發記廚房

营业中

休息中

已經唔係第一次喺呢間野啲食物度發現有曱甴，今次真係好離譜，看圖說故事吧，請大家三思後先決定食呢間垃X。。。真係想嘔！佢仲送番份新既上嚟，話咁大隻冇可能見唔到…貼錢買難受

只係白烚咗啲意粉再加少少茄汁上去，賣$51從來未食過啲咁難食嘅嘢，話明呢個係火腿會意粉，燴嘅定義請問餐廳知道嗎？呢個咁樣嘅意粉收人$51，香港咩人都開得餐廳啦，絕對冇失業率真係睇到都唔開胃

雖然間餐廳係公司附近，但我好少食。今日落雨又懶，所以就叫外賣。嗌左個焗咖喱牛腩飯，個咖喱唔錯，竟然有落芝士！但個牛腩就好一般啦。以前叫外賣打親電話去個呀姐都勁差態度，成日講完電話佢就直接cut線。今次竟然係第2個呀姐，應該新請，佢對個menu好似唔太熟。

今朝早餐 沙嗲牛肉麵外賣返屋企 ，食到一半見到有成隻完整曱甴係碗麵入邊🤦🏻‍♀️，份早餐的其他食物同杯飲品都即刻唔敢再食，呢間野如非必要都唔會再幫襯，第一次食就送我咁大既驚喜🤮

呢度不嬲都係做街坊生意，住左咁多年都食左好長時間。其實我覺得發記啲早餐係OK嘅個人覺得還好，不過我啲fd就麻麻地。焗咖哩牛腩飯雖然賣相就。。。但係我覺得味道還可以，最最唔掂嘅其實係佢夜晚，佢間野早餐都算多人，午餐我諗都還好，但係一到下就開始直至夜晚，哇啲人流，佢以前都好多人，但係而家佢啲嘢食我真係覺得麻麻地麻麻地，有時啲野好鹹有時又咩味都冇，我心諗你唔係見我叫外賣唔會喺餐廳嘈你你就咁樣hea我下話? 都算我最頂唔順嘅係佢餐廳嗰外賣電話成日都十次有九次都打唔到好心部電話唔得就換啦好冇啊

今天早上到了健康街路口的發記廚房，點了A餐:1.通粉彈牙爽口且湯底不太淡又不太濃。2. 熱咖啡十分香濃，喝了兩杯。這裡有我喜歡的熱咖啡，用「黑白淡奶」沖的。咖啡真有香濃的咖啡味，喝完一杯又一杯呀！

日都會來這間餐廳食二人餐都幾抵食，但沒想到而家加價多了不少，要一百五十元二人套餐，但都諗住太耐沒來就照叫套餐再外賣回家吃，等了約十分鐘左右就可以拿回家吃，今次叫了咸魚豆腐雞粒煲，食晒成個都沒有咸魚味有失望，豆腐都幾滑身而又唔硬幾好食，雞肉份量都可接受但味道好淡。另一個餸是一字骨，醬汁好濃又太酸，一字骨份量都多口感有點硬但都可接受，入面配菜菠蘿都不少，例湯今次有失望而又味道淡冇咩味又油，和平時好飲又足料的大不同，因為是二人餐所以都有白飯二個，飯比較硬但份量都應該有一碗半的白飯。送有二杯飲品凍檸檬茶味道不錯，檸檬夠酸茶味都夠，熱奶茶茶太濃唔夠香只可以講普通唔差。

今日人日， 由於返工喺大窩口關係， 食飯的地方唔多， 又懶得行，所以去我哋平時食的飯堂，發記 食午餐😋魚香茄子炆米 賣相唔錯， 第一口已經好咸， 但係越食越鹹😵 好足料， 鹹魚粒好多🤤椒鹽豬扒即 炒小菜， 份量多到嚇死人， 但係豬排比較偏乾 ，好咸唔夠嘢味🤢最好笑杯凍檸茶， 比平時的檸茶唔同口味， 覺得好好飲 ，原來佢冇落檸檬， 真係笑死人🤣🤣🤣總括嚟講，今日最好味的就是凍檸茶， 不過， 佢其他嘢都好好食嘅， 例如常餐 ，多款式配搭， 仲有辛辣麵揀㖭。

