町町丼丼 (威靈頓街) (已結業)

町町丼丼中環上班族大愛威靈頓街主打日式丼飯外賣小店簡直是中上環上班族恩物啊～外賣丼飯五十元起已經有交易最重要食物性價比高-壽喜燒牛肉飯材料豐富，牛肉份量多，仲有金菇海帶鳴門卷壽喜燒唔會太咸珍珠飯底又夠煙韌米氣比想像高質。-日式咖哩雞扒蛋蓋飯蛋包飯超好食，唔好以為 外賣嘅蛋就唔會嫰仍然細滑又蛋味濃咖哩仲好足料好杰身撈飯食好食啊～雞扒煎得香，仲有粒粒粟米，正！另外仲叫左 唐揚炸雞 配黑椒蛋黃醬炸雞炸得金黃又juicy-磯燒魷魚天婦羅配黑椒蛋黃醬煙韌彈牙仲有淡淡海帶味～

呢間店專門做丼飯外賣，係中上環區價錢算平，50蚊內既選擇都唔少，丼飯份量大大份，味道唔錯，夠晒抵食！我叫左個蒜香牛肉丼飯，一打開就聞到好香既蒜味，見到牛肉上面有滿滿既乾蒜同炸蒜，唔怪得咁香啦！將啲牛肉倒左落啲飯到之後，睇得出牛肉既份量真係好多，食落質素唔差，唔係un到咬唔到既cheap cheap肥牛，啲牛肉汁撈飯好好味。40幾蚊食到咁既日式丼飯真心抵阿！碗丼飯份量真係好多，我係食唔晒既，男士都唔洗驚唔夠飽😂

🍱町町丼丼🍱📍:中環威靈頓街182號LG樓⏰:11:30am-9:30pm呢間之前起新蒲崗食過一次😍難得中環都有 甘岩行街經過 所以買左反屋企開餐😍 小店主要做外賣為主🥡 亦都有數張枱櫈 即叫即整⏰ 所以要耐心等侯！有丼飯、咖喱烏冬、滑蛋蓋飯 仲有壽喜燒簡架😍 款款既份量好多 價錢唔貴 外賣自取更有六五折優惠 岩晒放工人士買外賣😆🍚滑蛋和風牛丼好有驚喜 牛肉既份量唔小 好嫩唔鞋口 性價比好高 啖啖肉好惹味 滑蛋香嫩滑溜 食落有小小流心既效果 撈埋飯食一流 洋蔥都煮到好淋好入味！🐟意式茄汁吉列魚柳蛋蓋飯茄汁好濃郁結身 加埋滑蛋同飯 係一個好滿足又夾既組合 吉列魚柳一份有三條 外皮好香脆 裏面嘅魚肉冇骨啖啖肉 好香嫩滑溜！🍍榴槤炸彈好鍾意食榴槤 見到排隊既人都有叫 價錢唔貴 試吓佢！外脆內軟既口感一流 榴槤嘅香味擁晒出嚟😆一咬開會爆汁 所以小心辣親嘴！🐥芝麻雞翼一份有3隻 即叫即炸熱辣辣 外皮好香脆 雞中翼連埋雞翼尖 好惹味啖啖肉！

今日過咗中環做啲嘢, 見到附近嘅町町丼丼外賣自取好似幾抵食, 順便嗌埋外賣返屋企嘆住冷氣食<日式咖喱吉列豬扒蛋蓋飯>鍾意食咖喱嘅朋友一定要試吓呢個咖喱吉列豬扒蛋蓋飯雖然係日式咖喱, 但非常濃郁, 無論係配搭蛋蓋飯, 定係沾係吉列豬扒上高食, 都非常好食<韓式牛肉部隊鍋配烏冬>唔鍾意食米飯嘅朋友都可以試吓韓式牛肉部隊鍋味道酸酸辣辣, 裏面除咗午餐肉、香腸同泡菜以外, 仲有唔少金菇同蔬菜, 飽足感甚高<唐揚炸雞配黑椒蛋黃醬>小食方面, 大食妹最愛甜甜地嘅唐揚炸雞, 邊食邊煲劇簡直一流<一口芝士年糕>芝士年糕煙韌之餘, 裏面仲係流心㗎

