番茄18

营业中

休息中

同朋友係附近睇完戲，要食啲野醫肚，行行下見到呢度裝修幾特別，於是就揀左呢間番茄18啦。呢度裝飾幾有趣，有港式風味，有啲戲院feel,又有啲茶座feel，仲有唔同燈箱，好似回到過去咁。其中最吸睛嘅燈箱就係呢個“番茄稱王，瑞士稱覇”，就係因為呢一句，我地決定揀又係王又係覇嘅野食分享下。墨魚丸牛肉雙拼蕃茄湯上海麵。好大碗，上海麵外貌似米線，但食落好彈牙。蕃茄湯底真係唔講得笑，唔喺罐頭蕃茄湯開水，而係好似用左幾個蕃茄煲出來嘅濃湯咁，好杰身，好濃郁，食麵前都要飲番兩啖蕃茄湯先。墨魚丸好彈牙，正。瑞士汁雞髀配薯角，薯角係連皮炸嘅，啱啱炸起，熱辣辣，少少鹹，特別香脆可口。瑞士汁雞髀好大隻，微甜嘅瑞士汁非常入味，煮到雞髀又甜又滑，真係連骨都想食埋呀。麻辣雙色餃子，有白菜豬肉同粟米豬肉，辣味幾重，餃子皮薄足料，好醒胃。令我最有驚喜嘅係華田脆脆，平時出邊飲凍華田，好多時都俾啲冰溝淡左，味道會越飲越淡，但呢度就唔會，由開頭都尾，味道一樣都好濃，加埋表面嘅華田脆脆，飲得好滿足。呢餐“番茄稱王，瑞士稱覇”果然有番咁上下，抵食夾大件。

叫得做蕃茄18，一定要試下佢個蕃茄湯。真係值得一讚，佢唔係用茄膏茄醬溝水咁簡單，而係真係有粒粒蕃茄，好香濃既蕃茄味。通粉超大碗，係平時茶餐廳茶餐的兩碗份量，而且好爽口。加左8蚊加鮮牛肉，份量對得住呢8蚊，有牛味，唔算太鞋，唔會好難咬，算係咁啦。炸魚柳好大份，熱辣辣，我最鐘意就係沙律醬同魚柳分開放，自己鐘意點幾多醬都得。雞扒都好厚身好大塊，可能就係太厚，一切開見到唔熟，同侍應反映左，佢地都好樂意幫小編換過份雞扒。新黎既雞扒一切開就爆汁😍 好正好juicy不過呢，服務就麻麻地，阿姐都幾唔耐煩會催你落單，呢樣野可能餐廳要改善下。

昨晚表姐推介就去咗呢一度食嘢😋見FB有人話呢間餐廳好有水準，於是即刻book枱放鬆一下！朝聖一下👍🏻嗌咗魚香茄子飯呢個真係不得了，口感好嫰滑，香嫩多汁，咬下去好有滿足感，味道令人上癮❤️

叫得做蕃茄18、一定要試下佢個蕃茄湯。真係值得一讚，佢唔係用茄膏茄醬溝水咁簡單，而係真係有粒粒蕃茄，好香濃既蕃茄味。通粉超大碗，係平時茶餐廳茶餐的兩碗份量，而且好爽口。加左8蚊加鮮牛肉，份量對得住呢8蚊，有牛味，唔算太鞋，唔會好難咬，算係咁啦。炸魚柳好大份，熱辣辣，我最鐘意就係沙律醬同魚柳分開放，自己鐘意點幾多醬都得。不過呢，服務就麻麻地，阿姐都幾唔耐煩會催你落單，呢樣野可能餐廳要改善下。

