生生市場 (永德大廈)

营业中

休息中

🛒🇰🇷 今晚加餸：天口㷫真係唔想入廚房，韓式涼拌小菜最岩餸飯。係鵝頸街市買完菜順便係凍肉鋪買咗幾盒韓式涼拌菜加餸。呢間仲有急凍韓牛、黑豚肉賣，下次打邊爐有著落。屋企樽泡菜已經食完，買番盒新鮮辣泡菜看門口，即日新鮮製作，非常爽脆，而且夠辣，有大/ 細盒仼君選擇。今次加埋醃牛蒡，健康又美味，甜甜地，又脆脆地，牛蒡醃到質地似竹筍，餸飯一流。去韓國市場必買嘅生醃八爪魚同韓式炒魚糕個樣好精神，個味仲要好地道，新鮮製作果然係正（終於唔洗去首爾托幾盒生醃八爪魚番黎😂）全部醃菜都有大/ 細盒揀。其實有時真係懶到煲飯洗米切水果都冇動力，所以順便整左盒飯捲同菠蘿汁，打開即食，衞生方便，gimbap一盒12件，有好多口味揀，嘿嘿。

烤牛肉紫菜飯捲 $53足料紫菜包飯捲，叫了烤牛肉唔會太乾，仲有另外國款可供選擇～（如：豬肉、火腿、豆腐⋯⋯）韓式辣抄豬肉拌飯  $65 拌飯選擇辣抄豬肉，豬肉夠多辣度剛好，而且配菜都有好款，拌起來有多種口感生醃魷魚 細SMALL $70小食當然選魷魚啦，醃醬辣度剛好係我中意嘅，魷魚都大大條，用嚟伴飯食一流。韓式炒粉絲 $48大大碗材料足，唔會太油有韓式風味，提提外賣需要自行返熱啦！

趁着放午餐，同事想食韓式料理，但又趕住工作，唔得閒堂食，經過鵝頸橋附近，搵到一間傳統韓國料理外賣店。醃製小菜有入味嘅泡菜，亦有得買冷藏韓式肉類，濟州豚、穀飼牛等。 韓式烤雞拌飯有蘿蔔絲、翠玉瓜絲、芽菜同紫菜，加上煎蛋同雞肉，配合韓式甜辣醬料拌飯。水冷麵味道帶酸甜，麵條滑爽彈牙。芝士紫菜飯捲足料，有芝士、火腿、青瓜同紅蘿蔔等。泡菜煎餅帶泡菜微微嘅酸辣同蔥花，內裹比較軟淋，側邊脆口。新鮮辣泡菜 每日新鮮製作，爽辣。

.#哈比四圍食 #灣仔 #灣仔美食 #🍢外貌似係凍肉鋪，入面有各式各款嘅韓式燒肉一間舖頭就買齊晒韓式燒烤嘅材料另外呢間小店又係韓式小食外賣店有好多唔同款式嘅韓國前菜全部包裝好哂，夠衛生 夠方便呢度仲有好多口味可以揀嘅飯卷我揀咗大熱之選~芝士味白飯唔會好多，但係入邊好多餡❤️真係好羨慕喺附近返工嘅人🥹樣樣嘢食都咁足料，又咁多選擇一星期嚟幾次都可以吖😋➡️生生市場 (永德大廈) (灣仔)灣仔堅拿道西15號永德大廈地下G13號舖

