發記腸粉粥品

营业中

休息中

對於九龍友或港島友來說元朗出名的美食不乎老婆餅、壽司、泰國菜和甜品，作為元朗友的我第一間會介紹給你的則反而是這家地道粥品小店，今天又在這裡留下幾根腳毛。粥和腸粉的款式可謂應有盡有，任君選擇。這次點了靚靚豬膶粥和粉腸粥，另外加上煎蘿蔔糕和每次必點的香菇雞絲腸。豬膶新鮮、嫩，鬆化，黃油已融入粥底，這正正是生滾粥的美味所在！而粉腸粥粥底則較清，以蔥段調味，粉腸新鮮，並已清洗得很乾淨，無苦味，吃起來爽口彈牙！每次必點的香菇雞絲腸保持一貫水準，個人喜歡加入大量芝麻醬，配合起來更惹味，味道更突出。蘿蔔糕反而是第一次點，煎得夠香，粉少，內有蘿蔔絲，合格但沒甚麼驚喜，亦不妨一試。這裡的雞粥更加是一絕，最值得一試，但這次因已吃不下，唯有留待下一次再吃吧。

中學時代已經食緊發記，果時同好姊妹叫一個粥一碟腸粉一個炒米share食，諗返都覺得好青春呀！星期六突然興起拉左男朋友去食，有時經過男朋友都話好想試呢度個即製腸粉，但平時真係多人到排哂長龍，通常都無咩耐性等架啦點知今次去到諗住試下多唔多人，竟然外面開埋位唔知係咪因為星期六呢？叫了蝦腸，豬潤腸，碎牛粥同雞雜炒河，食左一舊先記得要影低個蝦腸，即製腸粉好似真係特別滑咁，Ｄ蝦又大大隻又爽口～正！男朋友特別request要食豬潤腸粉，舍豬潤好似兼沙豬潤咁，唔硬又唔乾～同埋整得唔腥，有時出街食飯會食到Ｄ有腥味，唔知係咪因為亢處理得唔好呢？不過呢度係整得特別好～～～本身諗住叫普通炒河食，但姐姐推介有雞雜炒河咁梗係食呢個啦！有雞腎雞腸同雞潤，勁足料！！！岩哂我呢Ｄ內臟愛好者！最後要左個碎牛粥share~Ｄ碎牛記得搞返勻食～因為真係太多唔搞勻會未熟哂～一路食都係啖啖肉～真係Keep到水準！抵佢日日都咁多人排隊～

由幼稚園食到出黎做野，粥舖一直係元朗屹立不倒，仲有愈黎愈旺嘅趨勢。星期六晚去到，排左半小時有多先入到去，店面唔大亦比較擁擠，但最緊要係好味道個人最愛呢度嘅豬膶，又爽又滑，唔會乾同食到成口粉，加上大大塊又厚，口感一流！滑牛比起豬膶就唔算太出色，冇咩牛味但勝在夠滑，而且大大片好滿足新鮮蠔仔粥冇呃人，蠔仔大大隻漲卜卜，粥底都食到蠔仔嘅鮮味而家嘅炸兩興整到炸麵脆卜卜，但細細個食個種炸兩嘅炸麵其實係偏軟，呢度就正正係細個嘅味道！腸粉好滑，加埋炸麵食又多左個口感，而且豉油唔咸，浸耐少少都唔怕太咸。食左咁多年，水準依然保持，味道好、份量多、價錢抵，一定會繼續去食

 元朗搵宵夜，有朋友話依間好味，就試下，不過我係元朗公園個邊，原來行到元朗站。。。好遠睇落餐牌都好多粥揀丫，價錢合理偏低。嗌左個及弟粥，又比我想像大碗啵原本叫佢多蔥，佢落左莞茜加兩蚊係咪冇得加蔥😰不過是但啦。。。粥底都ok，唔差，但及弟冇肉丸😱😱😱,d料唔大件，個豬腸堅失望，未食過咁鬼靭，又細件又靭，真係趙左好鬼耐好失望。。。炸兩都唔脆個腸粉好唔得。。。唔會安哥。。no good又一次俾朋友fake了

