發記腸粉粥品

营业中

休息中

有點肚餓，但又不想食太多東西！所以同朋友選擇了這間粥店！我們兩人點了一份布拉蝦腸同一份豬潤砂鍋粥！ 腸粉的質地夠簿，蝦仁🍤也不少！ 不錯！ 更好的是豬潤，因我很喜歡食豬潤，厚厚的豬潤很有口感！ 加上其用砂鍋上桌，可以keep 住保溫！ 到食完都還是熱辣辣！ 埋單好似47蚊，十分抵食！

用瓦撑盛粥品，點了及第同雞什粥，粥的價格比較大眾化，用料都足夠的。味道方面最愛及第的豬潤，又爽又滑，一上枱就會忍唔住先食。而雞什粥是第一次食，比想像的好味，原來不只雞什，還有雞肉。粥底綿綿的，好味道。不得不介紹他們的腸粉……我吃了兩碟，蔥花蝦米腸，只是16元一碟。腸粉上枱時間有點久，一上枱便知道值得等待。原來不是hea做，可以清楚吃到外皮的米味， 煙煙韌韌的，外皮仲可看到腸粉內的餡料。大推手作腸粉！

我本身係個成日食粥既人，會周圍試唔同粥店。雖然粥唔係高級食物，但要整得好食，質感綿密，入口唔淡唔味精卻不容易揾到（因為大多粥店無咁多心思，用咁足料去煮靚粥）。呢次路過就試下深水埗呢間新開小店。點左必食油器 - 油炸鬼，同魚腩粥。油炸鬼（$10）先上，咬第一啖立即兩眼發光，我第一次食咁脆口既油炸鬼。係咬落有"索"，"索"聲既質感! 入面煙煙韌軔，好食! 魚腩粥（$29）熱辣辣出黎，用砂鍋上，份量大。粥底做得好好，好綿，食落唔係味精味但好夠味。一般出面食魚腩粥都會跟薑䓤豉油，但呢度無，我亦無問，因為就咁食都已經夠味。魚腩夠多，圖入面既size有5舊! 29蚊有大咁碗，咁多魚腩既粥真係抵食! 總結：我成日覺得新開食店一定要有heart。 如果食物質素唔好，煮野又唔好味，一心諗住求求其其開間野實有人黎食既話，果啲店一定好快執。做飲食唔容易，有心開得鋪，又可以堅守食物質素，比最好既食客，呢啲食店值得嘉許。今次同枱見對面食客叫豬潤腸，啲豬潤又大又肥美，下次一定要試下!

我從來不寫食評，但係每次去新食肆都會先睇吓食評嘅。不過......今次有D忍唔住，因為.......實在太好食了，仲咁扺食！！！在這百物騰貴嘅時代，老闆娘仲話係良心價，希望食客食到美味又物超所值嘅出品，最緊要食得開心。實在太感動了😂😂😂事沿有朋友話呢間發記係新開嘅，老闆曾經是半島酒店嘉麟樓嘅點心師傅，出品非常正👍，加上我成日都想搵好食嘅粥品同腸粉，於是上OpenRice 睇吓食評啦，點知係冇食評嘅😬。前兩日揸車經過，望到發記，門口又有得停車，於是入去試吓啦。一坐低，對面個客嘅蠔仔碎牛粥剛到，嘩......不得了，好香噃，個粥樣又好綿滑，真係想請佢分碗俾我😄我哋兩個人，點咗艇仔粥，皮旦瘦肉粥，炸兩，豬潤腸，再追加外賣油條、煎羅白糕、叉燒腸，再加2個飲品，百幾蚊咋，最緊要係超好味。我今日都同咗幾個朋友推介呢間小店，縂之一句...物超所值👍👍👍