.經過鵝頸橋街市見到有間賣凍肉舖🥩睇睇下原來有韓國外賣🙌🏻咁啱今日表弟黎訓順便買埋返屋企俾兩隻野食😆超鍾意食韓國🇰🇷菜嘅話時話都好耐冇食🥹生生市場係由幾個阿朱媽👩🏼主理既韓國外賣店👐🏻有賣各種韓國料理等等，全部菜式都好地道💯仲有賣各種急凍肉類🥩烤牛肉紫菜飯捲🌯雖然佢唔算太似我韓國食開個隻口味..但都好正既👍🏻佢嘅飯卷入邊嘅材料非常多，成條飯卷超大條，兩個小朋友勁鐘意韓式炒粉絲🍜炒粉絲方面唔會太油膩，落足餡料，粉絲又煙煙韌韌，味道清淡，唔會太濃味啱晒我韓式牛仔骨呢個真係必嗌✴️啲紅蘿蔔同牛仔骨好入味，同佢個醬汁甜甜地我仲食咗兩碗飯😆📍 生生市場 (永德大廈) (灣仔)灣仔堅拿道西15號永德大廈地下G13號舖#韓國料理 #外賣 #阿豬媽 #凍肉舖 #foodie #育兒親子樂

邊度有諗過，隱藏係一間凍肉舖入面嘅，竟然係一間韓國外賣店？今日去咗灣仔做嘢經過堅拿道西見到有一間凍肉舖門口寫住有好多韓國餐點行到入去同店員了解一下原來放喺一個乾淨嘅風櫃裏面有好多真空包裝咗嘅韓國泡菜小食等等全部都係新鮮製造我買咗新鮮泡菜，食落去爽爽辣辣！🐟炒魚糕甜甜嘅口味小朋友都好啱食，已經畀我一個人食曬😂😂🍱辣豬肉飯卷裏面有烤辣豬肉、青瓜、紅蘿蔔絲、酸黃瓜等等嘅配料，飯粒食落去粒粒分明唔會太硬🍙吞拿魚飯卷呢度嘅吞拿魚飯卷食落鬆香可口，裏面有吞拿魚酸黃瓜青瓜紅蘿蔔等等嘅配菜紫菜包住啲飯，味蕾大爆發🥰🥰韓式烤雞拌飯濃香嘅麻油味再煮紅蘿蔔絲青瓜絲雞肉紫菜芝麻等等嘅配料下面嗰層係白飯仲有煎蛋呢三樣熟食就要等一陣啦因為係新鮮即做！如果驚唔夠食，仲可以喺佢哋度選購其他凍肉，有靚羊架等等飲料都係韓國直送，價錢都係幾蚊雞一罐下次要試下佢哋嘅魚仔先！

今日同同事想食韓國野。 天氣太熱唔想出排隊等位食飯。 決定食外賣。 唔使同人迫。 銅鑼灣呢間韓式外賣小店有齊我想食嘅野， 又唔貴啱曬我！ 都好近時代廣場幾方便。 點咗兩個味嘅紫菜飯卷佢地嘅紫菜飯卷真係好好食， 都每日新鮮製作飯卷好足料。烤牛肉紫菜飯卷 ， 健康唔油膩。 辣豬肉紫菜飯卷， 少少辣都好開胃。 一盒有12件 好足料賣相同味道都唔錯烤牛肉拌飯烤牛肉，蔬菜和飯是分開的， 牛肉好香飯上面仲有塊煎蛋配埋個韓式辣醬， 伴飯撈埋少少辣，一齊食超好味。 份量又多。 甜辣無骨 —大size份量好多 味道甜辣剛好，惹味。 冇骨啱啖啖肉超正新鮮辣泡菜店鋪每日新鮮製作嘅招牌菜， 醃制時間短Ｄ， 口感會比較爽脆辣度也會相對高Ｄ， 好醒胃配白飯都可以，真係一流。 佢地有兩間店， 我港島人多數幫襯銅鑼灣分店。 元朗店地址:元朗教育路2-6號捷榮樓地下C號舖灣仔店地址:灣仔堅拿道西15號永德大廈地下G13號舖

