百份百餐廳 (天澤商場)

营业中

休息中

外賣經常漏食物， 請驗查清楚先攞走， 已經3,4次， 不能容忍。1. 一次早餐加通粉， 無通粉。落去攞返， 樓面態度惡劣～2. 一次用openrice 落單， 又話無落。現場搞左好耐， 又俾睇手機， 又唔信， 現場等勁耐先俾返個餐～3. 一次早餐有火腿， 又俾漏。我個細路想食， 一開個餐又無， 勁失望。4. 包流心蛋， 成隻蛋都失左（仲要唔齊餐具）今次打電話返去仲搞笑， 下次俾返得唔得， 痴根。廚房及樓面處理外賣， 嚴重俹簁， 沒有驗查就出單。給予他負評

今日去行山之前喺百分百食咗個快早餐，我點左吼雞扒配煎蛋、腸仔、同埋多士配茄汁豆。週末嘅朝早原來都幾多客人幫襯，落左單都要等15分鐘左右先食到。我覺得百分百餐廳就好似高級小小嘅大家樂咁；雖然都係差唔多嘅食材，但係佢嘅賣相會靚少少。今日塊雞扒煎得唔算差，但係覺得稍為鹹咗少少。其他煎蛋腸仔嗰啲都係正常發揮啦；反而嗰兩塊方包🥖查咗蒜蓉再去焗，好好食好香。另外好鍾意佢嘅熱飲；熱阿華田同好立克佢都落足料，沖得好濃味👍🏻呢間餐廳已經開咗好多年，有時下午茶都會喺度食下酸辣米線或者咖喱牛腩飯，呢兩樣嘢食我都幾鍾意，下次有機會再寫下食評。

今日又用外賣自取今次食的是炒送熱飲第一次發現枱與枱之間的隔離板塊咁有心思印有不少有關的字句我準時去到點知個飯未煮好其實我都不急食的，之後姐姐好有禮貌地道歉之後馬上叫廚房重新炒，我覺得佢處理得幾好，抵讚個飯就熱辣辣新鮮炒好好食！

五點的時候買了一個海南雞飯外賣自取見其他飯都有下午茶價錢，唯獨是這個海南雞飯維持午餐$63。見到外賣有兩個兜，一個裝湯，另一個就是雞加飯...... 你可以想像雞的份量不會太多，雞就只有幾件放在飯上，真心如果分開裝，相信他會給多一點點雞......整體而言外賣不要叫海南雞飯不抵食

晚餐 —— 蔥香豬扒飯、凍奶茶🥤• 賣相頗吸引，炸得略帶金黃，舖滿蔥粒；• 份量充足、豬扒極之大塊，相當飽肚；• 豬扒外層香脆、內𥚃肉質鬆軟，充滿了蔥香，豉油份量剛剛好，不會太咸，卻又可以令豬扒惹味度提升，略有一點大排檔小炒的風味；• 白飯的表面放了一點黑胡椒、吃起來有點微微辛口，配合豬扒非常匹配；• 以這樣的份量，價錢也算合理$51；• 店內環境坐得舒服，上餐速度幾快，是附近居民方便之選。自從轉了餐牌以後首次光顧，還是比較喜歡之前的菜式。

平日晚餐時候過來，都差不多滿座，可幸不用等位。同鋪入口的麵包幫襯得多，入內吃飯倒不是太多。好像同一集團旗下有好幾間不同店名的fusion東南亞fusion餐廳，走的都是大眾化路線，出品都不錯的。不是太餓，叫了兩個菜式，一個焗飯，一個酸菜魚。豬扒焗飯 - 色香味全，芝士都很多，有兩塊扒，適中size，一個人吃會太漏，兩個share吃就可以。酸菜魚 - 以不是西川菜餐廳來說，做得真的不錯，味道不錯，魚滑，不過份量不是太多，那價錢也是較西川餐廳便宜的；底下的薯粉都不錯，有咬口，不會要太費力咬。140元兩個菜，性價比ok的。味道亦不錯。

之前聽朋友說過百分百餐廳的手藝不錯，可惜這次用餐感覺一般。晚上較為多食客光顧，因此需要輪候一會兒。餐牌的選項相對其他餐廳多，中式西式一應俱全。不過依舊點了個人比較喜愛的焗飯。等了約10-15分鐘便上菜了，其實賣相還是可以的，不過吃進口裡口感卻不如期待。蓋在飯面的芝士沒有芝士味，而飯底卻是不太熟的感覺，應該是煮飯時下不夠水。整體來說，雖然味道普通，但是份量較為大份。食物烹調技巧有待提升。餐廳員工的服務態度良好。

