍一枱美味食物🥰🥰

今日心血來潮,突然諗起想幫部舊電腦升級,所以去咗深水埗高登電腦中心購物,購物完之後,諗住行過對面搭車返屋企,但我老婆覺得肚餓,所以食埋嘢先返去,離遠望見👀一間新開張石磨腸粉舖頭,間舖叫生物鐘石磨腸粉,好耐冇食過石磨腸粉所以🚶入去試下,見到有好多款石磨腸粉同飯類選擇先叫咗秘製牛腩飯,牛腩有咬口,唔會太靭,味道唔錯🤗🤗牛肉片炒烏冬,😲嘩!好多肥牛🤩肥牛一D都唔靭啱啱好👍🏻炒得好有鑊氣!石磨鮮蝦🦞蛋腸粉好爽口滑!值得一試！石磨义燒蛋腸粉,义燒多到不得了😍加埋用蛋配搭好新鮮好特別,味道唔錯!好好味😋😋

生物鍾石磨腸粉 (深水埗)深水埗深水埗欽州街41-45號地下今日去深水埗，深水埗出名拖平靚正小食，辦完正事，於深水埗附近找地道美食。有一間小店吸引我的眼球，主打蒸腸粉，普通的腸粉食得多，但即叫即做的蒸腸粉真的比較少見，所以入去試一試。鮮蝦蛋腸粉＄22以為價錢平就冇好嘢？其實就算價錢平，但這裏的蒸腸還是用料十足，真的原粒鮮蝦，而且份量也不少，雞蛋配鮮蝦，蒸出來的腸粉滑嫩可口，豉油是他們特製的，入口雪雪聲。正宗手打牛肉餅(湯)＄22這個非常推薦，牛肉餅口感煙韌，有點像牛肉丸，但比牛肉丸不同的事，這個更彈牙！湯頭有很濃的胡椒味，牛肉餅份量也不少，香港比$22仲食到這個質素水平和份量真的只有深水埗。送自磨豆漿一杯我食腸粉還送豆漿一杯，價錢平民化之餘，又有飲品送，果然係平民美食天堂。

「放假難得早起身😂，不如去食個早餐吖」又唔係特別想食茶記，最後入左呢間石磨腸粉小店。自疫情後都好多類似既店執左，好耐無食過。［手打牛肉餅（湯）］$22食落口好似牛丸，胡椒味都幾濃，好味。［鮮蝦蛋腸粉 & 粟米蛋腸粉］$22/$20每碟份量都好多啊，唔佢好油膩，蛋味好香。大大粒蝦，想清啲就食粟米。入面仲有啲椰菜，口感不錯。如果個皮再薄啲更好 😋［路邊炒米粉］$38米粉好幼好滑！仲有椰菜絲、豬肉片、蛋、蘿蔔絲，好足料！令我記返起小學既時候，好鐘意食炒米粉做早餐🥰仲有附送自家製即磨豆腐，好濃味但唔會好甜，健康🥰