發記腸粉粥品

营业中

休息中

近年聽到出去食粥，認真覺得麻麻，一黎味精多，二黎唔好食!但朋友話好鍾意食就試一試啦！我地叫左個豬潤粥同炸兩腸，粥底綿滑，豬潤creamy,生熟程度啱啱好，味道又適中，用瓦罉裝加分!相反炸兩腸差左少少，油炸鬼唔夠脆，但腸粉幾爽滑，不過太多豉油，喊左d不過食得出個豉油幾香!仲有一樣要改善嘅係我地本身打算叫鯇魚腩粥，但個阿姐話冇，所以先改做豬潤粥，但後尾見隔離位叫，又有喎!

成日見到間粥店好多人係門口排對，但到底點解食粥要排隊呢？食完覺得佢價錢貼地，唔會負擔唔起。而用料新鮮，豬潤同牛肉都非精粉嫩，粥底亦不會太浠。個人喜歡腸粉皮厚得黎又有質感，可以沾多D佢地既小甜鼓油，食落口有番細細個係傳統粥鋪果D味😍乾炒牛河既牛肉好滑，但想食鑊氣既就要去番茶記啦。蠔仔碎牛粥真係不得了，我食到最大粒果隻蠔中大過我手指公，而且絕對唔係一碗得三四粒！炸兩既油炸鬼都尚算新鮮，而且中有花生醬可以自己加，好似食腸粉咁😂

今日一起身就去咗元朗嘅一間老字號粥店，可能今日時間尚早所以唔使排隊呢間粥店嘅裝修比較懷舊可能已經有1段時間，但係擁戴者依然好多，店舖雖小但五臟俱全。而且有一種人情味。所有嘅作品同腸粉都係即叫即做好新鮮，而且上菜都好快。雞雜粥佢所有嘅粥都係會用煲仔上，啲粥好棉，而且好有米香味，雞雜嘅料都好多，材料爽脆。炒河粉即叫即炒，好新鮮，好有鑊氣，媲美得上大排檔。叉燒腸粉腸粉嘅皮好薄，而且唔會有一陣怪味，份量都算好大而且叉燒都好多。你間粥店就算平日夜晚都會有好多人排隊，但勝在上菜夠快所以都唔駛等好耐。

粉腸很少地方賣和做得好，所以一坐低就叫有粉腸的粥吃。這間店所有粥都是煲仔上枱。 豬潤粉腸粥，餸和粥都很多。煑得火喉剛好，豬潤爽脆，粉腸唔靱，腸皮唔厚，很易咬開而且無異味。粥是用米煑成，可見到又吃到滾爛的飯粒，有米香，好過一味用機打爛的糊狀粥。鮮雞粉腸粥，比豬潤粉腸粥貴成$20，就試吓點解咁貴。一吃便明白了，雞味鮮，應醃過畧帶鹹味，連帶粥的味道都提鮮，勝豬潤粉腸的粥味幾個馬位，粥放咗很多雞件，成8-10塊，值得賣貴些。 香葱蝦米腸，是我最鍾意的軟軟但畧帶靱度的腸粉，即叫即蒸，蝦米細細但吃到蝦乾味，好正。粥咁大煲，可以叫油炸鬼半條，以防吃唔晒浪費，幾貼心。這裏食物很好吃，但地方就很迫，你也不會坐得久，而且門外常常排滿等候的客人的。

元朗區非常出名，永遠都咁多人排隊既發記腸粉粥品，最近真係食上癮，趁搬離元朗區之前食多幾次，順便寫個食評記錄一下。已經食過佢地好幾款既粥品，除了雞粥係推介外，最喜歡既都係簡簡單單又平既碎牛粥($25) ，嗰種帶有少少牛獨有既酥味，配合鹹度剛剛好，滾熱辣既綿粥，每一啖都食得好滿足。 另外佢地既腸粉絕對係超水準，腸粉厚身得嚟依然非常軟滑，食落口嗰質感好飽滿，豉油亦調得剛剛好，食多都唔會覺得鹹同口渴，無論叉燒腸，蝦腸抑或葱花腸都係咁好食，十幾蚊大大份，我幾乎係為左食腸粉而黎咁滯。雖然日日都咁多客人唔憂做，但價錢同普通粥店幾乎無分別，完全係良心價，但平時真係太多人等位，所以黎親都係會選擇非常繁忙既時間，下次會試埋佢嗰豬膶粥，我見到人地食滑雞豬膶粥時，塊塊豬膶都好厚身，加埋滑雞堆到滿曬，睇見就想試！！