週未收工收緊係要行街睇戲食飯直落啦荃灣真係咩都有，又多街行又多野食咁啱行過條後街，見呢間番茄18個裝修好特別好得意諗住唔食得都打（卡）得🤣就入咗去入面真係好有趣，每一個角落都有彩蛋😍有返咁上下年紀嘅香港人一定都會好有共鳴睇返個menu先，下午茶最平$26又幾抵喎天口咁熱緊係叫咗杯野飲先呢杯華田脆脆成座山咁高，正👍🏻👍🏻👍🏻叫咗個麻辣牛腩拌上海麵，一嚟到見到咁大棵芫荽，我呢啲荽人馬上口水都流埋👍🏻👍🏻無辣不歡嘅我仲叫咗個麻辣雙色餃子🥟一口一個啖啖肉，辣辣地又開胃又好味👍🏻👍🏻👍🏻👍🏻

晚餐唔知食咩，最後經過見到呢間裝修幾特別，座位唔算密，所以揀咗呢間。叫咗藥膳雞髀米線同大汗豬扒飯，兩樣都唔錯，佢有啲似樓下冰室，連椅都係一樣紅色，係咪同一集團？有機會會再幫襯。原來無影到野食，真係被佢裝修吸引哂😅

/🐤招牌胡椒豬肚雞湯米線明明間餐廳名叫番茄18 竟然胡椒豬肚雞湯係招牌 出於好奇就試一試佢啦 果然冇叫錯湯底係奶白色非常吸引及濃郁 豬肚同埋雞件既份量都唔少 雞件非常嫩滑 仲有娃娃菜 米線既配料都幾豐富 米線口感就偏淋 唔鍾意食芫荽既朋友記住落單既時候走芫荽啦.🍅蕃茄湯通粉配牛乳炒蛋 加招牌瑞士雞髀蕃茄湯底好濃郁 酸酸甜甜配有非常多既蕃茄粒好正 牛乳炒蛋嫩滑 蛋味都好香 瑞士雞髀上哂色好入味 不過雞肉既口感就同胡椒豬肚雞湯嘅雞件唔同 係偏向有口感的.🍞西多士西多士用上兩塊正常厚度的方包 入面就塗滿花生醬 外層炸至金黃色 要加上牛油 糖漿 夠晒邪惡啊 入口外脆內軟 如果覺得唔夠甜仲可以叫店家加煉奶架.🫘紅豆奶茶估唔到特飲咁有驚喜 奶茶茶味突出 加埋紅豆 好夾啊 紅豆仲係大大粒 煮到軟綿綿 份量差唔多佔飲品既一半.🍫華田脆脆平時既凍華田叫少甜會變到好淡 但係估唔到呢杯華田脆脆仲係咁濃郁 面層仲有大量華田脆脆 食極都仲有 好滿足啊 .番茄18📍荃灣大壩街39號地下.#anygoodfood_hk#anygoodfood_tsuenwan

今天上班前先來吃個元氣滿滿的早餐😁這間番茄湯米線專門店在荃灣西站附近，位於上班的必經路線，是一個不錯的選擇門面已經有一粒大番茄🍅內裏的裝修走懷舊風格，佈置了不少街頭市井風光，有懸掛招牌和戲院燈光，仿似進入了時光隧道📣早餐有13款餐可以選擇📜除了主力的湯麵類，還有三文治和菠蘿油等，充滿了地道特色的小店今次吃了招牌番茄餐肉粒湯公仔麵🍜捧上來時已經傳來陣陣濃香，自家製的湯底加入了大量鮮茄，餐肉粒先經過煎香，公仔麵煮得夠爽身彈牙配上了嫩滑的牛乳炒蛋🧈蛋味很香不會過油，牛油厚多士略經過烘烤後有香脆口感華田脆脆甜甜的，可可味加上脆粒很滿足😋

