田浦食肉

营业中

休息中

今晚約咗朋友喺旺角食飯，諗唔到食乜，揀咗呢一間喺旺角新開嘅韓式燒肉～～我哋兩個女仔叫咗五花肉、烤牛排骨、牛五花肉、同埋雞蛋羹，非常夠食，份量都夠多，啲肉會燒好咗先拎上嚟幾好嘅一點係呢度冷氣都夠強，唔會太熱👍🏻👍🏻recommend👍🏻

難得平日同朋友經過，見田浦終於開到嚟油麻地，質素同大角咀分店一樣咁正。我哋兩個人嗌咗個八百幾嘅套餐，兩款豬一款牛，一次過滿足你三種願望，肉質幼嫩，唔會好韌。見到Menu上面仲有唔同款嘅小食，即刻心郁郁嗌咗個雞蛋羹試吓，果然非常驚喜，淡淡蛋肉配上焦香。希望下次嚟可以試埋其他小食。

睇cm話會有人幫手燒，點知係一早整定，啲牛肉勁韌又柴又冇味，咬都咬唔開，勁多肥膏。豬排係唯一好少少，起碼有味先，但都勁肥-_-一開始上個盤前菜成九碟都冇一個係好食，韓國餐廳連泡菜都整得唔好食，唔使旨意有野會好食🤷🏻‍♀️雞蛋羹啲雞蛋老過我阿嫲塊面，個底仲要係燶嘅，食落勁苦，唔知食緊啲咩。枱上嘅鐘仔係冇用嘅，撳咗勁多次都冇人過嚟，坐低半個鐘連水都冇俾我哋飲，仲要收加一，根本係零服務。總結：唔好哂錢食

第一次光顧，食物喜出望外，尤其是五花肉及雞蛋羹非常嫩滑，而且配菜任添加，烤肉不用自己燒，所以油煙味較少環境乾淨，座位寬敞，服務質素好，當日大多是韓國人，非常值得下次可再光顧。

我哋book左八點店員好準時比我地入座～餐廳已經勁多人 好熱鬧！一入到去有韓國人招呼我哋服務十分之好同場好好彩都有識講廣東話嘅職員唔識韓文都可以溝通到！一開頭驚燒肉舖會好熱但冷氣夠晒凍五花肉好好味夠晒彈牙啊雞蛋羹夠哂熱份量足夠 三個人食都好飽！會再幫襯

醬油蟹好食，配埋個飯一流。韓燒佢已經燒好咗俾我哋，所以我哋唔使自己燒，食食吓會凍咗，不過可以自己開返個爐就整返熱佢，生菜無限refill。雞蛋羹不過不失，值得試下。未申請到酒牌，不過可以自己帶酒上黎飲既。

整體好豐富嘅一餐dinner，同兩位朋友食到勁飽，醬油蟹好新鮮，第一次食！！雞蛋羹比想像中大好多，打個卡仲可以免費食，減成88蚊！燒肉固然都係好唔錯，下次一定會再試～btw oppa幫手燒肉好開心🫶🥹

第一次黎呢間係大角咀分店，隔左一排黎 水準都keep到！星期日唔算多人，早兩日預先book位都可以。安排左我同朋友坐窗邊，幾好feel喔！環境好闊落坐得舒服，店員服務好好 會主動加小菜。小菜款式又好多，重點生菜好新鮮！主餐牌叫左個牛+豬五花+豬排餐，兩個人都好夠😋仲加左個雞蛋羮😋韓國店員都好細心😍真係好似去左韓國呀。背景音樂blackpink new jeans seventeen,etc..下次想試埋煎餅 炒飯 水冷面🤤

藏在油麻地二楼的“田浦食肉”，一推开门，仿佛置身韩剧现场，那氛围，绝了！🎉 服务员基本上都是韩国小哥哥，笑容满分，服务到位。必点招牌——猪五花&猪颈肉，简直是肉食爱好者的终极幻想！🥩 每一片都是精心挑选，肥瘦相间，烤得滋滋作响，外皮微焦内里鲜嫩多汁，蘸上秘制酱料，包裹着生菜一口闷，OMG，幸福感爆棚！🤤重点来了，这家的口味地道到不行，感觉就像直接在韩国街头吃的一样！而且用料超级新鲜，每一口都是对食材的尊重与热爱～👏环境也是超有格调，暖黄的灯光，流行的配乐，韩式的装潢，和朋友小聚或是约会都是极好的选择！👭👫

全店大部分都係韓國人招呼，食物好色，環境乾淨，所以燒肉都係由廚房煮好再出餐，由其是五花肉很出色，牛肉好有牛味，水冷面個湯少少酸所以很開胃，爆炸雞蛋羹很滑，叫左兩款煎餅（大蔥及泡菜）兩款都很好食而是不油膩，值得一試。整體很多食物都很好食，而且食物新鮮，會再黎食👍🏻👍🏻👍🏻

上個星期去咗中環店食，氣氛食物CP值極高；今日帶小朋友過嚟油麻地店試吓。環境氣氛一樣好韓國，呢度嘅靚仔oppa比中環店更加多，又係專人幫手燒，服務一流，，唔使自己燒到好大油煙👍🏼

地點方便 每樣菜都好食特別推介泡菜水冷麵，酸酸辣辣好醒胃烤牛排骨，五花肉都十分推介！每枱烤肉上枱時都會有點火儀式，打卡一流！生菜，伴菜可以refill！蒸雞蛋好大份！

不錯的韓式燒肉，因當天只有試豬肉，質素好，豬肉味重，無「蘇」味！由廚房燒好在檯面保溫，相當方便！餐牌選擇比較少，只有豬、牛、醬油蟹！沒有其他海鮮選擇！雞蛋味道正常，打卡位👍🏻

好耐冇食過韓國野啦……見到好似幾好食咁就入左去……點知有驚喜！！！又真係幾好食…..！！！醬油蟹加飯真係非常之鮮美啊！醬油剛剛好！！！入味但係又不會話太咸！！！燒肉都好好食啊！！！

今次我哋試咗韓式五花肉同豬頸肉，真係好正！兩款肉各有特色，食完真係唔想停。五花肉油脂分佈得好均勻，烤到外面微微焦脆，香氣四溢。每一口咬落去，肉質又嫩又滑，仲有濃郁嘅肉香。加上韓式醬料同生菜，味道層次好豐富，生菜又可以平衡油膩感，食到真係好爽口。相比五花肉，豬頸肉肉質緊實，咬落去彈牙。烤到微焦，肉汁又保留得好好，咬下去真係好鮮。特別推介搭配韓式辣椒醬，增添咗一啲辛辣味，真係食得人心痕。拌碟小菜十分豐富，仲免費添加，蔬菜夠清新。今次嘅烤肉盛宴唔單止滿足咗味蕾，仲係一次視覺同嗅覺嘅享受。五花肉嘅香味同豬頸肉嘅豐富口感交相輝映，每一口都想再嚐多一片。無論同朋友聚餐定係家庭聚會，呢款烤肉絕對係首選！