百份百餐廳 (V Walk)

营业中

休息中

我知晏晝一點九孭住個大背囊入去食飯就預左要攬住佢黎食 但食到一半 對面位走左 我就梗係放個背囊過去啦 有人黎我咪拎返起囉 當我極速食到差兩啖既時候 姐姐就問"個背囊係咪你架 拎返起佢" ok 無位就係咁 無理由阻住人做生意 但點解你禁無禮貌 首先我係背住你爬緊飯 我都係見我天靈蓋上面有隻手指住我背囊我先確定係同我講緊野 再黎當我起身去拎個背囊既時候發現 仲有幾個單人位對面係無擺野 why me 唔滿意人地擺野係位就優先派d 客過去? 係我隔離單人位果位哥哥對面都無人啦 我差兩啖姐 我只係食左十分鐘咋喎 大家返工都做到隻狗咁 點解連食個lunch 我無攪到你既情況下都要攪我 你比多十秒我掃埋兩啖飯我再攬住個袋飲埋杯野都係晒多你分零鐘姐 而家好啦 我呢d 西客野唔食果兩啖飯 野都唔飲走喇 我起身後下一位西客姐姐坐左我對面個位 放左個袋係我本身坐個位 你好計住佢只可以放個袋係到五分鐘喇 最後想講 幾好食

近日，時時都要去深水埗，天氣又好，太陽高高掛 （兒歌）真的不太想出戶外，特別是在食午餐的時間。最重要的是有冷氣。在Vwalk 行下，有一點累，便想找一個可以舒舒服服食嘢和有一杯冰凍的冷飲的地方。不想再找，所以入了百分百這連鎖店。看回其他的食評，都幾兩極化。我便不覺得這間有什麼大問題。當然，我又不會覺得它有5星級酒店的水平。個焗豬，我覺得是好過其他連鎖店的。而冷飲，當然是夠冰；而不會太多冰，到自己飲什麼都不知道。今次的彩蛋特別了這時間有很多警察在這店場附近，好安全的

豬扒炒公仔麵今日水準不錯，公仔麵乾身少少窿邊，而且鑊氣十足，就份量少咗點。雞翼多士，今日雞翼炸燶咗少少，比較乾身。星期日今日人流不算多，唔知係唔係北上去山姆超市。

📍百份百餐廳 (V Walk) (深水埗)深水埗深旺道28號V Walk2樓L2-116號舖==============================呢間連鎖餐廳係我同同事lunch ge 飯堂，因為近同埋價錢貼地，所以成日都幫襯🤪==============================咖哩吉列魚柳意粉🍝咖哩係偏辣日式咖哩，魚柳🐟好大塊，咬開入面仲好滑同多肉汁，意粉就正正常常撈埋d咖哩汁幾好味👍🏻

花雕醉雞火鍋 這個晚餐通常在11月的時候才會推岀，那時天氣開始轉涼，打邊爐，雞煲，羊腩煲就會陸續出現，雞煲滾後花雕味十足，入口香醇，配料份量不算多，可加$8配白飯，也可再加$8配凍柚子雪碧。

南昌V Walk有好多著數益街坊，例如食下午茶送食品，今次就去咗百分百Deluxe，食滿$50送一客雞翼。滋味焗鮮茄豬 $64一直都覺得百分百嘅焗豬扒飯喺香港數一數二，豬扒份量好足，又唔會太乾，好Juicy，飯係炒底，夠哂鑊氣，仲有新鮮蕃茄打嘅醬汁，酸酸甜甜好開胃，而且個面鋪滿芝士、啱晒芝士控。雞翼送嘅雞翼有3隻，炸得好香脆入味，入面仲鎖咗好多肉汁，有驚喜草莓牛奶鍾意飲台式飲品嘅一定鍾意，入口唔會太甜，Keep到士多啤梨嘅香甜味，牛奶應該用左3.6以上嘅奶，好厚身好滑，值得推介爆漿拉絲菠蘿包 $20臨走買多個爆漿拉絲菠蘿包，入去有勁多芝士，記得一定要趁熱食

$42香煎雞扒早餐.百份百cafe 100% deleux .豐富好味.最好是多條粟米.服務改善提升中.首先是可以坐下掃一掃qr code 立刻落單,還可以選擇個人化口味,很快就有得食.香熱煎雞扒很有鑊氣.潻上蒜香汁,正.半熟蛋剛剛好咬開蛋汁流瀉,伴脆皮多士吃.正.意外多條香甜粟米,好一個豐富好味的早餐本來可以100分現99分,那一分輸在咖啡,奇就奇在我order正常咖啡,但來了的一杯加了太多好,感覺像是好立克？只有淡淡咖啡味.咖啡可能上錯了？！但早上未醒的我己飲了.還是大角咀分店咖啡濃香醒神.

