影片
营业时间
今日营业
12:00 - 00:00
星期一至日
12:00 - 00:00
以上资料只供参考，请与餐厅确认详情
我哋10個人附近跑完步，已經好夜，難得禾輋商場地下嘅食肆仲營業緊。整體係好有feel嘅日式居酒屋，老闆員工好親切，有禮貌。餐牌好有心思，係用手寫嘅🥹最重要係食物嘅質素，非常高質，全部即叫即整。重點推介：炸雞皮、炸雞翼、青魚定食、烏冬雞扒定食、燒牛肉定食、蟹肉薯餅等等。每款都好有心思，特別係炸物，好鬆脆，入口清爽，沒有油膩嘅感覺。價錢合理，性價比高，已經成為咗我同朋友嘅飯堂。好鐘意呢啲小店，值得支持！
继续阅读
游完水行左過呢邊食野，驚喜叫嘅所有野都即叫即燒，好味。餐牌唔太多野，啱哂我呢d選擇困難症人士。好肚餓，掛住食無乜影到相。三個人叫左燒香菇、燒魷魚、三文魚沙律、雞皮餃子、蟹肉忌廉薯餅，真係全部都非常好味。特別要讚下燒香菇，多汁又唔乾身又好入味。價錢合理，啱哂小小地朋友聚餐傾下計。D staff nice,成間舖都好Japanese vibe, casual舒適，充滿人情味。小店真係好味過新城市廣場果d餐廳好多。
继续阅读
牛肉定食好味，足料，又有新鮮沙律菜和紙包飲品，只係50蚊。豬腩肉串燒只係24蚊，非常好件，豬頸肉都好好食都係2 2蚊。試埋燒大香菇都唔錯。餐廳有個大電視，有時播懷舊歌都很有味道。
继续阅读
估唔到$48食到一份午市定食，仲包埋一包紙包飲品，無加一收費，抵食！而晚市通常都貴啲，但竟然佢又唔太貴喎，大約$50左右啦，同樣包一包紙包飲品。味道方面，試過好幾款定食，基本上大部份都好味，特別推薦灼燒牛肉定食。而佢某啲定食有包含炸物，啲炸物同樣好食，好脆唔油。至於燒物方面，以為平平無奇嘅燒栗米，點知比想像中好食，係唯一燒牛肋，呢個就真係有少少靭。環境亦好乾淨企理，店員服務態度友善，所以整體黎講真係幾好，會係食完下次想再幫襯。
继续阅读