返大陸工作了一整天過完關已經9點家附近又無啖好食决定去元朗搵食天氣凍凍地就去食粥擔心粥店咁夜會關門所以打去問開到幾點點知係開24小時的等候時間大概15分鐘叫左滑牛粥＋鮮蝦腸粉粥底好棉 順喉 又唔會太水牛肉多 有肉味但有用鬆肉粉食完無口渴好滿足鮮蝦腸粉 一共三大條啲蝦大粒爽口 但無蝦味腸粉好食 厚薄剛好有咬口 加埋甜豉油食 正推薦

凍凍凍凍凍呢d天氣主不開食熱熱熱熱熱既仲要高熱熱熱熱熱量既先得粥加油炸鬼是不二之選一離開張床就諗住去食粥豬潤生滾粥是本人至愛先講講碗粥先，碗粥用了大量粉漿做，所以好似漿糊咁。豬潤剛熟，夠爽，不會多血水留在豬潤上。豬潤好味，而且份量也不少，約有7-8片。油炸鬼碎上，其實是牛脷酥合油炸鬼沒加糖合併的口感。有點怪，但味道不差的。未算太多多餘的油在表面粥28蚊，油炸鬼9蚊

早餐總想起粥同腸粉一碗生滾粥-牛肉@26蚊齋腸粉@11蚊37蚊既粥早餐，貴又唔算貴，平又唔算平。味道......牛肉是紅色的，不是血紅，而是急凍的，煮熟仍是紅色的，帶一點酸味（應該係用醋整過），由於是急凍牛，是全熟帶酸帶根的。粥不太多粉漿，這個還好的。腸粉是手拉的，帶彈性，油多。坐位是大排檔類，沒有裝修的環境總結：37蚊是貴的

係元朗掃街行到呢間鋪頭，心諗咁多人🤔🤔，睇下open rice都幾多好評，就試下啦😁條隊長到打蛇餅咁，起碼一要半個鐘，所以外賣啦😌，叫左個鮮蝦腸，等左5mins就有啦，拿拿聲係門口即刻開黎食，女朋友倒豉油，成手都係🙈冇倒左落地😂一食落口，好滑，好好味，腸粉有啲厚但好滑，啲蝦好彈，有少少蝦味，當然19蚊梗係唔會好似海蝦咁😂加埋啲豉油好好味😋😋唔知係咪落左豬油😂平民食品平民的價錢，味道幾好，值得一試👍🏻

同朋友在元朗行完山，加上天氣開始凍，專成去食粥，呢間粥店晚上好多人，好彩早去，等10分鐘左右就有位了。先講油炸鬼及牛脷酥，香脆，如果熱上仲好食。肉片炒米，火口夠，米粉無炒到碎濕濕，好味。豉油皇炒麵，加上芽菜椰菜，口感清爽之餘，麵底好夠味。蝦米腸，好多蝦米，粉槳唔厚又滑，真係小時候食的味道。由於前菜已經好好味,掛住食，忘記影主角-粥，我自己食滑牛粥，好多牛肉片，粥幾好食，無味精，如果結身d 更好。成餐飯，4個人只夾$47左右，真係好抵食。