爆漿拉絲菠蘿包！爆漿拉絲菠蘿包超級超級超級之好食！黎百分百一定要試呢個呀！內面滿滿的芝士為餡料，口感鬆軟，有濃厚的芝士味非常美味，作為早餐或下午茶的點心是好的選擇！！

第一次幫襯這分店晚餐，價格不貴，但食物相當唔ok，叫佐個中式牛柳，塊肉硬到唔想咬，配菜蕃薯又系硬幫幫。另外個扒時菜就一般水準啦，可以接受。但是最差系食緊飯時，有個亞姐不停掃地，d塵會飛起麻，周圍有4，5枱客，好不衛生，同亞姐反影，佢竟然答趕收工，O嘴。呢d咁嘅服務質素唔會幫襯下次。呢d咁嘅服務質素唔會幫襯下次。呢d咁嘅服務質素唔會幫襯下次。呢d咁嘅服務質素唔會幫襯下次。呢d咁嘅服務質素唔會幫襯下次。重點系要講多幾次。

朝朝都要去Vwalk買早餐食試過附近既所有早餐餐廳最近食左幾次百份百嘅早餐覺得佢啲食物同飲品幾有質素，平靚正，今次嚟打返個好評。Vwalk食早餐一般都要$40左右今次叫左雞扒腸仔米線加杯熱咖啡因為屋企有cappuccino咖啡機，平時飲開幾隻大品牌capsule，所以我平時對咖啡都幾有要求。亦試過Vwalk幾間茶記嘅咖啡有啲餐廳苦澀到以為飲緊廿四味好難飲哩間百份百既咖啡奶份量落得岩岩好咖啡味香濃口感又夠滑屋企人飲奶茶、原來百份百用立頓奶茶，質素點都有保證，如果想飲杯有質素港式飲品可以揀百份百

We were intending to dine at the Chicken Factory and mistakenly walked into Cafe 100% and sat down. After sitting down during the lunch time rush and reading the menu we realized our mistake 😂 As we had already scanned in using the Leave Home Safe App, we decided to stay try it out. We ordered the Curry Beef Brisket $68 and Chicken Steak Scallion with Rice $58. The Curry Beef Brisket was beyond our expectations, the beef was tender, the curry sauce was spicy and aromatic and had a great dept

中午咁啱經過諗住入去試吓，叫咗個星洲炒米。都已經係自己手機落單，已經剔咗走蔥都係冇走到。算啦咪自己揀返出嚟，但係啲叉燒係酸嘅⋯⋯完全入唔到口。成碟野係咁狂落咖喱粉，除咗辣味乜都食唔到。我食到一半都冇就已經停晒手，連啲蝦肉都霉霉地。成碟嘢$67都唔知自己食咗乜⋯⋯隔籬枱仲正，個姨姨叫咗碟涼瓜排骨飯，出到去埋單個收銀話佢張單唔啱。個系統已經係你自己嘅都可以有bug，最後要搵返當初幫佢落單個姐姐確認返佢嗌咗啲乜嘢先埋到單。咁大個集團真係不知所謂。PS 所有樓面都係一貫嘅冇禮貌，收銀唔會講多謝都慣，啲呀姐行路唔帶眼，條辮周圍fing, 撞到人先知衰。完全唔明點解日日都咁多人幫襯。👎🏻👎🏻

平時都有幫襯百份百同意樂，但未試過一間咁差。v walk 呢間幫襯過兩次，第一次去啲服務超差，七點幾去到已經有一半既野冇供應，樓面完全唔知厨房有咩剩，叫咩都照落單，改左兩次單，最後問佢其實有咩可以叫，又唔知，落完冇先走黎叫你改，淨係落單都搞左半個鐘，最後咩都冇食就走，完全頂啲侍應唔順。第二次幫襯叫外賣，叫個松露雞扒焗飯。返到去打開個樣仲係正常既，點知一吉起塊雞扒就見到有茄汁，我以為佢出錯左個雞豬扒兩拼焗飯（因為平時都有叫開），平時第二間兩拼既係左邊白汁，右邊茄汁分開，味道可以，佢今次個底係茄汁，上面淋返白汁上去，就撈埋晒一堆，淨係食到茄汁味，但我叫既係松露汁。跟住搵黎搵去都冇豬扒，淨係得雞扒，即係我冇叫錯？食下食下俾我搵到舊豬扒骨，即係點？即係開頭整錯左茄汁豬扒，發現左就就咁拎走塊豬扒，就咁喺個茄汁上面淋返個白汁上去放返塊豬扒？好似過份左啲喎。去過咁多間，呢間真係最差。幫襯左兩次真係俾晒機會，呢間真係冇服務，厨房又唔掂，以後都唔會再去呢間。唔該如果有管理層睇到，好好檢視下呢間分店發生緊咩事。

百分百餐廳嘅連鎖店都好多，今日貪方便去左v walk分店,分店比較新，人流極多，好在流動性大，等一陣就有位Lunch time食左蔥香雞扒飯， $56連餐飲，雞扒好大塊，亦都好香口，上面嘅蔥油比例剛剛好，成塊雞扒都唔會太油太膩，份量亦都好大，男士都夠食另外必叫嘅係百分百嘅凍檸茶，佢唔似一般茶餐廳咁用茶底加幾片檸檬，而係打碎左檸檬肉加落去個茶膽，味道非常濃郁，值得推介另外，店員服務非常非常好，會主動跟進追單，值得一讚

晚市8點入座點餐，超過一半嘅菜式已經售罄，但明明唔係假期也冇滿座。勉強揀咗三個菜式，味道一般般，最誇張係杯嘢飲！叫咗杯熱檸水但睇落似薏米水，😵仲要冇檸檬喺入邊！餐廳員工回應話：「我哋用檸檬汁㗎嘛，所以冇檸檬喺入邊㗎！」從來未試過喺茶餐廳叫檸水係冇檸檬嘅囉🙄，落左糖杯嘢依然又酸又澀，完全飲唔落口。9點左右，我哋仲未食完嘢，餐廳員工已經係隔離枱掃緊地趕客。總結一句，唔會再幫襯啦👋🏻👋🏻👋🏻！