上星期同屋企人尼食見啲餸又多又吾錯所以決定今晚阿媽做無飯煮婦就再戰食dinner 唸住實死冇生啦可能夏天關係好想食多啲肉一於揀左①鐵板海陸空 配黑椒汁（雞扒，豬扒，魚柳）$73仲跟左炒飯係未上呢個餐時,有一位店員比左碗白飯我地咁我同屋企都為以佢可能冇哂炒飯,轉左吾出聲我地冇理佢,由佢,好喇個餐上左尼我地咪開始食個白飯,點知食左第二啾都冇有個女職員走埋尼直接搶左我碗飯,仲話呢碗飯吾係你地咖係十二號台(不停係咁重覆)最大問題係佢連一聲吾好意思都冇講極為不尊重但我好好奇,佢拎左我食個碗飯走😒會吾會再加番啲飯上去,再比第二位客人呢個我反而好想知道上菜既時侯係吾似平時啲鐵板,會聽到炸炸聲有機會係其他嗌錯再拎番出尼都未定睇佢中樣都好似同佢個名幾貼切，但入面啲食物冇左空中既(好似識飛既動物)🧐🧐🧐🤩條魚切落去時，聽到咯咯聲睇尼係新鮮炸喇,吾錯吾錯到個雞扒同豬扒都係正常味,吾算太特別到個炒飯嘩!咩情況 個飯吾熱咖....食落去啲飯完全係覺得係晏晝賣哂既炒飯放到夜晚再叮熱一分鏗都5夠飯又硬又乾,吾係粒粒分明個啲重點尼了....就係呢啲配菜,雖然話係配菜但上得係你面前既食物就會Prefer 你會食埋咖馬點

呢間野平時係天水圍勁多人排隊，星期日食個早餐都要等位，今次去食晚餐，見到有特價嘅是椒炒蜆$38 ， 叫咗鯇魚煲， XO醬西蘭花炒蝦，柚子汁焗肉牌！炒蜆好抵$38份量都好大碟，好嘢味。柚子汁焗肉牌，其實係用柚子汁炒豬扒，有部份豬扒唔夠熟，味道都可以，不過柚子汁好多，可以拎黎撈飯。薑蔥鯇魚煲，味道一般， 一煲都有五至六件鯇魚。XO醬西蘭花炒蝦，西蘭花OK，但蝦球唔係太新鮮！總括來講，食物都可以，環境都可以，係價錢偏貴左少少。

天水圍真係冇乜嘢好食，同朋友兩個只好去百分百叫兩個小菜做晚餐，啲菜嘅味道一般好多油，叫豆腐腩煲粉多個肉。如果係蒸鯇魚就好味啲，食物普遍一般都係多油，多鹽，其實餐廳可以少啲油少啲鹽.

今日早收工，和同事一齊去食早餐吹吹水，就去經常去的天澤商場嘅佰份佰，因為早餐選擇都幾多下，一定有啱食嘅早餐。我選擇香煎雞扒配餐肉、太陽蛋跟茄汁烤焗豆，雞扒皮煎得脆脆地好香口，雞肉嫩滑，餐肉一早整定所以係凍😕蒜蓉方包又係凍，已經唔香脆，以前食物分量比較大啲，而家有啲縮水左。同事選擇香煎豬扒配煎蛋米缐，佢話豬扒煎得香，而且醃得好入味，米缐軟硬適中，整體唔錯。熱奶茶幾幼滑有茶香，幾好🙂

收工過去找男友，和他及父母隨便吃個飯。他選了蠔仔粥，我吃最愛點的海南雞飯。蠔仔粥 - 過咸，吃得出用的是雞湯，不是新鮮自制的上湯，沒有新鮮魚湯的清甜美味，只有咸字。蠔仔不多，差！海南雞飯 - 出奇地好味。雞鮮滑，去骨，醬汁都很好味，份量夠！讚！必試！

天水圍 銀座商場 新開的！.我第一次惠顧百份百是吃下午茶餐 — 炸雞脾！.炸雞脾 薯條 放在一個木板上，賣相十分美觀，不像一般茶餐廳的膠碟。 雞脾雖然不是大大隻，但像剛炸起，好熱的，不可能即時大大口吃！ 當第一口吃時，有大的聲音，卜卜脆！ 皮好脆肉又嫩滑，不太鹹，味道一流。 凍檸茶普通。.我跟著去試午餐。點了— 犀飛利銀芽肉絲炒麵。.賣相特別，麵和醬汁是分開上碟。 我初初都覺得好，但開始進食時候就麻煩了。炸過的麵條堆砌一起，縱橫交錯，把它們混在一起處理上有點困難。 我吃了一半就沒有心機吃了！ 立即想起深水埗坤記的肉絲炒麵是我覺得最好吃的。.我推介吃炸雞脾。

焗豬扒飯千萬不要試。所有材料是預先煮熟然後放在一起。上面放很薄的芝士焗一下。豬扒又乾又硬，不是焗熟的，是預先已經炸熟的。飯的溫度唔熱，10分失望。大家樂的焗豬扒飯比他好食100倍。

今日專登第一次走去試下嘉湖銀座新開既百份百餐廳，點知落完單等左半個鐘以上，連單據、飲品、水都無比我地，心知不妙，諗住我落單係焗飯，可能要等啦，隔離枱食完再轉左另一圍我都未到，又無職員關心下你落左單未，因枱面無落單牌... 最後覺得唔對路，發現真係漏左，因食飯時間關係，即刻要走啦，職員話即刻幫我落返，無意思啦已經，後知後覺既餐廳！劣評！無下次啦！