百份百餐廳 (愛民廣場)

营业中

休息中

2019-5-18 星期六食堂，早餐時問店員取餐紙, 店員話環保所以唔俾餐紙，話俾埋今次你喇。俾我感覺好似求佢咁樣。態度極差。唔使錢都唔食店舖經理仲話公司規定. 我話百分百呃錢

中午lunch係何文田既選擇並唔多，上班lunch時間唔多，所以就隨便選一間，本身諗住連鎖餐廳應該都係普普通通，是但點左個咖哩牛坑腩飯，咖哩不錯，食落去好香，本身以為同出面餐廳碟頭咖哩飯差唔多，點知食落去完全唔同，不過本身唔係好食到辣，對我黎講都幾辣，食到流汗，不過食過之後就中意佢𠴱咖哩，就算覺得辣都會想食。出餐時間就一般，成個樓面節奏都有啲急。Lunch黎講都唔算平，叫埋凍飲之後略貴，不過間中食一次都幾好。

又到百分百食lunch， 留意到餐牌上面有幾款脆麵，心郁郁想試下。(佢張相好吸引。。)😂😍我叫咗銀芽肉絲脆麵， 唔係等咗好耐就有野食lu。一黎到見到個份量好多好大份。😱 有d嚇親。。份量驚人，真係咬到牙交軟。。😂除咗個麵份量好多之外，佢有一大碗銀芽肉絲，入面有好多料，除非肉絲同芽菜之外，仲有冬菇絲同蔥。(芽菜佔最多，唔知點解佢啲牙菜又肥又短，好有“芽菜味“好qq😂)味道方面，銀芽肉絲好夠味，唔淡，好岩送住麵食。👍 而炸麵唔會過“濃“。👍總括而言， 個人覺得呢一個啱多啲人一齊食(因為真係牙骹軟。。又食唔晒。。😂) 份量多味道唔錯!

何文田呢間百分百其實食過好多次， 知佢啲質素好參差。。。佢午餐都好多嘢揀😂 但佢d野一時好味一時難食。。 所以我嚟嚟去去都係食幾款。。 p.s. 午餐十一點半先至開始畀大家參考下個餐牌， 最貴都應該係海南雞飯。🤔🤔我最常叫嘅食物就係麻酸辣湯米線， 鍾意食辣嘢， 加上之前叫幾次個水準都ok。 係幾開胃， 份量有幾多下。 😂 不過呢個餐加嘢飲計半價。 佢有大蔥同牙菜， 唔識嘅朋友記得要叫佢“走“， 如果唔係夾到手軟。。😂佢呢個麵一黎到好香， 酸辣得嚟好似有少少肉醬嘅味道(可能佢上面嘅醬係肉醬😂)。。不過! 今次食呢個面真係有啲失望。。鹹到不得了，食咗一半頂唔順放棄咗。。 鹽量超曬標。🤦‍♀️ 鹹得太離譜， 一開始食都唔覺，但搞下個底之後，鹹左極多。。 同枱朋友都係叫咗呢個面， 佢話佢個碗一嚟就已經好鹹。。我寧願佢淡味。。😂😂

百分百周圍都好多分店。本來喺屯門都有，但係而家已經執咗笠。所以喺何文田附近返學嘅話，我先會去百分百食下野。唔知點解次次都好多人等位，但係其實佢啲嘢食都唔算話太得出。都係好普通嘅餐廳食物。而且價錢都唔平，下次如果食可能都會揀返附近茶餐廳，起碼會平少少。

百份百食早餐，愈來愈差WOO去樓下食早餐，叫左呢個蕃茄公仔麵加$3蚊有多士個蕃茄公仔麵既湯好淡好淺色，個多士係硬既，其實好難食  差唔多3十幾蚊下次都唔食呢個餐，唯有試下其他餐，因為都無咩選擇

Today try this restaurant at Ho man tin..........waiting around 5 mins .......So colourful menu ...........let see.......They have noodles, rice.......many different type of food...👍🏻👍🏻👍🏻 I order this ...some pepper with hamburger and soft boiled egg.......finally with lemon tea....finish my lunch!

下午5:30開始肚餓，即刻衝落樓下百份百，餐廳人唔多，好在趕得切食個下午茶。叫咗我至愛嘅公司三文治同埋白汁豬排飯。餐飲有熱檸水，檸檬幾新鮮，唔會有苦澀味。另一杯係凍華田，味道一般。先黎白汁豬排飯，下午茶黎講，份量算ok, 上面都有d芝士, 豬排味道一般，飯係有藜麥嘅飯，唔知點解d飯好咸，可能唔覺意落咗鹽，好奇怪。跟住係我最愛嘅公司三文治，叫呢個唔會差得去邊，抵食夾大件。最鍾意嗰層厚厚嘅蛋，配埋午餐肉、火腿、生菜、蕃茄、沙律醬，係好味嘅。唔食晚餐，食呢個都夠飽又滿足。

