當下 (和富道) (已結業)

🍴香脆啤酒洋蔥圈 HK$68啤酒脆漿比一般脆漿更鬆脆，洋蔥亦夠爽脆，簡直爆脆。🍴是日餐湯、法包、沙律（跟餐） HK$48是日餐湯係番茄湯，口感濃稠，酸味突出，好開胃。🍴澳洲肉眼牛排 HK$188肉眼都幾大塊，表面夠焦香，五成熟啖啖肉夠晒腍，仲放左舊香草牛油向Café de Cxxxl經典鐵板致敬，但我覺得煎扒時加牛油會香d，好在塊扒夠熱，牛油算易溶。車打芝士焗薯好香，其他配菜都幾甜。🍴香草黃金燒春雞 HK$98平日一至五晚市有98蚊特別優惠，晚晚唔同，今晚星期四係原價168蚊嘅燒春雞，以為得半隻，點知係全隻，薯角份量仲多過平時散叫一份，抵到爆。春雞皮脆肉滑，充滿肉汁，薯角亦夠脆，飽到我唔想郁。🍴鮮奶咖啡 HK$42奶味較重，啡味唔算濃，估唔到連凍飲都咁有心機拉隻貓出黎。📍當下（和富道）北角和富道126號地舖

當下 Present @presentnorthpoint📍 北角和富道126號地舖.呢間cafe嘅餐廳名好有意思，當下Present提醒我哋要活在當下💛 而身為foodie嘅我就要食在當下🤣 內部裝修走vintage風，環境舒適，食物夠哂大份👍🏻.🥐 All Day Breakfast $78: 有牛角包、煙肉、香腸、黑松露炒蛋、茄汁焗豆、蕃茄、蘑菇😋 非常豐富，而且每樣都做得好食 👍🏼: 跟 Matcha Latte.🍔Fish Fillet Burger 深海魚柳芝士漢堡 $68: 原來早餐都有大大份burger食😆 炸魚外脆內嫩，麵包烘得香脆，加埋千島醬、生菜同蕃茄，成個組合好match😜 仲有麻醬沙律伴碟，感覺健康😚: 跟 Earl Grey Organic Tea

早前已經見過唔少人介紹佢哋嘅晚餐🥸不過原來佢哋早餐都好高質，好有驚喜💯🍔深海魚柳芝士漢堡冇諗過早餐可以食得咁豐富，除咗🐟漢堡包之外仲配有麻醬沙律🥗漢堡包嘅配料全部都好齊全，好喜歡佢嘅魚柳炸得酥脆但一啲都唔油膩😋而且炸醬好薄 ，入面嘅魚柳好香滑，包嘅兩邊都塗左牛油🧈，所以食物好香脆🥓煙肉水波蛋配法包呢個個賣相真係超靚😍不過要打卡就快喇📸因為如果耐咗嘅話個法包會變得韌 🤭煙肉好厚身，但同樣地都係冇平時食嘅油膩感😌配埋啲沙律同包食感覺亦好清新✨好鍾意佢個醬汁，同個水波蛋好夾😋食晒兩份真係大滿足🥰早餐仲會包嘢飲，咖啡同有機茶都好推介👍🏻呢間餐廳我絕對會回頭❗️

$98 迷你叉燒飯 適合食量小的人仕性價比之選 總共有四塊叉燒加隻 蛋 氣氛唔錯 我下次一定有機會再黎叉燒好香 四份絕對足夠 建議各位女仕可一試保證回味無窮 營養之選 我本人熱列推薦認真 未試過無幾好既叉燒飯有四份咁多 好過 大家樂大快活 迷你下午茶性價比見人見智 有四舊叉燒 依個係事實我個人未必會再去 四舊叉燒唔夠我食 可能雖然環境氣氛唔錯 但我覺得$98 四舊叉燒唔足夠 食完唔飽 不過唔知其他人可能會夠除左食氣氛之外 我諗未必適合我圖為真實 真係得四塊 大家可以一試 當然 唔排除係我樣衰 所以由 十塊變四塊 我就不得而知了

朋友同我食生日飯，介紹依間餐廳因為坐得舒服，食物又高質！我好想食牛扒，我柯打咗澳洲肉眼牛扒，朋友點了脆皮德國豬手！我地加咗一份沙律同餐湯，二人一齊分享。沙律配上意大利陳醋，好清新口感爽口，好好清新口腔為之牛扒做準備！餐湯：粟米濃湯將粟米打到很幼濃，配上香脆麵包，很滿足！7成熟澳洲肉眼牛扒：生熟程度煎得剛好，牛扒帶焦香，切開見到粉嫰色有肉汁，肉味香濃，仲有好不平凡又美味嘅配菜，半整棵燒蒜頭，露筍，茄子，蕃茄仔，仲有芝士焗薯，色香味俱全豐富嘅配菜可平衡食牛扒口感與味道呢！脆皮德國豬手：份量超大，焗得皮香脆肉嫰，塊皮脆到好似食緊薯片，肉帶咸香，有茄汁，燒烤汁及蜜糖芥末汁任我點絕對係值得encore 嘅餐廳