天寒地凍, 起身就想食d熱野暖暖身, 自然就諗起食粥。元朗粥店有幾間, 不過最鐘意去又新街人龍店“發記”。 無論咩時間去都好多人食, 成日都要等位, 不過去食好野, 等下都無所謂。嫌坐室內侷促, 可以選擇坐室外, 天氣涼, 食粥食到成身熱晒, 陣陣自然涼風吹埋黎仲爽。要左煲滑牛粥($25)同一煲碎牛粥($24)。 用瓦煲上, 熱到滾起泡泡, 都好大碗, 細食既可以2個人一煲。 碎牛肉醃過咸咸地, 而片狀既滑牛都有醃過, 口感滑溜, 份量好多, 兩煲都好足料。 而粥底, 粒粒米都爆成米花, 質感好軟綿, 唔會稀到得粥水, 但係又唔會稠到成碗飯咁, 岩岩好, 食完一煲勁飽肚, 好滿足。食粥就梗係要配油炸鬼($8), 雖然發記既油炸鬼係來貨, 但係都幾鬆脆, 預先切好一粒粒, 唔駛動手撕開, 浸落粥度索下粥水腍腍軟軟咁更加好食。另外仲叫左碟蘿蔔糕($17), 一碟有3舊, 每舊都大件夾厚身, 煎到邊位燶燶到, 都幾香口, 蘿蔔糕唔多粉, 又唔鬆散, 食到好多蘿蔔蓉, 仲加左唔少臘肉, 好足料, 都幾好食, 好多檯都有叫蘿蔔糕。 

天氣一凍就想食煲仔飯同生滾粥，發記是我們冬天到元朗都一定會食。鐵膽豬潤碎牛粥（HK$24），粥底夠綿，豬潤大大塊兼厚身，足料又爽口，食過咁多次都不會粉和鞋口！推薦！蠔仔碎牛粥（HK$33），好多蠔仔而且粒粒飽滿沒腥味乾炒肉片河（HK$26），撈埋粥一齊食還好，但單食有點太咸叉燒腸粉（HK$16），腸粉夠滑，但叉燒切得太碎不太喜歡埋單HK$99，冬天暖胃和宵夜之選，好飽…….

元朗眾多粥品店裡，發記似乎最到好評！本來抱著十拿九穩的來到食午餐，食物的水準竟然差天共地！先說這裡的炸物如油條、牛利酥，上桌時不但凍，而且咬下去似一舊厚粉，沒有丁點味道，就算沾了粥後仍然是入不了口！而眼前的艇仔粥，亦是我食過最淡味，不管我落了多少鹽、胡椒粉和醬油，它依然是淡而無味。不過友人叫的牛肉粥及雞粥卻較為正常濃味！所以...還是找不到回頭的理由！之前見炸兩賣相不錯佈滿蔥花，但可惜原來腸粉偏厚、油條軟身無o趙頭，味道遠遠不及賣相

想食粥都會揀發記， 因為佢d粥吾會好水， 煮得岩岩好！ 食落都好棉🍲 早排食得熱氣野多， 食返清d清清腸胃 招牌豬潤雞粥，豬潤爽口（係其他地方都食過豬潤但吾爽口、又乾同'淋'） 大家都知豬潤緊係要爽口先好食嫁嘛，所以黎親都必食 雞今次反而一般，雞胸居多（'鞋'口）希望下次再食可以平均d就好， 起碼都有幾舊可以食下 新鮮蠔仔粥， 蠔仔算鮮甜， 粥又棉，好味👌🏻之前食過炒米，覺得一般， 今次就試下炒麵, 炒麵比炒米惹味！

剛剛有工事入元朗，行經呢間粥店，見有幾多食客，於是叫了牛肉豬紅粥、虾腸和虾米腸，粥好大碗，足料，可惜牛肉冇乜牛肉味，粥似乎落了很多味精，食後覺得好口喝。虾腸好食，虾米腸更好食，好多虾米和葱。下午三點幾仲見好多食客，亦有人排隊落单買外賣。

食完粥之後胃都好舒服，所以晚上夜一d要食飯嘅話選擇呢間餐廳係好唔錯。每次點粥同蝦腸，蝦腸都好正好食。晚上要排隊一陣時間，有位後喺裡面坐下嚟之後點好嘅菜就好快出來。以後都好想試一下好多種嘅菜。