早幾日來到叫左個鮮茄焗豬扒飯，自問對食物要求都唔太高，來到一食已覺D豬扒好普通，但茄汁太酸了，心諗好又一餐唔好又一餐，冇乜所謂，幾條野啫你想點喎，食到尾先知中晒伏一定要寫上來分享，咁大間集團用埋D塗層甩晒嘅食具真係唔係咁好，驚驚

今晚去開愛民村，又到晚飯時，當然要睇吓依頭有乜好野食啦。經過依間叫百份百餐廳，眼見都坐滿约8成客人，店內约有20多張枱子，都算幾好生意，環境都幾舒適，地方夠大，冷氣好凍。最後決定叫咗個咖喱豬扒拼吉列魚柳，另配白飯，再加杯凍奶茶。咖喱汁好多，尚算幾濃，而且內有很多薯仔，豬扒還可以，吉列魚柳都幾軟。好入味。凍奶茶幾冰凍，但可惜奶茶味麻麻地。價錢是$55另加凍飲$3，合共$58，價錢都算合理，都可以再光顧吓。

話說 好簡單一個咕嚕肉 啲汁係完全融入咕嚕肉嘅炸皮 淋到一咬落去peaaaa🤭 個peaaa嚕肉跟個飯 $65！！！入返商場搭電梯上一層就有間大x活$4x 咕嚕肉 跟個湯加 $7 又好食加上 一行入間舖 已經聞到有陣味又污糟 真係唔明點解我會食百份x🙄查實我已經打左一堆字 話我唔夠200字 唔可以俾整體評分 咁唯有打啲廢話點餐時 要等好耐先有人手 明白餐飲業唔夠人手 所以都冇催加上啲員工忙又冇發脾氣算係咁 ..................

今日公司要我外出做野天氣又熱 ,自己一個走咗去愛民邨的百分百餐廳食飯。看見餐牌特別推薦出位咖喱牛腩湯伊面， ＄35還可以有半價優惠飲品。咖喱湯十分濃郁，相信用了很多時間才能煮出這樣的味道，牛腩肉質很嫩滑，伊面吸收咖喱汁同牛腩的香味，很好味。雖然相片與實物有少少差別，但味道搭救，一個人的午餐也算不錯了。

雖然百分百餐廳係區內算係幾唔好食的餐廳，但差唔多每個星期我都會去食一次早餐，冇他，因為佢地方大，一定有位坐，同老公，工人姐姐同bb去係冇辦法同人迫其他餐廳。今次去到，張枱好污糟，叫人抺完乾淨左，但有臭毛巾味，要再用濕紙巾再抺多次，餐具用前要留神望望。叫左個奶醬多餐，一個火腿通粉餐，一個沙嗲牛面加蛋餐。全部都係好普通。如果食材，食物質素因成本問題改變唔到，可唔可以改善下衞生？

野難食，漏單，伙記差，毫子又唔收，試過早午餐交接時冇得落單都夠膽死，慘過返大陸服務就長期差都算，公道講最初開果陣d野食都唔錯，野飲都合格，依家個廚房唔知搞乜，連柯華田都唔識沖，咖啡好似d化學合物咁，最近出隻所謂溫泉蛋根本就係普通剪蛋，仲有好多問題磬竹難書，冇心做就唔好做啦，你知唔知你服務緊條村有好多人?求神拜佛領展快d踢走佢做返件功德啦

本身夜晚好少落樓下食飯，但係有親戚黎左而母親大人唔想煮，所以試下幾款茶餐廳既小菜啦首先講下啦，呢間茶記做早餐啲質素已經大不如前啦，阿姐態度又差，啲多士又唔脆口，公仔麵無味，仲有個早餐menu已經cut左好多款啦但係今次試完啲小菜之後，覺得夜晚可以再黎食過1. 土魷蒸肉餅 （好味指數：4/5）肉餅同土魷既味道好夾，雖然腍左少少，但係味道好入味，而且淋上自家豉油突出肉既鮮味，送白飯一流😚2. 紅燒班腩豆腐煲（好味指數；：3.5/5）一上菜個煲熱辣辣，班腩炸得唔錯，唔太厚粉，啲汁都覆蓋到每個班腩上面，豆腐同班腩都好多，但略嫌個個醬汁未夠突出😩3. 椒鹽骨 （好味指數：4/5）一上碟已經聞到好香好香既炸蒜同小辣椒味道，試落口骨炸得都幾鬆脆，而家份量好多，骨都好大舊，食到有啲停唔到口🤤4. 粉絲雜菜煲 （好味指數：3/5）湯好清，加上蝦米既味道，令到啲菜唔會過於清淡，配左唔同既菜如菜心，芥蘭，西蘭花，口感唔錯既☺️整體黎講，我第一次食呢間茶記既小菜令我對佢改觀左，下次唔煮飯既都可以再試下其他款式先😆😆😆好味指數：😋😋😋😋😋😋😋