影片
营业时间
今日营业
11:00 - 22:00
星期一至日
11:00 - 22:00
*最后落单时间: 21:30
以上资料只供参考，请与餐厅确认详情
食家推介
入到去见到系沙嗲王旗下，期望本身不太高。 不过就试下先啦。 等位：平日十二点半嚟，都算满座。 不过唔使等太耐就入到去喇。 环境：同一般连锁餐厅一样，宽敞明亮干净。 食物： 佢有好多选择，连主食你都可以唔拣饭或者拉面。可以拣蔬菜粒粒。 咁佢系白咖哩公司，我就叫咗个白咖哩拉面配炸猪扒。 白咖哩味道都甜口嘅，面质唔算淋。感觉就同平时喺沙嗲王食到嘅面一样。 但系我反而好惊讶佢个炸猪扒，非常之松软。 有少少去到日式厚切吉列猪扒𠮶种味道。 我都有怀疑个系咪用松肉粉嘅，始终几松软都好，应该都有返啲猪肉嘅烟韧度。但本人感觉觉得都ok，系食得开心嘅，都冇感觉到工业味嘅。总结：都算唔错，白咖哩冇印象，但炸猪扒好食。
继续阅读
假日同友人系旺角行街，晚餐唔知食咩了，经过此店-白咖喱公司，沙嗲王副线，话时话好耐冇帮衬沙嗲王，但好记得佢个白咖喱猪扒饭系几正，冇乜心水就试下。餐牌，但一样都系电子落单。门面的洗衣机装饰十分抢眼，餐厅内堂面积颇大，木系为主调简约的格局，带点日式之感，见到有一人坐位果下几好。热青柠柑梅蜜，跟餐+$16，酸甜滋润。白咖喱香茅猪扒饭，$66，要了少饭，白咖喱质感稠身，较温和的咖喱香，味道甜甜地少许辣，香茅猪扒松软香口，基本上同沙嗲王个味系一样。一口流心特浓朱古力心太软，跟餐+$18，好奇一试，应该系改错名，叫心太硬至真，内馅唔流心，蛋糕质感似卡邦尼，黑朱古力味唔算好浓郁，味道普通。味道正常水准，但好耐冇食白咖喱之下觉得几好呢。
继续阅读
沙嗲王嘅白咖喱饭果然真系名不虚传，浓郁得嚟好有层次，绝对系comfort food首选！快啲约埋朋友去试吓啦～😋 **🍳 白咖喱牛肉煎蛋饭** 一上枱，个卖相已经赢晒！金黄色嘅太阳蛋🍳铺喺饭面，轻轻一笃，蛋汁即刻流落去～下面嘅白咖喱汁超级creamy，带住浓浓嘅椰奶香🥥，仲有微微嘅咖喱辛香，但系食落一啲都唔辣！牛肉片🥩煮得啱啱好，嫩滑得嚟又入味，吸晒啲咖喱汁，超正！#沙嗲王 #白咖喱饭 #香港美食 #邪恶之选 #少女食评
继续阅读
星期一7点左右黎到，无咩人，基本上枱任拣黎坐。同老公叫左个2人餐，2人餐$198，其实都几丰富：1。饮品×22。小食x23。餐汤x24。主食x25。甜品x2但比较想食嘅都系要加钱，我地今次叫嘅，全部都拣啲无加钱1。饮品：拣左即磨咖啡无特别2。小食：拣左春卷，薯条小食炸得几脆，正常发挥3。汤：龙虾汤无龙虾味，带微酸，唔推荐4。主食：葱油鸡扒蛋饭，猪扒麻辣白咖喱汤面鸡扒唔错，唔鞋，咬入去都有juicy，有啲鸡油，都嫩滑个面底ok, 唔会太淋，都滑。猪扒都唔会太柴或鞋，但最重要嘅汤底我觉得唔得，少少辣，唔麻，亦无白咖喱味，本身对汤底有期望，换来嘅系失望😂5。：朱古力心太软可以后上，想食时先叫职员上，所以黎到热哄哄，朱古力仲系心，唔错。但果几旧芒果。。。🥲，未溶晒雪，咬时feel到有少少冰，好冰好冻，唔知佢系唔系想客人有冰火感，但我唔识欣赏。总舍而言：个餐好丰富，绝对会饱，正常发挥，没特别。环境唔迫，客人少，如果无要求，只求饱肚，又想约朋友吹下水，呢个价钱也是一个唔错选择，但自己揾食应该未必会再黎😂
继续阅读
粮尾救星☆白咖喱🤍平靓正+快!满满蛋白质🍗但要预留脂肪quota～出餐大概5分钟就有超级快，仲保持到水准㖞！🔸白咖喱烧鸡扒饭 $65 (全日)🉐依个价钱有2块鸡扒已经无得弹，仲要烧到个皮几靓仔，肉质出奇地都好嫩滑！白咖啡微甜微辣，有阵阵椰香味，送饭一流，好开心仲有啲蔬菜🤍～966kcal (包括汁、鸡皮)87c 54p 41f🔸蒜香烤饼 (4件) $24必点！香脆印度薄饼，表面有蒜味粉，配芝士酱，但个人觉得沾咖哩更正♡～231 kcal35c 6.5p 7f+芝士酱 (100g)～282 kcal6.5c 15p 22f📍白咖喱公司 (旺角)旺角奶路臣街17号THE FOREST地下G12号舖#白咖喱 #旺角美食 #白咖喱公司 #沙嗲王
继续阅读