想食正宗嘅韓國泡菜，唔使下下飛去韓國嘅！呢一間位於灣仔嘅小店，有售賣好多已經包裝好嘅韓國泡菜，乾淨衛生又方便！每次嚟親我都會買返幾款唔同口味嘅泡菜，今次我就揀咗涼拌波菜 $25、涼拌豆芽 $25、新鮮辣泡菜🥬$38、辣蘿蔔粒泡菜🥕$40、炒堅果魚仔🐟$60，個人覺得全部都好好食，冇乜高低，平時阿豬媽整嘅真係一模一樣！建議大家得閒經過去買返幾兜，當係開胃小菜或者小食都唔錯！除咗泡菜之外，我最鍾意就係喺呢度買紫菜飯卷，今次就揀咗吞拿魚紫菜飯卷🐟$53，呢個飯卷嘅份量，夠晒一個女仔做晚飯，飯卷入面嘅材料都好豐富，好味得黎口感又好！🤩🤩除咗嘢食之外，呢度都有好多唔同嘅韓國飲品，我當日就揀咗個韓國提子汁🍇 $7 配個飯卷😆😆

今日去咗灣仔一間叫「生生市場 」嘅韓國食品外賣店買外賣，呢間餐廳有灣仔同元朗兩間分店，舖頭入面有好多款韓國食物，除咗熟食之外，仲有好多韓國冷盤前菜可以選擇，啱哂各位想買韓國菜返屋企食嘅朋友。🍊 甜辣無骨炸雞無骨炸雞食落非常方便，咬落有少量炸粉，但雞肉仍然保持嫩滑多汁，配埋甜酸醬一齊食好開胃，而且份量唔少🍊 烤牛肉紫菜飯捲紫菜飯卷嘅餡料除咗有烤牛肉之外，仲有紅蘿蔔、醃蘿蔔、煎蛋同青瓜做配料，口感豐富，牛肉用咗燒汁去醃，味道濃郁，而且切開一件件咁食非常方便，一份嘅份量都足夠🍊韓式海鮮嫩豆腐湯韓式海鮮湯味道微辣，材料有魷魚、蜆、金菇同豆腐，魷魚彈牙爽口，蜆肉冇沙，豆腐非常嫩滑，韓式辣醬嘅味道用嚟送飯一流🍊 海鮮煎餅外賣後嘅煎餅口感變得腍身，而且海鮮嘅餡料份量略嫌較少，食完比較飽肚📍灣仔堅拿道西15號永德大廈地下G13號舖位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊

📍灣仔 生生市場想講已經食咗呢一間韓式外賣好多次，依然未試晒佢所有款式。今日唔想煮飯，於是就嚟咗揀佢嘅外賣。佢嘅外賣選擇非常韓式，有齊香港人最鍾意食嘅飯卷、炒粉絲、湯等等，鍾意食韓國嘢嘅朋友一定唔可以錯過。٩(˃̶͈̀௰˂̶͈́)و烤牛肉紫菜飯捲 $53佢嘅飯卷入邊嘅材料非常多，而且包裝好嚴實，最重要係成條飯卷超大條，食完幾乎就已經飽咗啊。辣豬肉紫菜飯卷 $50佢嘅辣豬肉調味調得非常好，唔會過分辣，但係又好香。甜辣無骨炸雞(大） $78佢就係雞嘅份量非常大，其實我哋間細可能已經食唔晒。而且佢嘅粉唔會太厚，食落去淡淡肉。魚餅串湯 $20食咗咁多乾嘅嘢都想飲番啲湯，咁就梗係飲返韓國最傳統嘅魚串湯，同韓國街頭飲嘅味道差不多，好有驚喜。韓式炒粉絲 $48炒粉絲方面會太油膩，而且餡料十足，粉絲又唔會過林，整體上味道不錯。٩(˃̶͈̀௰˂̶͈́)و

諗唔到食咩？直接去生生市場買外賣啦～ 一如既往, 一定要叫人蔘雞湯! 今次直程叫成隻，半隻唔夠喉呀🤭 份量大好多！原隻小春雞已經煮到又去骨嘅效果. 淡淡的人蔘味, 飲完每一啖個肚都暖笠笠🥰 當然梗係唔少得my favourite既吞拿魚紫菜飯捲啦～次次都想食其他味，但次次都忍唔住叫返佢🤭今次encore 返個烤牛肉午餐盒 78 份量足，烤牛肉多到滿晒，仲有四款時令前菜加卷蛋。今次嘅前菜有經典泡菜 魚糕 海帶同炸雞。款款好食超開胃😋

