發記甜品 (已結業)

呢間發記服務態度同野食都冇其他分店咁好,首先個waitress好冇禮貌,丟個menu俾我地,然後我地叫左豆腐花芝麻糊同栗子糊加湯丸.栗子糊加湯丸一般.豆腐花芝麻糊簡直係垃圾,豆腐花係凍既,而且芝麻糊好似水咁,我肯定即沖既"多多"都好過佢.要食最好唔好黎呢間!

芒果糯米卷，材料新鮮，芒果是成孰了一段時間的，沒有酸味，又甜又多汁，和灑上椰子絲的軟軟糯米卷好相配。

姑姐到訪的那天,午餐在喜百合,餐後散步行街街一陣便到發記吃甜品.姑姐點了榴槤飄香,媽媽點了楊枝金露,蝦子餅點了芒果西米露,阿四點了鮮果涼粉,而我因太飽,只叫了一杯木瓜鮮奶.姑姐很欣賞她的榴槤飄香,足料味濃,她說吃完好幾小時口腔也有榴槤味!楊枝金露媽媽也說很不錯,西柚肉同芒果肉好多,好足秤!芒果西米露的蝦子餅話從未食過一間點品店用這麼多芒果肉而芒果又好甜美.點鮮果涼粉的亞四也說他的鮮果很熱鬧,食極都重有!我點的木瓜鮮奶也很濃郁,濃杰度適中,不錯吧!總結我們認為發記的甜品比滿記好,價錢相若(可能滿記還貴一點點),但足料度相差大遠了~

去襯發記都係食榴槤飄香，今次亦唔例外。但MagaBox分店不論是食物及員工都比唔上深井和旺角舖。榴槤無攪起，同拿住個榴槤食無分別，幸好係榴槤季節，所以十分足料。員工方面，d妹妹看來18歲都唔夠，全程呆站在我老竇後面，食都食得唔安樂。

食完mos burger 行陣大眾, 二人都覺有少少肚餓, 就黎試下糖水, 老公叫芝麻湯丸(兩粒)加芝麻糊, $21, 我就叫薑汁蓮子清心丸, $25, 糖水偏細, 價錢又唔係平, 首先比起滿記已經唔抵食! 我碗糖水都夠薑味, 蓮子鬆化度合格, 清心丸都煙韌, 但三者併埋就唔係好夾, 我講唔出點解, 可能我唔識食啦! 講到服務, 女仔可能係暑期工, 真係唔太醒目, 我見住佢地送錯哂糖水!

食完飯想食甜品，所以來發記，好多人，所以只能夠買外賣，買左碗栗子露，好稀，好甜，唔好食．

Ordered a baked banana in filo pastry.Served as shown on the picture.I think if there was more pastry it would taste nicer. Next I will try the durian one, as banana is a little bit too sweet for me.

早於3星期前, 食完dinner, 諗住食甜品, 因為我有一張coupon, 係送"芒果糯米卷($32)". 點知個waitress話送完, 轉送紅豆糕or椰汁糕(around $9-$12). 好冇誠意lor.........最後冇用張couponorder左榴槤甜品(唔記得個名)... 隻碗就大喇, d料大約得一半. 係客都覺得你搵笨喇... 質感好稀我比較喜歡"聰嫂"的榴槤甜品的口感&香味

芒果糯米卷(送既)好新鮮，用薄薄既糯米皮包住芒果肉，好味。楊枝甘露有好多芒果肉，但就好似比較稀冇乜西柚同西米咁，同埋啲芒果好似有少少爛味。

去魯一居食飯, 又食到一肚氣.同旗旗去食甜品順返條氣, 我地去左發記, 叫左個芒果西米露, 湯丸栗子蓉, 仲有個芒果pancake, 芒果西米露都幾好味, 芒果夠甜, 栗子蓉就麻麻地,冇乜味, 而且食完好口渴. 糖水都幾細碗,湯丸得二粒,成二十四蚊一碗都幾貴.想睇相片可到my blog:http://hk.myblog.yahoo.com/qoogirl00/

其實我係星期6去食嫁喇,不過宜家先知有得寫食評.果日好多人等位,嗌飛果位ar姐話等大約4個字咁都算la,坐落嗌野食,呢樣無果樣無,真係嗌果樣無果樣,火都黎埋!最後叫左個楊枝金露,好大碗,我指個碗,係好大個,不過d料得一半,而且無西米同勁少西柚~唔值$25.坐左差唔多3個字先有得食,估唔到食一碗糖水加加埋埋要等足7個字.員工態度唔錯.但明顯唔夠人手.見到個高高地肥肥地ge女仔剩係嗌飛同不停叫'餐牌'.. "汁木台"..其他o靚妹就做到死,好趕咁,最好笑係我見格離木台落單,第一個後生女行埋去講等等就即刻行開左,嗌第二個都係話等等,原來要等個比較矮ge女仔落原格離木台d單先過黎落,估唔到咁大間舖得一個人識落單.好心個老闆就請多d人啦,俾我ge感覺係人手極唔夠!3個人ge工夫得一個去做.效率慢!

24/6 星期日咁岩得閒約個朋友去行下mega box, 話晒都係新開既商場, 一入商場已有人派宣傳單張, 見到有發記即刻去食番碗芒果西米露, 因為芒果好多加埋芒果汁同西米就好正。門口等左陣, 因為冇人理, 見到有個女侍應到鬧自己同事, 快去執野啦企到做乜, 甜品得啦, 快比客啦, 終於有個女侍應見到我, 我話佢知唔該兩位, 佢比我既反應係等等,(唔知係咪要自己位, 唔駛佢帶位既呢,但其他分店係要帶位家喎), 之後佢竟然問另一女侍應, 另一女侍應就幫我地執帶位, 但佢個面口係黑晒一笑容都冇, 呢個女侍應就係鬧自己同事果個, 唔知佢係咪屬於高級既管理層, 不過呢到做侍應既全部都係女仔, 同埋係後生女, 可能係暑期工都唔奇, 但佢地真係一經驗都冇, 我地叫左兩個芒果西米露, 送黎既時候, 有一碗放落時係半碗倒晒, 之後大家都靜點左一陣, 我叫佢幫我抹番張, 佢先話幫我換過碗, 抹完後, 佢竟然話隻倒左半碗既芒果西米露陣間先走, 佢繼續送埋其他甜品比客, 等左兩分鐘, 佢番個新既芒果西米露黎比我, 之後先清理頭先佢打翻了既碗, 我覺得佢地既服務質數唔係太得, 基本既侍應生應有既態度同操手都唔

放咗工八點幾忍唔住走咗去megabox 食返碗"楊枝甘露", d 芒果好甜~~~!!! 可惜唔可以望住溜冰場食, d 人打ice hocky 好似好刺激咁~~ 不過唔駛係cwb 企係街等位, 我都滿足ga la!!!