早兩天下午時分，與朋友共三人相約在荃灣看電影後便到附近的番茄18吃飯。約下午二時到店舖，本想只有午膳可以叫，但意想不到的是已經有下午茶。貪吃的我們便叫了兩個午餐以及兩份下午茶一起分享吃。午餐我們叫了一份肉燥雞扒飯及蕃茄米線配上牛乳炒蛋、吉列豬扒。蕃茄湯底十分濃郁，米線上附有蕃茄的香氣及甜味，加上嫩滑的炒蛋，我們不消一會兒便把整個米線吃光了。至於下午茶，我們叫了一份瑞士汁雞髀配上雜果沙律，而另一份則是西多士。瑞士汁雞髀份量不少，從圖片中便能看到是一隻大雞髀，肉質嫩滑、入味，瑞士汁的鹹淡到剛剛好。若不是大家吃得太飽，我們定多叫一份一起分享。至於西多士，新鮮熱辣出爐，吃下去沒有油油的感覺，花生醬的厚度適中，吃下去不會「將」住嘴巴，比一般茶餐廳做得更好。至於價錢方面，這四個餐總共只需不到$200。這樣CP值高的一餐，豈能不推薦給大家？

新開的，裝潢走懷舊路線，配合我這些Old Seafood ...“蛋牛治”，牛肉及蛋尚算嫩滑，熱辣辣的，份量足，最抵死是加了蔥花，冇得輸！ 用一個膠籃盛著，夠麻甩，我喜歡。紅豆冰，完全不合格 ，一看就知，完全不夠奶，稀哼哼，喝下去，淡過師姑尿！ 紅豆也不夠軟爛，真的是「你飲埋我嗰份」！為什麼我那天不退貨呢？太仁慈了！焗豬扒飯反而不錯，不但做出神髓，味道也不錯，肉夠嫩，不會柴，汁夠濃，配著熱辣辣炒飯底，體現港式焗飯的經典。總體還可以，不過水吧要檢討一下。

每逢星期六日，荃灣呢條街都好多人排隊食嘢，每次經過番茄18 ，長期都有條人龍喺度排隊，心諗一定好好食，所以今次特登平日過嚟，試吓佢嘅龍與鳳！呢度裝修真係靚到揼一聲，花咗好多心思去擺位，仲應該花咗唔少錢添！哈哈！不過佢就成功啦，因咗我哋呢啲港女嚟打卡！仲免費幫佢宣傳添！呢度嘅食物選擇真係多籮籮，成張餐牌大到不得了，都諗咗10分鐘先諗好食乜！真係咪話唔誇張！今次我就叫咗水煮魚米線，揀咗小辣，睇落去真係好似好辣咁，食落口麻香嘅味道好重！啱晒我呢啲想食麻辣大又唔想食太辣嘅人！之後我地仲叫咗麻辣牛腩焗飯，新口味，新嘗試，都幾特別！我哋仲叫咗麻辣手撕雞，呢間嘅手指雞比較特別，比較大嚿，都幾抵食！最後仲叫咗兩杯華田脆脆做一個完美嘅句號，好好飲！

🔺 番茄18 (荃灣)成日都聽講話荃灣好多野食，好好食咁，但地區方面又距離我好遠，咁岩有野做要出去荃灣，咁就順便食個lunch 先返去～而我就比呢間d 裝修吸引阻我入去，光猛乾淨得黎又有d 懷舊裝飾，幾好打卡😛🔻午餐-麻辣番茄湯牛肉米線配牛乳炒蛋，牛油厚多士跟凍飲（$53)呢到招牌係番茄湯米線，所以就揀阻呢個試，佢地個麻辣番茄湯好濃郁，少少麻辣唔會好辣食唔到，但就愈食愈食下一啖，米線熟度岩岩好，唔會好淋，牛肉唔un,但可以再做得嫩滑d~牛乳炒蛋不過不失，但個牛油厚多士值得一讚，成塊多士都搽滿牛油，而且烘得勁香口，外脆內軟好好食😍🔻口水雞湯米線跟特飲（$58+$12)口水雞份量多，而且舊舊雞件都啖啖肉好大件，上面鋪阻d 脆卜卜好好食，個口水雞汁唔油同埋唔太辣，配埋個米線食岩岩好～另外叫阻杯華田脆脆，好飲過出面d 美祿恐龍，飲到最尾都唔會變淡😍原價買一杯飲都制～