工作完畢後尋找美食放鬆下黎左present享受秋日午餐❤️一入餐廳已經有賓至如歸既感覺😍 有個比較長輩的店員服務超親民👍安排左單邊位比我 又會推介食品 勁好禮貌 隔離枱食客跌左叉之後個店員又反應好快 拎返比顧客👍👍👍主菜上枱後時女店員講左句「慢慢享用」make me surprised 😍 飲完杯Earl Grey Tea又會加水比我 真係好好👍👍成個午餐係食得好開心❤️選擇困難症既我 店只推介左New chef recommendation Lunch Set 既西式叉燒飯😋😋A barbecue pluma iberico pork + half cook egg with rice.半肥瘦叉燒不膩口 蜜汁入味剛剛好😋水煮蛋時間岩岩好 一篤開啲蛋汁自然流瀉😋 主菜配左個沙律同餐湯 個湯酸左啲啲🙈總括黎講係好味既 下次會再黎試其他美食😃😃

北角當下餐廳都幾有名氣，店內燈光幾柔和，環境簡約舒適，行英國風的酒吧，座位唔算多，得兩個店員，不過幾有禮貌同埋主動serve客人👍🏻－－－－－－Dinner Set for two $498套餐跟兩份沙律、餐湯、小食(芝士春卷或雞翼)、飲品同雪糕，田園沙律味道正常，有沙律菜、紫洋蔥、番茄仔等，醬汁偏酸，不過幾開胃🙈是日餐湯係南瓜甘筍湯，色澤幾好，不過飲落唔重南瓜味，質感唔會太濃稠小食叫左雞翼，一客4隻單邊雞翼，調味唔錯黑松露野菌手打闊條麵 8.5/10個汁好creamy好重黑松露味🤤配料份量都幾多，啖啖都有野菌，闊條麵好煙韌好有彈性，煮得剛好澳國肉眼牛扒 $188 8/10牛扒叫左5成熟，口感軟腍，好易切開，加埋牛扒汁一齊食幾正😋另外仲有燒過既配菜同埋焗薯，都幾有誠意既一道菜芝士汁海鮮焗德國農夫包 $168 9/10強烈推介！農夫包真係好吸引🥰芝士多到漏出黎，焗得好脆，即使放左好耐依家保持到口感，海鮮方面有蝦同青口，薯條亦炸得好脆好香，不過如果淨係兩個人食會飽到升仙，建議多人食用最後仲有雪糕，有抹茶同荔枝口味，上面仲加左朱古力醬

餐廳在北角街市附近，地鐵A1出後沿渣華道，穿過糖水街就到喔，位置尚算方便😊 裝修都幾靚，樓底很高，最重要是💛💛💛餐牌很清晰。晚市套餐都幾豐富，前菜餐湯野飲都齊仲有每日特價餐牌，價錢經濟實惠！叫左一個澳洲肉眼牛扒，大大件，肉質鮮嫩多汁，有點咬口😋 好好食😋 配菜都很用心，薯角都炸得香脆星期一特價的黑松露手打闊條麵，非常有驚喜！黑松露味非常突出，配了點忌廉芝士，好好食 😋 如果份量再多啲就好啦會想再來💛

之前係九龍城都留意到當下呢間餐廳 今日就試左北角分店🤓 餐廳裝修都幾有格調架 岩哂同朋友食飯🥰佢地既dinner set都幾吸引 2個人包哂餐湯 沙律 2個主菜 1個小食 飲品甜品都係$498‼️ 不過 佢地每日都有1款主菜特價$98就更加吸引到我哋🤤 我地食既係脆皮德國豬手 本身已經配埋薯角 上菜真係嚇左一大跳 豬手超級大隻 好厚肉😍 外皮香脆 肉質夠味唔會太鹹 不過起肉方面真係切到手都軟😂😂 薯角份量好足 好脆👍🏻另外 我哋散叫左一個主菜 炭烤頂級西班牙黑毛豬 留意後面散叫同前一頁特價既黑毛豬係唔一樣架😜 同樣呢個都跟左薯角同薯菜 黑毛豬正常係8成熟 熟到岩岩好 表面用滾油高温煎好鎖住肉汁 邊位帶少少肥 肉味更濃更加香😋主菜加$88仲有金巴利汁香煎鵝肝 鵝肝好厚身好大塊 2面煎到金黃色 一口咬落去油份出哂泥 連埋香脆既多士食好正🤩最後我地仲叫左杯凍特濃朱古力 原因其實係因為貪得意有3D拉花😆🌟