Happy Friday 想食日本野，上網揾到呢間町町丼丼，有好多日式丼飯、鍋物、咖喱選擇，又有小食，就同同事一起去試試☺️堂食有大概10個位，係我地食嘅過程中，好多人來買外賣，好受歡迎，同埋原來都可以用QR code訂餐外賣自取，有65折優惠。因爲我地都想食鰻魚飯，所以叫左一個大盛同一個普通鰻魚丼，又叫左兩個小食一起share, 超豐富嘅lunch😍✨大盛雙層鰻魚丼  $76✨汁燒鰻魚丼  $53大盛鰻魚丼會多一塊鰻魚，鰻魚大塊厚身，燒得又香又靚，細骨好少，咬落去會發現鰻魚好嫩好香口，配埋濃郁既醬汁同黑白芝麻，更香又增添口感😚飯用左珍珠米，分量好多，平時需要多飯既朋友仔都足夠。配料有玉子，甜甜地幾好味😝✨唐揚炸雞配黑椒蛋黃醬 $38即叫即炸，炸雞外層鹹酥香脆，肉質嫩滑，仲有肉汁，食落充滿日式風味， 配埋蛋黃醬就再惹味d🥰✨磯燒魷魚天婦羅配黑椒蛋黃醬 $38呢個小食都好味！分量好多，炸粉一d都唔厚，表皮咬落去脆口香酥，肉質Q彈鮮美，唔洗搭配醬汁都好味🤤

第三次幫襯 滑蛋鷄扒飯第一次試 叫俾個小朋友食 點知打開嚇一跳 點知最後只揀到兩舊邊位冇咁燶嘅 其他其實都燶到近乎黑色 有下次嘅話 只敢叫番吉列豬扒安全D或者行遠D去中環間日式連鎖快餐..

番屋企行過見到佢新開大大隻字外賣自取65折, 仲唔係糧尾救星出現?🤣壽喜燒牛肉烏冬壽喜燒湯底夠濃, 配烏冬一流, 烏冬口應煙un唔係cheapcheap烏冬~ 娃娃菜, 海帶, 腐皮都索哂湯汁, 牛肉唔老, 好味呀日式咖喱和風牛肉蛋蓋飯牛肉份量多, 蛋好滑半生熟鋪係飯面, 配上甜甜既日式咖哩好夾! 汁燒鰻魚串同埋唐揚炸雞, 番到屋企凍左都仲係好食, 鰻魚厚身配燒汁香甜, 炸雞雖然拎到番去已經唔脆, 但肉仲好juicy啖啖肉!

最近無晚市堂食真係食多左好多外賣，發現了好多外賣高質小店！前排在上環放工，見到這間幾光鮮的丼飯店，仲有65折，$5x-6x就有個飯，$3x有小食～唔怪得咁多人qr落單後來買外賣，中上環區來說，真係超級抵！🐟七味唐揚池魚真的超有驚喜，出乎意料地超多魚仔，攞到返去都好脆，而且魚仔都有d肉，口感好好。特別喜歡調味，惹味得來不會太鹹，而且完全唔腥，送飯一流。日式咖哩吉列豬扒蛋蓋飯水準都相當好，咖哩偏甜少少辣，好香口。吉列豬肉肉質嫩，且不乾不鞋，難得的是炸皮厚度剛好～旁邊還有酸薑，可以去膩。他們的飯質素也幾好，食落去淋香的唐揚炸雞配黑椒蛋黃醬雞肉嫩香，而醬料更加是重點，黑椒蛋黃醬味道非常特別，creamy得來不滯，忍唔住點曬來食意式茄汁煎雞扒蛋蓋飯雖說是茄汁，但番茄汁上竟有真材實料的番茄粒，非常濃香，一打開蓋已是香味四溢，蛋都好厚滑第一次食外賣咁正 ，直頭是攞到返去都有堂食級數，一定會再來😋

Too busy to cook dinner, we opted for take away that evening. This time from 町町丼丼Machi Donburi. Located in Central, it is a fairly decent size fast food style restaurant serving donburi.There is a dine in space that consists of a counter. There isn't a lot and its mostly geared for take away.Menu is in English and Chinese. There is no 10% service charge even for dine in. They also are offering a 35% discount on mains.  As there was a discount we decided to order two donburis and appetizers.Every

中環新開咗間日式外賣店方便我呢啲上班族外賣返公司食依家新開張仲有外賣自取65折所以都係$50左右～真係好抵！🔸大盛雙層鰻魚丼 ➖ $76呢個鰻魚份量係double，有兩條鰻魚。上面有濃郁嘅鰻魚汁，仲有玉子作配菜。鰻魚啖啖肉，咬落有口感，而且都好厚身下，真係唔錯。🔸滑蛋吉列豬扒丼 ➖ $50滑蛋好嫩滑，而且有蛋香。丼飯份量好多，如果配埋醬汁就一流。🔸小食-芝麻雞翼 ➖ $32雞翼炸得好香口，入面肉質滑嫩。🔸小食-一口芝士年糕 ➖ $38最中意食芝士年糕！咬開入面嘅芝士仲係流心，好正呀！