一早起身去元朗食粥拉腸粉，鋪頭小小，但滿有人情味，四周都黏滿手寫既餐牌，外面亦有很多人在等位，今次叫左碎牛粥，炸兩，同牛脷酥。碎牛粥，粥底綿，碎牛多，兩個人食一碗都夠炸兩，麻醬，甜醬，辣醬都係任落，已經好少地方有得食牛脷酥，傳統粥品小食，應該依家啲小朋友都唔知依咩，甜甜地，沾下啲粥食仲好食

間野為左令間鋪座滿人無所不用其極，成餐飯，「呢度搭一個」、「果度搭兩個」之聲始起彼落，從無間斷。即係食親呢類流水作業式既中式野或者糖水鋪，我都會預左既，但佢真係令人好唔pleasant。首先，有張六人檯，有一個係中間既吉位，我同我朋友兩個人，個阿姐叫我地攝入去，話︰「無所謂架，坐就坐，唔坐就俾下位」。無坐到，等一等，好在有雙人檯。但食左無耐，係真係食左無耐，阿姐即刻擺左張凳係我地隔離條走廊，並大聲講(阿姐同阿姐之間係大聲溝通)︰「兩位入面！」。我心諗邊度有兩個位﹖其實我諗阿姐可能expect 我朋友食完會走先，因為當時佢已經食左一半(只係一半)，我就食得慢好多(因為d 粥好熱)。喂我地一齊個wo，張單都係寫埋一齊，點樣其中一個走先﹖真係有一對公婆入左黎，見到咁既狀態佢地即走。仲有一樣我好唔鍾意既野係佢地會(大聲) 數算d 客人，不論當面定背後。唔知近門口個邊嘈過d 咩野，然後聽到佢地好話「頭先個男仔一d 素質都無」(「素質」係大陸用語)，我估都係座位既問題架喇，可能坐落左個客唔肯搬或者新客入黎見狀嘈左佢地幾句。之後又聽過佢地互叫「個客話碎牛呀」，「車佢頭先話滑牛」……而個客仲坐緊係度囉

大大碗又好食，好多蔥多薑大眾化價錢，星期六朝早客人唔太多，坐得舒服，啲粥煮得好棉，今次食皮蛋瘦，下次要試下食豬潤，腸粉叫咗牛肉腸，皮薄但出奇地唔容易散開，真係好正！

我最鍾意食生滾粥，雖然呢度應該只係生滾啲配料而唔係粥，但都幾正架。我嗌開雞粥、豬潤粥、粉腸粥。雞粥正，依間係醃過再放喺粥入邊，帶起粥嘅鮮味。鮮蝦腸入邊啲蝦好彈牙，幾抵食。

今日收工之後個人好攰，完全冇乜胃口，同男朋友兩個人在街閒晃抉擇緊食咩嘢做晚餐之際⋯⋯見到發記唔洗點排隊，加上清清淡淡食下粥降下火都好，坐係膠凳等左一陣就可以入座了～～都算快手！餐牌寫曬係牆上，方便大家一目瞭然！男朋友叫的及第粥上枱熱騰騰，用料十分豐富，大塊豬潤，粉腸等等，口感算綿滑至於我叫的豬潤粥，整碗粥有成10 塊厚豬潤，確實豐富，但豬潤質素不一，有些新鮮爽彈，有些口感過粉欠新鮮，而粥亦比較稀比較水，嗯，我只會俾合格分數！炸兩一般，不見特別平平地又簡單又快就解決一餐！

打不成風，天氣特別熱，我與媽媽都大叫很熱，不要吃飯，所以我們去了發記腸粉粥品吃粥和炒河粉。媽媽例牌必點這裡的豬雜炒河，便宜不在話下，最重要是好吃兼有鑊氣，而且配料份量之多是其他食店少見。河粉散發陣陣的豉油香氣，豬肉相當大片且嫩滑，粉腸亦挺粉的，至於豬潤我本身就不吃，所以不知它的口感。另外皮蛋瘦肉熱辣辣超大煲，皮蛋瘦肉亦滿滿的，白粥頗綿密，瘦肉微微醃製過帶點鹹香，故白粥不用調味已很有味道，皮蛋也很彈牙。

