番茄18

营业中

休息中

叫左一碗米線，一個西多士餐，一個雞翼+薯王餐外賣麻辣米線係硬既…（除咗個湯幾香）西多d 油係熱到熔膠盒….雞翼未熟透……外賣無配牛油，無配糖….奶茶d 茶係澀，杏霜係淡….即係無樣好……試一次都好失策……係絕對無下次….😒😒😒😒😒

行過見新開左呢間蕃茄18，就膽粗粗入去試下叫左個$55 炒蛋蕃茄通粉+瑞士汁雞脾，竟然飲品係要半價，最後凍檸茶要+$11，真係唔便宜味道一般，不過不失，但你問我會唔會再用$66食呢個餐，我會肯定地答唔會😂

事緣早幾日中午經過呢間新開既餐廳(睇左陣餐牌食物圖片好多都影到賣相幾靚)，見到個咖喱牛腩飯好似幾吸引於是就入去試下，座位都係典型新式茶餐廳咁間到好細，裝修唔錯，係好舊式嘅茶餐廳風格，不過食得茶餐廳好少理咩裝修，最緊要價錢合理味道OK就算，我本身都已經要求唔高。坐左陣個飯好快就黎到，點知一睇就覺得不妙個賣相同個餐牌既圖片係二回事(雖然我都知圖片只供參考，但都唔好咁過分直頭係兩樣嘢呀，咁樣同欺騙消費者有咩分別)，連個味道都普通到唔普通，唉，又中伏。好心呢啲無良商家唔好用假圖片呃人，有晒證據影埋相，希望各位公開呢d無良商家。

🐮🍜經典沙爹牛肉麵 配牛乳炒蛋+ 丹麥多士 $48-沙爹味一般，冇咩記憶點。牛肉未至於咬唔到但可以再嫩d喎！炒蛋就超creamy&多蛋汁，份量好多亦唔覺油，丹麥多士夠酥熱。🍖招牌瑞士雞翼撈公仔麵 配牛乳炒蛋+ 丹麥多士 $60-瑞士汁好濃縮好味😋，但肉唔夠滑！ 🍗招牌瑞士雞脾 配蕃茄湯通粉+ 牛乳炒蛋 $55-蕃茄湯味都幾濃，調味有層次。唔記得試雞脾滑唔滑🤣，下次再試。（成個feel好似食緊樓上冰室） 🍲🐤招牌胡椒豬肚雞湯米線 $58-呢個都ok，胡椒味濃，配料豐富，米線好滑都有咬口的！ 🍲🌶🐮水煮牛肉湯米線 $58-湯底咸咸辣辣，唔知點解好大陣羊騷味，好討厭呢d騷味😵‍💫。配料有少少白菜，牛肉量唔夠多！ 🍲🐤藥膳雞湯米線 $58-只係食到酒味，酒味係勁濃，飲完一啖仔已經唔想再飲🤢。

蛋牛治毫無誠意，鹹牛肉份量極小，味道一般，比蔥花味蓋過沙嗲牛肉麵湯底偏淡，面浸到軟淋淋，牛肉一般偏硬上餐速度慢，員工不足而且反應慢，態度麻麻地，落單要叫幾次只有野飲合格😵‍💫