町町丼丼呢個名帶點可愛，吸引左我收工去買外賣，宜家冇堂食，唯有周圍搵到啲正既外賣。位於上環同中環中間，都幾方便，重點佢係即叫即做，所以我落完單都等一小陣先拎得，期間見到好多外賣送貨既人，睇黎生意好好。叫左個滑蛋吉列鰻魚丼、韓式牛肉部隊鍋配飯、小食池同埋魷魚天婦羅。小食一定要叫，因為份量起多好抵食。鰻魚丼啲蛋都幾滑，鰻魚份量適中，味道唔會好重，配今次啲小食幾好。韓式牛肉部隊鍋比想像中豐富，又唔會好辣，冇得堂食食到部隊鍋好難得。

最近中環威靈頓街新開左間日式便丼外賣店，主打各式各樣滑蛋、日式咖喱、牛肉丼飯、滋味和風小食等等，小店亦設有少量座位以供堂食日式咖喱煎雞扒蛋蓋飯配料同咖喱蛋包飯係分開的～香煎雞扒皮薄肉嫩，口感滑溜，啖啖肉，帶濃郁鮮雞味！配上香甜微辣的日式咖喱汁、嫩滑蛋蓋及Q彈珍珠米，飽肚又美味韓式牛肉部隊鍋配烏冬部隊湯鍋同烏冬都係分開的，夠哂貼心❤️部隊鍋裏面有肥牛肉、韓式泡菜、腸仔、海帶、芝士等等，配料好豐富呢！湯底味道濃郁，辣辣地，充滿韓式風味，配上滑溜烏冬，大滿足呀榴槤炸彈一客有四粒榴槤炸彈，外脆內軟，口感軟糯，內裏係滿滿的香甜榴槤醬，啱晒榴槤迷七味唐揚池魚池魚仔大小適中，香脆可口，炸得乾身唔油膩，充滿魚鮮味，撒上日本七味粉後微辣鹹香，佐酒一流

經常睇openrice留意中上環區有咩新開餐廳，不過前題係要平平地（呢樣野好個人化嘅當然）發現上環威靈頓街，近亞參雞飯有間新開日式店舖，於是決定試試店內有好多幅畫，幾有和風嘅感覺，好特別環境亦好乾淨企理但店內只有兩張呢類長枱可供食客堂食，主要都係做外賣見餐牌價錢都唔算貴，款式亦多，就叫外賣吧店內只有一位姐姐落單收錢，但廚房裡面應該好忙，有大量外賣單接左叫左個滑蛋煎雞扒飯，個兜好大，實際上唔大但都夠食，賣相唔錯，上面撒左七味粉同芝麻滑蛋望落亦都幾靚另外叫左個唐揚炸雞（連埋黑椒蛋黃醬）同同事開心share總共有6件點知，同事一食，咬落去唔知係炸粉定肥膏佔好大部份，冇乜雞肉，幾伏下但個醬係ok嘅，一讚下次都會再試下其他飯類，甚或烏冬等希望其他小食例如芝麻雞翼同餃子ok la

行過威靈頓街見到新開左間裝修幾型嘅日式外賣店見到Menu入邊有個出面幾少見到嘅日式咖喱吉列鰻魚飯見佢有幾個堂食位就叫咗黎試吓5分鐘左右就有得食炸嘢梗係要趁熱食，但咁啱朋友打電話嚟講咗5分鐘，收線之後諗住一定淋晒唔好食但又唔係喎，重好脆，又唔會油淋淋，有驚喜仲有個蛋黃醬配埋，可以試多個口味飯同咖喱嘅份量啱啱好又足夠，男人都夠飽係衣區甘既賣相同份量80蚊算抵啦不過如果咖喱飯面可以放多幾舊日式醃蘿蔔。酸酸甜甜咁就重開胃食緊嗰時聞到隔離位嗰個韓式牛肉部隊鍋烏冬好香泡菜湯味，下次要試佢～

上環新開食店👍🏻 主打日式丼飯～～即叫即煮,,,呢個價錢有咁既食物質素真係唔錯～～份量一啲都唔細～～～滑蛋吉列豬扒飯！！蛋非常滑👍🏻 廚房新鮮炸起豬扒外皮好脆！都幾大份！！呢個芝麻雞翼非常推薦！！真係好好食😋炸得好脆又唔會乾！！38蚊好低食！！而家仲有折都好低食下！！👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