影片
以上资料只供参考，请与餐厅确认详情
系大河道新开左间粉面店，店舖小小，但算干净，一般都系1-2个人去食。我去既时候系两点几，即使无下午茶餐，都有唔少人食紧👍🏻我叫左碗咸菜大肠米线，加左出名既鱼肉春卷，total $56. 店员话本身碗面都有少少辣，所以我无加辣，但如果想食辣，建议加辣，因为本身个少少辣，真系好少。不过汤底够酸，我谂咸酸菜功不可没，猪大肠干净入味，鱼肉春卷都唔错，overall 成碗野几好食。女仔食份量够，男士可能争少少。下次经过会再试食其他𩠌同佢既辣
继续阅读
生记粉面，讲真喺大河道嚟讲价钱实在唔平，但系就系有一种吸引力，令到大家常常都想去食。佢嘅招牌小窝米线，汤底调味恰到好处，用料十足，而且份量亦都够大家一个正餐填饱个肚。本人最喜欢生记就系佢嘅鱼春卷，其实以前仲会将鱼春卷买返屋企自己煮，但系疫情之后多咗出街食饭就只会喺堂食𠮶度叫春卷啦。佢嘅春卷直头可以吸引到我特登搭车出荃湾𠮶度食。其实生记除咗春卷之外，亦都10分喜欢食佢嘅大肠，使得干净而且调味非常好。另外面质嚟讲亦都系煮得刚刚好，米线非常弹牙值得一试
继续阅读
平时行过见到都好多客，今日经过有位就试下啦，首先落单时有位都几有份量既女店员态度好似好唔耐烦，叫佢比杯水唔瞅唔睬都唔知佢听唔听到😂叫咗一个春卷鱼蛋河$37，春卷系唔错既、鱼蛋都好味.. 但个河粉一夹就断 又唔滑😮💨唔掂仲叫咗一个酸菜大肠米线$43，个大肠甜到一个点，煮到又鞋又un，唔掂.. 食咗都浪费个胃😮💨😮💨失望，同个女店员表达下啦，佢一句.. 「卤水系咁架㖞 第一次食？」态度好正🤣🤣$80就试到一间餐厅，唔驶成日心郁郁想去试，抵比🤭
继续阅读
生记粉面嘅大肠米线简直一绝，佢嘅大肠全部清晒里面嘅肥膏好干净，食起上嚟罪恶感减少，大肠好食酸菜更好食，粒粒酸菜咬落去爽脆，又酸又甜非常开胃。佢最出名嘅当然系肉春卷，每次食米线我都会额外叫一条，仲有佢嘅蒜蓉辣椒酱真系冇得顶，加埋落呢个大肠酸辣米线简直系完美组合，以前喺路德围嘅雄记都帮衬咗好多年，后来佢结业，新闻都有报道，可想而知雄记当时系几咁出名，好彩大约一至两年后生记起大河道开返，味道保持返以前一模一样，听讲系以前嘅员工重开，所以先保留到原本嘅味道，我觉得仲好食过以前。
继续阅读
以前系路德围系雄记粉面的常客每次去一定叫佢的鱼肉春卷牛筋面加通菜😋👍🏻仲有佢哋嘅蒜蓉辣酱又系食过翻寻味绝对令人挂住的味道自从雄记无在系路德围我同老公就食唔返呢个味！！！！！啱啱呢个星期四..无意中俾我哋误打误撞揾到呢间生记！望入去个餐牌同雄记一模一样，连员工都系熟口熟面..即刻入去试下照旧嗌返春卷牛筋面加碟通菜..😍🥰系呢只味啦！心人面实在感动！个腐乳通菜的腐乳酱系绝对正，好好味😋通菜都好新鲜好靓！钟意食腐乳通菜的真系要试下！鱼肉春卷如以前雄记一样，口感正之余，个面好香！加埋啲蒜蓉辣酱，真系无得弹😋牛筋够腍够入味，啲面质都系有质素的！好多人食小锅米线𠮶啲，下次又等我试下先！
继续阅读