《生生市場》係由幾個阿朱媽主理既韓國外賣店，有賣各種韓國前菜、湯、麵、食、炸雞、煎餅等等，仲有賣各種急凍肉類。甜辣無骨炸雞 $78份量十足，有十零嚿肉。甜辣味道夠曬惹味，個炸粉又唔厚，一啖擺入口好滿足😋 烤牛肉紫菜飯捲 $53啲紫菜飯捲係會限量架，當日就快7點先去到，都係得返3份。揀左最經典既烤牛肉，配埋紅蘿蔔、青瓜同漬蘿蔔，味道唔錯😋如果外層搽埋芝麻油會仲香。炸醬麵 $62韓國既國民美食，見好耐無食過買黎試下。仲有埋隻蛋食，味道就正常發揮啦。新鮮辣泡菜 $38 | 甜酸漬蘿蔔 $30 | 蓮藕 $40食韓國野一定要買埋前菜啦。個泡菜好夠辣，漬蘿蔔配炸雞食一流，可以中和油膩感😋

烤牛肉紫菜飯卷$53飯卷已切好一件件，食得好方便蔬菜同肉比例好平均健康唔油膩啲飯卷甜辣無骨炸雞（細）$48惹味嘅一款醬汁每件雞件都有沾上啖啖肉食落好滿足韓式炒粉絲$48韓式粉絲口感爽彈加埋雜菜口感豐富烤牛肉拌飯$65蔬菜墊底再面頭舖上牛肉飯上面仲有塊煎蛋牛肉好香女仔食一個都好夠甜酸漬蘿蔔（細）$30韓國菜冇啲伴餐就少左啲野嘅感覺細size都好多片酸酸味味超開胃本身都附近返工下次會繼續同同事黎買外賣🤣方便又好味

炎炎夏日想留喺屋企嘆冷氣 外賣係一個好選擇 又唔使出去同人迫網上見到有間韓式外賣店都幾多人幫襯又近我放工位置 決定去幫襯吓甜辣無骨炸雞🍗大size份量都幾多 味道唔錯👍🏻推介冇骨啱晒我呢啲懶人🤣🤣性價比高✅✅✅見到好多人推介呢度嘅紫菜飯卷好味本身自己都好鍾意食韓式紫菜飯卷所以點咗兩個口味😌😋芝士紫菜飯卷🧀推介👍🏻原來芝士同埋其他配料 係好match一盒有12件 好足料賣相同味道都唔錯烤牛肉紫菜飯卷都係👍🏻另外仲點咗一個烤牛肉拌飯韓國梨汁🍐兩個人食 份量都好多 好飽好滿足😛味道又唔錯 下次會再幫襯

最近屋企要聚會所以搵下公司附近有咩賣食材嘅店😆順路可以買埋外賣返屋企食下🥰發現e間韓式嘅小店😋除左有食材仲有熱食可以買返屋企🥳小店入面有唔同嘅韓國食材😍仲有勁多可以燒烤嘅食材🥰連最正嘅牛舌芯都有得賣仲要價錢唔貴🤩🌸烤牛肉拌飯，牛肉味道甜甜🥰，飯上面有勁多配菜😆豆芽，紅蘿蔔絲等等😍用醬汁拌好好豐富👍🏻🌸烤牛肉紫菜飯捲，飯捲入面係香香嘅牛肉🥰其他配菜捲埋一齊😆好足料，份量十足💕🌸韓式炒粉絲，粉絲帶麻油香😋唔會膩😍我幾鍾意佢用涼拌嘅方式，味道甜甜🥳🌸甜辣無骨炸雞，雞件香脆😋沾滿香香嘅甜辣醬🥳雞肉嫩嫩🤩🌸辣炒年糕，年糕食落QQ😍味道香辣🤓