今日係荃灣接朋友放工 佢介紹我去佢lunchtime 成日食既餐廳☺️👍 我地叫左好多野share 又真係幾平靚正 🤭直頭是打工仔首選呀🥇入到去我打不停打卡 裝橫好有心思 都是八九十年代既風格 好可愛😚😚野食方面 我叫左個大汗雞扒麻辣薯粉🍜作為麻辣忠粉既我對卡呢碗麵真好難抗拒😏🌶️ 啲薯粉份量好大！ 我一個女仔真有點兒食唔哂🤣 而且薯粉煙煙韌韌咁 咬口十足 ！☺️ 加上配料好豐富 有大量酸菜 花生 🥜 芽菜 等等 我覺得佢辣度啱啱好 唔會辣到係咁飲水 但同時好惹味！推薦😋至於個大汗雞扒個皮非常之脆口！ 二雞肉就非常嫩滑多汁👍 大大塊咁切開同朋友share都就啱啱好啦😎朋友則點了 秘製香蔥豉油汁飯 配了 瑞士雞髀 🍗同埋 雙蛋🍳 朋友表示呢度嘅瑞士雞髀非常之出名 是必叫之選😏😏 而我試左嚟食就明白點解係呢到既signature ☺️👍 首先個雞髀好大隻勁厚肉 瑞士汁好入味 應該係浸咗瑞士汁好耐🤭🤭 而且呢度嘅秘製蔥油好香 撈飯一流！我哋都叫咗娃娃菜 非常之大兜🤣🤣 加埋上湯好正喔呢到既招牌木碎花生多士 都食到舔舔脷！ 是甜點佳選 一呈上嚟果刻我地已叫到哇哇聲🤣 啲花生碎海量咁多😚 而且啲多士沾滿

🍅主打蕃茄冰室🍅鐘意食蕃茄嘅朋友就唔好錯過🍅佢嘅蕃茄菜式出名已經唔使再多講😋今次我試其他款式，睇下係咪都係咁出色，竟然又有意外驚喜👍🏻👍🏻💥💥*餐廳環境衛生*餐廳入邊好有七十八十年代懷舊風格！📽📺📻有很多舊時嘅招牌🎞，可以感受到唔係現時嘅新式冰室。好似去咗澳門嘅茶記感覺💈餐廳內都很乾淨‼️*食物貌相味道*今次我無叫蕃茄嘅食物，反而叫左胡椒豬肚雞🐤米線($58)同水煮牛肉🐮湯米線($58)胡椒豬肚雞🐤米線湯底夠唒胡椒味😋有足料嘅雞、豬肚同支竹！佢嘅食材餸全部都入唒味，超級好食‼️啲雞食極都仲有，飽到我行唔郁🤣🤣水煮牛肉🐮湯米線見到張相紅卜卜，啲口水即刻分泌出嚟🙈佢嘅湯底夠唒麻😋啲牛同雞一樣，有好多，十分足料‼️最緊要啲牙菜都入唒味，唔會有啲青草味😆*服務質素*餐廳員工都非常快手，一入餐廳就安排位置，喐安心出行，隨即落單！可稱得上<快靚正！🦾🦾😹

第一次嚟食，食物感覺有少少似樓上冰室，食物選擇多但有少少雜亂，例如有港式茶餐廳食物又有四川米線。環境：有啲舊香港特色，但比較迫，我一個人，坐四人枱，旁邊兩個係搭枱，中間塊膠板，成日撞到隔離隻手。禮貌：正常速度：快份量：正常味道：叫咗蕃茄燒通配炒蛋多士、奶茶茄通偏酸，炒蛋唔算滑，多士係蒜蓉醬，唔錯，奶茶普通水準