今天去完晨運，朋友提議去此店吃個豐富的早餐。餐廳環境舒適。早餐選擇多，價錢合理。侍應有禮，服務有效律。全日早餐好豐富有營，為你繁忙的一天加油。有煙肉，香腸，黑松露炒雞蛋，茄汁焗豆，薯餅，蕃茄，磨菇及牛角包。個餐送到來見到已很滿足，味道也很好。腸仔香草黑椒味，不咸不肥。牛角飽香酥，非一般連銷店貨色。茄汁豆好味。焦糖咖啡香濃滑口，有水準。朋友好欣賞佢個澳洲和牛漢堡。和牛煎得恰到好處，好味有肉汁，不油膩。伴碟的沙律菜新鮮。熱奶茶有茶味。此店因為價廉物味，有很多顧客。早餐免費添飲。如你想試下，建議你預先訂位。見到有很多人外賣飲品，原來全日餐飲外帶自取85折。

近日經橫行去北角匯時，留意到一間歐美酒館，竟然都有早餐售賣。⠀⠀前天早上，茶包終於一嚐小酒館的All Day Breakfast，配上新鮮即磨的咖啡。⠀⠀=ll All Day Breakfast HK$78 ll=All Day Breakfast不外乎都是薯餅﹑松露炒蛋﹑大蕃茄﹑牛角包…….而食物質素都是一般般。但當下的All Day Breakfast 叫人有意外驚喜！松露炒蛋蛋香嫩滑，而且蛋味濃郁，配上松露的香氣，令人不禁一口接一口清光了炒蛋。（牛角包配上松露炒蛋也很好吃喔）⠀⠀當下的腸仔是用上金妹牌的雞肉腸，雖然肉質有一點鬆散，但是香草的調味，茶包覺得滿特別的。⠀⠀其他早餐雖然種類不多，但麵餐的配搭全都是很不錯的選擇，例如雞蛋有日本無菌雞蛋﹑SPAM 餐肉﹑黑毛豬扒﹑和牛漢堡…… 可能選擇配辛辣麵﹑日版出前一丁﹑讚歧烏冬﹑台灣新竹米粉……..⠀⠀不論環境或是食物質素都叫人有滿足感的餐廳。如在北角想享受一個悠閒的早餐，值得一到和富道Present。 #HK茶包日記 #茶包泡港島 #hkfoodie #852girl #discoverhongkong #foodie #訪店日記

去完北角匯打卡，我同朋友喺附近揾咗呢間小店食個靚飯😝 呢間舖頭裝修好靚好復古，嘢食味道都唔錯！燒春雞呢度嘅weekdays有唔同嘅特價飯，今日星期四可以用$98食到原價$168嘅燒春雞，好抵😝 價錢平咗，但嘢食一樣咁正同咁大份，燒春雞好嫩滑，文毋雞胸位都好滑，燒到好香😆 仲配埋煮到好軟腍嘅薯仔同番茄仔🥰安格斯牛肉眼扒呢肉眼扒係$238，我哋叫咗五成熟真係好腍，一啲唔會韌，好正！牛扒仲好香🥰 佢配有脆薯角、燒茄子等配菜，落足心機💕雪糕特飲 朱古力加曲奇雪糕，邪惡又好飲😝

活在當下，認真去活每一分秒❤️今晚來到和富道嘅當下 present 享受咗一頓豐富嘅晚餐。🍽️美國汁燒豬肋骨$168 豬肋骨燒得夠香，卻唔會overcooked ，火喉剛剛好，肋骨仲保留肉汁。調味適中，唔會過鹹，酸酸甜甜好滋味。餐湯，法包及沙律只需加$48，今晚嘅是日餐湯係粟米湯，入口 creamy，囡囡自己一個人ko曬。 跟餐沙律都幾大份，沙律菜新鮮。咖啡或茶就加$18 🍽️金巴利汁香煎鵝肝$88鵝肝好肥美，入口油脂豐富，味道甘香。 🍽️西班牙香辣蒜片蝦$128 蒜片蝦肉質爽彈，辣辣地好惹味。

去到餐廳環境非常好，而且衛生程度都高。^_^ 野食好快就送到，同埋服務員好細心，服務周到！是一間食物同環境都十分好的餐廳。當晚叫了set dinner, 十分飽肚好好味～

朝早係北角交收完後，順便係附近搵左個間人小小既餐廳嘆個早餐啦～可能今日係平日同餐廳係內間關係，朝早黎食早餐唔多，而且店內設計古典優閒，播放住輕鬆音樂，可以比人放鬆既環境靜靜地嘆個靚早餐All day breakfast $78有靚環境當然要叫番過all day breakfast 嘆嘆佢～入邊有香脆薯餅，多汁烤過既蕃茄，入口香滑既松露炒蛋，磨菇，茄汁豆同熱辣辣牛角包🥐🤤配埋杯凍啡😌👌早上時段仲有免費添飲飲品，大家可以飲住野，聽住音樂，玩住手機，睇住報紙咁嘆番個屬於自己style既早晨時段，都咪話唔happy啊～