住附近所以成日叫外賣外賣快嘅15分鐘，慢嘅試過差唔多成個鐘先送上嚟基本上啲水準好飄忽有陣時好好味，有陣時真係麻麻但係啲員工態度幾好最鍾意食欖菜四季豆炒肉碎真系好好味但係依家啲份量越來越少價錢就越嚟越貴真係覺得越嚟越唔抵食

因工作所需，間唔中都會去葵涌做野，《發記廚房》都變成我去該區既主要飯堂。唔算特別平，唔算特別好食，服務亦唔算特別好但吸引之處在於早，午，或下午茶都比較多選擇今日order左一個黑椒汁吉豬蛋包飯。吉豬感覺就係 <cafe all people happy>既質素，不過大塊D，炒蛋幾滑，整體份量好足，一個大男人食都夠飽而且好多汁，唔會食到最後就乾爭爭黑椒汁夠味飲品係凍奶茶，都唔差既，基本既奶同茶味都感受到。下午茶時段，埋單$55蚊，平貴見人見智吧

第一次去葵涌區送貨，好肚餓是但搵間企理的餐廳食，估唔到食野幫襯做客仔都要受氣！服務奇差果件收銀阿嬸，個樣已經惡形惡相，一走埋泥就粗聲粗氣問我食咩呀！好似我害左佢成家咁我淨係想叫野食啫，你唔使對住我黑面呀？？？？我幾時得罪左你，要受你氣呀？宜家我係客呀…你份人工我地有份，你這是什麼服務態度？？？點解老闆會請咁既人去趕客？？？？？？我好聲好氣同佢講野，但佢冇野呀，冇啦啦發我？！？！睇佢都唔係老闆啦，態度咁差仲放佢去收錢，簡直趕客…！野食又普通，仲要又貴又受氣，我都未試過咁嬲！！！

之前懷孕期間冇乜胃口、唔知食乜好，但一定要要食嘢，打電話落嚟叫外賣，因為我冇外賣只嘅關係，所以我打電話落嚟問佢有咩食，當然我呢啲麻煩嘅人依依哦哦最後都唔知食乜，但係聽電話嘅服務生居然好溫柔咁話：唔緊要餐牌冇都得，你諗到你想食乜嘢都可以，我盡量叫廚房煮俾你食，唔食嘢對身體唔好架⋯⋯最後我真係叫咗一個餐牌上面冇嘅東西，佢真係煮比我食，我覺得好感動，就好似叫屋企人煮飯俾我食咁！我從來冇試過咁樣叫外賣囉，我自己都覺得自己麻煩，但佢好溫柔咁對我。

其實食免牛蛋飯，個精要就係隻多一定要打係免牛既中間，形成好似個火山甘樣。雖然呢度做吾到火山形狀，但免牛既質數都合格。新鮮牛肉碎，加上醬汁煮成，味道雖然不算非常特出，但有免牛應有既香味，再打爛隻雞蛋一齊食，才發揮免牛蛋飯既真正威力。

食午餐最講求係快，有睇過喜劇之皇王既大家都明，一坐低就會比侍應問，午餐食乜野叫乜邊個餐，我就快快叫午餐了。魚香茄子飯，首先聞不到好香既魚香茄子味，茄子煮得夠哂林熟，入哂味道，但鹹魚味吾多覺有，有少少咸的豉油味道而已，整體尚可以。

先不講食物質素,坐下來後伙記遞上一杯加料“有蚊滋”的清茶,我當然要求換掉;跟著叫早餐D熱呵叻,她居然加咗凍飲價錢,我馬上要求她更正,她表現不悅態度,我來食早餐點解要受這樣對待。講到食物質素,我叫是沙嗲牛麵,味道每間食店都差不多,但是麵係生的未煮熟,另外塊餐肉似昨天買不去今天食客人食不新鮮,熱呵叻都無攪拌D粉沈哂落底,更難受隻杯好似用咗好耐無洗乾淨…唉!兩年前食過都發現有問題,估不到今次再幫襯感覺上比兩年前經歷更差……