對於九龍友或港島友來說元朗出名的美食不乎老婆餅、壽司、泰國菜和甜品，作為元朗友的我第一間會介紹給你的則反而是這家地道粥品小店，今天又在這裡留下幾根腳毛。粥和腸粉的款式可謂應有盡有，任君選擇。這次點了靚靚豬膶粥和粉腸粥，另外加上煎蘿蔔糕和每次必點的香菇雞絲腸。豬膶新鮮、嫩，鬆化，黃油已融入粥底，這正正是生滾粥的美味所在！而粉腸粥粥底則較清，以蔥段調味，粉腸新鮮，並已清洗得很乾淨，無苦味，吃起來爽口彈牙！每次必點的香菇雞絲腸保持一貫水準，個人喜歡加入大量芝麻醬，配合起來更惹味，味道更突出。蘿蔔糕反而是第一次點，煎得夠香，粉少，內有蘿蔔絲，合格但沒甚麼驚喜，亦不妨一試。這裡的雞粥更加是一絕，最值得一試，但這次因已吃不下，唯有留待下一次再吃吧。

中學時代已經食緊發記，果時同好姊妹叫一個粥一碟腸粉一個炒米share食，諗返都覺得好青春呀！星期六突然興起拉左男朋友去食，有時經過男朋友都話好想試呢度個即製腸粉，但平時真係多人到排哂長龍，通常都無咩耐性等架啦點知今次去到諗住試下多唔多人，竟然外面開埋位唔知係咪因為星期六呢？叫了蝦腸，豬潤腸，碎牛粥同雞雜炒河，食左一舊先記得要影低個蝦腸，即製腸粉好似真係特別滑咁，Ｄ蝦又大大隻又爽口～正！男朋友特別request要食豬潤腸粉，舍豬潤好似兼沙豬潤咁，唔硬又唔乾～同埋整得唔腥，有時出街食飯會食到Ｄ有腥味，唔知係咪因為亢處理得唔好呢？不過呢度係整得特別好～～～本身諗住叫普通炒河食，但姐姐推介有雞雜炒河咁梗係食呢個啦！有雞腎雞腸同雞潤，勁足料！！！岩哂我呢Ｄ內臟愛好者！最後要左個碎牛粥share~Ｄ碎牛記得搞返勻食～因為真係太多唔搞勻會未熟哂～一路食都係啖啖肉～真係Keep到水準！抵佢日日都咁多人排隊～

由幼稚園食到出黎做野，粥舖一直係元朗屹立不倒，仲有愈黎愈旺嘅趨勢。星期六晚去到，排左半小時有多先入到去，店面唔大亦比較擁擠，但最緊要係好味道個人最愛呢度嘅豬膶，又爽又滑，唔會乾同食到成口粉，加上大大塊又厚，口感一流！滑牛比起豬膶就唔算太出色，冇咩牛味但勝在夠滑，而且大大片好滿足新鮮蠔仔粥冇呃人，蠔仔大大隻漲卜卜，粥底都食到蠔仔嘅鮮味而家嘅炸兩興整到炸麵脆卜卜，但細細個食個種炸兩嘅炸麵其實係偏軟，呢度就正正係細個嘅味道！腸粉好滑，加埋炸麵食又多左個口感，而且豉油唔咸，浸耐少少都唔怕太咸。食左咁多年，水準依然保持，味道好、份量多、價錢抵，一定會繼續去食

 元朗搵宵夜，有朋友話依間好味，就試下，不過我係元朗公園個邊，原來行到元朗站。。。好遠睇落餐牌都好多粥揀丫，價錢合理偏低。嗌左個及弟粥，又比我想像大碗啵原本叫佢多蔥，佢落左莞茜加兩蚊係咪冇得加蔥😰不過是但啦。。。粥底都ok，唔差，但及弟冇肉丸😱😱😱,d料唔大件，個豬腸堅失望，未食過咁鬼靭，又細件又靭，真係趙左好鬼耐好失望。。。炸兩都唔脆個腸粉好唔得。。。唔會安哥。。no good又一次俾朋友fake了